Në analizën e tij të drejtpërdrejtë dhe pa filtra, Fundo solli në vëmendje disa zhvillime kyçe që kanë ndodhur në bashkinë e Tiranës, duke ngritur pikëpyetje serioze mbi mënyrën si merren vendimet, përfaqësimin real politik të disa figurave, dhe intrigat që po luhen në prapaskenë.

Ai hodhi dritë mbi përplasjet e brendshme, përpjekjet për të ruajtur pushtetin dhe përgatitjet për një tranzicion të mundshëm pas zgjedhjeve të ardhshme.

Elvi Fundo: “Gjithçka e kuptuam nga skema kur u shkarkua Alban Dokushi bashkë me Sara Goxhaj dhe u vendos Anduela Ristani, pra vetë kryetari i bashkisë sipas ligjit i takonte të emëronte pasardhësin e tij në detyrë, pas 24 orësh Rama e ndryshoi.

Unë personalisht nuk e kam parë kurrë Veliajn si pjesë të PS-së, fatkeqësisht më të njëjtin sy kam parë edhe Bashën kur ishte tek PD.

Këta individë kur i merr dhe i poston, koha, historia, politika shqiptare na ka mësuar se nuk lidhen dot me thelbin poshtë, pra nuk lidhen me origjinën politike të tyre.

Veliaj nuk ka ç’i bën Partisë Socialiste, ai do të luajë intrigat me Xhafajn, Bushkën apo të bëjë aleancë me Sinën, të ketë një kompetencë tek ata që dikush të flasë në parlament.

E mbani mend se kur fliste Xhafaj vinte e thoshte në parlament se këta drejtorë kanë bërë punë të mira, se ne kështu e ashtu, të njëjtën gjë po bën sot Veliaj i cili edhe pse është në burg nxjerr punët e mira që ka bërë në bashki, fundja atë detyrë ka pasur ai të bëjë punë të mira, jo të vjedhë para që t’i marrë Eriola e t’i kthejë në brekë.

Ky është ndryshimi i madh që kemi të bëjmë ne sot dhe lufta brenda partisë socialiste është shumë e ashpër.

Unë mendoj se është e ashpër, sepse pas zgjedhjeve do kemi një qeveri të re në rast se socialistët do të fitojnë, po luajnë që të kenë sa më shumë intriga brenda grupit parlamentar apo kandidatëve mes njëri-tjetrit duke e sulmuar nëpër portale përmes një gjuhe mjaft vulgare”.

The post Gazetari zbulon prapaskenat: Veliaj s’ka çfarë bën PS-së, ai do të luajë intrigat me Xhafajn, Bushkën apo të bëjë aleancë me Sinën appeared first on Albeu.com.

Përmes një njoftimi, PD bën të ditur se i pranishëm në shpalosjen e programit për Shqipërinë Madhështore, do të jetë edhe kryedemokrati Sali Berisha.

“Në ora 17:00, me prezencën e Kryetarit të PD, Prof. Dr. Sali Berisha, Partia Demokratike dhe ASHM shpalosin programin për Shqipërinë Madhështore 2025-2029 në Kuvendin Kombëtar tek Pallati i Kongreseve, Tiranë”, thuhet në njoftimin e PD-së.

Ditën e djeshme, PD hapi fushatën elektorale në Sheshin Nënë Tereza në kryeqytet, ku i pranishëm krah Berishës ishte edhe strategu amerikan Chriss LaCivita.

The post Aleanca “Shqipëria Madhështore” prezanton sot në orën 17:00 programin elektoral appeared first on Albeu.com.

Presidenti rus Vladimir Putin, homologu i tij kinez Xi Jinping dhe udhëheqës të tjerë shtetërorë nënshkruan dokumentet për pranimin e Bjellorusisë në samitin e SCO-së në kryeqytetin e Kazakistanit, Astana.

Presidenti i Kazakistanit Kassym-Jomart Tokayev, i cili kryeson SCO-në këtë vit, uroi liderin bjellorus Alexander Lukashenko, i cili konsiderohet si diktatori i fundit i Evropës.

Sipas televizionit shtetëror kinez, Xi e siguroi edhe një herë Putinin në takimin e tyre dypalësh se do të vazhdojë të punojë drejt një zgjidhjeje paqësore të luftës në Ukrainë.

Xi rikonfirmoi bashkëpunimin e Kinës me Rusinë, e cila pushtoi Ukrainën fqinje mbi dy vjet më parë.

Zëdhënësi i Kremlinit, Dmitry Peskov i përshkroi bisedimet me Kinën si shumë të suksesshme.

“Të dyja palët ranë dakord se negociatat në konfliktin për Ukrainën nuk kishin kuptim pa Rusinë”, tha Peskov në televizionin shtetëror rus.

Rusia nuk u ftua në samitin e paqes të iniciuar nga Ukraina në Zvicër në mes të qershorit. Kina, e cila ka paraqitur planin e saj të paqes për t’i dhënë fund luftës, gjithashtu nuk mori pjesë në takim.

Sipas Kremlinit, Putini diskutoi gjithashtu luftën e Ukrainës në Astana me homologun e tij turk, Recep Tayyip Erdogan, i cili ka vepruar vazhdimisht si ndërmjetës.

Erdogan ftoi sërish Putinin për të vizituar Turqinë. Turqia aktualisht nuk është anëtare e SCO-s.

The post Bjellorusia i bashkohet Organizatës së Bashkëpunimit Kino-Ruse të Shangait appeared first on Albeu.com.

Zyrtari paralajmëroi se çdo përdorim i armëve bërthamore nga Moska do të kishte pasoja të paprecedenta për Rusinë, shkruan Al Jazeera.

“Pothuajse me siguri do të kishte një përgjigje fizike nga shumë aleatë dhe potencialisht nga vetë NATO-ja”, tha ai.

Zyrtari shtoi se Moska përdori kryesisht kërcënimet e saj bërthamore për të penguar NATO-n dhe vendet e tjera që të hyjnë drejtpërdrejt në luftën e saj kundër Ukrainës.

The post NATO: Nëse Rusia përdor armë bërthamore, aleanca do të ndërhyjë appeared first on Albeu.com.

Letra e botuar në FT dhe e nënshkruar nga ish-ambasadori i SHBA-së në OKB Mark Wallace dhe Madeleine Joelson, dy zyrtarë të lartë në Programin e Demokracisë së Turqisë, i referohet ndër të tjera kundërshtisë së Turqisë në lidhje me pranimin e Suedisë dhe Finlandës në NATO dhe kritikon strategjinë e aleatëve, të cilët bënë kompromis me kërkesat e Rexhep Tajip Erdogan, për të hequr veton e tij.

“Problemi me këtë strategji është se shpërblen sjelljen e keqe të Erdoganit. Kjo do ta inkurajojë atë të shtyjë për më shumë lëshime herën tjetër që NATO-s të ketë nevojë për një votë unanime për t’u marrë me një krizë.

Çdo lëshim i nxjerrë nga Aleanca do të shihet si një fitore diplomatike nga Erdogan, duke e ndihmuar atë të sigurojë mbështetjen e brendshme dhe të ndihmojë ofertën e tij për rizgjedhje vitin e ardhshëm. E vërteta është se pazaret funksionojnë vetëm nëse je i gatshëm të largohesh.

Për sa kohë që Erdogani e di se anëtarët ngurrojnë të ndërmarrin hapin absolut për të hequr Turqinë, qoftë edhe përkohësisht, ai do të vazhdojë të ketë dorën e sipërme në negociata. Anëtarët e NATO-s tashmë e dinë se, ndërsa Turqia i përket NATO-s, Erdogan jo.

Ata duhet të jenë të përgatitur për të punuar drejt këtij qëllimi. Nëse rregullat e NATO-s do të amendoheshin për të lejuar pezullimin e përkohshëm të shteteve anëtare derisa liderët e tyre të ribashkoheshin me vlerat dhe interesat e Aleancës, atëherë Erdogan do të kuptonte perspektivën e pasojave reale ekonomike dhe strategjike për veprimet e tij”, theksojnë zyrtarët.

Më tej, ata u sugjerojnë anëtarëve të Aleancës, nëse duan të dalin fitimtarë në “Pazarin e Madh”, fillimisht të zbulojnë se ku janë daljet./albeu.com

The post Zbulohet letra, zyrtarët amerikane: Bëhuni gati të dëboni Turqinë nga Aleanca appeared first on Albeu.com.

Për herë të parë aleanca e mbrojtjes ka vendosur të flasë për ato që ajo ka quajtur ‘sfidat që Pekini paraqet për sigurinë, interesat dhe vlerat’.

Kjo deklarate e shefit të NATO-s, vjen pasi prania ushtarake e Kinës është rritur në skenën botërore.

Vendi lançoi kohët e fundit aeroplanmbajtësen e tij të tretë dhe më moderne, duke iu bashkuar një grupi shumë të vogël kombesh që janë të afta të vendosin në terren këto lloj anijesh.

Tajvani, një ishull në Detin e Kinës Lindore shihet nga Kina si pjesë integrale e territorit të saj.

Në vitet e fundit, zyrtarët e Pekinit kanë kërcënuar me veprime ushtarake nëse bëhen përpjekje për pavarësi.

Ndërsa theksoi se Tajvani nuk është anëtar i NATO-s, kreu i NATO-s pranoi se ajo që ndodh me ishullin “ka rëndësi për aleatët e NATO-s”.

Stoltenberg i bëri komentet gjatë një interviste me Frank Gardner të BBC-së, ku diskutoi gjithashtu për Kinën dhe zhvillimin e raketave hipersonike të Rusisë.

Të dy vendet kanë udhëhequr rrugën në zhvillimin e armëve, shkruan BBC./albeu.com

The post Shefi i NATO-s thirrje Kinës: Mjaft me kërcënime! Siguria e Tajvanit ka rëndësi për Aleancën appeared first on Albeu.com.

Sela tha se përballja është me një oponent normal dhe jo real.

“Pak më tepër se një vit kërkonin kryeministrin shqiptar. Tani koha është që të ju thoni me votë se ke rrejt e ke mashtruar dhe nuk meriton asnjë votë. Një gjë të jeni të sigurt, atë që e themi edhe e bëjmë. Kur ju thamë se do e bëjmë ligjin për shtetësi, ka pasur shumë skeptik. Por ne bashkë me këto deputetët, e bëmë edhe duke qenë në opozitë. E imagjinoni çfarë mund të bëjnë Aleanca dhe Alternativa kur të jenë në pushtet”, deklaroi Sela, përcjell SHENJA.

Ai ftoi kandidatët që të japin ofertë por edhe tua kujtojnë edhe të gjitha të pabërat të cilat ja kanë premtuar qytetarëve kandidatët më herët dhe që nuk i kanë realizuar.

Sela tha se pas zgjedhjeve lokale do të rrëzohet kjo qeveri.

“Sot duhet, ngase ky pushtet e shihni se ku na ka degdisur. Janë me qindra mijëra shqiptarë që na kanë ikur, ky është rezultat i tyre. Ne duhet t’i japim kësaj fund. Tani kemi mekanizma për ta mbrojtur votën. U themi atyre: larg duar nga dëshira për të sjellë ndryshimin, largu duart nga vota e pastër”, u shpreh Sela.

The post Ziadin Sela: Pas zgjedhjeve lokale do të rrëzohet kjo qeveri! appeared first on Albeu.com.