Një 18-vjeçare në Itali me të dashurin e saj, kanë qëlluar për vdekje babanë e vajzës pasi ai nuk aprovonte marrëdhënien mes tyre.

Sipas raportimeve, ata planifikonin gjithashtu të vrisnin dhe nënën e motrën e saj, që gjithashtu kundërshtonin marrëdhënien mes të dyve, sipas raportimeve nga Leggo.

Limata besohet se ka qëlluar 53-vjeçarin shtatë herë me një thikë gjuetie, teksa ishte duke fjetur në divanin e dhomës së ndenies.

Viktima fillimisht kishte mbijetuar dhe kishte arritur të lajmëronte të shoqen dhe bijën e tij që ato të shpëtonin veten, para se të jepte shpirt në spital disa orë më vonë.

Limata dhe i dashuri i saj u arrestuan në shtëpinë e saj disa orë pas krimit dhe kanë pranuar vrasjen gjatë marrjes në pyetje.

Përveç pranimit të vrasjes së Aldo Gioia, çifti thanë për mediat lokale se donin të vrisnin dhe nënën e motrën e adoleshentes, para se të arratiseshin së bashku.

Policia beson se ata kishin hartuar planin e tyre kohë më parë, madje do të simulonin një grabitje në shtëpinë e Elena për të mbuluar gjurmët e krimit makabër.

Oficerët thanë se vajza kishte lënë derën hapur duke pretenduar se po nxirrte plehrat, në mënyrë që i dashuri i saj të hynte për të vrarë babanë që flinte.

Policia beson se motivi i krimit të rëndë është se familja e Elenas kundërshtonte marrëdhënien e saj me të dashurin, sipas argumenteve të së përditshmes L’Occhio de Avellino.

Në kohën e arrestimit Limata rezultonte i papunë dhe kishte precedentë penalë për droga dhe dhunë ndaj personit.

Të dy të dyshuarit janë lënë në paraburgim teksa hetimet vazhdojnë. /TCH

The post 18 vjeçarja me ndihmën e të dashurit vret të atin që nuk aprovonte lidhjen appeared first on Albeu.com.