Saimir Taullau njihet si kundërshtar i përbetuar i Aldo Bares, ish-kreut të “bandës së Lushnjës”, që po vuan dënimin në qeli.

Vendimi është marrë nga gjyqtari Vladimir Cjapi.

Taullau ka qenë edhe më parë i hetuar gjatë operacionit Forca e Ligjit, ku OFL e procedoi pikërisht për pasuritë e pajustifikuara dhe që dyshohet se vijnë nga aktivitetet e paligjshme.

Prokuroria e Fierit, edhe më herët, në maj 2024, ka sekuestruar 6 pasuri të Saimir Taullaut dhe të afërmëve të tij, të cilat dyshohet se janë përfituar nga veprimtaria kriminale.

Saimir Taullau është një biznesmen nga Lushnja, teksa sipas organit të akuzës është i dyshuar për prodhim dhe trafikim të lëndëve narkotike. Familja e tij njihet si rivale e grupit të Aldo Bares në Lushnjë, teksa në vitin 2005 kanë ekzekutuar Baki Taullaun, vëllain e Saimir Taullaut.

Në muajin prill 2024, Saimir Taullaut i janë sekuestruar 4 pasuri, teksa në vijim të hetimeve i janë sekuestruar edhe 6 pasuri të tjera, në emër të shtetasve A.T. dhe V.T.

Sot Gjykata ka miratuar kërkesën e organit të akuzës.

Pasuritë që sekuestruar Prokuroria deri tani janë:

Pasuria nr. 1/527, ZK 8572, vol. 25, fq. 96, ndodhur në lagjen “Loni Dhamo”, Lushnje, e llojit “truall”;
Pasuria nr. 104/44, ZK 3268, vol 2, fq, 182, ndodhur në Savër, Lushnje, e llojit “arë”, me sipërfaqe 15,323 m2;
Pasuria nr. 857/28, ZK 2087, vol. 8, fq. 193, ndodhur në Karbunarë e Poshtme, Lushnje, looji “arë”;
Pasuria nr. 151/2+1-10, ZK 3266, ndodhur në Sauk, Tiranë, lloji “apartament”, me sipërfaqe 128 m2;
Pasuria nr. 102/22-16, ZK 3266, ndodhur në Sauk, Tiranë, lloji apartament me sipërfaqe 96.17 m2; dhe
Pasuria nr. 104/81+2-21, ZK 3266, ndodhur në Sauk, Tiranë, lloji “apartament”, me sipërfaqe 105.57 m2.

The post Gjykata pranon kërkesën e Prokurorisë, sekuestron pasuritë e Saimir Taullaut, armikut të Aldo Bares appeared first on Albeu.com.

“Kjo është një ndër seancat gjyqësore lidhur me kërkesën ligjore të Aldo Bares për ulje dënimi. I mbrojturi ka parashkruar një sërë kërkesash për ulje dënimi. Konstatojmë dhe vërejmë se nga Administrata e Burgjeve nuk i vihen në dispozicion aktet apo vlerësimi i sjelljeve. Sot, është shtyrë për shkak se paraqitja e provave ju vu vetëm Gjykatës dhe normalisht duhet koha e duhur. Ne i kemi adresuar prej kohësh administratës së burgjeve, për mosvënien në dispozicion të këtyre pamjeve me argumente paradoksale- tha avokati.

10 vite pas vendimit të marrë nga Apeli në 2012-ën, Gjykata e lartë, në dhjetor të 2022-shit, la në fuqi vendimin me burgim të përjetshëm. Gjykata e Lartë e kishte shqyrtuar një herë çështjen e Bares por ishte Gjykata Kushtetuese ajo që e ktheu për rigjykim për shkak se gjeti shkelje procedural. Ndërkohë nga avokati Oligert Kume ka thënë se trupa mbrojtëse e Aldo Bares do t’i drejtohet sërish Gjykatës Kushtetuese pasi sipas tij trupa gjyqësore e Gjykatës së Lartë që sipas tij ka marrë vendim të paligjshëm në Dhomën e Këshillimit, duke mos e respektuar një vendim të mëparshëm të Kushtetueses. Gjithashtu është depozituar ankesë në ILD për shkelje të ushtrimit të detyrës pasi nuk është zbatuar Vendimi nr 27 i vitit 2017 i Gjykatës Kushtetuese. Ai tha se do t’i drejtohen sërish Gjykatës Kushtetuese dhe nëse ajo nuk e merr në shqyrtim do i drejtohen Strasburgut.

“Në datën 22 dhjetor 2022 nga Gjykata e Lartë në dhomë këshillimi pa prezencë të palëve është marrë një vendim absurd juridik, sepse është shkelmuar vendimi i Gjykatës Kushtetuese i 2017 që urdhëronte Gjykatën e Lartë të merrte në shqyrtim dhe njëherë këtë çështjes duke mos i mohuar të drejtën palëve për t’u përfaqësuar dhe bërë një mbrojtje. Është përdhosur një vendim duke bërë një puç kushtetues sepse vendimet e Gjykatës Kushtetuese janë akte që detyrojnë çdo gjykatë t’i zbatojë.

Trupa gjyqësore që nuk kishte as kualifikimin e duhur për këtë çështjes, pasi dy prej anëtarëve nuk kanë pasur specializimin e duhur. Ata në një hark kohor të shkurtër kanë lënë në fuqi dënimin kapital. Në do të ndërmarrim hapat tona të nevojshme. Ne do të shkojmë sërish në Gjykatën Kushtetuese, do të njoftojmë edhe ILD-në dhe do të kërkojmë hetim disiplinor. Në Gjykatën Kushtetuese do kërkojmë sërish rrëzimin e vendimit të Gjykatës së Lartë pasi na janë mohuar të drejtat për mbrojtje, të pavlefshmërisë së provave. Nëse Gjykata Kushtetuese nuk do ta marrë në shqyrtim do t’i adresohemi Gjykatës së Strasburgut për të drejtat e njeriut”, deklaroi avokati i Aldo Bares”, tha avokati i Aldo Bares.

Kujtojmë se Gjykata e Lartë ka lënë në fuqi vendimin për dënimin me burg të përjetshëm në shtator të 2022, për Aldo Baren, ish kreun e bandës famëkeqe të Lushnjës. Ky vendim erdhi 10 vite pas vendimit të marrë nga gjykata e Apelit në 2012-tën. Bare bëri rekurs të vendimit me burgim të përjetshëm.

Gjykata e Lartë e kishte shqyrtuar një herë çështjen e Bares por ishte Gjykata Kushtetuese ajo që e ktheu për rigjykim për shkak se gjeti shkelje procedurale. Aldo Bare u arrestua në Turqi në vitin 2006. Ndërsa kërkesa për ekstradimin e tij drejt Shqipërisë u pranua në fundin e vitit 2009 kur ish kreu i bandës kriminale të Lushnjës mbërriti me charter në Aeroportin ndërkombëtar ‘Nënë Tereza’ nën mbikëqyrjen e forcave të shumta të sigurisë.

The post I dënuar me burg përjetë/ Aldo Bare kërkon uljen e masës për sjellje të mirë appeared first on Albeu.com.

Ndërkohë në dosjen e plotë të SPAK të siguruar nga TCH, evidentohen dhe bisedat mes Laert Haxhiut dhe Orgest Bilbilit, i dënuar përjetë po për të njëjtën ngjarje, teksa flisnin lidhur me vrasjen e Gerti Lala me pseudonimin ‘’Iriqi’’, pjesëtar i organizatës kriminale të drejtuar nga Aldo Bare.

Pjesë nga pretenca e SPAK:

Nga hetimet dhe shqyrtimi gjyqësor rezultoi e provuar se masakra e datës 11.10.2017 ka patur objektiv të vrasjes shtetasin Xhulio Shkurti.

Vrasja e mbetur në tentativë ndaj shtetasit Xhulio Shkurti, konkludohet se është kryer për hakmarrje referuar historikut të konflikteve midis familjeve të Xhulio Shkurtit dhe Laert  Haxhiut.

Kjo hakmarrje e ka zanafillën herët, pasi banda e Aldo Bares (Alfred Shkurtit) i ka djegur shtëpinë xhaxhait të të pandehurit Laert Haxhiut, shtetasit Shkëlqim Haxhiu, fakt që evidentohet qartë nga vendimi gjyqësor i formës së prerë nr. 61 datë 26.12.2017 i Gjykatës së Shkallës së Parë për Krime të Rënda Tiranë.

Në vijim në janar të vitit 2005, është vrarë djali i xhaxhait të Laert Haxhiu, shtetasi Klodjan Haxhiu. Pavarësisht faktit se kjo çështje është pezulluar për moszbulim autori, xhaxhai i  Laertit shtetasi Shkëlqim Haxhiu ka akuzuar për këtë rast bandën e Aldo Bares.

‘’…Gjithashtu është pyetur si deklarues babai i viktimës Shkëlqim Haxhiu, i cili deklaron se ka patur konflikt pronësie me të ashtuquajturin grupi kriminal i Alfred Shkurtit si dhe në vitin 1998 grupi kriminal i ka djegur edhe shtëpinë. Ai deklaron se para disa ditësh atë e ka kërcënuar shtetasi Ilir Sterku për një pronë e cila është ish hotele Myzeqeja. Gjithashtu Shkëlqim Haxhiu deklaron se vrasjen  e djalit të tij e ka bërë grupi kriminal i Alfred Shkurtit. Po Ashtu dëshmitari Haxhi Qamili në seancë gjyqësore dëshmoi se nipi i tij është vrarë  nga banda e Aldo Bares.”

Kjo hakmarrje ka filluar të faktohet në vitin 2010.

I pandehuri Laert Haxhia ka qënë i akuzuar së bashku me të pandehurin Orgest Bilbili, për ngjarjen e datës 08.07.2010  ku në lagjen ‘’Libohova’’ Lushnjë është vrarë me armë zjarri shtetasi Gerti Lala me pseudonimin ‘’Iriqi’’ si pjesëtar i organizatës kriminale të drejtuar nga Aldo Bare.

Për këtë ngjarje shtetasit Laert Haxhiu dhe Orgest Bilbili janë arrestuar si të dyshuar dhe më pas akuzuar dhe dërguar për gjykim, pasi gjatë hetimeve janë njohur nga nëna e viktimës, por më pas janë liruar pasi janë shpallur të pafajshëm me vendim të Gjykatës së Rrethit Gjyqësor Vlorë, për shkak të ndryshimit të thënieve gjatë gjykimit të nënës së viktimës.

Nga aktet e marra nga ky procedim, rezulton se janë kryer përgjime telefonike dhe ambientale midis të pandehurve Laert Haxhiu dhe Orgest Bilbili.

Nga këto përgjime dy të pandehurit flasin rreth ngjarjes në të cilën janë shoqëruar, shprehin siguri se do të dalin shumë shpejt, se me të dalë do ta marrin hak ndaj “plakës” (nëna e viktimës që ka njohur të pandehurin Orgest Bilbili i cili ka thirrur ‘’Laert shpejt dorezat’’), se  u nevojiten lekë për të dalë etj. Më konkretisht;

Laerti: …. Ta nxjerri  kështu ai ta hapi çantën ja ku i ke se thonë kështu këta ou se lek duan p…. e motrës  për lekë e bëjnë këta….Di shtyp kokën unë atyre kur të dal do t’ja q… motrën….ore që do të dal do dal unë s’të mban njeri brenda kur s’ke bërë gjë është muhabet kunji të na i ngecin ne……….I thashë atij shefit  të rendit ti sa merr ne muaj i thashë që i çon në shtëpi, unë i prish në ditë, tall k… ai më tha mu që je në bashkëpunim me tjetrin,

Orgesti: E ç’na bënë ne këta p… e motrës- të q…plakën

Laerti: Çe vret mendjen shumë ti na këtu u k…. e ke seriozisht ti,

Orgesti: Për plakën po e vras mendjen……unë s’kam asnjë provë asnjë gjë, kot me hamendje të plakës, ku më njohe ti ku më pe ti. Më tha bluzja e kuqe, tha ai e ku e pe ti ca pantallona kisha vesh, se di, po ça dini ju, ku e pe ti ca pantallona kisha veshur. Opo për të folur ja q….motrën unë po ishalla s’ja marrin për bazë plakës.

Laerti: …Në bashkëpunim e po do ta thoshte ajo ishte filani e kupton …do ta thoshte emrin tim…… na akuzojnë padrejtësisht kanë qenë dëshmitarë këta, kanë qënë ata, u çova në këmbë unë do të q,…..motrën ty i thashë asaj unë do të bjerë radha dhe ty i thashë

Orgesti: Ça thu……….

Orgesti: Më akuzonin mu për vrasje dhe nuk je ti, qysh

Laerti: …. ja shikoje…un ja q..motrën , e djeg komplet atë……

Orgesti: Po kur, apo na kanë në përgjim

Laerti: E të kisha bërë ou direkt brenda……..unë ja q… motrën atij sa të dal një çik .Unë e kam gjithë shtetin mik s’me rr… për këta të Lushnjës, këta janë kokmorr bëhen garipa nga Tirana ta marr unë avokatin, qysh e mban ti tjetrin pa asnjë lloj prove, plaka s’rri gojë mbyllur, qysh më akuzoke ti unë do t’ja q….motrën ti them nëse dal që këtu do ti djeg si familje si më akuzon plaka e tij …ai ma ka vra dhe mu çunin e xhajës pse se kapën këta.

Orgesti: ….. kur të dalim nga burgu dalim të keq fare ne….. do tu dali mendja kur të dalim nga burgu….

The post “E kam gjith shtetin mik”, përgjimet mes Haxhiut dhe Bilbilit: Asaj plakës ia q* motrën, do t’ia djeg familjen appeared first on Albeu.com.

Sipas policisë, nga një hetim i gjatë, është provuar se autorë janë tre personat me rrezikshmëri të lartë. Bëhet fjalë për Laert Haxhiun, Orgest Bilalin dhe Ardian Ahmetajt, ndaj të cilëve Gjykata e Shkallës së Parë e Juridiksionit të Përgjithshëm Fier, ka caktuar masat e sigurisë “Arrest në burg”, për autorët e kësaj ngjarjeje.

Si ndodhi vrasja në Lushnjë më 1 tetor 2019

Besmir Hida, 40 vjeç u qëllua për vdekje me breshëri kallashnikovi nga një person i maskuar teksa ishte duke pirë kafe në katin e dytë të një lokali në lagjen “Gafur Muça”, më 1 tetor 2019.

Hida ishte pronar i një pike grumbullimi mjetesh të përdorura në Lushnje. Mirëpo, emri i tij nuk ishte i panjohur për policinë. Pak kohë para se ta vrisnin, ai i kishte shpëtuar një tjetër atentati me eksploziv.

Hida e kishte parkuar automjetin e tij përballë banesës, ndërkohë që shpërthimi i fuqishëm kishte ndodhur kur pjesëtarët e familjes së tij kanë qenë në gjumë. Në atë kohë ai deklaroi në polici se nuk kishte probleme me asnjë.

Ndërkohë, Hida njihet po ashtu si daja i Zamir Latifit, i cili u ekzekutua rreth dy vite më parë në qendër të Lushnjës. Viktimë në këtë ngjarje mbeti dhe Jurgen Hoxha.

Zamit Latifi dhe Jurgen Hoxha u ekzekutuan në qendër të Lushnjes në 11 tetor të vitit të vitit 2017, ndërsa autorët ishin Laert Haxhia dhe Orges Bilbili.

Kush është Laert Haxhiu dhe Orgest Bilbili, saga e hakmarrjes me grupin e Aldo Bares

Laert Haxhiu është aktualisht në Greqi, ku është arrestuar nga policia greke pasi u kap me leje qëndrim të falsifikuar. Ai pritet të ekstradohet drejt Shqipërisë, pasi është dënuar me 18 vite burg për vrasjen e Zamir Latifit e Jurgen Hoxha dhe u plagosjen e Marjus Xhepexhiu e Bujar Turku si dhe ndaj tij gjykata ka caktuar arrest me burg për vrasjen e Hidës.

Orges Bilbili është bashkëpunëtor i ngushtë me Laert Haxhiun. Ai u arrestua gjatë periudhës së karantinës nga policia për masakrën e Lushnjës. Apeli i Gjykatës së Posaçme e ka dënuar me burg të përjeshtëm Bilbilin.

Por të rikthehemi sërish te Laert Haxhiu. Haxhiu është një ndër rivalët e Aldo Bares, që u është qepur nga pas ushtarëve dhe familjarëve të Aldo Bares. Haxhiu është i afërmi i Bledar Haxhiut, të ekzekutuar nga banda e Aldo Bares në vitin 1998.

Ai i cili thuhet se dorëzoi trupin e mikut të tij Artur Daja te banda e Aldo Bares kundrejt një marrëveshje me këtë të fundit, por që u ekzekutua në pritë prej ushtarëve të dërguar prej tij, por ku një ngjarje tjetër do të shërbente si pretekst që Laert Haxhiu të niste nga puna për eliminimin e bandës së Lushnjës.

Sipas dinamikës së ngjarjeve, hakmarrja thuhet se nis zanafillën pasi banda e Aldo Bares, dogji shtëpinë e Shkëlqim Haxhiut, xhaxhait të Laert Haxhiut, por hakmarrja e bandës së Aldo Bares ndaj fisit Haxhiu nuk do të ndalej këtu.

Në janar të vitit 2005, anëtarë të kësaj bande vrasin Klodian Haxhiun, djalin e Shkëlqimit, xhaxhait të Laert Haxhiut. Do të ishte kjo vrasje, nisja e një revanshi të përgjakshëm tashmë nga Laert Haxhiu, ku në qendër të breshërive të plumbave tanimë do të ishin anëtarë të bandës së Aldo Bares. I pari që do të ekzekutohej do të ishte Gerti Lala, anëtar i bandës së Lushnjës, që mbante pseudonimin “Iriqi”, i cili u ekzekutua më 8.07.2010, ku të arrestuar në lidhje me këtë krim, ishin Laert Haxhiu dhe Orges Bilbili, të cilët më pas u shpallën të pafajshëm dhe u liruan nga Gjykata e Rrethit Vlorë

Por ky do të ishte vetëm fillimi i një serie të gjatë dhe tragjike të aksioneve që Laert Haxhiu dhe grupi i tij do të ndërmerrnin ndaj anëtarëve të bandës së Aldo Bares.

Ajo që do të cilësohej si kapitulli më i përgjakshëm i gjithë kësaj dhune të pambarimtë gjaku, do të ishte “Masakra e Lushnjës”./albeu.com

The post Anëtar i bandës së Aldo Bares, si u vra Besmir Hida nga Laert Haxhiu dhe Orgest Bilbili, saga e hakmarrjeve të përgjakshme në Lushnjë appeared first on Albeu.com.

Konfiskimi i apartamentit u bë në vijim të veprimeve të thelluara hetimore dhe procedurale të kryera në kuadër të një procedimi pasuror të iniciuar ndaj 43-vjeçarit.

Kush është Julian Sulo?

Julian Sulo është një person i dënuar më parë për aktivitet kriminal. 43-vjeçari që ka një lokal dhe një lavazh në qytetin e Lushnjës, njihet edhe si “Juli i Pashakos”.

Ai ka qenë një nga personat e shoqëruar si të dyshuar për masakrën në Lushnjë, ku u ekzekutuan Jurgen Hoxha dhe Zamir Latifi, miq të nipit të Aldo Bares, Laert Haxhiut. Sula u vetëdorëzua në polici pas vrasjes së dy të rinjve por u lirua më pas për mungesë provash.

Ndërsa në 2018 ai është munduar të largohet me vrap në rrugicat e qytetit, në lagjen “Gafur Muço”, por u kap pas aksionit të policisë së Lushnjës dhe FNSH-ve të Fierit.

Një tjetër ngjarje është ajo e gati 6  viteve më parë, më 11 qershor 2016 kur Julian Sulo u plagos pas ndeshjes Shqipëri-Zvicër në një pikë bastesh, në lagjen “Skënder Libohova”.

Lokali në fjalë ishte në pronësi të Arjan Aliços, i njohur ndryshe si “Arti i Braçes” i dënuar më parë për vrasje dhe që njihet si një nga ushtarët e Aldo Bares. Ai u qëllua me thikë rreth 20 herë dhe me leva aq sa u la si i vdekur buzë rruge dhe u shpëtua nga një kalimtar i rastit.

Sulo nuk përmendi kurrë emrin e ushtarit të Aldo Bares si autor por Arjan Aliçko mori përsipër krimin dhe ndodhet në burg. Ndërkohë në 29 janar të 2018 banesa e Arjan Aliços në lagjen “18 tetori” të Lushnjës u qëllua me armë zjarri por nuk pati persona të lënduar./albeu.com

The post “Juli i Pashakos”, kush është biznesmeni që iu konfiskua apartamenti 120 mijë euro, konfliktet me “ushtarin” e Aldo Bares appeared first on Albeu.com.

Ai u njoh me akuzat ditën e djeshme në gjykatë si dhe me urdhër-arrestin e lëshuar nga Shqipëria.

Mëgjitjatë, Haxhiu i ka thënë Gjykatës së Janinës se në fakt ai nuk duhej të kthehej në Shqipëri pasi atij i rrezikohet jeta nga rivalët e tij që janë banda e Aldo Bares.

Gjykata i ka caktuar burg atij dhe gjatë kësaj kohe do të qëndrojë në burgun e Koridhalos, në Athinë. I pranishëm në sallën e gjyqit ka qenë edhe avokati i tij mbrojtës, ndërsa nga institucionet shqiptare pretendohet se procesi i ekstradimit do të jetë i mundshëm, edhe pse ne në fakt nuk e kemi një të tillë.

Ndaj Haxhiut ka dyshime të forta që ai është personi që organizoi sulmin fatal me armë ndaj të birit të Ramadan Shkurtit, personit që u vra në marsin e ’97-s, duke krijuar aty një prej bandave më famëkeqe në vend bashkë me rivalitetin mes palëve.

Ky rivalitet vijon sot e kësaj dite, ndërkohë që numri i të vrarëve mes tyre është me dhjetëra, beteja vazhdon prej më shumë se 26 vjetëve.

Ndërkohë, Gjykata e Janinës ka liruar nga tre akuzat në shtetin grek Laert Haxhiun dhe ka caktuar masën ‘arrest me burg’ me 40 ditë afat në lidhje me kërkesën e Shqipërisë për ekstradim. Ai u lirua nga akuzat në shtetin fqinjë, që ishin falsifikimi i pasaportës, kundërshtim me dhunë të punonjësve të policisë dhe kalim i paligjshëm i kufirit.

Një seancë e dytë pritet të mbahet në gjykatën e Janinës, me objekt shqyrtimin e kërkesës së palës shqiptare për ta ekstraduar atë në Shqipëri. Sipas të dhënave, një seancë e dytë do të zhvillohet në këtë gjykatë, me objekt shqyrtimin e kërkesës së palës sonë për ta ekstraduar atë në Shqipëri, shkruan panorama.

Arsyeja e qëndrimit të Haxhiut në Greqi, lidhet me faktin se ai kishte dy anëtarë të familjes së tij atje. 31-vjeçari u dërgua në një burg të Sigurisë së Lartë në Greqi, në Koridhalos dhe sipas të dhënave të medias greke Laert Haxhiu nuk i pranoi akuzat dhe nuk dëshiron që të ekstradohet por kërkon të qëndrojë në Greqi.

Çështja do të shkojë në këshillin e Apelit për të vendosur pro ose kundër ekstradimit të tij dhe më pas në Gjykatën e Lartë.

Laert Haxhiu dyshohet se ka qenë edhe autori kryesor i plagosjes me pistoletë të Saimo Xheliut, ngjarje e ndodhur me 25 shtator të 2016-s, ku po në të njëjtin vit ai ka tentuar që të ekzekutojë edhe nipin e Aldo Bares, Xhuljo Shkurti në qendër të Lushnjës. Ai është dënuar nga Gjykata e Lushnjës me 18 vite burg për vrasje të mbetur të tentative, dosje që sipas të dhënave është ende në Gjykatën e Lartë.

Ndërkohë, mësohet se SPAK i ka përcjellë materialet për 31-vjeçarin  Ministrisë së Drejtësisë ndërsa kjo e fundit përmes letërporosisë ia ka përcjellë drejtësisë greke.

Për masakrën e Lushnjës janë lënë në burg të përjetshëm Orges Bilbili dhe Anterio Kaloshi, ndërsa është ende në proces gjyqi për Laert Haxhiun.

The post Akuzohet për masakrën e Lushnjes, Laert Haxhiu refuzon ekstradimin në Shqipëri: Më rrezikohet jeta nga Aldo Bare appeared first on Albeu.com.

Kjo është hera e dytë që Bare, rrëzohet nga shkalla më e lartë e gjyqësorit. Një vendim i gjykatës kushtetuese më 8 shkurt të vitit 2017, se Aldo Bares, i është cënuar e drejta për proces të rregullt ligjor dhe i është cënuar e drejta e mbrojtjes së të gjykuarit, i dha të drejtën atij që ta ridërgonte sërish dosjen në Gjykatën e Lartë.
Referuar vendimit të 5 viteve më parë të Gjykatës Kushtetuese, dosja “Bare”, u kthye për rigjykim në Gjykatën e Lartë me arsyetimin e shkeljeve të rënda procedurale. Një ditë pas zbardhjes së vendimit, konkretisht më 28 mars të 2017, bare depozitoi rekursin. Për shkak të vakancave , shkarkimit të gjyqtarëve për shkak të vetingut, dhe stokut të madh të dosjeve, çështja u shqyrtua një ditë më parë nga anëtari i Gjykatës së Lartë, Ilir Panda la sërish në fuqi vendimin e apelit ndaj Bares.

Aldo Bare, është dënuar me burgim të përjetshëm për disa vrasje të kryera në Lushnje nga viti 1997 e në vazhdim. Sipas Prokurorisë pas vrasjes së vëllait të tij Ramadan Shkurti, Aldo Bare, ish-oficer i forcave speciale, vendosi të hakmerrej dhe krijoi një bandë kriminale, që kreu krime nga më makabret. Për disa vite me radhë, ai qëndroi në arrati dhe emri Aldo Bares renditej në listën e të shumëkërkuarve.

Në 2006, ai u arrestua në Turqi për t’u ekstraduar më pas drejt Shqiperisë tri vite më vonë. Pas një beteje të gjatë gjyqësore, Bare, u dënua përjetësisht. Ai u shpall fajtor për katër vrasje, dy tentativa vrasjeje, shkatërrim të pronës me zjarr, si dhe krijim të organizatës kriminale.

The post Gjykata e Lartë lë në fuqi dënimin me burg të përjetshëm për Aldo Baren appeared first on Albeu.com.

Shqyrtimi i kërksës ndaj Bares është shtyrë për shkak të dorëheqjes së njërit prej gjyqtarëve, pasi kjo çështje është shqyrtuar njëherë nga ai në kohën kur ka qenë gjyqtar në ish Gjykatën për Krime të Rënda. Gjykata e Lartë kishte vendosur datën 25 për shqyrtimin e kësaj kërkese në dhomë këshillimi nga anëtarët e GJL, Ilir Panda, Sokol Binaj dhe Sandër Simoni.

Kujtojmë se 5 vite më parë në vitin 2017, me vendim unanim Gjykata Kushtetuese, vendosi ta cilësojë si shkelje kushtetuse, faktin që gjykata e lartë e asaj kohe nuk shqyrtoi rekursin e Aldo Bares, i cili ankimoi vendimin e dënimit të tij. Në vendimin e 5 viteve më parë Gjykata Kushtetuese, thuhet se Gjyjata e Lartë ka shkelur ndaj Bares, të drejten e ankimimit dhe dosja u rikthye për rigjykim me arsyetimin e shkeljeve të rënda proceduriale. Por, pas dorëheqjes së gjyqtarëve tashmë Gjykata e Lartë do hedhë shortin për të përcaktuar anëtarin e tretë, e më pas do caktohet një datë ku Kolegji Penal do vendosë nëse do e kalojë apo jo këtë çështje në seancë plenare.

The post Aldo Bare kërkon rrëzimin e vendimit që e dënon përjetësisht, Gjykata e Lartë shtyn shqyrtimin e çështjes, arsyeja appeared first on Albeu.com.

Hoxha ka theksuar se atentati ndaj Kujtim Metës është në vazhdën e goditjeve që po ndodhin së fundmi në Lushnje. Sipas Hoxhës është një luftë e hapur mes njerëzve të Aldo Bares në Lushnje dhe grupit tjetër të Laert Haxhiut, Orges Bilbilit dhe Anterio Kaloshit. Policia ka mundur të arrestojë Bilbilin dhe Kaloshin, ndërsa Laert Haxhiu është i shpallur në kërkim si një nga 5 vrasësit më të rrezikshëm në Shqipëri.

“Ngjarja nga Kujtim Metës janë në vazhdën e goditjeve në Lushnje. Nuk është vetëm pazare, po ka një luftë të hapur që ka vite që vazhdon. Janë të rrethit të Aldo Bares. Dhe grupi tjetër të Laert Haxhiut, Orges Bilbilit dhe Anterio Kaloshit. Haxhiu është në kërkim dhe është etiketuar si një nga 5 vrasësit më të kërkuar në Shqipëri” tha Hoxha.

The post “Luftë e hapur mes dy grupeve në Lushnje”, Hoxha: Një prej tyre i etiketuar si një nga 5 vrasësit më të kërkuar në Shqipëri appeared first on Albeu.com.

“Duhet të keni pak durim për të marrë një përgjigje përfundimtare dhe do ta keni shumë shpejt. Një përgjigje e kemi pak a shumë që sot për Ervis Martinaj, por që Policia e Shtetit duhet të flasë me prova dhe shumë shpejt do ta kemi”-deklaroi kryeministri i Vendit, Edi Rama.

Lidhur me këto deklarata të Ramës, përmes një postimi Qyno shprehet se përgjigja për fatin e Ervis Martinajt është në xhepin e Edi Ramës, ndërsa policia pret “habere” nga njerëzit e oborrit të qeverisë.

“Pra, ky zotëria aktualisht e ka një përgjigje definitive, mbi fatin e Ervis Martinaj. Por sa të vijnë dhe ca prova në tavolinë, atëherë do shprehet Policia e Shtetit, nëse Martini është gjallë apo ka vdekur.

Shikoni se gjatë kësaj kohe, mos i ndryshojnë provat rrugës kryeministrit.

Dukshëm që me deklaratën e parë në fushatën elektorale në Lezhë, me të dytën para policëve të Shtetit, dhe sot me të tretën, këtë ngjarje dhe këtë personazh të biznesit dhe botës së krimit në Shqipëri, e ka kthyer çështje personale.

Njësoj siç dikur ktheu Sali Berisha në personale emrin e Aldo Bares, duke sulmuar politikisht përmes emrit të Bares, zyrtarë të PS të asaj kohe. Njësoj edhe Rama sot ka kthyer në personale emrin e Ervis Martinit, duke sulmuar politikisht segmente të caktuara të PD-së.

Njëherësh personalizimi vjen edhe për faktin se Martini dihet tashmë publikisht, që është kundër njerëzve të oborrit, me të cilët Rama ulet çdo ditë dhe flet për plane biznesi dhe baste sportive.

Gjallë apo vdekur Ervis Martini, kjo nuk ka shumë rëndësi për Ramën. Ai që sot e tha, se përgjigjia definitive, e cila i jep fund spekullimeve, është në xhepin e tij.

Por do bëhet publike sa të sjellin dhe ca prova tek Rama, njerëzit e oborrit që janë koordinatorë politikë tek Grupet Kriminale. Se realisht këtë ngjarje, po e hetojnë paralelisht biznesmenët e oborrit dhe policia. Por me sa duket, kjo e fundit përparimin e hetimeve, e ka shumë të ngadaltë në këtë drejtim. Policia ushqehet me infot e fundit nga njerëzit e oborrit të Ramës.

Avdylët e Shijakut, kanë të njëjtën përgjigje që ka dhe mban në xhep sot, Edi Rama. Policia jonë, di çfarë i thonë ata. Kur ti thonë ata që dil e thuaje kështu, do e thotë policia. Por sido që të jetë puna, në të dyja variantet si gjallë apo si vdekur, policia nuk di asnjë nga autorët.

Policia sot për sot, ka një përgjigje jo publike për gjithçka cfarë ka ndodhur me Ervis Martinin. Por s’di kush janë autorët e vrasjes ose anasjelltas inskenimit. Nëse do na thotë një version, duhet të na thotë dhe autorët. Rama dhe Patronazhistët e tij, i dinë të gjitha. Madje dhe targën e makinës së Drejtorit të Basteve”, shkruan ai./albeu.com/

The post Rama tha se policia ka një përgjigje për Ervis Martinajn, gazetari “zbërthen” deklaratën e kryeministrit: Njësoj si me Aldo Baren dikur appeared first on Albeu.com.