Ndërkohë media kosovare “Radio Evropa e Lirë”, ka bërë një profil të jetës politike të Albulena Haxhiut. Të cilin mund ta lexoni më poshtë:

Aktiviste politike, deputete, ministre e kryetare e Kuvendit, ky është rrugëtimi 16-vjeçar i Albulena Haxhiut, e cila nga 4 prilli është edhe ushtruese e detyrës së presidentit, për shkak të skadimit të mandatit të presidentes së deritashme, Vjosa Osmanit.

Haxhiu, 38-vjeçare, do të jetë në krye të shtetit, derisa për deputetët e legjislaturës së 10-të po rrjedh afati kushtetues – deri më 28 prill – që ta zgjedhin presidentin e ri.

Në të kundërtën, vendi duhet t’i mbajë zgjedhjet e parakohshme brenda 45 ditësh.

Sipas Kushtetutës, pozita e ushtruesit të detyrës së presidentit, “nuk mund të ushtrohet për një periudhë më të gjatë se gjashtë muaj”.

Pasi e pranoi detyrën pasditën e 4 prillit nga presidentja e deritanishme, Haxhiu tha se është e vetëdijshme për përgjegjësitë kushtetuese që sjellë kjo detyrë, megjithëse përkohësisht për të.

“Unë e kuptoj përgjegjësinë dhe obligimet kushtetuese dhe zotohem se do të veproj në përputhje me Kushtetutën dhe legjislacionin në fuqi”, tha Haxhiu teksa e pranoi detyrën.

Albulena Haxhiu është pjesë e partisë në pushtet, Lëvizjes Vetëvendosje (LVV), ndërsa kryetare e Kuvendit është zgjedhur më 11 shkurt, ditën kur është formuar edhe Qeveria e re.

Ngjitja e saj në këtë pozitë nuk ka qenë proces i lehtë. Ajo është propozuar për kryeparlamentare mbi 50 herë pas zgjedhjeve parlamentare të 9 shkurtit të vitit 2025, mirëpo nuk i ka siguruar asnjëherë votat e nevojshme.

Megjithatë, për disa muaj ajo e ushtroi pozitën e nënkryetares, deri në shpalljen e zgjedhjeve të parakohshme të 28 dhjetorit 2025.

Si njihet Haxhiu?

Me t’iu bashkuar Lëvizjes Vetëvendosje, Haxhiu është zgjedhur deputete e legjislaturës së katërt të Kuvendit të Kosovës në periudhën 2011- 2014.

Ajo ka qenë deputete shtatë herë radhazi, derisa në katër legjislaturat e fundit është emëruar në pozita tjera: ministre, nënkryetare e Kuvendit dhe kryekuvendare.

Si deputete, ajo e ka udhëhequr për dy mandate Komisionin për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit.

Më 2020, Haxhiu është emëruar ministre e Drejtësisë, dhe është riemëruar në atë pozitë edhe në Qeverinë e radhës të formuar më 2021.

Në zgjedhjet parlamentare të 9 shkurtit dhe 28 dhjetorit 2025, ajo ishte gruaja më e votuar – në procesin e parë zgjedhor i fitoi mbi 125 mijë vota, në të dytin mbi 174 mijë sosh.

Nga protestat në rrugë deri te Presidenca

Sa ka qenë në opozitë, Haxhiu është parë pothuajse gjithmonë në ballë të protestave të Lëvizjes Vetëvendosje, për çka është arrestuar disa herë.

Më 2018, pas një procesi disavjeçar, Haxhiu është dënuar me kusht nga Gjykata Themelore në Prishtinë për hedhje të gazit lotsjellës e pengim të personit zyrtar, veprime të cilët ajo dhe deputetë tjerë të Lëvizjes Vetëvendosje i ndërmorën për ta penguar ratifikimin e Marrëveshjes së demarkacionit me Malin e Zi dhe Marrëveshjen për Asociacionin e komunave me shumicë serbe.

Ajo u përfshi në tensione edhe në korrik të vitit 2023 sa ishte ministre e Drejtësisë.

Përgjatë një seance të Kuvendit, Haxhiu përplas fizikisht me deputetin e Partisë Demokratike të Kosovës, Mërgim Lushtakun, i cili gjuajti me ujë kryeministrin e Kosovës, Albin Kurti, teksa po fliste në foltore.

Më herët gjatë vitit, Gjykata Themelore në Prishtinë e ka refuzuar një aktakuzë ndaj Haxhiut, dhe disa ish-deputetëve tjerë, të cilët akuzoheshin për posedim të gazit lotsjellës në Kuvendin e Kosovës më 2016, duke i dhënë fund një procesi të gjatë gjyqësor.

Ushtruesja e detyrës së presidentit është e lindur më 11 maj 1987 në Prishtinë.

Studimet i ka përfunduar në Fakultetin Juridik të Universitetit të Prishtinës dhe në Universitetin e Evropës Juglindore, në drejtimin e të drejtës penale.

Haxhiu është e martuar me ish-anëtarin e LVV-së në Komisionin Qendror të Zgjedhjeve (KQZ), Alban Krasniqin, dhe i ka tre fëmijë./REL

The post Nga protestat e arrestimet në rrugë deri te postet e larta shtetërore/ Kush është Albulena Haxhiu, presidentja e përkohshme e Kosovës appeared first on Albeu.com.

Osmani uroi Haxhiun për zgjedhjen e saj në postin e kryetares së Kuvendit të Kosovës, si dhe nënkryetarët për përgjegjësinë e re që u është besuar. Ajo theksoi se Kuvendi është themeli i demokracisë parlamentare dhe institucioni ku materializohet vullneti i qytetarëve.

Presidentja gjithashtu shprehu besimin se udhëheqja e re do ta ushtrojë mandatin me përgjegjësi demokratike, në respektim të Kushtetutës dhe në shërbim të interesit të Republikës.

Në mesazhin e saj të postuar në Facebook, Osmani ritheksoi nevojën për bashkëpunim konstruktiv ndërinstitucional dhe për një Kuvend plotësisht funksional, në shërbim të forcimit të shtetit të së drejtës, stabilitetit demokratik dhe avancimit të agjendës euroatlantike të Kosovës.

Reagimi i Vjosa Osmanit:

Uroj znj. Albulena Haxhiu për zgjedhjen e saj Kryetare e Kuvendit të Republikës së Kosovës, si dhe nënkryetarët e Kuvendit për përgjegjësinë që u është besuar nga përfaqësuesit e zgjedhur të qytetarëve tanë.

Kuvendi i Republikës është themeli i demokracisë sonë parlamentare dhe institucioni ku materializohet vullneti i qytetarëve. Besoj fuqishëm se udhëheqja e re e Kuvendit do ta ushtrojë këtë mandat me përgjegjësi demokratike në respektim të Kushtetutës dhe me përkushtim ndaj interesit të Republikës së Kosovës.

Në këtë moment të rëndësishëm institucional, ritheksoj nevojën për bashkëpunim ndërinstitucional e konstruktiv dhe funksionim të plotë të Kuvendit, në shërbim të forcimit të shtetit të së drejtës, stabilitetit demokratik, mbrojtjes së vlerave tona shtetërore e historike dhe avancimit të agjendës sonë euroatlantike.

Uroj që ky mandat të shquhet për vendime të rëndësishme shtetërore, kulturë të lartë demokratike dhe angazhim të palëkundur në shërbim të qytetarëve dhe të Republikës sonë! Punë të mbarë dhe suksese në detyrën tuaj të lartë shtetërore!

The post Albulena Haxhiu u zgjodh Kryetare e Kuvendit të Kosovës/ Reagon Vjosa Osmani: Thirrje për bashkëpunim institucional appeared first on Albeu.com.

Fjalën e betimit e lexoi kryesuesi i seancës, Avni Dehari, ndërsa deputetët e pranishëm përsëritën pas tij: “Betohem”. Më pas, të gjithë deputetët e nënshkruan personalisht deklaratën e betimit.

Nënkryetarë u zgjodhën: Ardian Gola i Lëvizjes Vetëvendosje, Vlora Çitaku e Partisë Demokratike të Kosovës, Kujtim Shala i Lidhjes Demokratike të Kosovës, Emilja Rexhepi nga grupi multietnik dhe Sllavko Simiq i Listës Serbe.

Depuetët e pranishëm në sallë votuan me 104 vota për pesë nënkryetarët e Kuvendit. Kundër ishin 3, ndërsa 6 abstenuan.

Haxhiu ishte gruaja më e votuar në zgjedhjet e 28 dhjetorit. Më përpara ajo ka mbajtur postin e ministres së Drejtësisë për 4 vite.

Teksa mori fjalën në Kuvend, Haxhiu tha se besimin që iu dha për këtë post do ta kthejë me punë të përditshme, transparencë e përkushtim të plotë. Kryeparlamentarja tha se do të përpiqet që secili deputet ta gjejë hapësirën e vet me të njëjtin dinjitet e respekt.

“Sot e marr këtë detyrë më vetëdije të plotë me peshën kushtetuese që e mban. Këtë besim do ta nderoj me punë të përditshme, transparencë dhe përkushtim të plotë. Detyra ime do jetë që Kuvendi të funksionojë me dinjitet, transparencë dhe respekt të ndërsjellë, në përputhje me Kushtetutën, ligjet dhe praktikat parlamentare. Do përpiqem që secili prej jush ta gjej hapësirën e vet këtu me të njëjtin dinjitet dhe respekt, ngase një Kuvend funksional është parakusht për shtet të fortë dhe demokraci të qëndrueshme”, tha Haxhiu.

Kryetarja e sapozgjedhur shpalli të konstituuar institucionin ligjvënës, pas zgjedhjes së saj dhe të pesë nënkryetarëve. Ajo paralajmëroi gjithashtu për sot edhe një seancë tjetër, atë për votimin e Qeverisë së re të Kosovës.

Albulena Haxhiu ishte propozuar për kryetare Kuvendi nga Vetëvendosja edhe në legjislaturën e kaluar, nga zgjedhjet e shkurtit, por nuk mori votat e nevojshme. Moszgjedhja për disa kohë e kryetarit të Kuvendit dhe më pas nënkryetarit serb shkaktoi një ngërç disa mujor politik, që pasoi me mbajtjen e zgjedhjeve të parakohshme parlamentare më 28 dhjetor, ku LVV shënoi një fitore bindëse.

The post Konstituohet Kuvendi i Kosovës, Albulena Haxhiu zgjidhet kryetare me 66 vota pro, votohen edhe 5 nënkryetarët appeared first on Albeu.com.

Pas gati tri vjetësh, Kryeprokurori i Prokurorisë Speciale, Blerim Isufaj, e ka pranuar dje për herë të parë se ai kishte dhënë pëlqim për këtë çështje, derisa arsyet tha se s’mund të ndahen me opinionin.

Këtë deklaratë, Isufaj e dha në konferencën e fundvitit, ku shtoi se urdhërarresti i është rikthyer të njëjtit.

“Sa i përket tërheqjes së urdhër-arrestit për Radojiçiqin, ajo është çështje komplet e brendshme e Prokurorisë dhe të jeni të sigurt se ne nuk mund të ndajmë shumë detaje pë opinionin për rastet që ne i trajtojmë. Duhet ta dinë qytetarët e Kosovës se ai nuk ka qenë kurrë në paraburgim. Është tërheq për një kohë urdhërarresti, i cili në ndërkohë iu ka rikthy”, tha kryeprokurori.

Tutje, Isufaj tha se pa miratimin e tij, s’do të mund të tërhiqej urdhër-arresti.

“Pa miratimin tim, s’kish mujt me ndodhë. S’diskutohet kjo. Unë e kam dhënë pëlqimin, por arsyeja pse e kam dhënë, s’mund t’i bëj publike. Këto janë çështje të ndjeshme, çështje të hetimit. Nuk mundet me ditë opinioni secilën situatë, pse ne, çka bëjmë. Unë në fakt nuk preferoj me i komentu rastet që i kemi nën hetim. Megjithatë, po ka urdhër-arrest dhe ai urdhër-arrest është bërë me kërkesë të Prokurorisë Speciale, prej prokurorit përkatës”, shtoi ai.

Ai u pyet edhe për deklaratën e ish-prokurorit, Sylë Hoxha, i cili në “Pressing” të T7 kishte thënë se ka pasur njerëz që janë interesuar që Radojçiqit t’i largohet urdhër-arresti.

Hoxha nuk kishte përmendur emra apo funksione, duke thënë se kanë qenë njerëz jashtë sistemit.

”Unë kam thënë që kam pasur njerëz që janë interesu, a ka mundësi me ia largu urdhër-arrestin, me u kthy ai në Kosovë. Kanë qenë njerëz jashtë sistemit dhe jashtë politikës. Ju kam thënë që këta janë çështje ligjore dhe nuk ka mundësi me u largu”, ka thënë ai.

Për këtë deklaratë, Isufaj tha se është informuar nga mediat. Sipas tij, ish-prokurori Hoxha nuk e ka ndarë asnjëherë me të këtë informacion.

“Pyeteni atë kush i ka thënë. Nëse atij i ka thënë dikush, ai ka qenë prokuror, pse ai s’ka ndërmarrë. Unë këtë informacion e kam pa prej mediave, kurrë këtë informacion s’ma ka thënë mua. Ai ka qenë prokuror, ka pas mandat. Secili që ka shku e ka mujt me i thanë diçka ka mujt me arrestu. Nuk e di pse nuk e ka ba këtë punë, nëse ka qenë ashtu qysh e ka thënë ai”, deklaroi Isufaj.

Pas deklaratës së Isufajt, doli me reagim Ministrja Albulena Haxhiu. Ajo tha se po të mos hiqej urdhër-arresti, operimi i Radojiçiqit do të ishte krejt ndryshe apo edhe i pamundur në veri të vendit.

“Cenimi që Serbia për mbi 20 vjet i ka bërë rendit juridik dhe kushtetues në veri të vendit me në krye akter terrorist si Milan Radojçiq, veriu, siguria kombëtare nuk janë thjesht çështje të ftohta juridiko-penale të një prokurori apo kryeprokurori që me lehtësinë e botës thotë se vetëm ai i di arsyet pse i ka hequr fletarrestin dikujt si Milan Radojçiq. Dhe pikë, siç shprehet ai.

Po të mos hiqej fletarresti (mos)operimi i tij do të ishte krejt ndryshe apo edhe i pamundur në veri të vendit. Kur dikujt i hiqet fletarresti praktikisht i bie që diçka ka ndërruar për të mirë, por këtë vit nga ky person që ju hoq fletarresti u organizua tentim-aneksimi i veriut me 24 shtator 2023 në Banjskë të Zveçanit. A e ka të qartë ky kryeprokuror që kjo çështje është preokupim kombëtar e shoqëror dhe nuk ka këtu vetëm Pikë”, tha Haxhiu.

Në konferencën vjetore, Isufaj foli edhe për kritikat e kryeministrit Kurti, I cili e kritikoi Prokurorinë për mospunë lidhur me sulmin në Banjskë.

“Pyetjes për kryeministrin, as që dua ta komentojë sepse nuk është çështje e tij ngritja e aktakuzave, është qysh e sistemit të drejtësisë. Ne aktakuzat i ngrisim kur i kryejmë hetimet dhe nuk mund të na tregojë askush se kur ne duhet të ngrisim aktakuzat”, tha Isufaj.

Kurti iu kundërpërgjigj më vonë, duke thënë se është për t’u habitur fakti se edhe pse Radojçiq e ka pranuar pjesëmarrjen në sulm, ende nuk ka aktakuzë.

“Nuk e di a ndani edhe ju me mua habinë. Si është e mundshme që Milan Radojçiq e pranon që ka kryer krimin dhe nuk ka aktakuzë. Unë besoj që nuk duhet as me kry Fakultetin juridik e as nuk ka nevojë me pas Bachelorin, Masterin ose Phd dhe as nuk ka nevojë me qenë prokuror e as gjykatës por vetëm arsyeja e shëndoshë normale e qytetarëve të Republikës e identifikon një absurditet të tillë”, ka thënë ai.

Më tutje, Kurti deklaroi se informacionet rreth Banjskës që janë sjell nga AKI-ja dhe Policia e Kosovës janë enorme.

“Nga informacionet që ka sjellë AKI-ja, Policia e Kosovës dhe ju gazetarët, në Banjskë e rrotull Banjskës është enorm ndërkaq shumica dërmues e qytetarëve të Republikës nuk ia dinë emrin prokurorit që merret me rastin e Banjskës”, tha tutje ai. /Gazeta Express/

The post Tërheqja e urdhër-arrestit ndaj Radojiçiqit dhe mos ngritja e aktakuzës, Kurti e Haxhiu vazhdojnë përplasjet me Blerim Isufajn appeared first on Albeu.com.

Para se të vritej dje nga ish-burri i saj, Hamide Magashi, kishte kaluar nëpër rrugën që kalon pothuajse çdo grua që u vra viteve të fundit në Kosovë nga burrat. Prej muajsh, ajo e kishte denoncuar Sokol Halilin për dhunë dhe kanosje.

Vrasësi, edhe në këtë rast, nuk hasi në asnjë pengesë nga asnjë mekanizëm shtetëror, për ta kryer krimin në oborrin e Qendrës Klinike Universitare të Kosovës.

Ministri i Punëve të Brendshme, Xhelal Sveçla, ka reaguar me një postim në Facebook rreth vrasjes, 21 orë pasi u bë publike se ajo kishte ndodhur. Ai tha se është tronditur dhe se ka kërkuar raport mbi rastin.

“…që nga momentet e para e në vazhdimësi kam kërkuar raporte të detajuara mbi rastin dhe historikun që nga informata e parë zyrtare deri në momentin e aktit makabër”, ka shkruar ai.

Fatkeqësisht, historinë e tmerrshme të Hamide Magashin e mësuan të gjithë, por pasi ajo u vra.

Gjykata Themelore e Ferizajt dhe Prokuroria thonë se Policia e Kosovës e ka pasur detyrë ta zbatojë masën e urdhër-mbrojtjes, të lëshuar ndaj Sokol Halilit, që akuzohej për dhunë ndaj gruas së tij, të cilën e vrau dje.

Sveçla thotë se ka kërkuar të hetohet puna e policëve të përfshirë në trajtimin e këtij rasti.

“Në të njëjtën kohë kam kërkuar përfshirjen e Inspektoratit Policor të Kosovës për hetimin e punës, veprimeve apo mosveprimeve të zyrtarëve policorë të përfshirë në trajtimin e këtij rasti në secilën instancë. Pa asnjë dilemë, sapo të pranoj zyrtarisht raportet e kërkuara, do të merren të gjitha masat e nevojshme ndaj kujtdo që me apo pa vetëdije mund të jetë përgjegjës.

Deri të enjten pasdite nuk ka asnjë shkarkim dhe asnjë dorëheqje.

Pas vrasjes, çështja më e komentuar ishte një shkrim i çuditshëm i Kryeministrit Albin Kurti i publikuar dje në Facebook.

Po raportohej se vrasja ishte kthyer brenda një institucioni publik dhe institucionet shtetërore ishin të njoftuara me dhunën e mëhershme të vrasësit ndaj viktimës. Kryeministri i vendit kishte provuar që t’i jepte një përshkrim letrar gjithë asaj që kishte ndodhur.

Reagimin që e kishte titulluar “dy engjëj në qiellin e pistë”, Kurti e përfundonte me mendimet që mund t’i ketë “armiku” për “dy shqiptarë më pak”.

Një përshkrim të ngjarjes dhe specifikisht të repartit të Gjinekologjisë ia ka bërë edhe ministrja e Drejtësisë, Albulena Haxhiu.

“Gruaja që priste fëmijën të sillte në këtë botë, vritet nga burri i saj, në vendin ku lindin fëmijët e vendit tonë, ku gratë bëhen nëna, nga atje ku lindë një jetë e re. Me shpresën për një botë më të mirë”, thuhej në postimin e Haxhiut.

Si erdhi burri dhunues deri te vrasja?

Autoritetet e drejtësisë kanë nxjerrë raporte lidhur me rastin e Hamide Magashit. Krerët institucionalë tanimë e kanë “historikun e rastit”, të cilin Sveçla tha se e ka kërkuar.

Prokuroria Themelore në Ferizaj thotë se me datë 20 korrik 2022, ka pranuar kallëzim penal kundër Sokol Halilit nga komuna e Shtimes, për shkak të dyshimit se ai ka kryer vepër penale “Dhuna në familje”.

Më 9 gusht, është intervistuar e dëmtuarën Hamide Magashi, dhe ka udhëzuar palën e dëmtuar në prezencë të mbrojtësit të viktimave nga Zyra për Mbrojtjen e Viktimave që funksion në kuadër të Prokurorisë së Shtetit që të bëjë kërkesë në Gjykatën Themelore në Ferizaj, për marrjen e urdhrit mbrojtës.

Më 10 gusht të këtij viti, Sokol Halilit i ishte ngritur aktakuzë për kanosjen e Hamide Magashit.

Gjykata Themelore në Ferizaj më 13 shtator të këtij viti ka lëshuar aktvendimin për urdhër-mbrojtje. Prokuroria përmend se kompetent për zbatimin e urdhrit është Policia e Kosovës.

“Ky urdhër i është dorëzuar Qendrës për Punë Sociale në Lipjan dhe Policisë së Kosovës – Stacionit Policor në Lipjan dhe në bazë të këtij vendimi, kompetent për zbatimin e urdhrit mbrojtës ka qenë Policia e Kosovës”.

Nga Policia e Kosovës dhe nga Ministria e Brendshme akoma nuk është thënë asgjë rreth zbatimit të këtij urdhri.

Sipas ligjit, masa mbrojtëse e ndalimit të afrimit viktimës së dhunës në familje si dhe vartësit të tij/saj dhe personave tjerë nëse është e nevojshme, mund t’i shqiptohet personit i cili ka kryer dhunë në familje, nëse ekziston rreziku i përsëritjes së dhunës në familje.

Sokol Halilit i ishte shqiptuar kjo masë për gjashtë muaj.

Më 23 shtator, Halili, ishte shpallur fajtor për posedim të paautorizuar të armës. Siç njofton gjykata, ai i është shqiptuar dënim me gjobë.

Gazeta Express sot ka qëndruar te familja e gruas së vrarë dje në oborrin e QKUK-së. Siç thotë një nga motrat e viktimës, ajo priste të hynte në operim sot, më 1 dhjetor.

Familjarët janë shprehur të frikësuar se Sokol Halili, që është akoma në arrati, mund ta vrasë edhe dikë tjetër nga familja e tyre, pasi i kishte kërcënuar se do t’u hidhte “tri bomba” në shtëpinë e tyre në një fshat të Lipjanit. /Express

The post Askush nuk merr përgjegjësi për vrasjen e gruas shtatzënë në Kosovës, që ishte në “mbrojtje” të shtetit appeared first on Albeu.com.

“Ne jemi duke punuar për ta paditur Serbinë për krimet që ajo i ka bërë në Kosovë”, tha ajo.

Në lidhje me padinë, ministrja Haxhiu tha se padia për krime kundër Serbisë është në kompetencë të zyrës së Kryeministrit dhe po punohet në këtë drejtim.

“Nuk mund të jap detaje, sepse kjo është në kompetencë të zyrës së Kryeministrit. Por është duke u punuar në këtë drejtim. Është formuar edhe instituti për krime. Krimet e luftës nuk mund të amnistohen, dhe kjo s’ka lidhje me dialogun që po zhvillohet me Serbinë”, tha ajo në ATV.

Lidhur me reformat në drejtësi dhe avancimin e legjislacionit, Ministrja Haxhiu bëri të ditur se brenda këtij muaji Kodi i ri Civil, do të procedohet në kuvend.

“Ne besojmë se, do të votohet. Është një dokument shumë i rëndësishëm për vendin. Shpresojmë që deputetët do ta mbështesin! Po flas për shumicën, për disa deputet që të jemi shumë të unifikuar. Ky, është një hap i mirë edhe për anëtarësimin e Kosovës në Këshillin e Evropës”, ka thënë Haxhiu.

The post Kosova po përgatit padinë për Serbinë, Haxhiu: Është në zyrën e kryeministrit appeared first on Albeu.com.

Ajo është bërë pjesë si mysafire speciale e serialit vendor “Hetuesia”.

Ndonëse në sekuencë të shkurtër, Haxhiu e ka sfiduar veten si aktore në këtë serial.

Pjesën ku Haxhiu luan në këtë serial mund ta shihni nga 1:39 deri në 02:00.

The post Befason ministrja Haxhiu del në një serial televiziv (VIDEO) appeared first on Albeu.com.

Lajmin e ka konfirmuar drejtori i një klinike në Prishtinë, Jakup Ismajli.

“Albulena ka lindur sot rreth orës 08:39. Operimi ka shkuar mirë. Ka sjell në jetë një vajzë nga shtatzënia e tretë. Foshnja lindur tri kilogramë e 200 gram”, ka thënë Ismajli për Telegrafin.

Ministrja dhe bashkëshorti i saj, Alban Ismajli, kanë vendosur që vajzën e tyre të parë ta pagëzojnë me emrin Andrra. Çifti janë gjithashtu prindër të dy djemve më të mëdhenj.

The post Sjell në jetë një vajzë, Ministrja shqiptare bëhet nënë për herë të tretë (FOTO LAJM) appeared first on Albeu.com.