Sulmuesi kosovar Albion Rrahmani ka lënë gjurmë që në paraqitjen e tij të parë me fanellën e Venezias.

Në ndeshjen miqësore të fituar 4-2 përballë Dolomiti Bellunesi, Rrahmani gjeti rrugën e rrjetës duke konfirmuar menjëherë instiktin e tij të shënimit.

Goli erdhi në minutën e 88-të, si rezultat i një kundërsulmi të shpejtë, ku kosovari goditi fuqishëm me këmbën e djathtë dhe vulosi suksesin e skuadrës.

Tani ai e ndjen veten gati për sfidën e radhës në Serie A, ndërsa sezoni i ri nis me angazhime në Kupën e Italisë përballë Modenës dhe më pas në kampionat kundër Lecces.

The post Albion Rrahmani debuton me gol për Venezian appeared first on Albeu.com.

Albion Rrahmani është zyrtarisht lojtar i Venezia, pasi klubi italian konfirmoi afrimin e sulmuesit kosovar nga Sparta Praga për rreth 7.5 milionë euro, sipas raportimeve.

Me këtë lëvizje, reprezentuesi i Kosovës hedh një hap të rëndësishëm në karrierë, duke kaluar në Serie A, elitën e futbollit italian.

Venezia, e cila këtë sezon është pjesë e kategorisë më të lartë në Itali, bëri të ditur se transferimi i Rrahmanit është realizuar në mënyrë përfundimtare dhe se lojtari ka firmosur kontratë deri më 30 qershor 2029.

“Venezia FC njofton nënshkrimin e përhershëm të sulmuesit Albion Rrahmani nga Sparta Praga. Sulmuesi kosovar ka nënshkruar një kontratë me Arancioneroverdi deri më 30 qershor 2029”, thuhet në njoftimin e klubit italian.

Sa i përket përfitimeve financiare, Rrahmani pritet të marrë rreth 1.4 milionë euro në vit, pa llogaritur bonuset që mund të shtohen në varësi të paraqitjeve të tij individuale dhe rezultateve të skuadrës.

Nga kjo shumë, sulmuesi kosovar do të arkëtojë afro 116 mijë euro në muaj, rreth 27 mijë euro në javë dhe afërsisht 3.8 mijë euro në ditë.

Kalimi te Venezia i hap Rrahmanit mundësinë për të treguar cilësitë e tij në një nga kampionatet më të forta të Evropës, ndërsa pritet të ketë një peshë të rëndësishme në fazën sulmuese të ekipit italian.

The post Paga e Albion Rrahmanit te Venezia: sa do të përfitojë në ditë, javë, muaj dhe në vit appeared first on Albeu.com.

Albion Rrahmani është zyrtarisht futbollist i Venezia, pasi klubi italian konfirmoi transferimin e sulmuesit kosovar nga Sparta Praga.

Me këtë lëvizje, reprezentuesi i Kosovës hedh një tjetër hap të rëndësishëm në karrierë, duke kaluar në elitën e futbollit italian, Serie A.

Venezia, skuadra e promovuar këtë edicion në Serie A, bëri të ditur se ka siguruar shërbimet e Rrahmanit nga klubi çek, ndërsa lojtari ka firmosur kontratë trevjeçare.

“Venezia FC njofton nënshkrimin e përhershëm të sulmuesit Albion Rrahmani nga Sparta Praga”.

“Sulmuesi kosovar ka nënshkruar një kontratë me Arancioneroverdi deri më 30 qershor 2029”, thuhet në njoftimin e klubit italian.

Pas firmës, Rrahmani deklaroi se është shumë i lumtur dhe se pret me padurim nisjen e kësaj aventure të re.

“Venecia është një klub me një histori të pasur dhe një vizion shumë ambicioz për të ardhmen. Patëm disa biseda dhe mbeta vërtet i impresionuar nga vizioni i klubit dhe qëllimet e tij”, ka thënë fillimisht Rrahmani.

“Të përfaqësosh një qytet kaq unik dhe prestigjioz, i mbështetur nga tifozë kaq të apasionuar dhe besnikë, është një burim i madh motivimi për mua”.

“Gjithmonë do të jap gjithçka nga vetja. Së bashku me shokët e mi të ekipit, do të luftojmë në çdo ndeshje për të arritur qëllimet tona dhe për t’u dhënë tifozëve tanë shumë për të qenë krenarë”, përfundoi sulmuesi kosovar.

Sipas raportimeve, kalimi i sulmuesit llapjan i ka kushtuar klubit italian 7.5 milionë euro.

The post Venezia zyrtarizon afrimin e Albion Rrahmanit në Serie A appeared first on Albeu.com.

Albion Rrahmani pritet të bëhet afrimi më i ri i Venezias, pasi sipas raportimeve nga disa media italiane, klubi italian ka gjetur akordin me Sparta Pragën për kalimin e sulmuesit kosovar.

Shifra e marrëveshjes është 7.5 milionë euro, ndërsa përmes bonuseve vlera totale e transferimit mund të arrijë deri në 9.5 milionë euro.

Në marrëveshje është përfshirë edhe një përqindje prej 10 për qind, që do t’i takojë Sparta Prague në rast të një transferimi të ardhshëm të futbollistit.

Rrahmani, që muajin e ardhshëm mbush 26 vjeç, u transferua te Sparta e Pragës dy vjet më parë nga Rapidi për shumën prej 5 milionë euro.

Gjatë sezonit me klubin çek, sulmuesi kosovar pati paraqitje shumë të mira, duke shënuar 16 gola dhe duke regjistruar katër asistime në 49 ndeshje zyrtare.

Ai u dallua edhe në Ligën e Konferencës, aty ku realizoi katër gola në 13 paraqitje.

Që nga debutimi i tij në shtator të vitit 2023, Rrahmani ka luajtur 25 ndeshje me fanellën e kombëtares së Kosovës, duke shënuar shtatë gola dhe duke dhënë një asistim.

Në anën tjetër, Venezia e siguroi rikthimin në Serie A pasi fitoi titullin në Serie B sezonin e kaluar.

Ekipi venecian, që udhëhiqet nga trajneri Giovanni Stroppa, po synon ta përforcojë ofensivën para fillimit të sezonit të ri në elitën e futbollit italian.

The post Albion Rrahmani pranë Venezias, mediat italiane zbulojnë shumën dhe kushtet e marrëveshjes appeared first on Albeu.com.

Venezia po përgatitet për sezonin e ardhshëm në Serie A dhe, pas disa përforcimeve me peshë, klubi italian është shumë pranë pritjes së një tjetër afrimi, atij të sulmuesit kosovar Albion Rrahmani.

Skuadra e Giovanni Stroppas ka lëvizur në merkato pas largimit të Doumbias te Sporting, duke sjellë në ekip Toma Basic, Mikael Ishak Helgason, Lisman, Armel Bella-Kotchap dhe Correia. Tashmë, fokusi i saj është vendosur te reprezentuesi i Kosovës, i cili ka kaluar dy sezone të suksesshme te Sparta e Pragës.

Për rrugëtimin e tij ka shkruar gjerësisht gazetari i njohur italian Gianluca di Marzio, i cili ka përmbledhur etapat kryesore të karrierës së Rrahmanit.

“Karrierën në futboll Rrahmani e nisi te Llapi, skuadra e qytetit të tij të lindjes, Podujeva, për të vazhduar më pas në disa ekipe të tjera dhe për t’iu bashkuar Ballkanit në vitin 2021”.

“I lindur më 31 gusht 2000, sulmuesi u dallua menjëherë në elitën e futbollit kosovar për shkak të lëvizshmërisë, aftësisë për të përdorur të dyja këmbët dhe forcës në lojën ajrore, pavarësisht gjatësisë së tij prej 188 centimetrash”.

“Ndonëse Superliga e Kosovës konsiderohet mes kampionateve me nivelin më të ulët në federatat e UEFA-s, Rrahmani la shenjë të fortë me Ballkanin, ku regjistroi 34 gola dhe nëntë asistime në 68 paraqitje, duke fituar dy tituj kampioni dhe duke u shpallur dy herë golashënuesi më i mirë i kampionatit”.

“Forma e tij e mirë bëri që Rapid Bukureshti ta transferonte në verën e vitit 2023 dhe edhe eksperienca në Rumani doli mjaft pozitive”.

“Në të vetmin sezon që luajti në futbollin rumun, Rrahmani shënoi 18 gola dhe dha gjashtë asistime në 29 ndeshje, edhe pse ekipi i tij e përfundoi kampionatin vetëm në vendin e gjashtë”.

“Verën e kaluar, Sparta e Pragës pagoi pesë milionë euro për kartonin e tij dhe sulmuesi kosovar e justifikoi shpejt besimin e klubit çek”.

“Ndeshjen e parë në kampionatin çek e luajti pikërisht në ditëlindjen e 24-t, të cilën vetë futbollisti e ka përshkruar si ditën më të bukur të jetës së tij deri tani, pasi e kurorëzoi me gol dhe asistim në fitoren 2-0 ndaj Kraloves”.

“Ai pati rol vendimtar edhe në përballjen kualifikuese të Ligës së Kampionëve kundër Malmos, përpara se të gjente rrugën e rrjetës edhe në fazën e ligës ndaj Feyenoordit”.

“Periudha e tij te Sparta e Pragës u mbyll me 26 gola dhe gjashtë asistime në 83 paraqitje, ndërsa tashmë sulmuesi kosovar duket gati për hapin e ardhshëm të karrierës: Serie A me fanellën e Venezias”, shkroi ai.

Ndërkohë, për ta finalizuar transferimin e Rrahmanit, Venezia pritet të paguajë rreth 7 milionë euro.

The post Gianluca di Marzio i kushton një profil Albion Rrahmanit: nga Podujeva te Venezia, sulmuesi kosovar pranë kalimit në Serie A appeared first on Albeu.com.

Venezia po i afrohet gjithnjë e më shumë një lëvizjeje të rëndësishme në merkaton e verës, teksa klubi italian është angazhuar fort për të afruar sulmuesin Albion Rrahmani.

Burimet bëjnë të ditur se mirëkuptimi me vetë futbollistin tashmë është arritur, ndërsa tani mbetet të përmbyllen vetëm detajet me klubin ku ai aktivizohet aktualisht, Sparta Praga.

Mbyllja e këtij operacioni pritet të ndodhë gjatë 48 orëve të ardhshme, ndërsa shuma e transferimit vlerësohet të jetë rreth 7 milionë euro.

Për skuadrën e drejtuar nga Giovanni Stroppa, Rrahmani konsiderohet si afrimi i parë në sulm, në një periudhë kur Venezia po tregohet mjaft aktive në këtë afat kalimtar, pas disa lëvizjeve dhe afrimeve të tjera në ekip.

Futbollisti kosovar, i lindur në vitin 2000, e ka ndërtuar hap pas hapi karrierën e tij, duke u spikatur fillimisht në futbollin e Kosovës me Ballkanin, ku u kurorëzua edhe golashënues dhe la gjurmë në garat evropiane.

Më vonë ai u transferua te Rapid Bukureshti dhe më pas te Sparta Praga, ku vazhdoi të konfirmojë potencialin e tij si një prej sulmuesve më premtues të rajonit.

Në rast se marrëveshja vuloset, Rrahmani pritet të ketë një rol të rëndësishëm në repartin ofensiv të Venezia-s për sezonin e ardhshëm.

The post Venezia arrin akordin me Albion Rrahmanin, vendimi final mbetet te Sparta Praga appeared first on Albeu.com.

23-vjeçari u fut nga stoli në minutën e 70-të, teksa në minutën e 83-të, shënoi golin e dytë për Spartën ndaj Malmos, duke hipotekuar kualifikimin e kampionëve të Çekisë në grupet e Champions-it.

Ky ishte debutimi i Rrahmanit me Spartën e Pragës, kujtojmë që sulmuesi u transferua në këtë merkato nga Rapidi i Bukureshtit.

The post Sulmuesi shqiptar futet nga stoli dhe shënon golin e kualifikimit në grupet e Champions-it appeared first on Albeu.com.

Tekniku italo-brazilian, Thiago Motta do të largohet drejt Juventus, ndërkohë që me valixhe gati është edhe Joshua Zirkzee, “ylli” i skuadrës, me “tulipanin” holandez, që pëlqehet shumë nga “Zonja e Vjetër”, por edhe “Djajtë” e Milan, teksa nuk përjashtohen as kalimi në Premier League apo rikthimi te Bayern.

Për këtë aryse, drejtuesit e Bologna kanë nisur nga puna për të gjetur zëvendësuesin e tij dhe në listën e dëshirave është edhe një shqiptar.

Bëhet fjalë për Albion Rrahmanin, sulmuesin e përfaqësueses së Kosovës, pjesë e Rapid Bucurest në Rumani.

“Dardani’ ka realizuar plot 19 gola këtë sezon me ekipin kryeqytetas me 23-vjeçarin nga Podujeva, teksa numëron edhe 5 asistime dhe falë këtyre performancave pozitive ka tërhequr vëmendjen e klubeve të ndryshme.

Benfica e monitoron prej kohësh, gjithashtu edhe Werder Bremen, por jo vetëm, pasi Rrahmani pëlqehet shumë edhe nga Bologna dhe sipas shtypit italian raporton se dyshja Sartori-Di Vaio po ndjekin me interes goleadorin e talentuar, për të cilin Bologna do të ishte një destinacion perfekt.

The post Ylli i skuadrës me valixhe në duar, Bologna kërkon “bomberin” kosovar appeared first on Albeu.com.

Interesant është fakti se te klubi italian është shfaqur interes për Armando Brojën dhe Albion Rrahmanin.

Broja nuk ka kaluar periudhë të mirë në Premier League këtë sezon, teksa e nisi te Chelsea dhe po e mbyll i huazuar për Fulham.

Në anën tjetër Albion Rrahmani ka spikatur me golat e shënuar për Rapidin e Bukureshtit.

Sezoni i vështirë që po kalon Napoli, ka bërë që drejtuesit të mendojnë ndryshime rrënjësore në verë.

Tashmë është koha për të parë cila do të jetë lëvizja në drejtim të sulmuesve shqiptar, pasi të dy janë nën kontratë.

The post Napoli “hedh sytë” nga sulmuesit shqiptarë, Broja dhe Rrahmani nën “radarët” e klubit italian appeared first on Albeu.com.

Albion Rrahmani ka impresionuar te Rapidi që në sezonin e parë duke shënuar 16 herë në 20 ndeshje.

Në media doli informacioni se Benfica e Lisbonës dëshiron ta transferojë atë dhe se po përgatit një ofertë prej tetë milionë eurosh. Ditët e fundit gazetarët gjermanë kanë folur edhe për interesimin e Werder Bremenit, skuadër që zë vendin e 11-të në Bundesligë.

Legjenda rumune, Mutu është shprehur i kënaqur me Albion Rrahmanin dhe për të thotë se është “numri 9” më i mirë në kampionatin elitar rumun.

“Mendoj se ai është një sulmues shumë i mirë. Mendoj se është “numri 9” më i mirë në kampionatin tonë. Mendoj se këtu më pak varet nga Rrahmani, por nga planet e ardhshme që Rapid ka bërë për të ardhmen”, ka thënë fillimisht Mutu për Digisport.ro, përcjell Telegrafi.

“Ju gjetët një sulmues si Dugandzic sezonin e kaluar, e keni Rrahmanin dhe mendoj se do të ishte mirë ta mbani atë. Edhe nëse Rapidi po kalon një kohë të vështirë dhe shumë njerëz prisnin që ekipi të ishte kampion ose të luftonte për titullin deri në fazën e fundit, mendoj se në përgjithësi është mirë në tabelë”.

Mutu është i bindur se Rapid ka fuqi financiare për të mbajtur Rrahmanin.

Rapidi shpenzoi këtë sezon gati shtatë milionë euro për transferimet e lojtarëve dhe Mutu është i bindur se Dan Sucu, aksioneri kryesor dhe Victor Angelescu, i cili zotëron 20 për qind të aksioneve, mund të përballojnë të mos shesin lojtarët e rëndësishëm. Madje ai i këshillon që ta forcojnë ekipin.

“Nuk mendoj se tani aksionerët e Rapidit kanë nevojë për ndihmë nga ana financiare. Përkundrazi, kanë mundësi ta mbajnë Rrahmanin. Dhe na duhet një shtytje për të sjellë lojtarë të tjerë pranë Rrahmanit që të mund të sulmojmë titullin vitin e ardhshëm”.

“Vetëm kështu mund të fshini kënaqësinë e tij për të luajtur në një kampionat si Bundesliga”, përfundoi legjenda rumune.

Ndryshe, Mutu është “i lirë nga kontrata” pas largimit nga CFR Cluj. Ai ka qenë edhe trajner te Rapidi, nga ku është larguar pak ditë para fillimit të këtij sezoni. Në vend të tij u soll Cristiano Bergodi. Trajneri italian u zëvendësua nga Bogdan Lobont, pas katër fazave të play-off-it. /Telegrafi/

The post “Mbajeni atë”, legjenda Adrian Mutu e konsideron Albion Rrahmanin si sulmuesin më të mirë në Rumani appeared first on Albeu.com.