Në drejtim të Kurtit dhe deputetëve të partisë Vetëvendosje janë hedhur fishekzjarre e mjete të tjera piroteknike ndërsa mbrojtja personale e kryeministrit ka reaguar menjëherë duke i mbuluar me çadra dhe duke i larguar nga ajo zonë.

Ngjarja ndodhi në hyrje të sallës ku do të mbahej takimi ndërsa nga personat e pranishëm janë dëgjuar thirrje të adresuara kundër qëverisë së Kurtit.

Në vendin ku do të mbahej ky takim elektoral, dhjetëra njerëz të grumbulluar kanë lëshuar thirrje “Na jena PDK, Thaçi – Thaçi” dhe “Albin hajni”.

Lidhur me këtë ngjarje ka reaguar ministri i Kulturës Hajrulla Çeku, i cili thotë se pavarësisht të gjithave, nuk do të ndalen deri në zgjedhjet e shkurtit.

“Disa qyqanë të orkestruar nga partia paskan tentu me e pengu tubimin e Vetëvendosjes në Skenderaj. Për çudi, komuna paralele e Serbisë atje nuk ju bënte fort përshtypje.

Harroni që na ndalni. Po thyejm bastione një nga një, cep më cep. Dje në Deçan, sot në Drenicë, e çdo ditë deri në 500 mijë zemrat e 9 shkurtit. Politika primitive nuk kalon”, shkroi Çeku në rrjete sociale.

The post Albin Kurti sulmohet me mjete piroteknike, dalin detajet e para appeared first on Albeu.com.

“Kosova nuk do të lejojë një Republika Sërpska brenda saj dhe e dimë mjaft mirë se Serbia e do pikërisht këtë. Serbia do një shtet të saj brenda Kosovës. Qëllimi i beogradid është destruktiv, nuk do asgjë për serbët e Kosovës, vetëm do diçka kundër nesh. Serbia që thotë se Kosova është shtet fals dhe kërkon Asociacionin, nuk është serioz. Po ta donte Asociacionin do ta njihte së pari Kosovën. Ata duan Asociacionin që Kosova të bëhet jofunksionale,” tha ai.

Krijimi i asociacionit është kushti që i ka vendosur presidenti serb Aleksandër Vuçiç, Prishtinës, për kthimin e zyrtarëve serbë në institucionet shtetërore. Kryeministri Kurti u ndal edhe te propozimi “franko-gjerman”, i cili sipas tij është një bazë e mirë që të arrihet marrëveshja pranverën e ardhshme.

“Ka elemente të reja në atë propozim dhe është bazë e mirë për të vazhduar bisedimet tona në një nivel të ri. Duhet të shohim se si do të shkojnë takimet e reja, për ta ditur se ku jemi. Pranvera është një periudhë e mjaftueshme për të normalizuar përfundimisht marrëdhëniet, nëse kemi vullnetin e mirë,” tha ai.

The post Kurti: Nuk do pranojmë krijimin e asociacionit të komunave serbe appeared first on Albeu.com.