Zëvendëskryeministri i parë i Maqedonisë së Veriut, Izet Mexhiti, i ka përcjellë urimet Albin Kurtit pas rikthimit në detyrën e Kryeministrit të Republikës së Kosovës.

Në një mesazh të publikuar në Facebook, Mexhiti nënvizoi se bashkëpunimi dypalësh mes Kosovës dhe Maqedonisë së Veriut duhet të vijojë, veçanërisht përmes projekteve të përbashkëta infrastrukturore dhe angazhimit për të ardhmen evropiane të rajonit.

Sipas tij, në ditët në vijim të dyja shtetet do të punojnë së bashku në të mirë të qytetarëve të tyre. Ai veçoi investimet infrastrukturore, të cilat, siç u shpreh, po i afrojnë dy vendet më shumë se më parë.

Në urimin e tij, Mexhiti e cilësoi Kurtin mik dhe i uroi sukses në mandatin e ri si Kryeministër i Republikës së Kosovës. Ai shprehu bindjen se Kosova dhe Maqedonia e Veriut do të vijojnë një bashkëpunim të frytshëm, me vëmendje te projektet e përbashkëta që forcojnë lidhjet mes tyre dhe te ndërtimi i së ardhmes evropiane të rajonit.

Mexhiti theksoi gjithashtu se institucionet e qëndrueshme, të krijuara mbi vullnetin e sovranit, përbëjnë bazën më të fortë për një qeverisje të përgjegjshme, të vendosur dhe të guximshme, e cila synon ndërtimin e shtetit mbi themele të fuqishme e afatgjata.

Në të njëjtën kohë, ai deklaroi se Republika e Kosovës e ka mbështetjen e plotë të Maqedonisë së Veriut në këto momente që i konsideroi historike, veçanërisht për luftën çlirimtare mbi të cilën u ngritën themelet e Republikës së pavarur.

Zëvendëskryeministri shtoi se historia ka dëshmuar raste kur ligji është përdorur për të prodhuar vendime të debatueshme, por asnjë vendim i ndikuar politikisht nuk mund ta ndryshojë të vërtetën historike. Sipas tij, asnjë autoritet nuk mund ta zhbëjë përmes një akti juridik atë që një popull e ka arritur me sakrifica dhe vetëmohim.

The post Mexhiti përshëndet rizgjedhjen e Kurtit: Kosova dhe Maqedonia e Veriut do të thellojnë bashkëpunimin appeared first on Albeu.com.

Kryetari i Lidhjes Demokratike të Kosovës (LDK), Lumir Abdixhiku, ish-presidentja Vjosa Osmani dhe nënkryetari i LDK-së, Lutfi Haziri, kanë shkuar për të zhvilluar një takim me kryeministrin në detyrë, Albin Kurti.

Takimi pritet të nisë në orën 18:00, ndërsa raportohet se tema kryesore e diskutimit do të jetë zgjedhja e presidentit të ri të Kosovës.

Abdixhiku nuk është deklaruar para mediave pas nisjes së takimit dhe nuk ka zbuluar hollësi për emrin që mund të propozohet për postin e presidentit.

E pyetur nga gazetarët, ish-presidentja Vjosa Osmani është përgjigjur shkurt, duke thënë se do të flasin pasi takimi të ketë përfunduar.

Ky takim zhvillohet ndërkohë që subjektet politike po diskutojnë për arritjen e një zgjidhjeje lidhur me çështjen e presidentit, me synimin për të parandaluar thellimin e mëtejshëm të ngërçit politik.

The post Takimi mes Kurtit dhe Abdixhikut, Osmani: Do të flasim pas përfundimit appeared first on Albeu.com.

Sipas njoftimeve zyrtare, Kos do të pritet fillimisht nga ushtruesja e detyrës së presidentes së Kosovës, Albulena Haxhiu. Takimi është parashikuar të mbahet në orën 10:00.

“Ushtruesja e Detyrës së Presidentes së Republikës së Kosovës, Albulena Haxhiu, pret në takim Komisioneren Evropiane për Zgjerim, Marta Kos”, thuhet në njoftimin e Presidencës.

Më pas, komisionerja europiane do të zhvillojë takim edhe me kryeministrin në detyrë të Kosovës, Albin Kurti, në orën 10:45.

“Kryeministri në detyrë i Republikës së Kosovës, Albin Kurti, pret në takim Komisioneren e Bashkimit Evropian për Zgjerim, Marta Kos”, thuhet në njoftimin e qeverisë.

Kjo vizitë shënon udhëtimin e parë zyrtar të Marta Kos në Kosovë, që prej marrjes së detyrës si komisionere për zgjerim në vitin 2024.

Ajo kishte planifikuar të vizitonte Kosovën më 12 mars, por vizita u anulua për shkak të zhvillimeve politike të asaj periudhe, kur presidentja Vjosa Osmani kishte nxjerrë dekretin për shpërndarjen e Kuvendit të Kosovës.

The post Marta Kos për herë të parë vizitë në Kosovë, takim me Albin Kurtin dhe Albulena Haxhiun appeared first on Albeu.com.

Osmani, në mbështetje të kompetencave të saj kushtetuese, ka nënshkruar sot Dekretin, me të cilin mandaton Albin Kurtin për formimin e Qeverisë së Republikës së Kosovës.

Ky vendim, është marrë pas propozimit zyrtar të partisë Lëvizja Vetëvendosje, e cila ka fituar numrin më të madh të ulëseve në Kuvend nga rezultatet e zgjedhjeve të mbajtura me 9 shkurt të këtij viti.

Sipas Kushtetutës, mandatari për formimin e Qeverisë, z. Kurti, është i obliguar që jo më vonë se pesëmbëdhjetë (15) ditë nga dita e dekretimit, t’i paraqesë Kuvendit të Republikës së Kosovës përbërjen dhe programin e Qeverisë për miratim.

“Presidentja i ka uruar suksese Kurtit, kryeministër në detyrë, me shpresën që Republika e Kosovës sa më parë të ketë Qeveri me mandat të plotë kushtetues”, shkruhet në mesazhin e presidentes Vjosa Osmani në facebook.

The post Presidentja Vjosa Osmani mandaton Albin Kurtin për formimin e Qeverisë së Kosovës appeared first on Albeu.com.

Nënkryetari i Vetëvendosjes, Glauk Konjufca bëri prezantimin zyrtar të kandidaturës së Kurtit para Këshillit, duke theksuar legjitimitetin dhe nevojën për formimin e institucioneve të reja.

“Ne kemi Kuvendin dhe do ta bëjmë Qeverinë. E kur jemi te qeveria jonë e ardhshme, më lejoni ta propozoj për kryeministër kryetarin e LVV-së, Albin Kurti”, u shpreh Konjufca.

Glauk Konjufca, në mbledhjen e Këshillit të Përgjithshëm të Lëvizjes Vetëvendosje, ka thënë se kete vit kanë parë përpjekje më të rrezikshme për mosnjohjen e rezultatit zgjedhor.

Ai ka thënë se partitë politike të cilat e kanë shpallur veten kundërshtare të Lëvizjes Vetëvendosje, qysh prej certifikimit të zgjedhjeve janë munduar të thonë se vetëm një votë më pak se 50 për qind, dhe shteti mbetet pa Kuvend.

The post Krijimi i qeverisë së re/ Lëvizja Vetëvendosje propozon Albin Kurtin si kryeministër të Kosovës appeared first on Albeu.com.