VIDEO / Albin Berisha shënon dhe shpëton Petrolulin nga rënia

S SH — Sun, 05 May 2024 15:21:43 +0000

Sulmuesi Albin Berisha ka shënuar pas një kohe të gjatë në kampionatin e Rumanisë, gol që kishte shumë rëndësi për skuadrën e tij.

Të dielën, në ndeshjen e luftës për mbetje në Superligë e Rumanisë, Berisha shënoi për fitoren e Petrolulit ndaj Otelulit me rezultatin 2-1.

23-vjeçari në lojë hyri në minutën e 59-të, ndërsa shënoi golin e fitores në minutën e 80-të.

Golin e fundit, Berisha e kishte shënuar më 8 mars, por ky ishte shumë me vlerë.

Berisha ka tri gola në 13 paraqitje për Petrolulin, që siguron mbijetesën në Superligën e Rumanisë një javë para fundit.

Petroluli ka 29 pikë, ndërsa Voluntari ka 24 pikë dhe mban vendin e 13-të që ka pasojë rënien nga elita. /Telegrafi/

Albin Berisha gjen sërish golin me Petrolulin, por nuk arrin ta ndihmojë skuadrën e tij të marr pikë

S SH — Fri, 08 Mar 2024 20:42:06 +0000

Albin Berisha po vazhdon me formë të lartë në Rumani, që kur u transferua nga Ballkani në janar, duke gjetur golin e dytë këtë kampionat.

Sulmuesi 23-vjeçari shënoi golin e vetëm të Petrolulit në humbjen ndaj Sepsit në shtëpi me rezultat 2-1.

Berisha shënoi në minutën e 87-të, por Petroluli pësoi më pas në fund të ndeshjes.

Ky ishte goli i dytë në pesë ndeshje në kampionatin rumun, me Berishën që ka pasur performancë të mirë edhe në ndeshjet e tjera.

Kjo ishte ndeshja e fundit e kampionatit të rregullt dhe Petroluli do të luajë në grupin e mbijetesës.

Albin Berisha u transferua te Petroluli për afro 250 mijë euro në afatin kalimtar të janarit. /Telegrafi/