Në një intervistë të dhënë se fundmi, ai tregoi se ndarja e prindërve erdhi vetëm gjashtë muaj pas vdekjes së gjyshit të tij, një periudhë e rëndë për familjen.

“Nuk e kisha pritur. Nuk dallohej në shtëpi”, tha ai në ‘Grida Duma Podcast’, kur u pyet nëse kishte shenja të krizës në familje.

Sipas tij, i ati ishte një njeri korrekt dhe shumë gjakftohtë. “U çua një ditë dhe iku. Tha ‘nuk jam i lumtur, jam i lumtur diku tjetër’ dhe bëri zgjedhjen e tij. Kush jam unë ta gjykoj? Nuk po e gjykoj, thjesht po tregoj çfarë ndodhi”, u shpreh Albano.

Aktori rrëfeu se momenti më i vështirë ishte reagimi i rrethit shoqëror, pasi në vend të mbështetjes, ai u përball me pritshmëri të rënda për moshën që kishte.

“Vinin të gjithë dhe më thonin: ‘tani je burri i shtëpisë, duhet t’i vësh shpatullat shtëpisë’. Unë s’kisha mbushur 12 vjeç. Isha shumë i vogël për t’i vënë shpatullat shtëpisë. T’i vije shpatullat shtëpisë do të thoshte të filloje punë e të lije shkollën. Nuk kishte zgjidhje të mesme”, u shpreh Albano.

Ai u ndal edhe tek raporti me të ëmën, për të cilën tha se e konsideron jo vetëm si nënë, por edhe si mikeshë të ngushtë.

“I thashë: çfarëdo që të ndodhë, ne do jemi shokë të ngushtë derisa të vdesë njëri nga ne. Unë nuk do të të lë asnjëherë vetëm”, rrëfeu ai.

The post Albano Bogdo flet për divorcin e prindërve dhe ‘paktin’ me nënën: Babi u çua një ditë dhe iku, tha ‘nuk jam i lumtur’ appeared first on Albeu.com.

“Sot në mëngjes më tha mamaja… ‘Do shkosh tek ajo që e la Saliun në mes të katër rrugëve, kur i duhej më shumë?’”, rrëfeu ai, duke shkaktuar të qeshura në studio.

Ai shtoi se u përpoq t’i shpjegonte se politika “nuk funksionon kaq sentimentalisht”, por diskutimi nuk zgjati shumë. “Thjesht mu mërzit mamaja dhe iku nga dhoma,” tha aktori.

Situata u bë edhe më komike kur tregoi reagimin në shtëpi para se të nisej për në podcast. “I thashë të dashurës: ‘Më nxirr ndonjë gjë të vesh se do shkoj te podkasti.’ ‘Te kush podkast?’ te podkasti i Gridës. Ma hodhi kostumin dhe më tha: ‘S’ke kërkuar ndonjëherë rroba të të vesh unë… vetëm tani te Grida!’”

Bogdo ironizoi edhe ndarjet politike në familje: “Më thotë: ‘Shikoje atë të gjatin tënd sot.’ I them: ‘Një sekondë, pse është timi ai? Ku e gjeta unë?’”

Mes humorit dhe sinqeritetit, aktori tregoi se reagimi i familjes ishte më i fortë se çdo debat në studio. “Më bërtiti gjithë familja,” u shpreh ai, duke e kthyer episodin në një nga momentet më argëtuese të intervistës.

The post Albano Bogdo tregon “sherrin” me mamin për Grida Dumën: “S’të do se i le Saliun mes katër rrugëve” appeared first on Albeu.com.

Në një reagim të bërë në rrjetet e tij sociale, Deda shprehet se ndihet i keqardhur kur shikon që kolegu i tij “ka rënë në këtë derexhe”, duke i thënë se nuk ka nevojë të bjerë në këtë nivel të të folurit sepse ka talent dhe është i formuar, e se publikun e ka fituar me talent dhe mënyrën si ka tejçuar humorin tek ta.

Televizioni ka etikë thotë Juli, aq më tepër orari kur transmetohet.

“Kam parë shumë video virale të bëra kohët e fundit, ku në qendër të videove është kolegu im, që kam bërë humor. Me thënë të vërtetën më ka ardhur keq që e kam parë në atë derexhe fjalori, jo se unë jam ëngjëll në të folur, por ka një gjë, ekrani në përgjithësi ka një lloj etike. E kërkon një lloj etike, për të cilën unë tregoj kujdes.

Nuk jam kundër përmendjes së disa fjalëve tek tuk, aty ku shkon, rri fiks, por nëse bëhet qëllim në vetvete nuk është më art. Prandaj them që duhet të kemi shumë kujdes. Unë personin në fjalë e kam pasur koleg dhe e kam koleg, është shumë i talentuar, por kur e shikoj në këto lloj rrethanash them pse, arsyet pse është në këtë derexhe.

Ti vëlla nuk ke nevojë të shkosh në këtë lloj niveli sepse ti ke talent. E ke fituar publikun me talentin dhe humorin tënd. E kuptoj kur je nëpër lokale, ose ambiente më intime, por në televizion, ka etikë, aq më tepër orari kur transmetohet”, tha ai.

@juldeda_

Me shume dashamiresi…!

♬ original sound – Jul Deda

The post VIDEO/ Jul Deda kritikon ashpër kolegun e tij: Më ka ardhur keq që ka arritur në atë derexhe appeared first on Albeu.com.

Asokohe, teksa ironizonte largimin nga muzika të Alban Ramosajt, Albano Bogdo e prezantoi këtë të fundit si “ai tipi që i *** motrën Donaldi në Big Brother”.

Kjo deklaratë erdhi pas pjesëmarrjes së këngëtares në BBV dhe lidhja që krijoi brenda shtëpisë me aktrorin Donald Veshaj, një marrëdhënie e cila përfundoi menjëherë pas mbarimit të BBV.

Së fundmi Bogdo u shpreh se i ka kërkuar falje publikisht, teksa ka tentuar edhe të komunikojë personalisht me të, por pa rezultat.

Ai është shprehur se atë kohë është konsideruar si njeriu më i urryer në Ballkan.

“Atëherë thash isha njeriu më i urryer në Ballkan sepse rastisi që në të njëjtën ditë që unë thash batutën, ai serbi bëri atë masakrën në Kosovë.

Nuk po merrej askush me atë, po merreshin me mua. Ishte i ekzagjeruar reagimi. Erdhi nga njerëz që s’kanë asnjë lloj…

Nuk është se çfarë the, është që e the në një moment që ata po kalonin aq shumë në jetë, dhe i preku aq shumë. Mua kjo më intereson, sa është prekur Albani dhe Beatriks.

Nuk kam komunikuar, por i kam kërkuar falje Beatriksës. I kam kërkuar ndjesë nga ana njerëzorë. Po të kisha mundësi të komunikoja nuk do t’i thoja në emision.

E kam kërkuar numrin e saj disa herë, por nuk ma dhanë. Mora vesh që ata po kalonin një periudhë të vështirë në jetën e tyre dhe vendosën të largoheshin nga Shqipëria.

Albani po jepte dorëheqje nga muzika shqiptare, të dy, dhe për të ikur më pas për një jetë më të mirë në Amerikë”, është shprehur Albano Bogdo në “S’e Luan Topi”.

The post “Isha njeriu më i urryer në Ballkan”, deklarata ofenduese për Beatrix Ramosajn, Albano Bogdo: I kam kërkuar falje appeared first on Albeu.com.

Ai u shpreh se Silvinjo është një trajner pa eksperiencë. Sipas Albanos në Europian nuk duhet të mungonte futbollisti Sokol Cikalleshi, teksa u shpreh se edhe golat fantastikë të Asanit janë si pasojë e ndihmës së madhe që i jep në fushë Cikalleshi.

“Në Amerikë ka 35 sporte të tjera më të rëndësishme se sa futbolli. Të gjithë futbollistët janë më të paguar se sa Ronaldo. Silvinjo është një trajner idiot komplet, nuk ka fituar kurrë asgjë dhe nuk ka eksperiencë. Shkon në Europian dhe nuk thërret Sokol Cikalleshin. Golat që ka bërë Jasir Asani nga jashtë zonës merri shikoi dhe kanë ardhur si pasoje sepse Cikalleshi vrapon pa top dhe merr dy qëndër mbrojtësit me vete. Asani del bosh dhe godet portën. Broja ka luajtur a ska luajtur 5 ndeshje se ka qenë i dëmtuar ose 10 maksimumi”, tha Albano Bogdo.

The post Albano Bogdo ‘shpërthen’ ndaj trajnerit të kombëtares: Silvinjo është idiot komplet appeared first on Albeu.com.

Daljet e tij pas përfudnimit të reality show-t kanë qenë të rralla, por nuk ka ndodhur e njëjta gjë me postimet e tij në rrjetet sociale.

Duket sikur Albano i dedikon dikujt Story-t e tij në “Instagram” edhe pse nuk ka zgjedhur të jetë konkret.

“Më besoni! Nuk flas dot. Po fola big big trouble (probleme të mëdha)”, shkruan aktori duke iu referuar fjalimit të famshëm të Jose Mourinho.

The post Nëse unë flas, ka probleme të mëdha/ Kë po “kërcënon” Albano Bogdo appeared first on Albeu.com.

“Thotë mamaja mos hajde në shtëpi pa fitore! Jemi mirë të gjithë, ashtu siç je dhe ti vëlla, të duam shumë, të përqafojmë! Ps. Pa merak fare”, shkruhej në banderolë të dronit.

Kjo surprizë ka emocionuar Albanon. Mesazhi në dron shkaktoi batuta tek pjesa tjetër e fermerëve, ku gjithashtu e përqafuan dhe i qëndruar afër Albanos.

Albano shpesh herë është suprizuar nga familjarët dhe miqtë e tij gjatë eksperiencës në fermë.

The post “Thotë mamaja mos hajde në shtëpi…”, Albano emocionohet pas dronit që mori nga familjarët appeared first on Albeu.com.

Gjatë një bisede me fermerët në “Ferma Vip”, Albano tregoi se ka qenë i fejuar 2 herë, megjithëse asnjëra nga lidhjet nuk ka përfunduar në martesë.

“Me të parën jam njohur që 19 vjeç kur kam ardhur në akademi. U fejuam kur isha 21 vjeç dhe u ndamë pas 7 muajsh mbasi u fejuam, isha akoma 21. Me të dytën isha 26-27 kur u ndamë, kam qenë 25 vjeç kur u njohëm”-tha Albano.

The post Albano Bogdo rrëfehet për jetën personale: Kam qenë i fejuar dy herë appeared first on Albeu.com.

Të qenurit i famshëm atë e ‘bezdis’ dhe është shprehur se nga fama ka kaluar në depresion dhe është hasur me ditë shumë të vështira në jetën e tij.

‘Jam lodhur! Sinqerisht unë kam kaluar depresion nga fama, nuk dua të jem i famshëm. Dua të bëj jetën time. Gjëja e fundit që dua në jetë është të bëj skupe dhe të vem kështu në qendër të vëmëndjes, sidomos për keq, mbas gjithë atyre viteve, të thonë vetëm gjëra të mira për punën, e papritur bëhesh njeriu negativ i kombit.’

The post Habit Albano: Kam kaluar në depresion nga fama, nuk dua të jem i famshëm appeared first on Albeu.com.

Albano Bogdo, është shprehur producenti i emisionit atëherë “Apartamenti 2XL”, Turjan Hysko, e kishte dërguar tek psikologia për të marrë ndihmë dhe më pas tek spitali i 5-sës.

Ai ka rrëfyer se fillimisht refuzoi të hynte në spital, pasi kishin frikë se do ta mbyllnin brenda dhe se herën e parë mjeku e vizitoi në makinën e Turjan Hyskos.

Gjithashtu, aktori u shpreh se herën e dytë që shkoi u fut brenda ambienteve të spitalit, teksa shtoi se “m’u mbushën sytë me lot, kuptova sa me fat jam, kisha sëmundjen më të lehtë nga të gjithë”.

“Më çoi Turi tek 5-sa. Fillimisht më çoi tek një psikologe, ajo e kuptoi që nuk me ndihmote dote me fjalë. E kutoi që më duheshin medikamente dhe i tha Turit që duhet ta çosh tek një psikiatër. Dhe më thotë Turi që ne nesër në mëngjes do shkojmë tek 5-sa.

Tek kush 5-së i them unë? Nuk shkoja.

Herën e parë që më ka vizituar doktori, ka zbritur poshtë dhe më ka vizituar tek makina e Turit. Futem aty brenda thoja? Të më mbyllni brenda dhe të mos më lini që të dal? Se isha me të vërtetë keq dhe thash se po më mbyllnin brenda me stil.

I thoja Turit se sa e kanë ngrënë kështu, por nuk njihja asnjë njeri.

Përpara se të dilnim dhe të flisnim në njerëzit që dalim në ekrane, 5-sa ka qenë e anatemuar, e demonizuar, aty brenda të lidhnin dhe unë kam qenë ndër të parët që pasi u vizitova në makinë se nuk doja që hipja lart nga këto gjëra që kisha dëgjuar për 5-ën që të rrahin, të lidhin, dhe këtu del 40-vjeç.

Herën e dytë që shkova, se kam bërë disa vizita që më diagnostikuan tamam, pashë që ishte spital si të tjerët. Pavioni ku ishin të shtruarit, nuk kishin ata që në kimi parë nëpër filma. Ishin njerëz me sëmundje mendore që duheshin kuruar në pavion dhe duheshin mbajtur 24 orë nën mbikëqyrjen e mjekut. Ishin njerëz fatkeq, që kishin tentuar vetëvrasjen apo njerëz me depresion të thellë.

Më tha mjeku që të futeshin në pavion për ta parë dhe mendova se mos ishte me të futur se dera e pavionit ishte me çelës. I thashë ka njerëz brenda? Më tha ka 20-njerëz brenda dhe e mbyllim derën se ku i dihet, se del ndonjëri jashtë dhe lëndon veten. Se të jetë ndonjëri nga këta që të kafshojnë, ne s’do linim kolegët brenda.

Kur u futa brenda pavionit, kuptova se sa me fat isha dhe mu mbushën sytë me lot. Kuptova që kisha sëmundjen më të lehtë nga të gjithë. Kisha depresion të thelluar, kisha bipolaritet dhe një kombinim sëmundjesh, që të japin atakët e panikut dhe ankthit.

Aty e kuptova që isha një kategori më e lehtë se të tjerët. S’e ka disa faza që mund t’i kesh këto”, deklaroi Albano.

The post Albano Bogdo rrëfen problemet me depresionin: Kisha frikë të shkoja në psikiatri, kuptova që… appeared first on Albeu.com.