“Ka disa lloje anemish. Anemi me mungesë të vitaminës B12 dhe acidit folik. Ka anemi të lindura apo ato që ne i themi anemi hemoglobinopati, të cilat nuk trajtohen me hekur. Ka anemi si rezultat i degjenerimit të shpejtë të qelizave të gjakut dhe kryesisht janë ato anemi që quhen hemolitike. Ka anemi si rezultat i sëmundjes së mëlçisë dhe veshkave. Pra, ka disa lloje anemish, por anemia më rutinë dhe më komune, por edhe më e thjeshtë për t’u trajtuar është anemia me mungesë të hekurit. Përqindja më e madhe e njerëzve janë femrat me cikël menstrual të shtuar. Femrat që kanë cikël të zgjatur menstrual dhe me sasi të shtuar fillojnë të bëjnë ulje të hekurit. Personat që kanë probleme me stomakun dhe me zorrët, personat që kanë ulcer mund të bëjnë hemoragji.

Një chek up rutinë që ne zbulojmë aneminë janë padyshim ato që ne quajmë parametrat e gjakut, ku ne shikojmë nivelin e homoglobinës, e cila duhet të jetë 14 dhe më e lartë te meshkujt dhe 14 ose mbi 12 te femrat”, u shpreh Daka.

Më tej, ajo u ndal edhe te ushqimet që duhet të konsumojnë personat anemikë, në bazë të subjektit të trupit të tyre.

“Salmoni është mbajtësi më i mirë i hekurit, së bashku me tonin dhe sardelet, por duke u shoqëruar hekuri dhe yndyrnat e pangopura që kanë efekte pozitive në organizëm. Përveç salmonit, janë padyshim edhe frutat e detit, por gjithmonë ne shikojmë edhe problemet e tjera. Për shembull një grua mund të jetë anemike, por mund të ketë yndyrna të larta. Në këtë rast ne nuk i përdorim frutat e detit.

Gjithmonë regjimi kombinohet në bazë të subjektit që kemi, sepse mund të jetë një fëmijë, një grua shtatzënë, apo një person anemik i kombinuar me një patolologji ankologjike. Do trajtuar subjekti në varësi të personit që kemi përpara”, tha ajo.

The post Gratë që vuajnë nga kjo sëmundje nuk duhet t’i fusin në gojë frutat e detit, sipas mjekes Albana Daka appeared first on Albeu.com.

Gjatë intervistës me moderatorin Alban Musa, Dr. Albana shpjegoi se është e rëndësishme të merret në sasi të moderuar pasi mund të shkaktojë probleme të tjera. Vaji i ullirit mbron sistemin tretës, sistemin kardiovaskular si dhe ul koleskterolin gjithmonë nëse merret në sasi të moderuar.

Sipas mjekjes, duhet treguar kujdes me sasinë dhe të mos merret më shumë se dy lugë në ditë.

“Sasia që duhet të marrim duhet të jetë e moderuar. Ka efekte pozitive mbi sistemin tretës. Është laksativ, parandalon gurët në vezikën e tëmthit, mbron mëlçinë. Nëse e marrim në sasi të ekzagjeruara jep dhjamosje.

Ka efekte pozitive mbi sistemin kardiovaskular sepse mbron enët e gjakut si dhe ul kolesterolin. Ka rreth 98 përqind yndyrna të pasaturuara ku futen acidet yndyrore dhe 2 përqind fenole apo hidrokarbure. Ka disa përbërëje që frenojnë rritjen e kolesterolit në gjak.

Ka efekte në fortësinë e kockës, parandalon osteoporozën dhe frakturat në moshat e treta. Përdoret për hidratimin e lëkurës. Trajton deri diku ekzemën dhe psoriasis dhe prandaj e gjejmë në produkte kozmetike. Për shkak të një përbërësi që ka vaji parandalon kancerin e lëkurës.

Nëse futemi në parandalimin e sëmundjeve malinje, është një nga produktet që paradalon këto sëmundje por kryesisht kancerin e lëkurës nëse ne përdorim produkte organike me bazë vajin e ullirit.”, tha Daka. Megjithatë, ajo tha se i duhet kushtuar rëndësi dhe cilësisë.

“Ndryshon dhe në varësi të aciditetit që ka. Vaji është më i mirë kur ka një aciditet jo më shumë se 08 përqind. Me rritjen e aciditetit dhe efektet pozitive, sidomos ato antioksiduese, ulen disi. Maksimalisht me cilësi të mirë është ai me aciditet jo më shumë se 08 përqind.”, tha Dr Albana.

Doktoresha shtoi gjithashtu se mund të përdorim dhe çajin nga gjethet e ullirit pasi trajton problemet reumatizmale por kanë efekt të mirë në uljen e sheqerit.

The post “Vaji i ullirit parandalon këtë lloj kanceri”, por mjekja Daka iu bën thirrje: Vetëm kaq lugë mund të konsumoni në ditë appeared first on Albeu.com.

“Që të kemi një zemër të shëndetshme duhet të kemi një një stil jete të shëndetshme që në fëmijëri. Sipas OBSH, një stil jete i shëndetshëm tregon se parandalon 1/3 të sëmundjeve të zemrës, si hipertensioni, dislipidemitë, që janë shkaktarët kryesorë të aksidenteve vaskulare.

Këto fatalitete përbëjnë 40-45 përqind të vdekjeve. Patologjitë e zemrës fillojnë pas dekadës së katërt dhe të pestë të jetës, kryesisht dislipidemitë, episodet me rritje të tensionit të gjakut. Sot po ulet mosha me nivele të larta të tensionit. Në pjesën më të madhe të rasteve, vjen nga stili shumë i çrregullt.

Për të parandaluar nivelet e larta të tensionit dhe dislipidemitë, të cilat për vite veshin enët e gjakut me pllaka yndyrore dhe shkaktojnë raste fatale të zemrës dhe trurit, duhet të fokusohemi te stili i jetës. Sipas OBSH, regjimi mesdhetar është ideali për të parandaluar këto sëmundje.

Nëse më parë shikonim një 60 vjeçar me probleme të hipertensionit, sot i shikojmë në mosha më të reja. Studimet tregojnë se janë rritur për shkak të stilit të pashëndetshëm, pa aktivitet fizik, ngase kemi yndyrna të larta dhe rritje të tensionit të gjakut në moshë të re si dhe probleme me sheqerin në gjak.”, tha ajo.

Dr. Albana theksoi se regjimi ushqimor ideal është ai mesdhetar.

“Duhen sa më shumë vakte me perime dhe fruta, në formën e perimeve krudo, të paktën një pjatë e parë si në drekë por dhe në darkë me perimet ku gatimi të jetë sa më i thjeshtë. Sa më pak kripë, me vaj ulliri por në sasi të moderuar. Sa më pak mish të kuq gjatë javës, të dominojë pula dhe peshku.

Kryesisht peshqit të jenë të vegjël sesa të mëdhenj për shkak të Omega-3 që përmbajnë. Sa më shumë bishtajore. Pra, një regjim mesdhetar është ideal për parandalimin e çdo sëmundjeje.”, tha Dr. Albana.

E pyetur nga moderatori Alban Musa për produktet që shqiptarët përdorin shumë por që janë të rrezikshme për shëndetin, mjekja përmendi mishin e kuq, bulmetrat dhe brumrat.

“Ne kemi një kuzhinë mikse mesdhetare dhe orientale. Kuzhina jonë dominohet nga mishi i kuq.

Duhet të jetë sa më pak në regjimin tonë por në fakt dominon. Sa më shumë miq të kuq, i gatuar pafund, aq më shumë i dëmshëm është ai. Dhe bulmetrat i kemi në të treja vaktet. Bulmetrat, mishi i kuq dhe brumërat dominojnë kuzhinën tonë.“, tha Dr. Albana.

The post I preferuari i shqiptarëve, mjekja Albana Daka: E konsumojmë pa kriter, pse ky ushqim është i dëmshëm appeared first on Albeu.com.

“Ka disa ndikime që kanë zorrët tek këndvështrimi i mirëmbajtjes së trurit. Së pari truri ka disa hor mone apo neurtransmetues që mbajnë mirëqenien e sistemit nervor dhe më kryesori është serotonina.

Por në fakt prodhohet 90 përqind në zorrë dhe 10 përqind në trurin në kokë. Sa më vitale dhe e shëndetshme të jetë zorra, aq me nivele të larta të prodhuar të serotoninës kemi në zorrë dhe aq më aktiv është truri.

Që zorra të prodhojë serotoninën duhet të ketë dy komponentë kryesorë: Duhet të ketë popullatën e vet ose flora e zorrës e cila dhe nga këndvështrimi i qelizave është shumëfish më e madhe se qelizat tona trupore dhe ushqimi që i çojmë zorrë, të dyja ndikojnë në shëndetin e zorrës.

Nëse kemi këtë popullatë të zorrës që e mirëmbajmë, pra prodhimi i florës së zorrës fillon që në jetën tonë fektale.

Gjate lindjes fëmija merr florën që i duhet, kur lind me operacion nuk merr florën që i duhet dhe mikrobet që i gëlltit me lëngjet, prandaj fëmijët që lindin me prerje cesariane apo me operacion kanë dhimbje barku apo problematika më shumë së fëmijët me lindje natyrale. Pastaj flora e zorrës fillon të prodhohet nga organizmi deri në rininë tonë të hershme dhe mirëmbajtja e saj është duke i çuar ushqimin e duhur dhe duke mos marrë terapi të shumta me antibi otikë kur janë të panevojshëm. “, tha Daka.

Cilat janë ushqimet që ndihmojnë në rritjen e florës bakteriale? “Ka një grup ushqimesh që i çojmë zorrës prebiotikë për mikrobet e mira, si kosi, kefiri apo ushqime të fermentuara kanë prebiotikë që janë ushqim shumë i mirë për mikrobet.

Por duhet të sigurohemi që kemi mikrobet pastaj t’i ushqejmë Personave mbi 35-vjeç iu japim florë bakteriale si suplement minimalisht 3 muaj në vit kryesisht gjatë muajve të ftohtë kur dhe përthithja e zorrës është më e mirë”, u shpreh mjekja.

The post Mjekja e njohur: Shtojeni në vaktet tuaja këtë ushqim, rrit përformancën e trurit dhe mban të shëndetshme zorrën e trashe appeared first on Albeu.com.

“Ushqimi i një gruaje shtatzënë gjatë muajve shtatzënë së pari si çdo personi tjetër duhet të ketë sa më shumë lëngje të pranishme në regjimin e vetë ushqimor. Lëngje që duhet të jenë të shoqëruar nga mëngjesi deri në faktin e fundit që është darka. Lëngu kryesor është padyshim uji, por lëngje të tjera që mund të marrim janë në formën e suprave, pra ushqimet të jenë të lëngshme, jo të thata. Pra, në formën e smoothie, nuk rekomandojmë shumë lëngjet e frutave te gratë shtatzëna, por edhe në personat e tjerë, pasi ne kemi thënë që nqf se marrim vetëm lëngjet e frutave, në fakt i marim vetëm ujin dhe fruktozën që përmbajnë frutat, por nuk i marrim fribat dhe vitaminat, të cilat i lëmë te ana tjetër e shtrydhëses. Pra, frutat duhet t’i marrim në formën e tyre të plotë ose në formën e smoothie.

Ne në shtatzëni priremi sa më shumë të kemi një regjim ushqimor me sa më shumë fibra, por gjatë shtatzënisë një nga fenomet më të shpeshta është kapsllëku, sidomos në tremujorin e fundit të shtatzënisë. Për ta bërë këtë më lehtë, ushqimi duhet të ketë sa më shumë fibra, por nga ana tjetër kemi thënë gjithmonë që në shtatzëni kemi një rrisk të madh nqs përdorim ushqime të kontaminuara apo jo të dezifektuara korrekt nga ato që janë sëmundje parazitare, bakteriale apo virale”, tha Daka.

Më tej, ajo u shpreh se një grua shtatzënë nuk duhet të shtojë kaloritë, thjeshtë duhet të marrë pak më tepër elementë.

“Zakonisht ne themi që ushqimi që duhet të shtojë një grua shtatzënë është shumë i vogël. Pra, gjatë tremujorit të parë jo më shumë se 100-120 kalori që nqf se do ta llogarisim me ushqim i bie jo më shumë se gjysmën e një tosti. Kaq duhet të jetë shtesa ditore dhe duhet të arrijë maksimumin në tremujorin e tretë. Mund të shkojë deri në 300 kalori në ditë që është ose 2 fruta më tepër se vaktet normal ose një tost dhe një frut plus. Pra, ajo që shohim ne është se shtesa që duhet të bëjë një grua shtatzënë sipas muajve të shtatzënisë në regjimin e saj është modeste. Nuk është shtim i madh”, shtoi mjekja.

The post Mjekja Albana Daka ka një thirrje për gratë shtatzëna gjatë verës: Keni një rrisk të madh nëse konsumoni këtë ushqim appeared first on Albeu.com.

Sakaq, Daka ka theksuar se kryesisht të prekur janë vajzat dhe gratë, veçanërisht ato që janë shtatzënë.

“Laktoza është një elementët kryesorë që jep probleme me traktin tretës. Mbipesha është një nga pasojat, jo gjithmonë është e tillë. Mund të japi edhe të kundërtën, nënpeshë, mund të japë probleme me lëkurën, problematika të jashtëqitjes siç është diarreja. Menjëherë, pas konsumit të qumështit, problematikat janë të ndryshme në persona të ndryshëm.

Duhet të heqësh dorë për një periudhë të caktuar nga 3 deri në 6 muaj, duhet bërë një pushim nga produktet e bulmetrave me laktozë dhe në këtë rast gabimi që bëjnë njerëzit është se heqin qumështin dhe vazhdojnë të konsumojnë kosin, djathin, mishin e kuq. Hiqet e gjithë familja biologjike. Mund t’i zëvendësojnë me bulmetra pa laktozë.

Nuk ka një ndasi gjinore. Por ne e shikojmë më shumë te femrat, sidomos në ato pas një apo dy shtatzënive rresht, sepse përveç se laktazas, pra enizma që përbën laktozën, kur kemi një zorrë dhe flora e saj është optimale në cilësi dhe sasi, dhe një sasi e prodhon vetë flora e zorrës. Atëherë mund të amortifizohet. Por pas shtatzënive, kemi problematika me tretjen që fillojnë që në shtatzëni, që stimulohen më shumë te femrat që të kemi një zorrë bakteriale më të varfër dhe si rezultat të kemi problematika me laktozën të hershme. Por gjithashtu edhe te meshkujt, që konsumojnë sasira të ekzagjeruara bulmeti dhe mishit të kuq, padyshim kemi probleme dhe në meshkujt shikojmë mbipeshë të ekzagjeruar nga laktoza dhe nga produktet e bulmetit”, tha ndër të tjera mjekja.

The post Keni probleme me laktozën? Nutricionistja Albana Daka këshillon: Mos konsumoni këto produkte appeared first on Albeu.com.

“Diarretë ndahen në dy lloje, akute dhe kronike. Diarre akute janë ata që janë infektive që vijnë nga infeksionet e ndryshme, virusale, bakteriale apo mykrat. Fillon, ndalon dhe fillon sërish deri në dy javë. Ata që janë problematike janë diarretë kronike që fillojnë mbi katër javë dhe mbi katër herë në ditë. Alternohen më pas me diarre rekurente, që vazhdon një kohë, ndërpriten dhe vazhdojnë sërish më pas.

Mund të vijojnë dhe me vite. Thuhet se janë nga baktere të ndryshme dhe fillohet terapi me antibiotikë. Kjo agravon me diarre. Në 90 përqind të rasteve, diarreja vjen nga mosfunksionimi i traktit tretës. Këtu futet sindromi i kolonit të irritueshëm, sëmundjet inflamatore por vjen nga intoleranca nga gluteni apo kur kemi dhe celiaki, problematika gjenetike për tretjen e glutenit dhe intoleranca nga laktoza.”, theksoi Dr. Albana.

Mjekja tha gjithashtu se një problem që e bëjnë të gjithë por që acaron këtë problematikë është përdorimi pa kriter i antibiotikëve.

“Merret një historik i detajuar i shfaqjes së diarresë nga fillimi dhe operohet në dy fusha. E para, korrigjimi i regjimit ushqimor. Shihet nëse kemi një prani të intolerancës ushqimore, nga gluteni apo laktoza. E dyta, është fillimi i trajtimit me probiotikë për ta furnizuar traktin tretës me aktorët kryesorë që bën tretjen.

Punojmë në paralel me regjimin ushqimor dhe trajtojmë zorrën me probiotikë. Pas përcaktimit të problematikës që ka shkaktuar diarrenë apo që e ka potencuar, sepse diarreja fillon dhe pas një terapie me antibioptikë që shkatërrojnë florën e zorrës dhe nëse i mbivendoset një kequshqyerje, diarreja vazhdon. Nëse lihet për vite me këto episode diarreje dhe organizmi nuk merr elementet si vitaminat dhe mineralet, nuk zhvillon proceset e veta në mënyrën e duhur.

Në këto raste kemi humbje nga pesha, fillimin e një anemie serioze, ulje të vitaminave dhe një sistem imunitar shumë të dobët.”

Çfarë duhet të hanë?

“Fibrat që vijnë nga perimet dhe frutat janë shumë të mira por në stadet e para janë të vështira për t’u tretur nga zorra. Duhet një regjim me sa më pak perime dhe me ushqime sa më të ngurta. Parapëlqehet patatja, karota, kungulli dhe jo shumë perimet me gjethe. Frutat duhet t’u heqim lëkurën, përdorim bananen sidomos gjatë stadit të parë dhe mollën në formë pureje. Buka duhet të merret e bardhë dhe jo integrale. Përdoret orizi i bardhë. Pra, ushqime të forta derisa zorra të fillojë që të funksionojë korrekt”, theksoi Daka duke shtuar se duhen shmangur pijet alkoolike, të gazuara dhe ushqimet e procesuara.

The post Vuani nga diarreja? Mjekja Albana Daka zbulon zakonin e gabuar që është shkaku kryesor: Ushqimet që duhet të ndaloni appeared first on Albeu.com.

Çdo ditë mbetjet dhe toksinat, që lidhen me të ushqyerit dhe stresin, e helmojnë zorrën e trashë që humbet kështu një pjesë të funksionit. Të gjitha këto, që depozitohen në zorrën tonë të trashë mund të jenë shkak i shumë patologjive të pjesëve të ndryshme të trupit tonë, si p.sh aparati i frymëmarrjes, lëkura, sistemi nervor dhe aparati tretës.

Hidrokolonterapia lejon eleminimin e të gjitha mbetjeve që janë depozituar në muret e zorrës sonë si: qeliza të vdekura epiteliale, materiale fekale, mbetje që irritojnë zorrën, toksina, parazitë dhe substanca të tjera të dëmshme për organizmin tonë. Eleminohen ndër të tjera dhe gazrat prezente në brendësi të zorrës së trashë.

Zorra e pastruar rigjen funksionimin e saj optimal, duke favorizuar imunitetin natyral dhe duke riekuilibruar procesin e asimilimit dhe eleminimin e substancave, duke rregulluar kështu harmoninë e brendshme dhe për pasojë përmirësohet shëndeti i përgjithshëm i individit.

Kujt i bën mirë hidrokolonterapia?

Për sa është thënë më tepër mund të konfirmohet se praktikisht janë të paktë personat që nuk kanë nevojë. Këshillohet veçanërisht për kë vuan nga probleme intestinale ose shqetësime që mund të lidhen me një keqfunksionim të zorres së trashë. Një nga indikacionet primare është kapsllëku, i cili zgjidhet duke e pastruar në thellësi zorrën dhe rikthen funksionet normale të tij. Është e mundur gjithashtu të ketë përfitime dhe në prani të shqetësimeve të tjera si: diarre, fryrje, meteorizëm, infeksione mikotike të zorrës, zorrë e irrituar etj.

Sa herë është e nevojshme të praktikohet?

Sipas patologjisë që trajtohet, numri i seancave varion nga 3 në 12, të shpërndara nga 2 deri në 10 javë.

Është e vërtetë që e shfryn barkun?

Po. Lavazhi i zorrës së trashë është efikas edhe kundër meteorizmit dhe fryerjeve, dy shqetësime të provokuara nga dizbioza (mungesa e florës bakteriale të zorrëve). Praktikisht, barku “fryhet”, sepse feçet fermentohen dhe ngecin, duke bërë që organizmi të thith substancat toksike. Hidrokolonterapia ndërhyn pikërisht duke liruar zorrën e trashë nga këto substanca, duke e oksigjenuar dhe duke rikrijuar kështu ambientin natyral origjinal.

Mund t’i bëjë mirë lëkurës?

Sigurisht. Zorra dhe lëkura janë organe të lidhura ngushtësisht, prandaj ky trajtim reflektohet menjëherë në sipërfaqjen kutane. Lëkura në fakt sillet si një sfungjer dhe ndër detyra të tjera, ka dhe atë që të ndihmojë veshkat të eleminojnë toksinat nga organizmi. Nëse këto janë me tepri, lëkura ndikohet duke zhvilluar infeksione lëkurë, akne dhe psoriazë.

The post A sugjerohet lavazhi i zorrës? Nutricionistja Albana Daka: Si të pastroni organizmin 100% në mënyrën më të lehtë appeared first on Albeu.com.

“Që të kemi një zemër të shëndetshme duhet të kemi një një stil jete të shëndetshme që në fëmijëri. Sipas OBSH, një stil jete i shëndetshëm tregon se parandalon 1/3 të sëmundjeve të zemrës, si hipertensioni, dislipidemitë, që janë shkaktarët kryesorë të aksidenteve vaskulare.

Këto fatalitete përbëjnë 40-45 përqind të vdekjeve. Patologjitë e zemrës fillojnë pas dekadës së katërt dhe të pestë të jetës, kryesisht dislipidemitë, episodet me rritje të tensionit të gjakut. Sot po ulet mosha me nivele të larta të tensionit. Në pjesën më të madhe të rasteve, vjen nga stili shumë i çrregullt.

Për të parandaluar nivelet e larta të tensionit dhe dislipidemitë, të cilat për vite veshin enët e gjakut me pllaka yndyrore dhe shkaktojnë raste fatale të zemrës dhe trurit, duhet të fokusohemi te stili i jetës. Sipas OBSH, regjimi mesdhetar është ideali për të parandaluar këto sëmundje.

Nëse më parë shikonim një 60 vjeçar me probleme të hipertensionit, sot i shikojmë në mosha më të reja. Studimet tregojnë se janë rritur për shkak të stilit të pashëndetshëm, pa aktivitet fizik, ngase kemi yndyrna të larta dhe rritje të tensionit të gjakut në moshë të re si dhe probleme me sheqerin në gjak.”, tha ajo.

Dr. Albana theksoi se regjimi ushqimor ideal është ai mesdhetar.

“Duhen sa më shumë vakte me perime dhe fruta, në formën e perimeve krudo, të paktën një pjatë e parë si në drekë por dhe në darkë me perimet ku gatimi të jetë sa më i thjeshtë. Sa më pak kripë, me vaj ulliri por në sasi të moderuar. Sa më pak mish të kuq gjatë javës, të dominojë pula dhe peshku.

Kryesisht peshqit të jenë të vegjël sesa të mëdhenj për shkak të Omega-3 që përmbajnë. Sa më shumë bishtajore. Pra, një regjim mesdhetar është ideal për parandalimin e çdo sëmundjeje.”, tha Dr. Albana.

E pyetur nga moderatori Alban Musa për produktet që shqiptarët përdorin shumë por që janë të rrezikshme për shëndetin, mjekja përmendi mishin e kuq, bulmetrat dhe brumrat.

“Ne kemi një kuzhinë mikse mesdhetare dhe orientale. Kuzhina jonë dominohet nga mishi i kuq.

Duhet të jetë sa më pak në regjimin tonë por në fakt dominon. Sa më shumë miq të kuq, i gatuar pafund, aq më shumë i dëmshëm është ai. Dhe bulmetrat i kemi në të treja vaktet. Bulmetrat, mishi i kuq dhe brumërat dominojnë kuzhinën tonë.“, tha Dr. Albana.

The post I preferuari i shqiptarëve, mjekja Albana Daka: E konsumojmë pa kriter, pse ky ushqim është i dëmshëm appeared first on Albeu.com.

“Parandalon një sërë sëmundjesh. Nëse kemi një regjim të mirë, nisim një dietë mesdhetare që në moshë të hershme, mund të parandalojmë sëmundje të zemrës, hipertensionit, goditjes në tru. Parandalon gjithashtu osteoporozën, e cila fillon në menopauza.

Ka shumë studime që tregojnë se parandalon sëmundjet e kancerit të zorrës dhe gjirit. Dominohet nga ushqime me origjinë bimore, perimet, frutat, drithëra të plotë duke integruar mishrat në mënyrë të moderuar. Duhet t’i jepet prioritet mishrave te bardhë dhe peshkut.

Mishi i kuq jo më shumë se dy herë në javë. I duhet dhënë prioritet erëzave duke ulur nivelin e kripës. Duke integruar erëzat në në kuzhinë, ulet ndjeshëm ndjesia për kripë. Duhet marrë vaji i ullirit por në sasi të moderuar. Bulmetrat duhet të jetë në sasi të moderuar.”, tha Dr. Albana.

Ajo shtoi më tej se dieta mesdhetare ndihmon gjithashtu dhe në mirë menaxhimin e diabetit.

“Mirë menaxhon kur është vendosur diabeti sepse janë karbohidrate me indeks glicemik të ulët. Ka një përqindje të karbohidrateve komplekse 40-65 përqind që merren nga perimet dhe frutat.

Merren dhe fibra që janë prioritet i sistemit tretës. Kjo bën që të kemi një sistem tretë të shëndetshëm, kemi proteina deri në 15 përqind. Kjo dietë dominohet nga proteinat bimore, të cilat janë bishtajore prezente në dimër dhe verë. Kemi një regjim pafund me ngjyra.

Në këndvështrimin psikologjik, është e bukur për syrin dhe aq më e pranueshme është dhe për receptorët e shijes. Është e pasur me antioksidantë, të cilat kanë një kontribut të madh në organizëm sepse ulin radikalet e lira dhe e mbajnë organizmin të shëndetshëm. Por duhet monitoruar dhe sasia“, tha mjekja.

Ajo shpjegoi se bulmetrat nuk duhen më shumë se një vakt në ditë. Mishi i kuq nuk duhet konsumuar më shumë se 2 herë në javë, pasi sipas studimeve, konsumi i tepërt lidhet me kancerin e traktit tretës. Një kujdes duhet ndaj sheqernave të procesuara, pasi aty kanë gjenezën shumë sëmundje.

The post “Parandalon një sërë sëmundjesh dhe disa lloje kanceresh”, Dr. Albana Daka flet për rëndësinë e dietës mesdhetare appeared first on Albeu.com.