Rezultati i rëndë 0-5 i pësuar në Kosovë përballë Malishevës, në raundin e parë të Conference League, ka shkaktuar reagime të ashpra te mbështetësit shkodranë. Presidenti Alban Xhaferi dhe trajneri Edi Martini janë vënë në qendër të kritikave.

Në profilin e Vllaznisë në Facebook janë publikuar komente të shumta, ku tifozët kërkojnë largimin si të Xhaferit nga posti i presidentit, ashtu edhe të Martinit nga drejtimi i skuadrës.

Pakënaqësia ndaj drejtuesve dhe stolit kuqeblu duket se po thellohet. Ndonëse Martini u rikonfirmua pas përfundimit të sezonit dhe klubi ka bërë afrime në merkato, gjendja mbetet e paqartë: loja paraqitet e çekuilibruar, ndërsa mbrojtja vazhdon të shfaqë probleme. Pesë golat e pësuar nga Malisheva nuk lënë hapësirë për alibi apo justifikime.

The post Disfata 0-5 ndaj Malishevës ndez tifozët e Vllaznisë, në shënjestër Xhaferi dhe Martini appeared first on Albeu.com.

Të enjten, më 9 korrik, duke nisur nga ora 20:00 në stadiumin “Loro Boriçi”, Vllaznia do të luajë ndaj Malishevës ndeshjen e parë të kualifikueseve të Conference League.

Në prag të kësaj përballjeje me peshë për shkodranët në arenën europiane, presidenti i klubit Alban Xhaferi ka preferuar të japë sinjalet e para përmes rrjeteve sociale, me një publikim në Instastory.

Në imazhin e shpërndarë prej tij dallohen sulmuesi Bekim Balaj, mbrojtësi Erdenis Gurishta dhe Edon Murataj. Ky postim shihet si një tregues i qartë i dëshirës së kuqebluve për të “shkelur gazin” që në ndeshjen e parë zyrtare të sezonit të ri.

Duhet theksuar se ekipi i drejtuar nga trajneri Edi Martini nuk është shfaqur shumë bindës në ndeshjet miqësore të luajtura gjatë fazës përgatitore, por te Vllaznia i gjithë përqendrimi është vendosur tashmë te kjo sfidë me rëndësi të madhe.

The post Vllaznia karikon motorët për sfidën europiane, Alban Xhaferi i çon sinjal Malishevës me treshen Balaj-Gurishta-Murataj appeared first on Albeu.com.