Burimet pohuan se ka dyshime të forta se një person i njohur dyshohet ta ketë transportuar viktimën në vendin ku u gjet i vrarë me armë zjarri. Nuk përjashtohet mundësia që në automjet mund të ketë qenë edhe një femër. Në momentin që ka mbërritur në vendin ku u gjet i vdekur, 38-vjeçari është përballur menjëherë me autorët, të cilët dyshohet të kenë qenë të fshehur në shkurret ku u gjet trupi i pajetë.

HETIMET

Nga këqyrja paraprake e vendit të ngjarjes, por dhe nga dinamika e ekzekutimit, dyshohet që viktima ka tentuar të largohej duke kaluar murin, por nuk ka mundur ta kalojë atë. Kjo vërtetohet nga këqyrja e vendit të ngjarjes, ku ka njolla të shumta gjaku në një distancë të gjatë, çka bën që grupi hetimor t’i mëshojë këtij varianti. Ajo që e përforcon më shumë këtë variant janë 2 nga 4 gëzhojat të dyshuara të kalibrit 9 mm, të cilat janë gjetur në vendin e ngjarjes dhe janë sekuestruar. Nga dëshmitë e banorëve të zonës nuk janë dëgjuar të shtëna, çka ngre dyshime të forta se autorët kane qëlluar me një armë me silenciator. Pista kryesore e vrasjes mbetet ajo e larjes së hesapeve për shkak të konflikteve të vjetra të viktimës. Nga mënyra e organizimit dhe si është kryer vrasja, tregon se autorët kanë qenë profesionistë në veprimtaritë kriminale.

EKZEKUTIMI

Mënyra se si është ekzekutuar 38-vjeçari Alban Semaku është e stilit mafioz. Ai është qëlluar nga një distancë e afërt, ngjarje e ndodhur mëngjesin e së dielës në zonën e Peqinit. Burime nga grupi hetimor që po merret me zbardhjen e ngjarjes së rëndë bënë me dije se Semaku është vrarë në vendin ku është gjetur buzë lumit Shkumbin, në zonën e Peqinit. Autorët e kanë qëlluar fillimisht me një plumb mbrapa koke dhe më pas e kanë qëlluar në pjesën e shpinës të paktën me tre plumba, duke e braktisur më pas në vendin e krimit. Ngjarja ndodhi në një zonë të pabanuar, e cila përdoret gjatë fundjavës si vend për tregtimin e bagëtive. Ish-anëtari i bandës së Lushnjës dyshohet të jetë rrëmbyer mbrëmjen e së shtunës rreth orës 19:00 në qytetin e tij.

ATENTATET NDAJ ANËTARËVE TË BANDËS SË LUSHNJËS

Semaku është i fundit në radhën e anëtarëve të ishbandës së Lushnjës që u vra me armë zjarri pranë lumit Shkumbin në zonën e Peqinit. Dy vite më parë u vra me armë zjarri një tjetër anëtar i kësaj organizate kriminale, më e madhja në vendin tonë. Më 14 dhjetor të vitit 2019 u gjet i vrarë me plumb në kokë Enver Boriçi, vëllai i Arben Boriçit, një nga anëtarët e kësaj bande, i dënuar me burgim të përjetshëm. Ndërkohë, në vitin 2016 u organizua një atentat ndaj Xhulio Shkurtit, nipi i Aldo Bares, i cili arriti të mbijetonte. Në një tjetër atentat po në Lushnjë në tetor të vitit 2018, Xhulio Shkurti arriti të mbijetonte sërish, por mbetën të vrarë Jurgen Hoxha, 22 vjeç dhe Zamir Latifi, 23 vjeç. Në momentin e ngjarjes, viktimat kanë qenë në rrugë në këmbë. Si atentatorë janë akuzuar Laert Haxhiaj dhe Orgest Bilbili (i arrestuar). Në korrik të vitit 2010 mbeti i vrarë nga një atentat Gerti Lala, një tjetër bashkëpunëtor i bandës së Lushnjës. Në atë kohë u arrestua Lart Haxhiaj dhe Orgest Bilbili, të cilët ishin adoleshentë. Lala, i njohur me nofkën “Iriqi”, u masakrua me thika përveç se u vra me armë zjarri, ku disa plumba e prekën në pjesën e kokës./Panorama/

The post Kush e tradhtoi Alban Semakun? Hetuesit dyshojnë se ish-anëtarit të bandës së Lushnjes iu ngrit pritë appeared first on Albeu.com.

Burimet bëjnë me dije se ekzekutimi ka ndodhur në zonën e Peqinit buzë lumit Shkumbin, ditën e dielë dhe i ngjan një ekzekutimi mafioz.

Autorët e kanë qëlluar fillimisht me një plumb mbrapa koke dhe më pas e kanë qëlluar në pjesën e shpinës të paktën me tre plumba, duke e braktisur më pas në vendin e krimit. Ngjarja ndodhi në një zonë të pabanuar, e cila përdoret gjatë fundjavës si vend për tregtimin e bagëtive.

Mbetet mister fakti se si 38-vjeçari është sjellë deri atje nga zona e Lushnjës ku edhe banon. Ish-anëtari i bandës së Lushnjës dyshohet të jetë rrëmbyer mbrëmjen e së shtunës rreth orës 19:00 në qytetin e tij.

Rrëmbimi dyshohet të jetë kryer nga të paktën tre persona. Pavarësisht disa shoqërimeve, Policia lokale nuk ka mundur të zbulojë asnjë të dhënë të rëndësishme që mund të çojë në zbardhjen e ngjarjes.

Organet e hetimit kanë sekuestruar kamerat në një sërë pikash kyçe në zonë në përpjekje për të identifikuar autorët e krimit. Dyshohet që Semaku të jetë marrë me forcë deri në vendin ku u ekzekutua me disa plumba të llojit pistoletë.

The post DETAJET/ E rrëmbyen 3 persona mes Lushnjës, si u ekzekutua buzë Shkumbinit ish-anëtari i bandës së Lushnjes appeared first on Albeu.com.

Kanë dalë në dritë detaje të reja në lidhje me ekzekutimin e 38-vjeçarit Alban Semaku, i cili u gjet i pajetë në lumin Shkumbin.

Sipas burimeve nga grupi hetimor, viktima është qëlluar 4 herë, 3 herë në trup dhe një herë në kokë, me një pistoletë të kalibrit 9 mm.

Ndërkohë drejtuesi i Prokurorisë Keshnik Ajazi dhe një grup prokurorësh janë kthyer sërish në vendin e ngjarjes për të ndërtuar dinamikën e krimit dhe zbardhur deri në detaj ngjarjen e rëndë.

Kujtojmë se Alban Semaku ishte anetar i bandes se Lushnjes dhe deri në vitin 2011 mbante emrin Elton Mermali./albeu.com

The post DETAJET/ Si u vra Alban Semaku, nga rrëmbimi te 4 plumbat që e “shpuan” ish-anëtarin e bandës së Lushnjes appeared first on Albeu.com.

38-vjeçari u gjet i vrarë me armë zjarri në lagjen Çezmë. Në 6 maj të këtij viti ai është liruar nga burgu. Viktima ka qënë pjesë e bandës së Lushnjes. Sipas bluve në vitin 2006, 38-vjeçari është ekstraduar nga Italia, pas një vendimi të gjykatës së Lushnjes, pasi ishte dënuar për vrasje, si pjesë e një grupi kriminal.

Disa vite më vonë, në 2015, Semaku është arrestuar në flagrancë, pasi në lagjen “Gafurr Muço”, Lushnjë, për motive të dobëta, ka kanosur për jetën, me armë zjarri, shtetasin M. T. Gjithashtu, në nëntor të 2015 është dënuar me 6 vjet e 8 muaj burg për veprat penale “Prodhimi dhe shitja e lëndëve narkotike”, “Prodhim dhe mbajtje pa leje e armëve luftarake” dhe “Kanosja”. Ndërsa në maj të këtij viti ai është liruar nga burgu.
Njoftimi i policisë:

Në vijim të veprimeve hetimore të kryera nga grupi hetimor, nën drejtimin e Prokurorisë së Rrethit Gjyqësor Elbasan, për verifikimin e identitetit të shtetasit të vrarë me armë zjarri, i cili është gjetur në afërsi të lumit Shkumbin, në lagjen Çezmë, Peqin, pas verifikimeve të kryera, rezultoi se ishte shtetasi Alban Semaku, 38 vjeç, banues në Lushnjë, i cili deri në vitin 2011 mbante emrin Elton Mermali.

Në vitin 2006, ky shtetas është ekstraduar nga Italia, pasi Gjykata e Lushnjës, me vendimin e datës 28.08.2003 i ka caktuar masën e sigurisë “Arrest në burg”, për veprën penale “Vrasja”, ndodhur në qytetin e Lushnjës, kryer në kuadër të organizatës kriminale të Lushnjës.

Më datë 16.03.2015 është arrestuar në flagrancë, pasi në lagjen “Gafurr Muço”, Lushnjë, për motive të dobëta, ka kanosur për jetën, me armë zjarri, shtetasin M. T. Gjatë kontrollit personal të ushtruar ndaj shtetasit Alban Semaku, iu gjetën dhe iu sekuestruan në cilësinë e provës materiale një armë zjarri pistoletë e tipit “Zastava”, një kre hër pistolete me 6 fishekë dhe dy doza heroinë.

Me vendimin e datës 16.11.2015 të Gjykatës së Rrethit Lushnjë është dënuar me 6 vjet e 8 muaj burg për veprat penale “Prodhimi dhe shitja e lëndëve narkotike”, “Prodhim dhe mbajtje pa leje e armëve luftarake” dhe “Kanosja” dhe është liruar nga burgu 06.05.2021, pasi ka vuajtur dënimin në I.E.V.P Peqin./albeu.com

The post Dalin pamjet e viktimës në Peqin, anëtar i “bandës së Lushnjes” (FOTO LAJM) appeared first on Albeu.com.

Sipas informacioneve të deritanishme, viktima është Alban Semaku, 38 vjeç, banues në Lushnjë, i cili deri në vitin 2011 mbante emrin Elton Mermali.

Burimet bëjnë me dije se ai ishte një ëmër i njohur për Policinë shqiptare.

Njoftimi i policisë:

Në vijim të veprimeve hetimore të kryera nga grupi hetimor, nën drejtimin e Prokurorisë së Rrethit Gjyqësor Elbasan, për verifikimin e identitetit të shtetasit të vrarë me armë zjarri, i cili është gjetur në afërsi të lumit Shkumbin, në lagjen Çezmë, Peqin, pas verifikimeve të kryera, rezultoi se ishte shtetasi Alban Semaku, 38 vjeç, banues në Lushnjë, i cili deri në vitin 2011 mbante emrin Elton Mermali.

Në vitin 2006, ky shtetas është ekstraduar nga Italia, pasi Gjykata e Lushnjës, me vendimin e datës 28.08.2003 i ka caktuar masën e sigurisë “Arrest në burg”, për veprën penale “Vrasja”, ndodhur në qytetin e Lushnjës, kryer në kuadër të organizatës kriminale të Lushnjës.

Më datë 16.03.2015 është arrestuar në flagrancë, pasi në lagjen “Gafurr Muço”, Lushnjë, për motive të dobëta, ka kanosur për jetën, me armë zjarri, shtetasin M. T. Gjatë kontrollit personal të ushtruar ndaj shtetasit Alban Semaku, iu gjetën dhe iu sekuestruan në cilësinë e provës materiale një armë zjarri pistoletë e tipit “Zastava”, një kre hër pistolete me 6 fishekë dhe dy doza heroinë.

Me vendimin e datës 16.11.2015 të Gjykatës së Rrethit Lushnjë është dënuar me 6 vjet e 8 muaj burg për veprat penale “Prodhimi dhe shitja e lëndëve narkotike”, “Prodhim dhe mbajtje pa leje e armëve luftarake” dhe “Kanosja” dhe është liruar nga burgu 06.05.2021, pasi ka vuajtur dënimin në I.E.V.P Peqin./albeu.com

The post EMRI/ U gjet i vrarë në Peqin, identifikohet viktima appeared first on Albeu.com.