Hykmete Bajrami, deputetja e sapozgjedhur nga radhët e Lidhjes Demokratike të Kosovës (LDK), ka shprehur kritika të forta ndaj gjendjes në sistemin shëndetësor, duke e cilësuar atë si pasojë të drejtpërdrejtë të qeverisjes së dobët dhe korrupsionit gjatë gjashtë viteve të fundit.

Në një dalje publike, Bajrami theksoi se realiteti i vendit nuk mund të matet përmes konferencave apo statistikave që ofron ekzekutivi, por duke parë nga afër kushtet brenda objekteve shëndetësore.

Ajo i ftoi qytetarët t’i drejtohen klinikave të Pediatrisë, Gjinekologjisë, Onkologjisë, Ortopedisë dhe asaj të Emergjencës për të dëshmuar vetë mungesat, radhët e tejzgjatura dhe sfidat e përditshme me të cilat ndeshen si pacientët, ashtu edhe personeli mjekësor.

Bajrami sqaroi se fajin për këtë realitet nuk e mbajnë mjekët dhe infermierët, të cilët vijojnë ta mbajnë në këmbë sistemin pavarësisht rrethanave të vështira të punës.

E zgjedhura e LDK-së drejtoi gishtin nga qeveria për keqadministrim të parasë publike, duke vënë në dukje se megjithë një buxhet vjetor prej rreth katër miliardë eurosh, sektori shëndetësor vuan vazhdimisht mungesë të barnave, materialeve mjekësore dhe furnizimeve elementare.

Sipas deputetes, në shëndetësi kryhen tendera me shuma të konsiderueshme për shërbime pastrimi, shtroja, ushqim dhe ilaçe, por pacientët ende ndeshen me mungesa thelbësore. Ajo solli në vëmendje edhe sinjalizimet për mungesën e terapisë për kancerin e gjirit në QKUK, duke pretenduar se pacientët janë të shtrënguar t’i sigurojnë vetë ato trajtime.

Bajrami theksoi se kjo gjendje mbart një emër të qartë, duke e ndërlidhur drejtpërdrejt me dukurinë e korrupsionit. Përgjegjësinë politike, sipas saj, e bart pushteti në detyrë, përfshirë edhe Komisionin parlamentar për Shëndetësi, në krye të të cilit qëndron kryeministri në detyrë Albin Kurti.

“Në rast se shëndetësia falimenton, nuk dështon thjesht një qeveri, por dështon i gjithë shteti”, u shpreh ajo.

Qëndrimet e saj erdhën vetëm një ditë pasi Qendra Klinike Universitare e Kosovës (QKUK) i mori me shumë seriozitet brengat e shprehura publikisht lidhur me eksperiencën e familjes së Aulona Memetit gjatë kurimit të të miturës në Klinikën e Pediatrisë. Rrjedhimisht, drejtori i QKUK-së ka urdhëruar krijimin e një komiteti ad-hoc, i cili po kryen një hetim të thelluar administrativ për të sqaruar të gjitha aspektet e ngjarjes.

The post Bajrami: Situata në shëndetësi është kritike, korrupsioni qëndron prapa saj appeared first on Albeu.com.

Lala thekson se pavarësisht se e ka adresuar çështjen në polici muaj më parë, nuk ka pasur asnjë reagim nga uniformat blu.

“Kjo video me ka ardhur muaj me pare ne rrjetet e mia sociale. Mendohet te jete realizuar ne Shkoder, por une se kam konfirmuar ende ne menyre te pavarur. Atekohe e pata adresuar ne polici, por askush nuk reagoi. Mbase qytetaret do te ndihmojne policine ne identifikimin e personave qe levizin me arme dhe sfidojne shtetin!”, shkruan Klodiana Lala./B.news

The post Gazetarja Klodiana Lala publikon pamjet alarmante: Shikoni si lëvizin me armë në Shkodër, policia hesht (VIDEO) appeared first on Albeu.com.