alarm per bomba Archives - Albeu.com

“Do të shpërthejnë sot”, Serbia nuk gjen qetësi: Kërcënohen me bomba spitalet, fakultetet e hekurudhat

Xh — Fri, 19 May 2023 08:27:58 +0000

SERBI– Raportimet për disa bomba të vendosura kanë mbërritur mëngjesin e sotëm në Qendrën Spitalore Klinike “Zvezdara” dhe Akademinë Mjekësore Ushtarake në Beograd, ka konfirmuar për Fonet Ministria e Punëve të Brendshme (MPB).

“Ekipet janë në terren në të dyja institucionet dhe gjithçka do të kontrollohet”, thuhet në MPB.

Edhe policia në Novi Sad evakuoi dhe ndaloi hyrjen në disa vende për shkak të raportimeve për bomba. Fakulteti i Shkencave Teknike, Institutet e Sremska Kamenicës, Stacioni Hekurudhor, Fakulteti Filozofik janë evakuuar. Në adresat e mediave dhe shërbimeve kompetente kanë mbërritur mëngjesin e sotëm emailet nga “Grupi Subverziv Mizantropik”.

“Bombat janë të planifikuara për të shpërthyer sot, gjatë mëngjesit dhe pasdites së hershme,” thuhet në email.

Në këto ambiente po vijojnë kontrollet e policisë.

Ditët e fundit ka pasur raportime për mjete shpërthyese të vendosura në shkolla në Beograd, por edhe në vende të tjera në Serbi.

Pardje në adresat e 117 shkollave fillore dhe të mesme në Beograd është dërguar një e-mail kërcënues, ku thuhet se në ato shkolla janë vendosur bomba, si dhe se Beogradi do të fluturojë në ajër, ndërsa dje disa shkolla në Novi Sad dhe një shkollë në Sombor u raportuan se ishin vendosur bomba.

Denoncimet kanë qenë të rreme, por policia nuk ka rënë në gjurmët e autorëve./Express/

The post “Do të shpërthejnë sot”, Serbia nuk gjen qetësi: Kërcënohen me bomba spitalet, fakultetet e hekurudhat appeared first on Albeu.com.

Alarme për bomba në disa shkolla në Shkup dhe Prilep

E B — Mon, 20 Feb 2023 14:11:15 +0000

Në tetë shkolla në Shkup dhe dy në Prilep janë duke u zhvilluar kontrolle të sigurisë, pasi mëngjesin e sotëm në adresat e tyre elektronike arritën kërcënime për mjet të vendosur shpërthyes.

“Sot, deri në orën 09:30 është raportuar se në adresat elektronike të tetë shkollave në Shkup është dërguar kërcënim për mjet të vendosur shpërthyes. Po ashtu, kërcënim ka pasur edhe në dy shkolla në Prilep. Menjëherë pas marrjes së denoncimeve, nga punonjësit e policisë janë marrë masat për evakuimin e sigurt të objekteve dhe po vijojnë kontrollet antiterroriste dhe po ndërmerren masa për zbardhjen e rasteve”, thuhet në njoftimin e MPB-së.

Ndër shkollat e Shkupit që janë nën evakuim të sigurt janë gjimnazet “Josip Broz Tito” dhe “Nikola Karev” dhe shkolla e mesme elektroteknike “Mihajlo Pupin”./alsat

The post Alarme për bomba në disa shkolla në Shkup dhe Prilep appeared first on Albeu.com.

Alarm në Shkup, raportohet për bomba në 33 shkolla fillore

E B — Tue, 07 Feb 2023 14:07:34 +0000

Sot (07.02.2023) rreth orës 12:30, në SVR Shkup është raportuar se në adresat elektronike të 33 shkollave fillore në Shkup është dërguar kërcënim me mjet shpërthyes.

Menjëherë pas marrjes së kallëzimit, nga efektivët e policisë janë marrë masat për evakuimin e sigurt të shkollave dhe po vijojnë kontrollet antiterroriste dhe po merren masa për zbardhjen e rastit.

Kujtojmë se vazhdimisht shkollat në Shkup dhe disa qytete të tjera të Maqedonisë së Veriut marrin alarme për bomba, të cilat deri më tani të gjitha kanë qenë të rreme.

The post Alarm në Shkup, raportohet për bomba në 33 shkolla fillore appeared first on Albeu.com.

Denoncimet e rreme për bomba në shkollat e Shkupit, arrestohet një grua

E B — Thu, 12 Jan 2023 17:06:45 +0000

Nga MPB në Maqedoninë e Veriut, njoftojnë se gjatë ditës së sotme është arrestuar një 55-vjeçare për denoncime të rrejshme për vendosje të bombave në shkolla të Shkupit.

Nga MPB shtojnë se bëhet fjalë për person me probleme shëndetësore.

“Më 12.01.2023, zyrtarët policorë kanë arrestuar A.K.(55) nga Shkupi, për shkak të dyshimit se më datë 11.01.2023 nga celulari i saj ka telefonuar Drejtorinë për Inteligjencë Financiare në Shkup dhe ka raportuar rrejshëm se në shkollat e Shkupit janë vendosur mjete shpërthyese. Menjëherë pas marrjes së kallëzimit janë ndërmarrë masat dhe aktivitetet përkatëse dhe është konstatuar se kallëzimi ka qenë i rremë ndërsa A.K. (një person me probleme shëndetësore) është gjetur dhe është ndaluar”, thonë nga MPB.

The post Denoncimet e rreme për bomba në shkollat e Shkupit, arrestohet një grua appeared first on Albeu.com.