Al-Nassri pësoi humbjen e parë të këtij sezoni në Saudi Pro League, pasi Al-Ittihadi fitoi 2-1 në përballjen e zhvilluar të shtunën.

Ekipi i Cristiano Ronaldos e kishte nisur kampionatin me katër fitore radhazi, por seria e përsosur u ndërpre ndaj kampionëve në fuqi.

Një episod i veçantë gjatë takimit tërhoqi vëmendjen e kamerave. Ronaldo qëndroi pas bashkëkombësit të tij, Danilo Pereira, duke u përpjekur të lexonte fshehurazi një shënim taktik që mesfushori i Al-Ittihadit sapo e kishte marrë nga trajneri.

Kur u kthye, Danilo dukej i habitur që e pa fytyrën e Ronaldos kaq pranë. Më pas, dy lojtarët portugezë buzëqeshën me njëri-tjetrin dhe loja vijoi.

Pas përfundimit të sfidës, Al-Ittihadi e shfrytëzoi këtë moment për të ironizuar në mënyrë humoristike kapitenin e Al-Nassrit, duke publikuar në rrjetin social X një fotografi nga episodi.

“Po mashtron dhe prapë po humb!”, ishte mbishkrimi që klubi i vendosi fotos.

Me këtë rezultat, Al-Nassri humbi rekordin perfekt në kampionat, ndërsa Al-Ittihadi siguroi një fitore të rëndësishme ndaj kampionëve në fuqi të Saudi Pro League.

Ronaldo dhe bashkëlojtarët e tij do të synojnë të reagojnë në ndeshjet e ardhshme, ndërkohë që thumbimi i Al-Ittihadit ka marrë vëmendje të madhe në rrjetet sociale.

The post Al-Ittihadi ironizon Cristiano Ronaldon: “Përpiqet të mashtrojë, por sërish humbet appeared first on Albeu.com.

Edon Zhegrova vazhdon të jetë kandidat për t’u larguar nga Juventusi, ndërsa Al-Ittihad mbetet një alternativë e mundshme për të ardhmen e futbollistit kosovar.

Klubi saudit ende nuk ka paraqitur ofertë zyrtare për Zhegrovën, por ka zhvilluar kontaktet e para për të mësuar nëse lojtari është i disponueshëm dhe cili është vlerësimi i Juventusit për të.

Sipas Fabrizio Romanos, Juventusi është i gatshëm të negociojë për një transferim të përhershëm, pasi Zhegrova konsiderohet plotësisht i hapur ndaj tregut të transferimeve.

Një tjetër tregues se ai nuk është pjesë e planeve kryesore të trajnerit Luciano Spalletti ishte përjashtimi i tij nga lista e Juventusit për fazën e ligës së Ligës së Evropës.

Al-Ittihad, ndërkohë, po fokusohet në transferimin e Chemsdine Talbit nga Sunderland. Në rast se kjo marrëveshje nuk realizohet, klubi nga Jeddah mund ta rikthejë vëmendjen te futbollisti i Kosovës.

Klubi saudit ka ende mundësi për të ndryshuar objektivin, pasi afati kalimtar në Arabinë Saudite përfundon më 6 shtator.

Juventusi raportohet se kërkon rreth 15 milionë euro për Zhegrovën dhe kjo shumë mund të rritet përmes bonuseve.

Futbollisti kosovar vazhdon të presë një zgjidhje për të ardhmen e tij, ndërsa koha në dispozicion për një transferim drejt Arabisë Saudite po shkurtohet.

The post Zhegrova ende mund të transferohet te Al-Ittihad, por një marrëveshje tjetër po mban pezull lëvizjen appeared first on Albeu.com.

Al-Ittihad ka hyrë në garë për Mohamed Salahun dhe po tenton ta pengojë transferimin e tij te Trabzonspori, sipas gazetarit egjiptian të WinWin, Ismael Mahmoud.

Klubi saudit po përpiqet të sigurojë fondet e nevojshme për t’i paraqitur ish-sulmuesit të Liverpoolit një ofertë konkurruese gjatë orëve ose ditëve të ardhshme.

Përmes kësaj lëvizjeje, Al-Ittihadi synon ta bindë reprezentuesin egjiptian të zgjedhë Ligën Profesionale Saudite dhe të mos e përmbyllë marrëveshjen me Trabzonsporin.

Nga Turqia është raportuar së fundmi se skuadra e Trabzonsporit ka gjetur akordin me 34-vjeçarin për një kontratë dyvjeçare. Në këtë fazë, diskutimet mes palëve janë përqendruar vetëm te kushtet financiare.

Pavarësisht këtij zhvillimi, destinacioni i ardhshëm i Salahut nuk cilësohet ende i përcaktuar. Al-Ittihadi po vazhdon përpjekjet për ta përmbysur situatën në negociata përmes një oferte të minutës së fundit.

Interesi i Al-Ittihadit për futbollistin nuk është i kohëve të fundit. Në vitin 2023, klubi ofroi deri në 150 milionë funte për ta marrë atë nga Liverpooli, por propozimi u hodh poshtë nga skuadra angleze.

Që prej largimit të Salahut nga Anfield në përfundim të sezonit të kaluar, Al-Ittihadi ka mbetur mes klubeve më të interesuara për shërbimet e tij, krahas disa skuadrave të tjera nga Arabia Saudite dhe Turqia.

The post Al-Ittihad synon t’ia prishë planet Trabzonsporit, përgatit ofertë të vonshme për Mohamed Salah appeared first on Albeu.com.

Interi po synon të afrojë sulmuesin francez Moussa Diaby nga Al-Ittihad dhe në propozimin drejtuar klubit saudit ka përfshirë edhe mesfushorin shqiptar Kristjan Asllani.

Mediat italiane raportojnë se zikaltërit kanë paraqitur një ofertë me vlerë 18 milionë euro, së cilës do t’i shtohej edhe kartoni i Asllanit.

Diaby ka dhënë gatishmërinë për të kaluar tek Interi, ndërsa klubi italian e konsideron atë një objektiv të rëndësishëm për përforcimin e repartit sulmues.

Asllani ka kontratë me Interin deri në vitin 2028, por nuk është grumbulluar për kampin veror të skuadrës, pasi largimi i tij konsiderohet shumë i mundshëm. Mesfushori 24-vjeçar ka regjistruar 42 paraqitje dhe 5 gola me Kombëtaren e Shqipërisë, ndërsa Transfermarkt e vlerëson kartonin e tij rreth 12 milionë euro.

Gjatë sezonit të fundit, futbollisti shqiptar luajti në Turqi si i huazuar te Besiktasi. Megjithatë, klubi turk nuk e ushtroi opsionin për blerjen e tij, ndaj Asllani u rikthye tek Interi.

Për shërbimet e mesfushorit, përveç Al-Ittihadit, interes kanë treguar edhe Atalanta, Sassuolo dhe Cagliari, tri klube të Serie A.

Realizimi i marrëveshjes me Al-Ittihadin mund të hapë një etapë të re në karrierën e Asllanit, i cili synon të luajë më rregullisht dhe të ketë një rol më të rëndësishëm në skuadrën e tij të ardhshme.

The post Interi përfshin Kristjan Asllanin në ofertën për transferimin e Moussa Diaby nga Al-Ittihad appeared first on Albeu.com.

Genoa ka nisur bisedime të thelluara me klubin saudit Al-Ittihad për të siguruar shërbimet e mbrojtësit të kombëtares shqiptare, Mario Mitaj, i cili tashmë ndodhet shumë pranë një kalimi në kampionatin italian të Serie A.

Sipas burimeve nga e përditshmja sportive “Al-Riyadiyah”, palët po negociojnë një formulë huazimi që do të përfshijë edhe të drejtën e blerjes përfundimtare të kartonit. Të dyja klubet po punojnë intensivisht për të mbyllur me sukses operacionin në një hark kohor sa më të shkurtër.

Nga ana tjetër, drejtuesit e Al-Ittihadit duken të hapur ndaj idesë së largimit të lojtarit shqiptar, teksa prioriteti i tyre aktual në merkato është riformatimi i repartit të mesfushës. Në këtë kuadër, vëmendja e skuadrës arabe është përqendruar te nigeriani Raphael Onyedka, i cili aktivizohet me Club Brugge. Profili i 25-vjeçarit konsiderohet shumë i leverdishëm për trajnerin, pasi përveç rolit natyral në qendër të fushës, ai mund të përshtatet pa problem edhe në pozicionin e qendërmbrojtësit.

Raportohet se menaxhmenti i klubit saudit është në fazën e vlerësimeve përfundimtare për të gjithë kandidatët e mundshëm për mesfushën, përpara se të ndërmarrë hapin konkret. Megjithatë, duket gjithnjë e më e sigurt që ikja e Mitajt drejt Genoas po materializohet me shpejtësi.

Vlen të kujtohet se Mitaj ka qenë prej kohësh në radarët e klubeve të mëdha të futbollit italian. Në të shkuarën, gjiganti AC Milan kishte shfaqur interesim serioz për ta afruar, por në atë periudhë Al-Ittihad nuk pranoi të negocionte shitjen e talentit kuqezi.

The post Genoa në prag të marrëveshjes për kartonin e mbrojtësit shqiptar Mario Mitaj appeared first on Albeu.com.

Kjo e përditshme nuk dha detaje të tjera, por Ronaldo nuk ka asnjë dëmtim e madje të mërkurën ai postoi një foto të tij duke u stërvitur dhe për këtë arsye kjo mungesë e tij interpretohet si një protestë tjetër e Ronaldos për të shfaqur pakënaqësinë ndaj dickaje që ai e konsideron si një padrejtësi ndaj skuadrës së tij në këtë sesion të merkatos dimërore. Ky i Ronaldos është një qëndrim për të cilin nuk e dimë se i çfarë kalibri është dhe se çfarë peshe do të ketë më vonë

Cristiano Ronaldo rinovoi verën e kaluar deri në vitin 2027 e për më tepër e përforcoi më shumë impenjimin e tij me vendin saudit duke u shndërruar në ambasadorin e Botërorit 2034. Por tani me këtë situatë, e ardhmja e tij është në dyshim. Sipas të përditshmes portugeze, ‘Record’ zbuloi një klauzolë teorike sekrete për zgjidhjen e kontratës së Ronaldos në fund të sezonit 2025/26 prej 50 milionë eurosh që është një shifër e rëndësishme. Gjithnjë sipas ‘Record’ nuk përjashtohet mundësia që Cristiano Ronaldo të kthehet në Evropë apo të shkojë në SHBA për të vijuar karrierën e tij.

The post Media arabe është e sigurt: Cristiano Ronaldo nuk do të luajë ndaj Al Ittihad appeared first on Albeu.com.

Mesfushori i Brazilit, që momentalisht aktivizohet me Newcastle në Premier League me shumë mundësi do të kërkojë një ambient të ri. Sigurisht që “sytë” i ka nga Arabia Saudite, duke ditur edhe pagat e majme që jepen aty.

Në rast se 27-vjeçari brazilian do të transferohej te Al-Ittihad, aty do të gjente edhe mbrojtësin e Kombëtares shqiptare, Mario Mitaj. Përsa i përket kostos së transferimit, ajo mund të jetë rreth 80 milionë euro.

The post Plot 80 milionë euro, Mario Mitaj mund të bashkohet me “yllin” brazilian appeared first on Albeu.com.

Mbrojtësi i kombëtares shqiptare huazohet nga Lokomotiva e Moskës te klubi saudit për një sezon.

Al Ittihad ka paguar 1.2 milionë euro për huazimin e lojtarit, ndërsa vetë Mitaj do të përfitojë rreth 3 milionë euro në sezon. Në kontratë ekziston edhe opsioni i blerjes përfundimtare të kartonit të lojtarit për 5 milionë euro.

Mbrojtësi shqiptar do të luajë në një skuadër me disa emra të njohur të futbollit botëror si N’Golo Kante, Karim Benzema e shumë të tjerë.

The post Zyrtare: Mario Mitaj transferohet tek Al Ittihad appeared first on Albeu.com.

Francezi nuk humbi kohë dhe menjëherë gjeti ekipin e tij të ri, duke nënshkruar një kontratë milionëshe me ekipin arab Al Ittihad.

Vetëm gjashtë muaj më pas, teksa afati dimëror u hap, spekulimet për rikthimin e mundshëm të Benzemas në Europë u përhapen.

Këto thashetheme e lidhën sulmuesin ikonik me një kalim në Ligën Premier, një rikthim tek klubi i fëmijërisë Olympique Lyon, madje edhe me një rikthim në “Santiago Bernabeu”.

Thashethemet mbeten të pakonfirmuara, pasi Benzema vazhdoi punën e tij në Al Ittihad. Raportimet për marrëdhënie të tensionuar me trajnerin Marcelo Gallardo dhe për rikthimin në Europë vazhduan.

Në një intervistë të fundit me një media lokale, Benzema iu adresua këtij problemi duke i hedhur poshtë thashethemet.

“Lajmi për largimin tim nuk është i vërtetë dhe unë jam i lumtur në Arabinë Saudite. Unë nuk kam probleme me Gallardon, dhe të gjithë ata që thonë se dua të rikthehem në Europë janë gënjeshtarë”, ka thënë Benzema.

“Unë jam shumë i lumtur tek Al Ittihadi. Për pjesën time, unë nuk kam probleme me askënd, pyesni trajnerin”, u shpreh francezi.

36-vjeçari shënoi 12 gola dhe bëri gjashtë asistime në 22 ndeshje për Al Ittihadin, ndërsa ata gjenden në pozitën e pestë në tabelë, me 20 pikë më pak se lideri Al Hilal./Telegrafi/

The post A po e mendon Benzema rikthimin në Europë? Francezi ka një përgjigje për këtë appeared first on Albeu.com.

David Ornstein nga The Athletic, ka raportuar se 36-vjeçari nuk do të largohet nga Liga Saudite gjatë këtij muaji.

Raporti shton se Lyon kishte eksploruar mundësinë e transferimit të ish-sulmuesit të tyre gjatë janarit, vetëm gjashtë muaj pasi veterani francez nënshkroi një kontratë trevjeçare me klubin saudit.

Teksa tashmë u bë e ditur se Benzema do të qëndrojë në Lindjen e Mesme, ish-ylli i Real Madridit i cili u largua nga Spanja në 2023, raportohet se nuk është përshtatur siç duhet tek ekipi i ri.

Përkundër faktit se ka shënuar 12 gola në 20 ndeshje, reprezentuesi francez është përballur me kritika të ashpra nga tifozët për shkak të performancave të tij, dhe kjo siç duket e kishte shtyrë atë që të fshinte llogarinë e tij në Instagram gjithashtu.

Qëndrimi i Benzemas tek Al-Ittihadi në këtë afat nuk e përjashton mundësinë që ish-fituesi i Kupës së Botës të ndërrojë ambient gjatë verës.

Rikthimi i Benzemas në aksion do të ndodh më datë 4 shkurt kur Al-Ittihadi do të përballet në çerekfinale të Kupës së Mbretit të Kampionëve ndaj Al-Faisaly, para se të nisin kampanjën e tyre në ligë tri ditë më vonë ndaj Al-Tai./Telegrafi/

The post U tha se do të largohej gjatë këtij afati kalimtar, Al-Ittihadi merr vendimin final për Benzeman appeared first on Albeu.com.