Pavarësisht milionave të investuara në zhvillimin e futbollit, sonte elita e futbollit saudit u duk si një nivel i vërtetë amator për shkak të penalltisë së shkaktuar për skuadrën vendase Al Hazem.

Vendasit kaluan në avantazh në minutën e 14-të me golin e Bruno Viana dhe më pas dyfishuan avantazhin vetëm nëntë minuta më vonë pas një lëvizjeje të vështirë për t’u shpjeguar nga mbrojtësi mysafir. Goli u shënua pas një penalltie.

Portieri i mysafirëve e kapi topin në zonën e tij të rreptësisë dhe më pas bashkëlojtari i tij Fahad Al Harbi vendosi ta “përshëndet” topin me dorë dhe ta përgëzojë portierin për mbrojtjen. Mirëpo, teksa uroi, ai e preku topin që ishte në duart e portierit me dorën e tij. Gjyqtari menjëherë tregoi në pikën e bardhë dhe lojtarët e Al Fateh nuk ishin në dijeni të asaj që kishte ndodhur dhe për këtë protestuan.

This is the weirdest penalty ever awarded in the Saudi Pro League ? pic.twitter.com/OtKrrg1XAi

— GOAL (@goal) December 8, 2023

Megjithatë, gjyqtari u justifikua që tregoi pikën e bardhë, pasi në videot me lëvizje të ngadalta shihej se topin e goditi vërtet me dorë mbrojtësi.

Video me shpejtësi bëri xhiron e botës dhe gjyqtari nuk e ndryshoi vendimin pavarësisht ndërhyrjes së VAR-it. Toze mori topin dhe shënoi nga pika e bardhë për 2-0. /Telegrafi/

The post VIDEO / Miliona investime, por mbesin amator: Penalltia e shkaktuar në Arabinë Saudite bën xhiron e botës appeared first on Albeu.com.