Gjykata Themelore në Prishtinë ka shpallur aktgjykim fajësues ndaj katër personave të përfshirë në rastin “Toka 2”, duke i dënuar në total me 32 vjet burgim për vepra penale që lidhen me krimin e organizuar, keqpërdorimin e detyrës zyrtare dhe shpëlarjen e parave.

Vendimi, i shpallur të premten nga kryetari i trupit gjykues, Vesel Ismaili, përcakton dënimin prej 10 vjetësh burgim për Mehmet Prishtinën, 8 vjetësh për Dukagjin Emërllahin, 8 vjetësh për Avni Maxhunin dhe 6 vjetësh për Nexharije Hotin.

Prokuroria Speciale e Republikës së Kosovës e ka përshëndetur aktgjykimin, duke e konsideruar atë një hap të rëndësishëm në përpjekjet për luftimin e krimit të organizuar.

Përmes një komunikate pas vendimit, Prokuroria Speciale deklaroi se e mirëpret aktgjykimin fajësues ndaj katër të akuzuarve, transmeton KosovaPress.

“Ky vendim përfaqëson një zhvillim të rëndësishëm në përpjekjet e vazhdueshme institucionale për luftimin e krimit të organizuar”, thuhet në reagimin e Prokurorisë.

Nexharije Hoti, ish-gjyqtare komunale në Prishtinë, akuzohej në kuadër të rastit “Toka 2” për nxjerrje të kundërligjshme të vendimeve gjyqësore dhe keqpërdorim të detyrës zyrtare. Mehmet Prishtina dhe Dukagjin Emërllahi akuzoheshin se kishin ndihmuar në kryerjen e këtyre veprave penale, ndërsa Avni Maxhuni, bashkë me Emërllahin dhe Prishtinën, përballej edhe me akuzën për shpëlarje të parave.

The post Rasti “Toka 2”, katër të akuzuarit marrin gjithsej 32 vjet burgim appeared first on Albeu.com.

Në Gjykatën Themelore në Prishtinë është mbyllur seanca gjyqësore ndaj 21 personave që akuzohen për krime lufte.

Me përfundimin e shqyrtimit gjyqësor, palëve të përfshira në procedurë u është lënë një afat prej 30 ditësh për të ushtruar ankesë pranë gjykatës.

Akuzat lidhen me vepra penale që dyshohet se janë kryer gjatë luftës në Kosovë, ndërsa trajtimi i çështjes do të vijojë në përputhje me procedurat e përcaktuara ligjore.

Masakra e Reçakut vlerësohet si një prej ngjarjeve me ndikim të fuqishëm në zhvillimet politike dhe diplomatike të vitit 1999. Ajo u shndërrua në një nga faktorët që sollën ndërhyrjen ndërkombëtare kundër forcave serbe në Kosovë.

The post Mbyllet seanca gjyqësore ndaj 21 të akuzuarve për krime lufte në Reçak, 30 ditë afat për ankesë appeared first on Albeu.com.

Në fjalët hyrëse para gjykatës, mbrojtësit e tre të akuzuarve për sulmin në kanalin e Ibër-Lepencit, Dragisha dhe Jovan Viqentijeviq si dhe Igor Dimiq, kundërshtuan aktakuzën e Prokurorisë Speciale, duke e cilësuar atë të njëanshme dhe në kundërshtim me ligjin. Ata përfaqësohen nga avokatët Nebojsha Vllajiq, Millosh Deleviq dhe Jelena Kripokapriq.

I pari që paraqiti qëndrimin e mbrojtjes ishte avokati Nebojsha Vllajiq, mbrojtës i Jovan Viqentijeviqit, i cili fillimisht e dorëzoi fjalën hyrëse me shkrim dhe më pas e shtjelloi atë para trupit gjykues, raporton “Betimi për Drejtësi“.

Sipas Vllajiqit, arsyeja pse qytetarët i drejtohen gjykatës është pritja për drejtësi dhe zbardhjen e së vërtetës.

Ai theksoi se gjykata ka detyrim të jetë objektive, e paanshme dhe ta zhvillojë procesin në mënyrë të drejtë, duke shtuar se i njëjti obligim vlen edhe për Prokurorinë. Siç tha ai, neni 7 i KPP-së parasheh se “prokurori është i obliguar të vërtetojë faktet në favor dhe dëm të të pandehurit me kujdes të njëjtë”. Vllajiq shtoi se mbrojtja ka propozuar dhjetë prova.

Avokati deklaroi se prokurorit i pengon fakti që i pandehuri po ushtron të drejtën ligjore për të mos folur, por sipas tij nuk i pengon ajo që po thuhet tani.

“I pandehuri do të flasë por jo derisa prokurori i fsheh të gjitha dhe refuzon t’i administrojë provat tona”, tha ai.

Më tej, Vllajiq vlerësoi se aktakuza është hartuar në mënyrë të njëanshme, të palejueshme dhe të paligjshme.

“Mjetet të cilat i bartin të pandehurit i quan jolegale edhe pse asnjë ligj nuk i ndalon që të mbahet thika, radio. Secili qytetar ka maska dhe uniforma, I tërë konstruksioni i bashkëkryerjes mes Jovanit dhe Dragishës është i gabuar dhe i kundërligjshëm, këso raste në gjykatën e Kosovës nuk ka”, deklaroi ai.

Sipas tij, dy vëllezërve u janë sekuestruar armë veç e veç, ndërsa akuzohen për armëmbajtje pa leje në bashkëkryerje, gjë që, siç tha, e bën më të rëndë kualifikimin penal, me dënim dyfish më të ashpër.

Ai kundërshtoi edhe kualifikimin për spiunazh, duke thënë se ai është bërë në kundërshtim me ligjin dhe se duhet të ekzistojë një sekret shtetëror për t’u përmbushur ky element. Sipas tij, sekret shtetëror nuk është pamja e bazës së Policisë në Zubin-Potok, as vendndodhja e patrullës së policisë dhe as kush është drejtor i Policisë, pasi sekreti është diçka e përcaktuar me ligj.

Qëndrimin e paraqitur nga avokati i tij e mbështeti edhe vetë i akuzuari Jovan Viqentijeviq.

Edhe avokati i Dragisha Viqentijeviqit, Millosh Deleviq, e dorëzoi me shkrim fjalën hyrëse.

Gjatë paraqitjes së saj, Deleviq tha se, megjithëse e kanë lexuar aktakuzën dhe e kanë dëgjuar fjalën hyrëse të prokurorit, ende nuk e ka të qartë se çfarë veprimi konkret pretendohet të ketë kryer klienti i tij.

“Çka konkretisht ka bërë ai atë ditë nëse dikush në sallë e ka të qartë, ju lus që pas seancës të më ndaloni dhe të ma sqaroni se çfarë ka bërë ky njeri. Kjo aktakuzë dhe kjo çka ka deklaruar prokurori speial përshkruan ngjarjen që ka ndodhur atë ditë. Me të vërtetë nuk e di deri ku gjykata e shkallës së pare do të tolerojë që PSRK të paraqesë aktakuzë me këso lloj përmbajtjesh dhe deri kur do të tolerojmë që këto aktakuza të hyjnë në fuqi dhe të vijnë në shqyrtim gjyqësor”, tha Deleviq.

Ai shtoi se në dispozitivin e aktakuzës përdoren formulime të përgjithshme dhe kolektive, si “kanë ardhur”, “kanë vendosur eksploziv”, “e kanë ndezur fitilin”, por pa u sqaruar se cilin nga këto veprime e ka kryer konkretisht Dragisha Viqentijeviq.

“Në lidhje me Dragisha Viqentijeviq supozohet se ekziston prova se dheu/balta në çizme janë nga vendi i ngjarjes, mirëpo nuk kemi vërtetuar në bazë të ckaje PSRK vërteton se ato çizme janë me pronësi të Dragisha Viqentijeviqit duke mos propozuar as ekspertin i cili e ka përpiluar këtë ekspertizë që të kishim të drejtë t’i paraqesim pyetje apo ta kontestojmë këtë gjetje apo konstatim të ekspertit”, tha Deleviq.

Sipas tij, gjatë administrimit të provave, Prokuroria nuk do të arrijë të provojë fajësinë e Dragisha Viqentijeviqit, pasi nuk dihet se cili veprim konkret i atribuohet atij.

Deleviq bëri të ditur se mbrojtja do të propozojë së paku katër dëshmitarë për të vërtetuar albininë e tij, si dhe do të kërkojë sigurimin e dy incizimeve nga KEK dhe në Zubin-Potok.

Ai u shpreh gjithashtu se Ernestit nuk i takon statusi i personit të dëmtuar, pasi, sipas tij, ai nuk e ka pasur obligim të ndodhej në vendin e ngjarjes.

Edhe Dragisha Viqentijeviq deklaroi se e mbështet plotësisht fjalën e mbrojtësit të tij.

Nga ana tjetër, avokatja Jelena Kripokapriq, mbrojtëse e Igor Dimoviqit, tha se klienti i saj akuzohet për armëmbajtje pa leje, pasi sipas fjalës hyrëse të prokurorit, në dhomën e tij janë gjetur disa sende që Prokuroria i konsideron armë dhe pajisje ushtarake.

Ajo tha se në aktakuzë paraqitet e kundërta.

“I mbrojturi im është koleksionist i flaktë i gjërave të vjetra që përfshijnë edhe sende të amvisërive të vjetra, të cilat janë të rralla dhe nuk bëhet fjalë as për armë dhe as pajisje ushtarake. Mirëpo, Policia siç shihet qartë në atë moment i cili ka qenë realisht moment për panik, i ka bastisur shtëpitë në afërsi të kanalit të Ibër-Lepencit, e që shtëpia e të mbrojturit tim është në afërsi të atij kanali”, tha ajo.

Sipas Kripokapriqit, kjo është arsyeja pse sendet e gjetura në shtëpinë e Dimoviqit janë marrë si prova të vlefshme.

“Sepse në fillim kur e ka marrë në pyetje Policia, atij i është vënë në barrë vepra e terrorizmit, ku nga ana ime mund ta falënderoj prokurorin sepse kur kemi dorëzuar provat të cilat e provojnë albinë e të mbrojturit tim dhe provat për gjendjen e tij shëndetësore, e ka eliminuar këtë vepër penale ashtu që në aktakuzë qëndron vetëm vepra e cekur”, tha Kripokapriq.

Në përfundim, ajo deklaroi se do të provojnë me fotografi çfarë lloj sendesh ka koleksionuar klienti i saj dhe se ato nuk paraqesin rrezik për askënd.

“Ato janë pjesë të parëndësishme, të ndryshkura nga ndonjë armë që kush e di se ku është përdorur dhe se këtu nuk ka vepra që duhet të sanksionohen”, tha avokatja.

Pas përfundimit të fjalëve hyrëse të palëve në procedurë, seanca u ndërpre për të vijuar në një datë tjetër.

The post Mbrojtja e të akuzuarve për rastin e Ibër-Lepencit e cilëson aktakuzën e PSRK-së të paligjshme dhe të njëanshme, duke kërkuar dëshmimin e pafajësisë appeared first on Albeu.com.

Gjatë kësaj seance pritet të jepet fjala përfundimtare në lidhje me akuzat që rëndojnë mbi të pandehurit, çka e bën atë të rëndësishme për rrjedhën e mëtejshme të procesit gjyqësor.

Çështja lidhet me sulmin e armatosur ndaj një autobusi në fshatin Gllogjan të Deçanit, i ndodhur në nëntor të vitit 2021, ku humbën jetën shoferi i autobusit dhe dy nxënës.

Lidhur me këtë ngjarje, Prokuroria ka ngritur aktakuzë ndaj Halil, Kastriot dhe Kreshnik Mehmetajt, të cilët akuzohen për vepra të rënda penale.

The post Fillon seanca ndaj tre të pandehurve për vrasjen e trefishtë në Gllogjan, pritet paraqitja e fjalës përfundimtare appeared first on Albeu.com.

Pas kontrolleve të autorizuara nga Gjykata e Tiranës, uniformat blu kanë gjetur në paligjshmëri 30 klinika estetike.

Sipas burimeve zyrtare, nga verifikimet ka rezultuar se administratorët e këtyre 30 kilinikave estetike nuk deklaronin në organet tatimore, të ardhurat që përfitonin nga injektimi i produktit “Botulinum toxin”, te pacientët, pasi produkti dyshohet se është i kundërligjshëm dhe i kontrabanduar.

Për këtë veprimtari të paligjshme, janë të akuzuar 12 persona, ku 3 prej tyre janë arrestuar, 6 të tjerë janë proceduar penalisht dhe 3 të tjerë janë shpallur në kërkim.

Së fundmi, janë zbardhur dhe emrat e 30 klinikave estetike që kanë rezultuar në paligjshmëri, si dhe emrat e 10 të akuzuarve dhe akuzat që rëndojnë mbi ta.

Më konkretisht janë arrestuar shtetasit:

Mildon Kumaraku administratori i subjektin “Capo – AL shpk” i akuzuar për “Kontrabandë me mallra të licensuara” e kryer në bashkëpunim “Kontrabandë nga punonjësit që lidhen me veprimtarinë doganore” e kryer në bashkepunim dhe “fshehje e të ardhurave”.

Subjekti privat që ai administronte dyshohet se kontrabandon dhe magazinon produktin e kundërligjshëm, si dhe furnizon me të, klinikat estetike.

Xhuljana Mahmuti administratore e klinikës “Luar Clinik“, e akuzuar per veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Mildon Kumaraku

          Deisa Shehaj

Deisa Shehaj administratore e klinikës “Deas Aesthetics clinic”, e akuzuar për veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Ndërkohë janë proceduar penalisht 6 shtetaset:

Aida Troka administratore e klinikës “Allure Beuty”, e akuzuar per veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Jetlira Beqiraj administratore e klinikës “Medical Hills”, e akuzuar per veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Jonida Zaçe administratore e klinikës “Onxy Dermo Care”, e akuzuar per veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Luada Caushaj administratore e klinikës “Amra medical aestetics”, e akuzuar për veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Klarida Bekaj administratore e klinikës “Begas Clinik”, e akuzuar per veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

Eni Shemaj administrator e klinikave “The Glam House” dhe “3MT”, e akuzuar për veprat penale “Kontrabandë me mallra të licensuara” e kryer në bashkëpunim dhe “fshehje e të ardhurave”.

                       Jetlira Beqiraj administratore e klinikës “Medical Hills”

Ndërsa në kërkim është shpallur Skerdilajd Faria, administrator i klinikë “KEIT Day Hospital”, i njohur ndryshe si Skerdi Faria, kirurgu i famshëm i operacioneve plastike për personazhet e showbizit shqiptar.

Gjithashtu, në kërkim janë shpallur dhe shtetasit K. B. dhe A. F. B., të dy adminstratorë klinikash estetike ku injektohej produkti mjekësor “Botulinum toxin”, i njohur si “Botox”.

Skerdilajd Faria, administrator i klinikë “KEIT Day Hospital”

Ndërsa 30 klinikat estetike që janë gjetur në paligjshmëri janë:

Subjekti “Ledi Smile”

Subjekti “Era_Medical Aesthetics”

Subjekti “Deas_Aesthetics_clinic”

Subjekti “Amra_medical_aestetics”

Subjekti “The Glam House”

Subjekti “3MT”

Subjekti “Better Me”

Subjekti “Aris Medical”

Subjekti “Medart Clinic”

Subjekti “La Beauty”

Subjekti “Este Medical Group Albania 1”

Subjekti “Bellisera (Calme Beauty Met Clinic)”

Subjekti “Allure Beauty Center”

Subjekti “Allure Beuty”

Subjekti “Keit Day hospital”

Subjekti “Derma Pure”

Subjekti “Klinika kirurgjike Austriake”

Subjekti “Velvet Medical Center”

Subjekti “Medicare Hospital”

Subjekti “Derma Bless”

Subjekti “Begas Clinic”

Subjekti “Medical Hills”

Subjekti “Onxy Dermo Care”

Subjekti “La Perla Dermo Aesthetics Center”

Subjekti “Cozzy Aesthetics”

Subjekti “CAPO-AL”

Subjekti “Luar Clinik”

Subjekti “Doctor Hospital”

Subjekti “Senera Hoxha”.

Policia bëri me dije se po punon për kapjen e 3 personave të shpallur në kërkim, teksa nuk dihet nëse Skerdi Faria ndodhej jashtë vendit kur u shpallën masat e sigurisë apo jo.

Ndërkohë, të akuzuarit e tjerë pritet të dalin në gjykatë për rishikim të masave të sigurisë.

The post “Botox-i”/ Zbardhen emrat e 30 klinikave estetike në paligjshmëri dhe 10 të akuzuarve appeared first on Albeu.com.

Më 1 prill, Prokuroria Themelore në Prishtinë, ka ngritur aktakuzë ndaj dy të dyshuarve për vrasjen e Fejzullahut.

Dy të dyshuarve u është ngarkuar vepra penale “Vrasje e Rëndë” në aktakuzë.

Nga Prokuroria Themelore në Prishtinë, e kishin konfirmuar se më 25 mars është paraqitur propozim për shqiptimin e dënimit me burgim për të miturit, për shkak të veprës penale “Vrasja e rëndë”.

“Prokuroria Themelore në Prishtinë, më 25.03.2024, ka paraqitur Propozim për shqiptimin e dënimit me burgim për të miturit, ndaj dy personave (të mitur), për shkak të veprës penale “Vrasja e rëndë” në bashkëkryerje, pranë gjykatës kompetente”, kështu ka thënë Laureta Ulaj, zëdhënëse e Prokurorisë Themelore në Prishtinë.

Deri më tani, dy të akuzuarit janë duke qëndruar në paraburgim deri në një vendim tjetër të Gjykatës. 18-vjeçari kishte vdekur në Emergjencën e QKUK-së disa ditë pasi ishte rrahur.

Policia fillimisht e raportoi vrasje në tentativë dhe therje me thikë, e në Emergjencë konstatuan vdekjen e tij nga lëndimet në kokën e viktimës, të marra nga shkopi i bejsbollit. Për këtë raportim, Inspektorati Policor i Kosovës kishte iniciuar hetim.

The post Rrahën për vdekje 18-vjeçarin nga Podujeva, nis seanca gjyqësore për të akuzuarit appeared first on Albeu.com.

Shoferi i autobusit, Manoil Trifunovski, është dënuar me 14 vjet burgim, ndërsa shefi i kompanisë “Durmo Tours”, Durmish Beluli, është dënuar me katër vjet burgim.

Me gjashtë vjet burgim është dënuar përgjegjësi për transport në këtë kompani, Remzi Miftari, ndërsa me nga pesë vjet burgim janë dënuar punonjësit e qendrës teknike të kompanisë, Igor Gjorgjievski, Goran Dukovski dhe Jane Bovarski.

Aksidenti i rëndë rrugor, pati ndodhur në autostradën Shkup-Tetovë, kur një autobus që po udhëtonte për në Gostivar, pati dalë nga rruga dhe është rrokullisur në një hendek përgjatë autostradës.

Në autobus kanë qenë rreth 50 persona, kryesisht punonjës të administratës dhe të tjerë që po ktheheshin në shtëpitë e tyre.

Gjykata ka shqiptuar, për të gjithë të pandehurit një dënim dytësor -ndalimin e kryerjes së veprimtarisë në kohëzgjatje prej pesë vitesh.

Prokuroria ka kërkuar masën e paraburgimit, për të akuzuarit deri në marrjen e aktgjykimit të formës së prerë, ndërsa mbrojtja ka kërkuar masa më të lehta, për faktin se disa prej të dënuarve tashmë janë nën masat e sigurimit.

Ky aksident pati shkaktuar reagime të shumta në opinion, për shkak të zgjatjes së procedurës gjyqësore dhe “dyshimeve për ndikime politike me qëllim shpëtimin e personave të caktuar dhe hedhjen e fajësisë vetëm te shoferi i autobusit”.

Procesi gjyqësor pati rrezikuar edhe kthimin në rigjykim, për shkak të emërimit të gjykatëses së rastit në Gjykatën e Apelit.

Por, pas reagimit të palës mbrojtëse, familjarëve dhe opinionit më të gjerë, gjykatësja është kthyer në detyrë për të marrë vendim për këtë rast./REL

The post Aksidenti i rëndë në Shkup, humbën jetën 16 persona, të akuzuarit dënohen me 39 vite burg appeared first on Albeu.com.