Dëshmitë thonë se nuk janë deklaruar të gjitha transfertat e parave për këtë kalim. Në lidhje me këtë situatë, Neymar ka deklaruar në gjykatë:

“Babai im ka qenë gjithmonë përgjegjës, për këtë ka qenë gjithmonë përgjegjës. Unë firmos atë që ai më thotë të firmos”, është shprehur lojtari i PSG-së pasi është pyetur nga prokurorët, ku këta të fundit e akuzojnë për korrupsion dhe kërkojnë dy vjet burgim dhe 10 milionë euro gjobë./h.ll/albeu.com

The post Gjyqi i Neymar, braziliani ia hedh “fajin” babait: Unë firmos çfarë më thotë ai appeared first on Albeu.com.

Borisov, 62 vjeç, i cili aktualisht është kryetar i partisë opozitare të qendrës së djathtë ‘GERB’ dhe disa anëtarë të tjerë të partisë së tij u arrestuan më 17 mars në lidhje me hetimet për keqpërdorimin e fondeve të ndihmës së Bashkimit Evropian.

“Ata erdhën në shtëpinë time ndërsa ne ishim duke darkuar”, tha Borisov pas lirimit.

Borisov tha për mediat se gjatë kontrollit të shtëpisë, autoritetet “nuk gjetën asgjë dhe kur mendova se po largoheshin, më thanë: “Duhet të të arrestojmë,” shtoi ai.

“Ishte brutale dhe e neveritshme. Jemi kthyer në kohën e komunizmit”, u shpreh ai.

Borisov tha se nuk ishte i akuzuar. Prokurorët nuk kanë komentuar ende për rezultatin e ndalimit të tij.

Qindra mbështetës të ish-kryeministrit Borisov protestuan në qendër të Sofjes kundër arrestimit mëngjesin e 17 marsit.

“Askush nuk është mbi ligjin!”, shkroi në Facebook, kryeministri i ri i Bullgarisë Kiril Petkov më 17 mars.

Partia Kundër Korrupsionit e sapoformuar e kryeministrit Petkov fitoi zgjedhjet e përgjithshme në Bullgari vitin e kaluar me një platformë “zero tolerancë për korrupsionin”.

Arrestimet erdhën pas një vizite në Sofje më 16-17 mars nga ana e kryeprokurores evropiane Laura Koevesi.

Ajo vlerësoi “vendosmërinë, udhëheqjen dhe vizionin bindës të Petkov për luftën kundër korrupsionit”.

“Tani është koha që autoritetet përkatëse bullgare të bashkohen me ne, duke përfshirë rastet veçanërisht të ndjeshme”, tha Koevesi.

“Kjo është arsyeja pse ne ekzistojmë, kjo është arsyeja pse jemi këtu,” tha Koevesi, duke shtuar se prokurorët evropianë kanë hapur 120 hetime për mashtrime që përfshijnë paratë e BE-së në lidhje me tenderët publikë, subvencionet bujqësore, ndërtimet dhe fondet e rimëkëmbjes së pandemisë së koronavirusit.

Borisov është akuzuar për korrupsion disa herë në të kaluarën, por ka mohuar çdo keqpërdorim./REL

The post Ish-kryeministri bullgar Borisov lirohet pas arrestimit për korrupsion appeared first on Albeu.com.

Gazeta shkruan se austriaku lejoi lobistët e huaj ta ftonin në gjueti dhe darka e dreka të shtrenjta, pa raportuar siç parashihet me rregulloret e BE-së.

Sipas gazetës, Hahn pranoi ftesën për të shkuar në gjueti me lobistët belgë në muajin dhjetor të vitit 2015.

Gjithashtu në raportim theksohet se Kodi i Sjelljes e detyronte të raportonte në Komisionin Evropian ftesën që mori nga lobisti i “Pronarit të Tokës” (ELO).

Një zëdhënës i paidentifikuar i Hahnit tha për ORF dhe Standard se telefonata ishte thjesht private.

Ai tha se në gjueti ka marrë pjesë me partneren e atëhershme, e cila ka patentë gjuetie. Në lidhje me ngjarjen, Komisioneri Evropian për Buxhetin dhe Administratën beson se nuk ishte e nevojshme të raportonte rastin në regjistrin e transparencës.

Po ashtu, sipas prestigjozes, ka dyshime të forta se komisionieri është i përshirë edhe në akte të tjera korruptive./albeu.com/

The post Gjueti, dreka e darka luksi, kryekomisionieri Hahn akuzohet për korrupsion appeared first on Albeu.com.