Gjithashtu, Prokuroria e Posaçme, thekson se Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”.

Më herët, Balluku është marrë e pandehur nga SPAK për tenderin e tunelit të Llogarasë dhe atë të Unazës së Madhe, një aferë kjo me vlerë 210 mln euro.

Njoftimi i plotë i SPAK:

Prokuroria e Posaçme kundër Korrupsionit dhe Krimit të Organizuar, mbështetur në nenet 73, 95 dhe 103 të Kushtetutës së Republikës së Shqipërisë, nenin 288 të Kodit të Procedurës Penale, si dhe në nenet 13 dhe 118 të Rregullores së Kuvendit të Republikës së Shqipërisë, në kuadër të procedimit penal nr. 136 të vitit 2025, ka paraqitur kërkesë për dhënien e autorizimit nga Kuvendi i Republikës së Shqipërisë për arrestimin/ heqjen e lirisë së deputetit/ministrit/zëvendëskryeministrit:

Belinda Balluku, lindur dhe banuese në Tiranë, e cila ushtron funksionet e deputetit, ministrit dhe zëvendëskryeministrit të Republikës së Shqipërisë.

Kjo shtetase është marrë në cilësinë e të pandehurit në kuadër të procedimit penal nr.136 të vitit 2025, pasi akuzohet për kryerjen e veprës penale:

“Shkelja e barazisë së pjesëmarrësve në tendera apo ankande publike”, e kryer në bashkëpunim, e parashikuar nga nenet 258/2 dhe 25 të Kodit Penal, në lidhje me procedurën e prokurimit me objekt “Ndërtimi i tunelit të Llogarasë”.

Gjithashtu, shtetasja Belinda Balluku, ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”.

Kjo kërkesë ka për qëllim marrjen e autorizimit nga Kuvendi për procedimin e mëtejshëm ligjor.

The post SPAK akuza të reja ndaj Belinda Ballukut, nën hetim edhe për 7 tendera të tjerë appeared first on Albeu.com.

Kate Greville akuzoi Giggs për sulm dhe dëmtime të rënda trupore në nëntor të 2020 dhe zbuloi në Gjykatën e Kurorës së Manchesterit se uellsiani, përveç saj, kishte lidhje me tetë gra të tjera dhe për këtë arsye vendosi ta linte atë.

“Ajo që gjeta në iPad-in e tij ishte më e keqe nga se mund ta imagjinoja. Ai kishte lidhje me tetë gra të tjera në kohën që ishte me mua. Këto ishin marrëdhënie serioze”, tha Grevilova në gjykatë.

Ajo zbuloi se ishte në një lidhje me Giggs që nga viti 2013 dhe se të dy ishin të martuar në atë kohë, por se dy muaj më vonë e la burrin e saj për ish-futbollistin e Manchester United. Giggs akuzohet se ka sulmuar Kate Greville dhe i ka shkaktuar dëmtime trupor më 1 nëntor 2020, në ambientet e shtëpisë së tij.

Ajo deklaroi se Giggs i dërgonte 50 mesazhe në orë, duke e kërcënuar se do të shkatrronte karrierën e saj.

“Nuk do të më linte kurrë vetëm, nuk kishte asnjë moment që të mos donte të bënim seks. Nëse nuk do të përgjigjesha, do të merrja shumë mesazhe ofenduese dhe kërcënuese. Një herë më dërgoi një email me shantazh, ishte një video intime e jona. Ai më tha se do t’ua dërgonte këtë njerzve nëse nuk do t’i përgjigjesha”, tha ajo.

“Ai vinte te unë në mëngjes, bënim seks, më dukej sikur po më përdorte vëtëm për këtë gjë. Nuk kishte kohë që nuk donte të bënim seks. Ai erdhi në shtëpinë time për të kryer marrëdhënie seksuale dhe më pas fluturoi për në Barcelonë me një femër tjetër. Një moment më thoshte se lidhja jonë nuk do të funksiononte, më pas më dërgonte foto provokuese.”

Giggs gjithashtu akuzohet për sulmin ndaj motrës së saj më të vogël Ema gjatë të njëjtit incident. Uellsiani më pas dyshohet se e ka shkelmuar ish të dashurën e tij kur ajo i tha se po e linte, dhe ai e goditi me bërryl motrën e saj në nofull.

“U çmend në hotel, më kapi kyçet dhe më tërhoqi zvarrë nëpër dysheme. Më hodhi jashtë dhe më fluturoi gjërat në rrugë. U ndjeva e poshtëruar dhe e turpëruar. Ishte hera e parë që ai ishte agresiv ndaj meje”./ h.ll/albeu.com

The post “Kërkonte vazhdimisht seks, më ushtronte presion psikologjik dhe më shantazhonte me video”, Ryan Giggs përballet me akuza të reja dhe më të rënda appeared first on Albeu.com.

Në një postim më 25 maj, Navalny tha se për akuzat është njoftuar nga ana e hetuesve gjatë një vizitë që i është bërë në burg.

Njëra akuzë ka të bëjë me “vjedhjen” e donacioneve në Fondacionin e tij Antikorrupsion (FBK), ndërsa një çështje e dytë ka të bëjë me “inkurajimin e qytetarëve për të refuzuar përmbushjen e obligimeve të tyre civile”. Padia e tretë, sipas tij, është ngritur për fyerje të një gjykatësi. Navalny po vuan një dënim me burg për akuzat e përvetësimit për të cilat ai thotë se u ngritën për shkak të aktivitetit të tij politik. Navalny, 44-vjeçar është në paraburgim që nga janari, kur u kthye në Rusi pas disa javësh të trajtimit mjekësor në Gjermani, pasi ishte helmuar me agjentë nervorë në muajin gusht.

Ai ka thënë se helmimi është porositur nga presidenti rus, Vladimir Putin, por Kremlini ka hedhur poshtë akuzat. Që nga burgosja e tij, autoritetet ruse kanë intensifikuar fushatën kundër Navalnyt dhe bashkëpunëtorëve të tij.

Dhoma e ulët e parlamentit të Rusisë më 25 maj shqyrton në lexim të dytë një projektligj që do t’iu ndalonte mbështetësve të Navalnyt të zgjidhen në pozita shtetërore. Kremlini po synon që fondacioni i tij dhe dy organizata të tjera civile të udhëhequra nga ai të shpallen “ekstremiste” para mbajtjes së zgjedhjeve parlamentare në muajin shtator. Një seancë gjyqësore për të shqyrtuar këtë kërkesë është caktuar të mbahet më 9 qershor. Mbështetja për partinë në pushtet Rusia e Bashkuar është në nivelet më të ulëta ndonjëherë, kanë treguar hulumtimet e opinionit.

The post Akuza për vjedhje dhe fyrje nga gjykatësit, Navalnyt nuk i ndahen problemet appeared first on Albeu.com.