Kujdes! Pse nuk duhet të hani akullore pasi është shkrirë një herë

E B — Fri, 21 Jul 2023 13:55:53 +0000

Gjatë sezonit të verës në të gjithë botën rastet e helmimit nga ushqimet janë shumë të mëdha, dhe kjo jo gjithmonë ndodh për faj të konsumatorëve, ose se ushqimet janë të skaduar. Nganjëherë ne nuk dimë si t’i përdorim ushqimet gjatë sezonit të verës, të ngrira, të freskuara, sa herë duhet futur në frigroifer, si duhen larë.

Një rast për të cilin ekspertët britanikë kanë dhënë alarmin janë edhe akulloret.

Përveç rreziqeve të njohura të diabetit dhe obezitetit, akullorja me të vërtetë ka potencial për t’ju bërë shumë të sëmurë. Në vitin 2015, pesë vetë u shtruan në spital dhe tre vdiqën pasi hëngrën akullore që ishte kontaminuar në Angli.

Në rastin e mësipërm, bakteret Listeria ishin të pranishme në akulloren e kremrave në nivelet e një dhe dhjetë njësive formuese të kolonisë (cfu) për gram.

Megjithatë, akullore mund të përbëjë një rrezik të madh pas blerjes nëse ajo është shkrirë dhe pastaj është futur në frigorifer për tu ngrirë sërish..

Akullore shkrihet mjaft shpejt në temperaturën e dhomës.

Por, nuk duhet bërë asnjëherë gabim që akullorja juaj të shkrihet plotësisht, e të rifutet në frigorifer, për shkak se ajo është e prodhuar nga përbërët të pasterizuar dhe mjaft delikat, që në temperature të larta mund të prishen lehtësisht pa u kuptuar në shije.

Më mirë do të ishte sikur, nga frigoriferi të merrni gjithmonë vetëm një sasi të vogël, të cilën do ta konsumoni kur të doni.

The post Kujdes! Pse nuk duhet të hani akullore pasi është shkrirë një herë appeared first on Albeu.com.

3 arsye pse nuk duhet ta fusni në ngrirje akulloren e shkrirë

E B — Mon, 06 Jun 2022 13:01:37 +0000

Imagjinoni këtë: Keni blerë një tas të madh akullore për ta ngrënë me miqtë apo familjarët tuaj dhe pasi keni shpërndarë akullore, keni biseduar apo jeni argëtuar jashtë shtëpisë shihni se ka tepruar pak akullore, por është shkrirë. Mendimi i parë që ju vjen është ta fusni sërish në ngrirje. Gabim!

Ka disa lloje ushqimesh që nuk duhen ringrirë asnjëherë dhe një prej tyre është akullorja. Ja pse:

Humbet ajri

Ajo çka e bën akulloren kaq speciale është ajri i fiksuar tek akullorja gjatë përgatitjes, i cili i jep dhe përbajtjen kremoze dhe të shndritshme. Kur shkrin, ajri humbet. Ndaj kur e fusni prapë në ngrirje. Ngrin në një masë të dendur, ndaj ju duhet ta punoni sërish që të riktheni ajrin në masën e akullores.

Bëhet me kokrra

Herën e parë kur ngrin akullorja, kristalet e akullit që e formojnë ëmbëlsirën janë të vogla dhe uniforme. Në rast se rifutet në ringrirje formohen kristale akulli më të mëdha duke krijuar një ëmbëlsirë të pakëndshme me kokrriza të mëdha.

Me shumë mundësi është e pasigurt për t’u ngrënë

Si çdo produkt bulmeti, nëse lihet në temperaturë dhome për një periudhë të caktuar kohe, bakteret e dëmshme fillojnë të shtohen duke shtuar rrezikun e sëmundjeve të ndryshme.

The post 3 arsye pse nuk duhet ta fusni në ngrirje akulloren e shkrirë appeared first on Albeu.com.

akullore e shkrire Archives - Albeu.com

Kujdes! Pse nuk duhet të hani akullore pasi është shkrirë një herë

3 arsye pse nuk duhet ta fusni në ngrirje akulloren e shkrirë