Kasami tha për Alsat: “Nga kongresi i parë që mbajti VLEN-i, tanimë kemi një strukturë të re të VLEN-it që nga presidenca, lidershipi dhe kuvendi qendror. Në gjithë këto formacione politike të VLEN-it, Fatmir Limani nuk bën pjesë. Ai vetë vendosi dhe zgjodhi të vetëdistancohet, kështu që në bisedimet me kryeministrin ashtu si në herën e parë kur është formatuar Qeveria, por edhe në riformatimet e saj edhe tash, do të flasim si dy partnerë të koalicionit, ku çdonjëri do të propozojë kandidatët e tij që i ka. kështu që në këto kombinatorika mund te them që Fatmir Limani nuk është pjesë”.

Mbrëmjen e kaluar, edhe kryeministri Hristijan Mickoski foli për këtë temë në një intervistë për Alsat, duke nënvizuar se statusi i Fatmir Limanit do të trajtohet gjatë takimeve me partnerët e VLEN-it.

“Kur të jenë bisedimet për qeverinë, do të diskutojmë, do t’i hapim të gjitha temat, do të bëjmë analizë të përbashkët, unë jam i bindur se me partnerët e VLEN-it, deri tani kemi pasur dialog të hapur dhe të sinqertë, dialog partneriteti, ashtu edhe do të vazhdojmë të bashkëpunojmë në të ardhmen”, tha mbrëmë kryeministri Hristijan Mickoski.

Debati për rikonstruimin e kabinetit qeveritar po vazhdon prej më shumë se 7 muajsh, por pavarësisht emrave që janë përmendur në media dhe në opinion, deri tani nuk ka asnjë konfirmim zyrtar. Përveç Fillkovit, në qarkullim janë edhe zëvendësime të mundshme në postin e ministrit të Administratës, Goran Minçev, si dhe të ministrit të Kulturës, Zoran Lutkov.

Në kampin politik shqiptar, VLEN-i, përveç emrit që duhet të propozojë për pozitën e Limanit, pritet të nxjerrë kandidat edhe për postin që mbante Arben Fetai, i cili dha dorëheqje nga detyra e zëvendëskryeministrit për Qeverisje të Mirë. Edhe pse sipas kryeministrit të gjitha opsionet mbeten të hapura, ai ka theksuar se kriteri kryesor do të jetë cilësia dhe jo sasia. /Alsat.mk.

The post Kasami: Fatmir Limani jashtë formulave të VLEN-it për rikonstruimin e Qeverisë appeared first on Albeu.com.

Ai bëri të ditur se nga Presidenti turk Rexhep Taip Erdogan ka marrë garanci se do të ketë angazhim edhe për ardhjen e kompanive të tjera turke që do të investojnë në Maqedoni.

“Sa i përket investitorëve tjerë potencial që eventualisht do të vinin nga Turqia, si rezultat i biznes forumit që e organizuam, në periudhën që pason pres disa dhjetëra investime potenciale që do të operacionalizohen. Presidenti Erdogan, personalisht më tha se do të angazhohet që sa më tepër investitorë turq të vijnë te ne, në Maqedoni, a detyra jonë si ekonomi këtë do ta pranojmë, duke hapura vende të reja të punës dhe ata që janë jashtë shtetit do të përpiqemi që përmes vendeve të reja të punës të paguara mirë, ti kthejmë në shtëpi”, tha Hristijan Mickoski.

The post Mickoski paralajmëron investime të reja nga Turqia: Erdogan premton angazhim për kompani të tjera në Maqedoni appeared first on Albeu.com.

Ademi thotë se VLEN po paraqet qëndrimin se, në rast se ligji nuk respektohet, masa ndëshkuese do të ishte shkarkimi i drejtuesit të institucionit, edhe pse, sipas tij, një përcaktim i tillë nuk figuron në tekstin e ligjit.

“Sipas VLEN-it, nëse nuk respektohet Ligji për Përfaqësim të Drejtë dhe Adekuat, si masë ndëshkuese parashihet shkarkimi i udhëheqësit të institucionit, megjithëse kjo nuk shkruan askund.

Këtu shtrohet një pyetje legjitime: nëse ky ligj nuk respektohet nga Presidenti i shtetit ose nga kryetarët e komunave, si do të zbatohet masa e shkarkimit ndaj tyre? Cili është mekanizmi ligjor për mbajtjen e tyre përgjegjës? A ka VLEN përgjigje konkrete për këtë çështje?”, pyet Ademi.

The post Ademi ngre pikëpyetje për VLEN-in: Me çfarë mekanizmi do të shkarkohen të zgjedhurit që nuk zbatojnë ligjin? appeared first on Albeu.com.

Në lidhje me çmimet e derivateve në Maqedoni, kryeministri Hristijan Mickoski tha se pret që në ditët e ardhshme ato të mbeten të qëndrueshme ose të pësojnë vetëm lëvizje të vogla, me ndryshime minimale si për naftën ashtu edhe për benzinën. Sipas tij, javën e ardhshme pritet një ulje më e theksuar e çmimeve, ndërsa theksoi se Maqedonia vazhdon të jetë mes vendeve me karburantet më të lira në rajon.

“Vendimi që duhet ta sjellë KRRE ka të bëjë me javën e kaluar. Sipas përllogaritjeve tona, sepse ndërpritet gjendja e krizës, për shkak se marrëveshja është arritur, pres që çmimet të lëvizin në kuadër të gjysmë denari ose të mbeten të njëjta, kur bëhet fjalë tek lënda dizel dhe rreth 1,5 deri në 2 denarë rritje e benziave, e javën e ardhshme pres ulje të dukshme, sepse sot çmimet e bursës për naftën dhe derivatet e naftës kanë rënë në mënyrë dramatike, lëvizin diku rreth 82-83 dollarë për fuçi, andaj javën e ardhshme pres rënie më të madhe, përndryshe edhe më tej mbetemi vendi që ka çmimet më të ulëta të benzinave dhe dizelit në rajon”, tha Mickoski.

The post Mickoski paralajmëron ulje të çmimeve të karburanteve javën e ardhshme appeared first on Albeu.com.