Pjesa më e madhe janë aktorë amerikanë dhe ndërkohë që shumë prej tyre kanë bërë para përmes prodhimit të filmit, të tjerët janë të njohur për kontributin e tyre në industrinë e filmit si aktorë të mëdhenj.

Vendin e parë e mban komediani Jerry Seinfeld me një pasuri prej 1 miliard dollarësh ndërsa vendin e fundit e mban ylli “Marvel”, Robert Doëney Jr me një pasuri prej 300 milionë dollarësh.

Më poshtë keni listën e plotë me aktorët më të pasur në botë:

Jerry Seinfeld: 1 miliard dollarë

Tyler Perry: 1 miliarddollarë

Dwayne Johnson: 820 milion dollarë

Shah Rukh Khan: 770 milion dollarë

Tom Cruise: 620 milion dollarë

Jackie Chan: 520 milion dollarë

George Clooney: 500 milion dollarë

Robert De Niro: 500 milion

dollarë Arnold Schëarzenegger: 45 milion

dollarë 450 milionë dollarë

Mel Gibson: 425 milionë dollarë

Adam Sandler: 420 milionë dollarë

Amitabh Bachchan: 410 milionë dollarë

Jack Nicholson: 400 milionë dollarë

Salman Khan: 350 milionë dollarë

Will Smith: 350 milionë dollarë

Robert Downey Jr: 300 milionë dollarë

Richest actors in the world:

?? Jerry Seinfeld: $1 Billion
?? Tyler Perry: $1 Billion
?? Dwayne Johnson: $820 million
?? Shah Rukh Khan: $770 million
?? Tom Cruise: $620 million
?? Jackie Chan: $520 million
?? George Clooney: $500 million
?? Robert De Niro: $500 million
??…

— Global Index (@TheGlobal_Index) June 14, 2023

The post Publikohet lista, këta janë aktorët më të pasur në botë appeared first on Albeu.com.

Mbrëmjen e sotme, aktori Arben Derhemi ka publikuar një foto me Robert Ndrenikën, dhe ka paralajmëruar se seriali do të rikthehet në ekranet e shqiptarëve.

“Sot e deklaroj rifillimin e serialit …”Njerez dhe fate”..Eshte gati..”, ka shkruar ai.

“Njerëz dhe fate” telenovela e pare shqiptare, rreth vitit 2002-2003 pasqyronte aktualitetin shqiptar në atë kohe dhe ka vlere edhe sot te shikohet.

 

View this post on Instagram

 

A post shared by Arben Derhemi (@arben.derhemi)

The post “Është gati”, Arben Derhemi publikon foton me Robert Ndrenikën, çfarë paralajmërojnë appeared first on Albeu.com.

Ai u ndal te largimi i Delindës dhe Elionës, por shtoi se ka përjetuar jashtë mase largimin e Gent Zenelajt vite më parë.

Pjesë nga diskutimi:

Aldo: Pyetje: Kush ka ikur?

Turjan Hysko: Ka ikur Delinda dhe Eliona.

Aldo: Ka dalë titulli ‘braktis’?

Turjan Hysko: Kanë dalë e kanë shkuar në televizion tjetër.

Aldo: “Ja pse braktisa?”

Turjan Hysko: Jo, nuk besoj që vajzat… vajzat kanë filluar punën në një televizion tjetër, unë iu uroj shumë suksese. Me Delindën kemi pasur një bashkëpunim mos gaboj, 4-vjeçar. Ka qenë një bashkëpunim shumë i frytshëm në gjykimin tim. Mendoj që është një nga aktoret më të mira që unë kam pasur, mendoj që është e talentuar. Eliona ka pasur shumë më shumë vite, që nga “Apartamenti 2xl” dhe si me thënë, ka qenë e familjes, por kur ka ikur Cristiano Ronaldo nga Reali, gjithçka ndodh. Në fillim i përjetoja largimet, sidomos të Gentit te “Agon Channel” e kam përjetuar goxha.

Aldo: Kemi ikje pra pa inat?

Turjan Hysko: Të thashë, i vetmi që kam dashur shumë ka qenë Gent Zeneli.

The post Dy aktoret e njohura largohen nga “Klanifornia”, Turjan Hysko: Ja kush më mërziti më shumë appeared first on Albeu.com.

Viti 1962 shenon ngjarje ne jeten e saj artistike. Pranohet aktore në Teatrin Popullor ku ne 15 vjet interpretoi rreth 30 role si Suzana, Luçia, Tjen Ny te “Muri i madh”, Dila te drama Cuca e maleve, Sonja, Nica te filmi Gjenerali i ushtrisë së vdekur, Laja te Kur hidheshin themelet, etj.

Aktorja Mimika Luca ku luajtur ne role te ndryshme edhe ne 12 filma artistikë, ka shkruar drama dhe ka qene nga vitit 1977 pedagoge në Institutin e Lartë të Arteve, dega dramë.

Disa prej kujtimeve i kanë zënë vitet, por jo aq sa për mos të kuptuar se Mimika ka jetuar në një kohë tjetër, që s’ngjan fare me teatrin e 40 viteve të fundit. Në këtë pjesë të parë të intervistës, do të njihemi me atë çfarë ka ndodhur në vendin më të lakmuar të Tiranës, së viteve ’60-’70-të. Atje ku njerëzit merrnin rrugën enkas me shpresën se do kishin fatin të shihnin aktorin që kishin parë mbrëmë në skenë, Ndrek Lucën. Në fakt, emrat e vërtetë nuk kishin asfare rëndësi sepse të gjithë i njihnin e u drejtoheshin me emrat e personazheve të tyre, ç’ka është e pamundur të ndodhë më sot!

Interviste nga Ani Jaupaj

Njohja me Ndrek Lucën, na tregoni për të…

Jam njohur me Ndrekën që kur fillova të lahesha në pishinën e Teatrit Popullor. Pastaj, në atë kohë, as ne e as ata nuk linim pa parë asnjë shfaqe të njëri-tjetrit. Për mua ishte më i madhërishmi sepse e njihja nga interpretimet. M’u afrua disa herë aso kohe, më thoshte, është me ujë Selite pishina, do marrësh ndonjë të ftohtë se sa ke dalë nga provat…

Në oborrin e teatrit nisi dashuria juaj?

Po, në oborrin e teatrit. Së pari nisi të fliste ai, të më jepte këshilla a të më bënte pyetje ,sepse kuptohet që isha edhe tepër e vogël. Unë thosha me vete, ky njeri, që është kaq, i madh vjen (kishte ardhur një delegacion italian, i cili kishte thënë që pamë një Jago krejt të veçantë) dhe më flet mua! Në moshën 16- vjeçare, i kisha mbushur, unë u marrosa pas tij! Jo vetëm në skenë, por ai ishte aq i madh edhe në jetë. Vishte një pallto ushtarake që i dilnin fijet dhe mua kjo më dukej thjeshtësia më e madhërishme në botë.

Si e mësoi Ndreka marrosjen tuaj?

Si duket duhet të ishim marrosur të dy përderisa ai vinte e më fliste sa herë. Megjithëse unë isha e vogël, por dashurisë ç’mund t’i bëje! Aty, në pishinën e Teatrit, u dashuruam. Me fustanin e një shfaqjeje të Marie Logorecit, u bëra nuse nga grimieri i Teatrit. Nuk kaloi shumë kohë përpara se të martoheshim dhe po atë vit, linda vajzën.

Ndërkaq, ju nuk kishit nisur ende studimet për aktrim?

Shkollën e nisa kur u martova, megjithëse Ndreka nuk ishte dakord me zgjedhjen time, mirëpo unë isha e vendosur. Në vitin e tretë të studimeve, u emërova në Teatrit Popullor deri disa vite më pas, kur me urdhër, u largova si pedagoge në Institutin e Arteve për mjeshtri aktori. Mirëpo, në Teatër ishte Ndreka, ishte jeta ime, kështu që nuk mund të shkëputesha asnjëherë tërësisht, plus që u angazhova edhe në vijim me disa role, në kinematografi më shumë.

Ç’ndodh me një çift të martuarish, që luajnë bashkë në shfaqje?

Po ju tregoj një rast! S’kisha hyrë ende në muajin e nëntë kur më thërret drejtori i Teatrit, për të më thënë se vinte një delegacion kinez dhe se do të jepej një shfaqe e mbyllur, enkas për ta. A do mundesh të marrësh pjesë? Po, i thash menjëherë… Në po atë çast, dëgjohet një ulërimë e Ndrekës, “Çfarë, çfarë?!” ‘Ndrek, do më falësh -i thotë drejtori,- se po flas me Mimikën’! Ai duket e kuptoi që e teproi dhe u tërhoq. Ndreka ishte vëllai im në atë shfaqe. Ishte një moment që djali i shtëpisë duhet ta shtynte dhe vajza rrëzohej përtokë.

Vëllai im, Ndreka pra, sapo afrohet ai moment i rrëzimit, bëri një lëvizje rrumbullake dhe doli atje ku do bija unë. Kur unë u rrëzova, rashë mbi të. Kur mbaroi shfaqja, i thashë: ‘O Ndrek, po ti nuk e di që unë i kam mësuar truket që edhe kur të rrëzohem, mos të vritem!?” Një muaj më vonë lindi Gjergji… U bëra edhe me djalë. Po atje, në atë oborr, do isha bërë edhe gjyshe sepse edhe vajza ime lindi shpejt.

Jeni bashkë, si burrë e grua, edhe te filmi “Detyrë e posaçme”…

Po, edhe aty kemi një histori të këndshme. Ndreka vinte nga malet në atë film, pas një kohe të gjatë dhe kur të vinte në shtëpi, duhet të putheshim. Sigurisht, prandaj edhe më kishin zgjedhur mua. Duhet të më merrte në krahë e të më shpinte në dhomë të gjumit. Ai përqafimi i fillimit shoqërohej edhe me një puthje. Unë nuk e kujtoj ekzaktësisht tani, por më duket se nuk jemi puthur realisht.

Jo, nuk më ka puthur! Unë isha me një robëdishan, një nostalgjike që i erdhi burri! “Gati!”, thoshte regjisori Kristaq Dhamo. Fillonte kamera, Ndreka afrohej deri në një pikë dhe bënte një farë përshëndetje, më shumë sesa puthje. “Gabim!,-bërtiste regjisori, jeni burrë e grua”. Ndreka prapë mbështeste kokën. U përsërit tri herë kjo skenë aq sa u bë banale. “Të kisha përballë një grua tjetër, e dija unë ç’bëja, por me gruan time intimiteti është i rëndësishëm”, kaq tha Ndreka dhe nuk u zgjat më. Skena me puthje u hoq krejtësisht…

Të gjithë që e kujtojnë, tregojnë se ka qenë burrë pasionant. Aktorët e kanë më të lehtë të shprehen, a e fliste ai dashurinë apo vetëm nënkuptohej?

Ne putheshim gjithmonë! Edhe kur shkonim në punë, edhe kur ktheheshim, putheshim, kemi qenë familje puthësash! Edhe në një rast, kur ishim zënë, ai kishte ngritur zërin, ndërsa kur do largohej, unë shkova ta puth. “Po mirë moj,- më thotë mamaja,- ai sa të shau, si shkon dhe e puth?!” Unë e dija që Ndreka e kishte 5 minuta nervin e tij dhe harronte gjithçka! “O mama, kush i vë re këto!” Kur e kujtoj sot, ende më qeshet. Pas atyre minutave, isha për të më e mira… Megjithatë, në jetë, gjithsej, nja dy herë ma ka thënë! Ishte i kursyer! Më ka thënë në një festë, “më dukesh si fishekzjarr”, unë fluturova.

Po në fillim, kur u njohët?

Ne kishim një diferencë 10 vite e gjysmë dhe siç thatë, ai shquhej për temperamentin e tij pasionant, megjithatë ka pasur gjuhë tjetër nga kjo e sotmja. Ai ishte burrë dhe nga jashtë dukej natyrë e egër, mirëpo nëse unë nuk qaja kur shihnim filma, ai përlotej. Unë isha më e kontrolluar.

A ka pasur xhelozira mes jush, në punë?

Teatri i krijon lehtë këto situata. Asnjëherë! Tregoheshin barsoleta atëherë në teatër, “të largohet një çikë Mimika…”, mirëpo jo! Unë kam qenë shoqe e tij…

Është profesioni pak ngacmues, pavarësisht marrëdhënies…

Siç ju thashë, unë barsoletat i di, edhe zëkzëket që janë të pranishme në art, janë të pashmangshme.

Ju keni shkruar edhe drama, jo pak. Disa prej tyre kanë shkaktuar edhe reagime politike…

Nisa të shkruaj drama në kohën kur në Teatrin Kombëtar pjesët e huaja nuk ishin më të mirëpritura dhe iu dha përparësi dramës shqipe. E kujtoj si tani ministrin e asaj kohe, që erdhi na përcolli fjalën në një mbledhje, se ishte marrë një vendim për të forcuar dramaturgjinë tonë. Atëherë vlonte dramaturgjia, megjithatë ai kështu ishte porositur. “Edhe ju, mundohuni si ata të parët tuaj, ta forconi!” Mua m’u duk një gjë shumë e bukur dhe shkrova menjëherë, që në atë javë, pas asaj bisede, në ato kabinat tona të ngushta. Sapo isha bërë me një fëmijë dhe ikja dy orë përpara shfaqjes për të shkruar. Të mos kisha mamanë, nuk do t’ia kisha dalë.

The post “Isha 16 vjeç kur u marrosa pas tij”, aktorja shqiptare rrëfen historinë e dashurisë me kolegun në Teatër, e njihni çiftin (FOTO LAJM) appeared first on Albeu.com.

Ishin vitet 2002-2003 kur, “Njerëz dhe Fate” mbërtheu para ekranit të gjithë shqiptarët. Historia tragjike e një familjeje shqiptare që përballej me vështirësitë e kohës, si dhuna në familje, trafikimi apo droga, tërhoqi vëmendjen e shqiptarëve që hasnin të njëjtat probleme të atë kohë.

Asokohe u fol në media se “Njerëz dhe Fate” nuk do të kishte vetëm 20 seri, por edhe dy episode të tjerë, që deri tani duket se kanë mbetur ëndërr në sirtar… Po ku janë sot aktorët dhe personazhet tuaj të preferuar: Flori, Era, Lola, Durimi, Betimi, Xhema, Didi, Bosi, etj?

Robert Ndrenika

Të kesh pjesë të kastit një prej emrave më të mëdhenj të kinematografisë shqiptare, atëherë gjysmën e suksesit e ke të garantuar. Kështu ndodhi edhe me Robert Ndrenikën, i cili ishte pjesë e padisktuar e suksesit të kësaj telenovele. Ai interpretonte rolin e një ish-regjisori të vjetër të Kinostudios, “Durim Guri”, që ishte baba i tre fëmijëve, Lola, Era dhe Flori. Pas këtij seriali ai është ngjitur në skenë me të tjerë personazhe në teatër e kinematografi, por në fillim të vitit 2015-të Ndrenika iu nënshtrua një operacioni në zemër, që fatmirësisht doli me sukses.

Pavlina Mani

“Drita” është roli i Pavlina Manit në telenovelën më të famshme shqiptare. Mani dhe Ndrenika ndërtuan çiftin ideal të aktorëve duke interpretuar me aq thjeshtësi dhe origjinalitet bashkëshortët intelektualë, që patën shumë probleme me fëmijët e tyre. Aktorja Pavlina Mani u shpërngul vite më parë në Amerikë, së bashku me bashkëshortin e saj aktorin Pirro Mani. Pirro Mani fatkeqësisht ka ndërruat jetë një vit më parë në New York.

Arben Derhemi

Ai ka interpretuar edhe në moshë të re (ka luajtur një rol në episodik në filmin “Një vajzë dhe një djalë”), por publiku shqiptar e njeh më së shumti me rolin e Florit, djalin çapkën në telenovelën “Njerëz dhe Fate”. Derhemi duket se u fut menjëherë nën lëkurën e djemëve “problematikë” dhe të shkathët shqiptarë, duke e sjellë shumë pranë realitetit personazhin e tij. Për aktorin Derhemi rrjedha e aktrimit ka vijuar normalisht në kinematografi e teatër, madje ai ka eksperimentuar duke sjellë në skenë edhe monodramën “Johan Padan dhe Amerikat”. Aktualisht është i martuar me gazetaren Iva Korumi dhe janë prindër të një vajze me emrin, Darlina.

Eni Jani

E kush nuk e mban mend Erën, gjimnazisten e shkëlqyer e cila kishte shumë ëndrra për jetën. Aktorja Eni Jani pas këtij personazhi, u bë sigurisht më e famshme dhe më e njohur për publikun shqiptar. Duket sikur karriera e Janit pas kësaj telenovele u përqëndrua më shumë në teatër ku ka interpretuar në vepra të famshme “Vdekja e një mbretëreshe”, “10 vjet martesë”,” Me dyer të mbyllura”, etj. Ajo ka sjellë gjithashtu si regjisore disa vepra në skenën e Teatrit. Jani është martuar me aktorin Genc Fuga dhe janë prindër të dy fëmijëve. Ajo ka qenë për dy sezone regjisore dhe ideatore e programit të mëngjesit në “TVSH”.

Valbona Imami

Lola, vajza e madhe e familjes Guri, interpretohej në këtë telenovelë nga aktorja Valbona Imami. Imami është larguar prej kohësh nga Shqipëria pasi është martuar me ekonomistin e huaj, Evan Scott Thomas. Disa kohe me pare u be me dije se Valbona jetonte mes Amerikes dhe Nigerise, pasi bashkeshorti i saj amerikan, Evan Scott Thomas ishte me mision ne Abuja. Por aktorja eshte shume e terhequr jo vetem nga ekrani, por edhe nga rrjetet sociale..

Arta Muçaj

Në fillimet e karrierës së saj ajo ka interpretuar rolin e Rozarias në shfaqjen “Gënjeshtarja”, më pas në rolin e Lusit te “Vdekja e Dantonit”, ndërsa Kiço Londo i ofroi një rol në “Kujdes, kafshon”, ku aktorja luajti përkrah aktorëve të njohur Ndriçim Xhepa dhe Yllka Mujo. Por aktorja kosovare, Arta Muçaj u bë e njohur në Shqipëri nëpërmjet rolit të “Didit” në këtë telenovelë. Në vitet 2000 veç rolit në serial ajo u përfol edhe për historinë e dashurisë me rrokerin e famshëm, Bojken Lako, që për aktoren ka qenë një lidhje perfekte, që përfundoi pa shkak. Aktorja jeton tashmë në kontinentin e largët australian, ku pas divorcit  nga bashkëshorti vijon karrierën si aktore atje.

The post “Lola” në Nigeri dhe “Drita” në Amerikë, çfarë bëjnë dhe si duken sot aktorët e “Njerëz dhe Fate” (FOTO LAJM) appeared first on Albeu.com.

Pjesë e takimit ka qenë edhe aktorja e njohur, Rita Gjeka.

Gjeka ka diskutuar rreth problematikave që hasin aktorët në punën e tyre të përditshme.

Ajo në fjalën e saj ngriti shqetësimin për pagat e ulëta që kanë punonjësit e teatrit të Migjenit dhe duke e lidhur me skandalin e publikimit të pagave të qytetarëve, tregoi edhe se kishte marrë kritika nga vajza.

“Më tha vajza si nuk ke turp që rri gjithë ditën në Teatër për 500 mijë lekë”, u shpreh aktorja.

“Ngaqë kanë dalë këto rrogat na vjen marre se vajza kur e pa më tha nuk të vjen marre që rri gjithë ditën në teatër e merr 500 mijë lekë? I kemi më të vogla se mësuesat pagat, por ndihemi më të rëndësishëm se mësuesat se edukojmë jo një brez, por disa”, shtoi Gjeka.

Por Berisha iu përgjigj duke premtuar se Bashkia do të marrë masa, me ardhjen e Bardh Spahisë në krye të saj.

“Ke të drejtë për rrogat, më vjen shumë keq se është verbëri burokratësh. Në një nga vendimet e rëndësishme të qeverisë së mëparshme ka qenë rritje e ndjeshme në atë kohë e rrogave të artistëve, kjo ka ngelur vetëm në institucionet e Tiranës. Bashkia do marrë masat e veta por nesër PD në pushtet do i japë zgjidhje shumë të qartë e të mirë këtij problemi”, tha Berisha.

Por duket se premtimi i Berishës nuk i ka mjaftuar aktores, e cila tha se “është shumë vonë”.

“Është shumë vonë ishte dash ju së pari më herët për hatër tonë që u jena vu mbrapa me qejf e dëshirë vazhdojmë emocionohemi prej jush, se di sa shpejt do mbërrijmë me riparu atë vonesë tuajën së pari e gjithë atyre që merren me politikë”, tha Gjeka./albeu.com/

The post “Është vonë”, aktorja e njohur “i hapet” Berishës: Vajza më tha, a t’vjen marre që rri gjithë ditën në teatër për 500 mijë lekë appeared first on Albeu.com.

Ky lajm ka shtangur të gjithë fansat e tyre. Ka qenë vetë aktori i mirënjohur, William Levy ai i cili ka dhënë lajmin e papritur.

Aktori ka publikuar një status në Instagram, ku ndër të tjera shkruan se së bashku me Elizabeth do të vazhdojnë të jenë prindërit më të mirë për fëmijët e tyre.

“Ne duam t’ju bëjmë të ditur se pasi e menduam mirë, kemi vendosur t’i japim fund marrëdhënies sonë. Por ne do të vazhdojmë të jemi familja e bukur që jemi dhe prindërit më të mirë për fëmijët tanë. Kjo nuk do të ndryshojë kurrë”, -shkruhej në postim.

The post Dukeshin çifti perfekt, aktorët e famshëm të telenovelave i jep fund martesës shumëvjeçare (FOTO LAJM) appeared first on Albeu.com.

Gigli

2003

Sipas ngjarjes së filmit, Ricki (Jennifer Lopez), një vrasëse dhe urrejtëse e meshkujve, ‘çmendet’ për një djalë karizmatik të quajtur Larry (Ben Affleck). Që nga takimi me të, jeta e kësaj gruaje fillon të shkëlqejë me ngjyra të reja. Kur ra dakord për rolin, a e dinte Jennifer se, ashtu si personazhi i saj, ajo do të binte plotësisht në dashuri me këtë djalë të gjatë, të hollë dhe të bukur? Fakti mbetet: aktorët filluan një lidhje romantike gjatë xhirimeve.

Vicky Cristina Barcelona

2008

Në film, Penélope Cruz dhe Javier Bardem luajtën rolin e një çifti të martuar të pazakontë. Temperaturat e nxehta spanjolle të personazheve ishin të mbushura me pasion. Këto fishekzjarre emocionale rezultuan në një romancë vorbulle që më vonë kaloi në një martesë të fortë.

Cruel Intentions

1999

Ajo që ne zakonisht e quajmë kimi dashurie ndodhi me aktorët Reese Witherspoon dhe Ryan Phillippe ndërsa ata po punonin në filmin Cruel Intentions. Pra, tani nuk mund të ketë dyshim për sinqeritetin e personazheve.

The Apartment

L’appartement, 1996

Gjatë xhirimeve, ndjenjat u shfaqën midis italianes atëherë pak të njohur, Monica Bellucci, dhe aktorit francez, Vincent Cassel, i cili kishte reputacionin e një womanizer të pariparueshëm. Çifti lindi, duke mbetur për shumë vite një nga më të bukurit në botën e kinematografisë.

The Rum Diary

2010

The Rum Diary u bë vendimtar në fatin e pashmit Johnny Depp, i pëlqyer nga miliona gra në të gjithë botën. Kjo për shkak se ai (dhe personazhi i tij i filmit) ra në dashuri me bionden Amber Heard. Pas xhirimeve, beqari i konfirmuar i propozoi aktores së re, megjithëse Vanessa Paradis po priste kot propozimin e Johnny pas një lidhjeje 14-vjeçare.

Step Up

2006

Shumë prej nesh duam ta shikojmë këtë film emocionues sërish e sërish, dhe jo vetëm sepse na bën të duam të kërcejmë. Një arsye tjetër pse na pëlqen Step Up janë sytë e dashur të Channing Tatum dhe Jenna Dewan. Aktorët me pas u martuan dhe tani kanë një vajzë.

Days of Thunder

1990

A ju kujtohet fillimi i karrierës së filmit të Nicole Kidman, kur ajo kishte një kokë të plotë me kaçurrela verbuese të kuqe? Kjo ishte koha kur Tom Cruise e takoi atë duke xhiruar Days of Thunder. Dhe ai nuk donte ta linte të ikte. Romanca në ekran u shndërrua shpejt në një të vërtetë. Në atë kohë, aktorët ishin një nga çiftet më të ndritshëm të Hollivudit.

Alfie

2004

Në këtë film, djaloshi i pashëm, Jude Law, nuk e kishte problem të luante Casanova-n. Ishte gjithashtu e lehtë për të që të xhironte skenat e dashurisë me Sienna Miller. Kjo sepse aktorët patën një romancë gjatë xhirimeve, e cila u zhvillua aq shpejt sa edhe ajo në ekran.

Mr. & Mrs. Smith

2005

A ja vlen të thuash diçka në këtë rast? Në këtë foto, ne shohim Brad Pitt dhe Angelina Jolie në xhirimet e atij filmi të famshëm. Të gjithë e dimë në çfarë rezultoi kjo romancë: 12 vjet martesë dhe lindja e tre fëmijëve (pa llogaritur të adoptuarit!).

The Amazing Spider-Man

2012

Një “Spidey” simpatik – Andrew Garfield, ashtu si personazhi i tij, u kap në një rrjet magjepsës jo vetëm të së dashurës së tij në ekran, por edhe jashtë kësaj, aktores Emma Stone, e cila e interpretoi këtë rol. Çifti është ende në lidhje.

The post 10 filma ku aktorët dashuronin vërtet njëri-tjetrin (FOTO LAJM) appeared first on Albeu.com.