Nga ana tjetër, ekspertët e fushës thonë se aktiviteti fizik kur kryhet në mënyrë të rregulltë zbut ndjeshëm simptomat e depresionit.

Tingëllon paradoksale apo jo?

Një studim i kryer nga Universiteti i Teksasit zbuloi se vetëm 30 minuta aktivitet i moderuar fizik në harkun kohor të pesë ditëve mund të zbusë në mënyrë të ndjeshme simptomat e depresionit, ose edhe t’i përgjysmojë ato.

Padyshim që aktiviteti fizik nuk luan rol zëvendësues për medikamentet kundër depresionit, por është pa kurrfarë mëdyshjeje, i mirë.

Përmirëson humorin

A e keni vënë re sa të gjallëruar dhe sa të hareshëm ndiheni pas një vrapi?

Studimet tregojnë se aktiviteti fizik është i fuqishëm në përmirësimin e humorit.

Njerëzit që vuajnë nga depresioni dhe kombinojnë barnat me aktivitetin fizik kanë mundësinë të dalin sa më shpejt prej sëmundjes.

Aktiviteti fizik ndihmon në sekretimin e hormoneve pozitive.

Një studim i publikuar në American Journal of Psychiatry ka zbuluar se vetëm një orë aktivitet fizik në javë mund të mjaftojë për të parandaluar depresionin duke u bërë kështu një forcë madhore për shëndetin mendor.

Më shumë vetëbesim

Aktiviteti fizik përmirëson edhe vetëbesimin tek njeriu, thonë ekspertët.

Sipas tyre, kryerja e aktivitetit fizik, pavarësisht kohës apo intensitetit nxit një imazh më të mirë të vetes.

Më pak frikë

Aktiviteti fizik lufton mjaft mirë simptomat e panikut dhe ankthit siç janë: djersitja, marramendja apo rrahjet e larta të zemrës.

Nëse njeriu kryen rregullisht ushtrime, ai bëhet më pak i ndjeshëm ndaj këtyre problemve mendore dhe emocionale dhe nuk percepton rrezik të shtuar.

Aktivitetet më të mira fizike për njerëzit që vuajnë nga depresioni janë: ecja, vrapi, çiklizmi, noti, aerobia, zumba dhe çdo gjë që vë trupin dhe trurin në lëvizje drejt mirëqenies së lakmuar.

The post Zgjidhja kundër ankthit dhe depresionit appeared first on Albeu.com.

Konkretisht, rreziku i kancerit të qafës së mitrës dhe leuçemisë u ul midis 14-26%. Për kanceret e tjera, si kanceri i mushkërive, mëlçisë, endometrit, zorrës së trashë dhe gjirit, u vu re një rrezik 3-11% më i ulët.

“Ne e dimë se aktiviteti fizik, si ecja ose çiklizmi, sjell përfitime për shëndetin, veçanërisht nëse rrit rrahjet e zemrës. Por ajo që kemi gjetur është se ka përfitime të rëndësishme për shëndetin e zemrës dhe reduktimin e rrezikut të kancerit, edhe me 10 minuta çdo ditë”, theksojnë studiuesit.

Hulumtimi gjithashtu arriti në përfundimin se 150 minuta në javë aktivitet me intensitet të moderuar janë të mjaftueshme për të parandaluar 16% të vdekjeve të parakohshme. Një në nëntë (11%) raste të sëmundjeve kardiovaskulare dhe një në 20 (5%) raste të kancerit do të parandaloheshin. Një në 20 (5%) raste të sëmundjeve kardiovaskulare dhe pothuajse një në tridhjetë (3%) raste të kancerit mund të parandalohen.

Çfarë është aktiviteti fizik i moderuar?

Aktiviteti fizik me intensitet të moderuar rrit rrahjet e zemrës dhe ju bën të merrni frymë më shpejt, por ju lejon të jeni në gjendje të flisni gjatë aktivitetit.

Shembuj të aktivitetit fizik me intensitet të moderuar janë:

Ecje e gjallë

Kërcim

Biciklete

Tenis

Hiking

The post Aktiviteti fizik i përditshëm ul rrezikun nga sëmundjet vdekjeprurëse appeared first on Albeu.com.