anda Frymore e qytetit mbajti një paradë në sheshin kryesor të Elbasanit, ndërsa fëmijë e të rritur u bënë pjesë e aktiviteteve të shumta.

Sipas traditës, amvisat elbasanase kishin përgatitur ëmbëlsirën tradicionale të kësaj feste, ballokumen, e cila gjendej në çdo stendë të panairit te kulinarisë të ngritur në qytet.

Qytetarë nga e gjithë Shqipëria, Kosova, Maqedonia e Veriut, Mali i Zi, si dhe emigrantë të shumtë iu bashkuan festës në Elbasan.

Edhe në Tiranë u kremtua Dita e Verës, ku qytetarë të shumtë iu bashkuan festës së organizuar në kryeqytet. Vëmendja më e madhe në këtë ditë iu kushtua fëmijëve, të cilët vunë veroret dhe shijuan atmosferën festive të ditës që shënjon ardhjen e pranverës.

Festimet për Ditën e Verës në juglindje të vendit nisën mbrëmjen e 13 marsit, ku sipas riteve pagane u ndezën zjarre që simbolizojnë largimin e dimrit dhe ardhjen e pranverës. Festimet vijuan edhe përgjatë 14 Marsit.

Gjirokastra mirëpriti Ditën e Verës me një atmosferë të ngrohtë, duke e shndërruar Parkun Natyror të Viroit në qendrën e aktiviteteve për të gjithë të pranishmit. Festimet nisën me koncertin e fëmijëve, ndërsa panairi i ushqimeve tradicionale tërhoqi vëmendjen e vizitorëve.

Edhe në Durrës e Vlorë u mbajtën aktivitete të shumta, ku dy qytetet bregdetare janë veshur me petkat e pranverës, për të mirëpritur kështu turistë nga e gjithë bota.

Me ngjyrat e pranverës, plot këngë dhe valle u kremtua Dita e Verës edhe në Lushnje e Kavajë, ku performancat artistike të fëmijëve i dhanë jetë kësaj feste.

The post Këngë, aktivitete, ballokume dhe ngjyra/ Si u festua Dita e Verës në disa nga qytetet shqiptare appeared first on Albeu.com.

Në këtë artikull, do të gjeni 8 arsye pse është e domosdoshme të angazhohemi në aktivitete gjatë fundjavës, duke na ndihmuar të përmirësojmë cilësinë e jetës sonë.

Relaksim dhe rikuperim: Pas një jave të ngarkuar, aktivitetet ndihmojnë në relaksimin e trupit dhe mendjes.

Socializim: Kjo është një mundësi për t’u takuar me miq dhe familjarë, duke forcuar marrëdhëniet.

Zbulimi i pasioneve: Aktivitetet krijojnë mundësi për të provuar gjëra të reja dhe për të zbuluar pasionet e reja.

Rritja e energjisë: Aktivitetet fizike rrisin energjinë dhe përmirësojnë humorin.

Balancimi i jetës: Një fundjavë e mirë e organizuar ndihmon në balancimin mes punës dhe jetës personale.

Kreativiteti: Aktivitetet krijuese stimulojnë mendimin dhe rrisin frymëzimin.

Mirëqenia emocionale: Angazhimi në aktivitete të ndryshme kontribuon në përmirësimin e shëndetit mendor.

Memorje të bukura: Krijoni kujtime të çmuara me ata që doni.

Të gjitha këto arsye e bëjnë fundjavën një periudhë të rëndësishme për t’u shfrytëzuar!

The post 8 arsye pse duhet të organizoni aktivitete në fundjavë appeared first on Albeu.com.

Gjatë kësaj ore, bulevardi “Dëshmorët e Kombit” do të kthehet në një ambient plot me kënde për argëtim dhe aktivitete të ndryshme për fëmijët.

Në këtë zonë të kryeqytetit do të jenë të hapura 14 stenda të ndryshme që do të mundësojnë për fëmijët disa praktika të ndryshme që nga kulinaria, mbjellja e luleve apo edhe art përmes pikturës ku të vegjlit do të kenë mundësi të shpalosin talentet e tyre.

Një pjesë e bulevardit do të përshtatet si një hapësirë për të shijuar patinazhin, ndërkohë që prezentë do të jenë edhe një grup animatorësh që do i japin më shumë atmosferë kësaj dite.

Axhenda e plotë e aktiviteteve të organizuara nga Bashkia e Tiranës

10:00 – Workshope (Seanca Edukimi dhe Sensibilizimi për Ushqimin)

Workshop-e dedikuar edukimit dhe ndërgjegjësimit rrethqëndrueshmërisë ushqimore dhe objektivave të zhvillimit tëqëndrueshëm, duke promovuar praktika të shëndetshme dhe tëpërgjegjshme.

10:00 – Brown Zone

Workshop mbi drithrat dhe edukimin mbi bukën dhe konsumimin e saj. Fëmijët do të kenë mundësinë të marrinpjesë në procesin e përgatitjes së brumit.

10:00 –  White Zone

Workshop mbi akulloren dhe bulmetin duke theksuar rëndësinë dhe vlerat ushqyese që mbartin.

10:00 –  Green Zone

Panel Testi i Vajit të Ullirit: Specialistët do të prezantojnëdhe diskutojnë cilësitë e ullirit, si dhe përdorimet në gatim, duke ofruar një përvojë edukative dhe të këndshme.

10:00 – Flower Workshop

Fëmijët do të marrin pjesë në një ëorkshop për mbjelljen e luleve, ku do të mësojnë dhe të marrin pjesë aktivisht në procesin e mbjelljes. Çdo fëmijë do të ketë mundësinë të mbjellë lulen e vet dhe ta marrë atë në fund të aktivitetit.

10:00 – Demonstrime Gatimi dhe Kulinarie

o Shefat e kuzhinës do të demonstrojnë teknika të ndryshmegatimi dhe receta të veçanta, duke ndarë sekretet e tyre me publikun.

10:00 – Degustimet e Ushqimeve Lokale

o Vizitorët do të kenë mundësinë të shijojnë ushqimetradicionale shqiptare, duke përjetuar shijet autentike tëkuzhinës sonë.

10:00 – Galeria 01 – Panairi i Produkteve të Artizanatit

o Ekspozitë me produkte artizanale ku mund të blihen produkte të ndryshme. Fëmijët dhe jo vetëm do të kenë mundësinë të krijojnë pocari dhe të pikturojnë mbi to.

10:00 – Street Art/Painting

o Në bulevard do të vendosen rreth 30 kavaleta ku fëmijët mund të pikturojnë dhe të shprehin fantazinë e tyre, duke krijuar vepra të bukura arti.

10:00 – Patina

o Hapësirë e dedikuar për të rinjtë dhe fëmijët që të shijojnë patinazhin, si dhe ëorkshop-e për ata që duan të mësojnë më shumë mbi këtë sport.

10:00 – Balona

o Një zonë e veçantë që do ti ofrojë fëmijëve dhe prindërve mundësinë për të krijuar dhe ngjyrosur balonat që më pas do të ngrihen në qiell, duke sjellë gëzim dhe argëtim për të gjithë.

10:00 – Animatore Social

Një grup animatorësh social do të jetë prezent për t’i dhënë kësaj dite një atmosferë edhe më të gëzuar dhe të hareshme për fëmijët. Ata do të sjellin argëtim dhe energji pozitive, duke krijuar momente të paharrueshme për të vegjlit.

10:00 – Qendra Steam

Qendra Steam do të ofrojë një kënd të veçantë pikture që do të sjellë ngjyra dhe imagjinatë, duke e bërë ditën e tyre edhe më të veçantë dhe argëtuese.

10:00 – Tullumbace

Një nga gjërat që fëmijët duan më shumë janë tullumbacet. Do të kemi një stendë të veçantë ku fëmijët do të kenë mundësinë të luajnë dhe të kënaqen me tullumbacet, duke sjellë buzëqeshje dhe gëzim të pamasë.

The post 1 qershori do jetë ditë pa makina në kryeqytet, ja aktivitetet që do të organizohen për fëmijët nga Bashkia e Tiranës appeared first on Albeu.com.

Mësoni rregullat e arta për të pasur sa më shumë energji gjatë ditës.

Drita e Diellit

Drita e diellit rregullon orën e brendshme të trupit dhe stimulon qelizat e trurit. Hapni dritaren kur të zgjoheni dhe shijoni dritën që të jeni më vigjilentë gjatë ditës. Studimet konfirmojnë se, nëse shijoni të paktën 30 minuta dritë natyrale në ditë do të jeni më energjikë.

Mëngjesi me Proteinë

Këshillohet të hani mëngjes të pastër me proteinë që t’ju mbajë ngopur për më gjatë. Një mëngjes i tillë përfshin: bukë me drithëra të plota, banane, qumësht ose kos pa yndyrë, fruta pylli dhe arrorë.

Pini Ujë

Nëse jeni të dehidratuar do të jeni të plogësht dhe pa energji. Pini ujë vazhdimisht, por mos e pini me ngut sepse veshkat do ta filtrojnë menjëherë dhe do ta nxjerrin nga organizmi pa i dhënë mundësi trupit ta shfrytëzojë atë.

Kafe në gllënjka të vogla

Kafeja sjell energji të shpejtë por që zgjat pak. Strategjia ideale për një energji të vazhdueshme është që të pini 6 deri në 8 gllënjka të vogla të kafesë nga mëngjesi deri pasdite.

Çajrat

Çajrat përmbajnë amino acide që rrisin ndjesinë e mirëqenies dhe vigjilencës. Në ditë të plogështa, pini patjetër një çaj edhe nëse keni pirë një kafe dhe do të vëreni një energji më të plotë.

Frutat dhe arrorët

Hani fruta të plota dhe arrorë. Mos pini lëngje të gazuara mes vakteve apo ëmbëlsira plot sheqer. Zgjidhni mes mollës, bananes, portokallit, djathit pa yndyrë, arrave, bajameve dhe kosit.

Thuaji jo ushqimeve të shpejta

Pica, hamburgeri, mishi i skuqur i pulës kanë aftësi shteruese të energjisë. Këto ushqime përmbajnë substanca që provokojnë përgjumjen e trurit.

Bëni shëtitje

Një shëtitje 20 minutëshe pas drekës do t’ju gjallërojë, thonë ekspertët. Aktiviteti fizik i jep energji trurit ndonëse ju ngjall ndjesinë e përtacisë. Shëtitja dhe ecja çlirojnë hormonet e duhura për t’u ndjerë energjikë.

Dremisni

Mjafton një dremitje prej 15-30 minutash pasdite për t’u ndierë më mirë. Megjithatë vendosni alarmin që të zgjoheni dhe të mos bini në gjumë të thellë, nga i cili do ju duhet më shumë se një orë të zgjoheni. Nëse flini shumë në drekë, do të ndiheni të plogësht për shumë kohë.

Larja e fytyrës

Njerëzit që lajnë fytyrën pas dremitjes, ndihen më të gjallë dhe energjikë. Një tjetër alternativë është të lani duart në ujë të ftohtë dhe më pas të fërkoni pjesën e pasme të qafës.

Gjumin e sotëm mos e lër për nesër

Një natë e vetme ndoshta nuk mjafton për të rimëkëmbur netë të tëra pa gjumë. Një herë në javë të paktën përpiquni të flini herët, sepse edhe truri e ka të nevojshëm pushimin. Të gjitha punët që keni lënë bërë shtyjini për nesër dhe dhurojini vetes qetësinë e nevojshme.

The post Më shumë energji dhe humor gjatë ditës, zbuloni ushqimet që duhet të konsumoni dhe aktivitetet që duhet të kryeni appeared first on Albeu.com.

1. Ju ankoheni shpesh

A ankoheni shpesh për punën tuaj, shefin tuaj, rrogën tuaj, fqinjët apo bashkëshortin tuaj? Nëse përgjigja është po, atëherë shumicën e kohës po shpërndani energji negative. Negativiteti nuk do të ndryshojë asgjë, thjesht do t’ju pengojë të lëvizni. Kështu që ndryshoni mentalitetin tuaj dhe flisni më shumë për atë për të cilën jeni mirënjohës në jetë, sesa për atë që nuk ju pëlqen.

2. Nuk e ushqeni mendjen tuaj

Nëse nuk po zhvilloheni vazhdimisht si person dhe nuk po mësoni gjëra të reja, do të thotë se jeni në stanjacion, njësoj si një liqen i qetë në sipërfaqen e të cilit krijohet sediment i gjelbër. Një gjë e ngjashme ndodh me mendjen tonë nëse nuk e mbajmë atë aktive dhe nuk mësojmë gjëra të reja. Sfidat pozitive në jetë do t’ju zgjerojnë mendjen.

3. Shpesh flisni negativisht për veten tuaj

Pavarësisht nëse mendoni se mundeni ose mendoni se nuk mundeni, keni të drejtë në çdo rast, tha Henry Ford me mençuri. Nëse i thoni vetes se nuk jeni mjaftueshëm i zgjuar për t’u promovuar në punë ose për të filluar biznesin tuaj, do të kishit të drejtë. Nëse i thoni vetes se jeni shumë i lodhur për të bërë ndryshime në jetën tuaj, keni të drejtë. Ajo që i thua vetes bëhet realiteti yt. Prandaj zgjidhni me kujdes atë që i thoni vetes sepse jeta dhe mendimet tuaja janë një dhe e njëjta gjë.

4. Nuk planifikoni për të ardhmen

Është gjithmonë më mirë të jetosh tani, në këtë moment, por ndonjëherë duhet të shikosh nga e ardhmja për të kuptuar se ku po shkon. Nëse nuk keni një qëllim ose një plan, atëherë jeni si një anije që lëviz pa qëllim në oqean duke shpresuar të përfundojë diku mirë. Por ju nuk duhet të jetoni kështu. Ju duhet të krijoni udhëzuesin tuaj në të cilin do të zhvilloni një plan hap pas hapi që do t’ju çojë atje ku dëshironi të jeni.

5. Ju kaloni shumë kohë me njerëz që nuk kontribuojnë në zhvillimin tuaj

Është e lehtë për ne që të mbërthehemi me njerëz që nuk na bëjnë një person më të mirë. Nëse kaloni shumë kohë me njerëz të tillë, do të ngecni ose do t’ju tërheqin poshtë me ta. Këta janë njerëz të njohur në bisedë si vampirët e energjisë. Ata thithin jetën nga ju dhe nuk ju japin asgjë pozitive në këmbim. Kërkoni një shoqëri njerëzish në të cilën do të zhvilloheni si person.

6. Jeni të varur nga celulari juaj

Mendoni se sa kohë kaloni në telefonin tuaj dhe se si kjo varësi ndikon në marrëdhëniet tuaja me njerëzit e tjerë. Ndoshta po shkruani mesazhe ose po shfletoni internetin ndërsa darkoni me gruan ose fëmijët tuaj. Nëse e bëni këtë, po humbisni kohën që mund të kaloni me të dashurit ose kohën që mund të shpenzoni duke planifikuar për të ardhmen.

7. Ju shpenzoni para për gjëra të parëndësishme

Ekziston një ndryshim midis nevojës dhe dëshirës, por shoqëria moderne po e mjegullon gjithnjë e më shumë këtë dallim. Shumë njerëz po shpenzojnë para për pajisjet më të fundit teknologjike, makina dhe po luftojnë me para për nevojat themelore të jetës. Nëse ndaloni dhe mendoni për këtë, do të kuptoni se ne në të vërtetë kemi nevojë për shumë prej saj. Ushqimi, uji, strehimi dhe dashuria janë disa nga këto nevoja. Çdo gjë tjetër është vetëm bonus. Pra, mendoni se për çfarë i shpenzoni paratë tuaja dhe nëse mund të bëni disa ndryshime. Ndoshta ju mund të vendosni disa nga paratë në kursime për të ardhmen.

8. Nuk flini mjaftueshëm

Gjumi është i nevojshëm për një shëndet të mirë. Nëse nuk mund të flini mjaftueshëm sepse jeni shumë të zënë ose thjesht e keni zakon të qëndroni zgjuar deri vonë, duhet të rishikoni zakonet tuaja.

9. Ju nuk kujdeseni për trupin tuaj

Një dietë e ekuilibruar, e shëndetshme dhe ushtrimet kanë efekte të tjera pozitive përveç humbjes së peshës. Zakonet e shëndetshme ndikojnë edhe në shëndetin mendor, si dhe na bëjnë të ndihemi mirë në përgjithësi. Mendoni për dietën tuaj dhe sasinë e aktivitetit fizik. Ju mund të zbuloni se disa ndryshime të vogla mund të bëjnë një ndryshim të madh në jetën tuaj.

10. Nuk dilni nga zona juaj e rehatisë

Jeta fillon kur dilni nga zona juaj e rehatisë. Pra, merrni një rrezik që mund të përmirësojë jetën tuaj dhe mbani në mend se ekziston një ndryshim midis rrezikut dhe rrezikut të llogaritur. Çdo rrezik nuk është i sigurt, por rreziku i llogaritur do të thotë që ju keni peshuar të gjitha opsionet tuaja dhe keni dalë me një plan veprimi të mirë dhe të arsyeshëm.

The post Shenjat që tregojnë se po e lini jetën tuaj të kalojë me gjëra të kota appeared first on Albeu.com.

Frroku u ndal dhe tek ushqimet që tregtohen nga shitës ambulantë përgjatë rrugës apo vijës bregdetare, ku thotë se do të kenë bashkëpunimin me bashkine siç ka ndodhur dhe vitet e shkuara, për të siguruar shëndetin e konsumatorit. Frroku këshillon që të kontrollojnë etiketat para se të blejnë produktin dhe fton konsumatorët të denoncojnë çdo rast që shohin abuzime me produktet ushqimore, duke ruajtur privatësinë e tyre.

Gjatë sezonit të verës shtohen dhe kontrollet nga ana e AKU-së me qëllim parandilimin e rasteve ku subjektet ushqimore tregtojnë produkte që u ka kaluar data e skadencës apo I tregtojnë në kushte jashtë standarteve që mund të shkaktojnë helmime tek konsumatorët./albeu.com

The post AKU kontroll ushqimeve, mbyllen disa aktivitete në plazhin e Shëngjinit appeared first on Albeu.com.