Gjatë një rrëfimi në News 24,  babai i të miturës zbulonse e gjithë familja e tij ndodhet në gjendje shumë të rënduar pas ngjarjes.

Rrëfimi i babait të 15-vjeçares:

Babai: Gjendja në familje është shumë e rëndë. Tani sapo ka ardhur bashkia, asnjë organizatë nuk ka ardhur. E kemi bërë ekzaminim mjeko-ligjor dje në Tiranë. Shkuam me makinën e policisë. Çfarë të flas! Vajza është në familje tani.

Avokati: Vajza duhet të largohet menjëherë nga banesa, sepse kemi një viktimizim, që ka pasoja për të.

Babai: Gjysmën e atyre djemve i kemi komshinj. I kam 10-100 metra larg.

Nëna: Nëse keni mundësi, unë dua një ndihmë për vajzën, çdo lloj ndihme, çfarë të jetë më e mira të bëhet për atë vajzë.

Avokati: I bëj thirrje Policisë së Lezhës dhe Prokurorisë të largojnë urgjentisht vajzën nga familja. Mos e lini aty, se ai fëmijë do të pësojë qamet.

Çfarë ju tha vajza:

Babai: Më 7 mars vajzës i dhashë lekë për të blerë një dhuratë, si të gjithë. Po më datë 7 autori i ka dhënë një telefon. Më datë 8, ai e ka marrë në telefon, e ka vënë në makinë dhe e ka çuar…, i ka hedhur në pije kokainë, a ku di unë. Ai ka abuzuar me të direkt. Unë e kam marrë vesh ditën e hënë. Vajza ishte në gjumë nga ora 21, bashkëshortja hyri te dhoma e saj dhe i pa telefonin. Ja mori me qetësi, pa e dhunuar, i bërtiti vetëm pak. Unë nuk dija asgjë. Ai krimineli i kishte thënë të hapte një adresë Facebooku me emër tjetër, që të mos e njihnim. Vajza nuk na tregonte kodin, por ne ja morëm.

Çfarë kishte brenda telefonit?

Telefoni është në polici, me video, me mesazhe, etj. Videot ja ka dërguar ai grupi, mes të cilëve është edhe një kushëri. Edhe ky ka kryer marrëdhënie me të. Vajza tha se më kanë kërcënuar. Unë i kam parë videot dhe mesazhet kërcënuese. Videot i ka filmuar Artan Kaçorri me grupin e vet, ai i bënte presion vajzës që të shkonte.

Kush është thirrja juaj e fundit?

Së pari, kërkoj të shërohet goca, që të kthehet njeri normal. Së dyti, shteti e ka marrë përsipër të dënojë autorët. Duhet të largohen ato prej vendit, jo unë. Unë dua që ata të largohen, mos t’i shikoj. Jemi të gjithë në gjendje të rëndë shumë.

Ka psikolog në shkollën ku shkonte vajza?

Po, ka. Shkolla ka bërë një mbledhje. Nuk di gjë tjetër. Unë dua drejtësi dhe largimin e këtyre pesë familjeve nga fshati. Unë rri pa bukë, vdes, vetëm që këto familje të largohen.

The post Detaje rrëqethëse! Babai i vajzës zbulon si nisi abuzimi: E rrëmbeu 31-vjeçari, i bëri video gjatë aktit appeared first on Albeu.com.

1. Mësoni një gjuhë të re Mësimi i një gjuhe të re ju sjell shumë përfitime. Përveçse një aftësi personale, është një ushtrim i shkëlqyer i trurit, që ngadalëson dhe ndalon humbjen e kujtesës. Aktivitetet e mësimit të gjuhës do t’ju ndihmojnë të mbani mend, njihni dhe kuptoni fjalë të cilat e çojnë fuksionin konjitiv në nivele shumë të larta.

2. Lojërat e fjalëve dhe puzzle-t janë gjithashtu një ushtrim i mirë Një tjetër ushtrim që pasuron njohuritë e përgjithshme dhe ndihmon në parandalimin e humbjes së kujtesës është zgjidhja e fjalëkryqeve, lojërat e fjalëve dhe puzzle-t. Sudoku ose Scrabble dhe fjalëkryqet ulin ndjeshëm rrezikun e zhvillimit të sëmundjes së Alzhaimerit. Loja Tetris është gjithashtu e këshillueshme.

3. Mos nënvlerësoni fuqinë e muzikës Muzika dhe terapia muzikore ofrojnë një ushtrim të mirë të trurit, pasi jo vetëm që përmirësojnë përqëndrimin mendor, por mbështesin funksionimin e shëndetshëm konjitiv. Ndërsa është e njohur që muzika klasike nxit fuqinë e trurit dhe përmirëson aftësitë e rrjedhshmërisë verbale tek bebet dhe fëmijët e vegjël, muzika përdoret si “trajtuese” e humbjes së kujtesës. Thjesht dëgjoni llojin tuaj të preferuar të muzikës çdo ditë dhe përpiquni të mbani mend tekstin e melodinë dhe këndoni nën zë. Është argëtuese dhe e dobishme në të njejtën kohë.

4. Mos kini turp të flisni me veten Studimet tregojnë se njerëzit që flasin me veten kanë rrezik më të ulët të zhvillojnë sëmundje që mjegullojnë gjykimin. Me fjalë të tjera, të flisni me vete dhe t’i tregoni histori vetes është një mënyrë e shkëlqyer për të ngadalësuar humbjen e kujtesës dhe përqëndrimin në detajet e rëndësishme. Për më tepër, është një ushtrim emocional i shkëlqyer.

5. Lexoni libra të ndryshëm dhe përpiquni të mbani mend historinë Një nga ushtrimet më të mira që mund t’i bëni trurit është të lexoni një libër. Nga librat, tek esetë dhe artikujt e revistave, lexoni çdo gjë që ju tërheq vëmendjen. Një këshillë: mundohuni të kujtoni përmbajtjen e një libri që e keni lexuar vite më parë, pasi është një ushtrim që forcon kujtesën.

6. Pajisjet mnemonike janë gjithashtu të dobishme Pajisjet mnemonike ju ndihmojnë t’i mbani mend gjërat më lehtësisht. Lidhni një imazh visual me një emër ose fjalë ose provoni akronimat për fjalë më të mëdha. Aliteracionet, rimat dhe skeçet humoristike janë 3 mënyra të shkëlqyera për të mbajtur mend emra, fakte, numra dhe informacione të tjera të rëndësishme.

The post Duhet t’i keni parasysh, këto aktivitete s’ju lënë të plakeni appeared first on Albeu.com.