Ka raste kur pasi keni mbaruar ushtrimet t’ju nisë dhimbja e kokës e cila zakonisht zhduket vetë pas disa momentesh.

Gjithësesi kjo mund të tregojë se në trupin tuaj mund të jenë duke u zhvilluar sëmundje të ndryshme.

Çfarë duhet të dini?

Ka dy lloj dhimbje koke që ndodhin gjatë ushtrimit, dhimbjue primare dhe sekondare.

Dhimbjet e kokës primare zakonisht nuk kanë ndonjë shkak të fshehur e për rrjedhojë nuk janë të rrezikshme.

Sipas doktorit neurolog Greg McLauchlin edhe nëse janë të forta, këto dhimbje nuk paralajmërojnë diçka shqetësuese.

Nuk ka një përgjigje të saktë se përse kto ndodhin, por me shumë mundësi lidhen me qarkullimin e gjakut në sasi të mëdha gjatë lëvizjeve.

Ndërsa dhimbjet sekondare shkaktohen nga probleme të tjera të fshehura të cilat mund të jenë serioze.

Këtu përfshihet tumori në kokë ose probleme me enët e gjakut të cilat shkaktojnë probleme në tru.

Nëse i përjetoni këto probleme është e nevojshme të konsultoheni me një mjek specialist neurolog.

Simptomat e dhimbjeve të kokës

Dhimbja e kokës së shkaktuar nga shkaqet e fshehura e të rrezikshme ka disa forma se si shfaqet.

Së pari do të ndjeni dhimbje në të dy anët e kokës dhe është e fortë e me kriza.

Kjo dhimbje mund të zgjase nga 5 minuta deri në 2 ditë.

Këto dhimbje koke mund të ndihen edhe si migrenë dhe mund t’ju shkaktojnë të vjella, humbje të koshiencës, dhe dhimbje qafe.

Shkaqe të tjera të dhimbjeve të kokës primare lidhen me llojin e ushtrimeve që po kryeni dhe atmosferën përreth.

Ato shfaqen edhe gjatë kohëve kur kryeni ushtrime shumë intensive dhe nuk pushoni.

The post A mund t’ju nis dhimbja e kokës nga aktiviteti fizik? appeared first on Albeu.com.

Shefi i psikologjisë në “Noom”, Andreas Michaelides është shprehur se për shumë njerëz, dimri mund të shkatërrojë qëllimet e tyre, përfshirë edhe në ushtrime.

“I ftohti, stresi, lodhja dhe shumë faktorë tjerë të jashtëm mund të ndikojnë në vendimmarrjen tonë në këtë periudhë të vitit dhe të na ulin motivin për shumë gjëra, përfshirë këtu edhe motivin për të ushtruar”, u shpreh ai.Michaelides u shpreh se është shumë e rëndësishme që të bëni planifikimin e duhur.

The post Studim: Pse nuk kemi dëshirë të bëjmë aktivitet fizik gjatë dimrit? appeared first on Albeu.com.

Sipas ekspertëve, aktiviteti fizik në mëngjes është i lidhur me reduktimin më të madh të rrezikut për sëmundje kardiovaskulare dhe goditje në tru, krahasuar me aktivitetin fizik të mesditës dhe pasdites, sipas një studimi të ri të botuar në Gazetën Evropiane të Kardiologjisë.

Në përpjekje për të kuptuar më mirë ndikimin e kohës së aktivitetit fizik në rrezikun CVD, studiuesit holandezë mblodhën të dhëna të aktivitetit fizik nga pjesëmarrësit gjatë periudhave 7-ditore duke llogaritur aktivitetin mesatar 24-orësh. Ekipi më pas përdori këto të dhëna për të krijuar 4 grupe të ndryshme të aktivitetit fizik në varësi të kohës së pikut të stërvitjes: grupi 1 rreth mesditës, grupi 2 në mëngjes herët, grupi 3 në mëngjes vonë dhe grupi 4 me kulmin e pasdites. Analiza statistikore përdori modele të përshtatura për moshën, gjininë, indeksin e masës trupore dhe duhanin.

Një total prej 86,657 pjesamrrëshish me një moshë mesatare 61.6 vjeç (58% femra) u përfshinë dhe u ndoqën për 6 vjet. Gjatë kësaj periudhe janë regjistruar 2911 raste të sëmundjeve kardiovaskulare dhe 796 goditje në tru. Pjesëmarrësit që kishin nivele më të larta të aktivitetit fizik herët në mëngjes u zbulua se kishin 11% rrezik. Megjithatë, vetëm ata në grupin 3 (aktiviteti fizik në mëngjes vonë) kishin një rrezik të reduktuar ndjeshëm të goditjes vaskulare, si dhe konkretisht infarkti ishemik.

Studiuesit arritën në përfundimin se këto gjetje të hulumtimit theksojnë rëndësinë e mundshme të kohës së stërvitjes në parandalimin e sëmundjeve kardiovaskulare.

The post Aktiviteti fizik, cila orë e ditës është më e dobishme për zemrën?! appeared first on Albeu.com.

Shkencëtarët e Universitetit Kean sugjeruan që gjithnjë e më shumë njerëz aktivë duhet të ndjekin aktivitete sociale që rrisin ndërveprimin.

Pas analizimit të të dhënave nga, ndër të tjera, Akademia Ushtarake e SHBA-së, ajo që ata vunë re ishte se njerëzit më pak aktivë që ndërvepronin me ata që ushtroheshin rregullisht ndiheshin më të motivuar për të ushtruar. Megjithatë, ata që ishin më pak social përfunduan duke u ushtruar më pak.

Nuk është e vështirë të kombinoni stërvitjen me një takim me miqtë tuaj, edhe nëse ata nuk janë tipa veçanërisht sportivë, pasi përveç ndonjë programi fitnesi, mund të bëni së bashku një shëtitje të largët. /albeu.com

The post Mënyra më e mirë për t’u motivuar që të nisni aktivitetin fizik appeared first on Albeu.com.

Gjetjet e reja nga një studim i botuar të pak ditë më parë në The Neë England Journal of Medicine, tregojnë anët pozitive dhe negative: Pirja e të paktën një filxhan kafe në ditë mund t’ju bëjë më aktivë, por do të flini më pak dhe mund t’ju vërë në rrezik më të lartë për një lloji të shtuar të rrahjeve të zemrës.

“Zbulimi i përgjithshëm është se nuk ka vetëm një pasojë të vetme shëndetësore të konsumimit të kafesë, por se realiteti është më i ndërlikuar se kaq”, tha autori kryesor i studimit, Dr. Gregory Marcus, një kardiolog dhe profesor i mjekësisë në Universitetin e Kalifornisë, San Francisko.

“Shumica e hulumtimeve mbi këtë temë kanë qenë vëzhguese, që do të thotë se ne thjesht shikojmë dhe shohim se çfarë ndodh me njerëzit që pinë dhe nuk pinë kafe”, tha Marcus.

Për të pasur një ide më të mirë të efekteve të menjëhershme shëndetësore të kafesë, autorët rekrutuan 100 të rritur të shëndetshëm që ishin mesatarisht 39 vjeç dhe nga zona e San Franciskos. Ata pajisën pjesëmarrësit me Fitbits për të gjurmuar hapat dhe gjumin e tyre, monitorë të vazhdueshëm të glukozës në gjak dhe pajisje elektrokardiograme që gjurmonin ritmet e tyre të zemrës. Secilit pjesëmarrës iu caktua rastësisht të pinte sa kafe donte për dy ditë, më pas të abstenonte për dy ditë, duke e përsëritur atë cikël gjatë një periudhe dyjavore.

Në ditët e pirjes së kafesë, pjesëmarrësit morën mesatarisht 1058 hapa më shumë sesa në ditët e abstenimit, zbuluan autorët. Por në ato ditë, gjumi mori një goditje, me pjesëmarrësit që mbyllnin sytë 36 minuta më pak. Sa më shumë kafe pinin, aq më shumë aktivitet fizik dhe më pak gjumë.

Kafeja dukej se ndikonte edhe në zemër. Studiuesit nuk gjetën asnjë provë të një lidhjeje të rëndësishme midis konsumimit të kafesë dhe kontraktimeve të parakohshme atriale.

Por pirja e më shumë se një filxhan në ditë rezultoi në një incidencë rreth 50% më të lartë të kontraktimeve të parakohshme ventrikulare, ose PVC, krahasuar me ditët kur nuk konsumohej kafe./albeu.com

The post “Janë më aktivë, por flenë më pak”, çfarë thotë studimi më i ri për personat që pinë kafe appeared first on Albeu.com.

Hormonet janë në anën tuaj: Testosteroni është i rëndësishëm për ndërtimin e muskujve tek burrat dhe gratë, dhe trupi juaj mund të prodhojë më shumë prej tij gjatë stërvitjeve të pasdites sesa stërvitjeve në mëngjes, duke rezultuar në forcë dhe fitime më të mëdha të muskujve.

Ushtrimet e pasdites mund të lehtësojnë stresin: Ushtrimet janë gjithmonë një mënyrë e mirë për të lehtësuar stresin, por ushtrimet e pasdites mund t’ju ndihmojnë vërtet të jeni më të qetë. Rritja e endorfinës që merrni gjatë dhe pas stërvitjes mund të jetë një pije e ëmbël e natës që ju ndihmon të qetësoheni para gjumit.

Mund të ndihmojë në zëvendësimin e zakoneve të këqija: Nëse keni disa zakone të mbrëmjes ose të natës që dëshironi t’i zëvendësoni – si ngrënja e ‘snacks’, pirja e duhanit ose shikimi i tepërt i televizorit – lejoni që ushtrimet të fillojnë dhe të zënë vendin e tyre. Pasi të filloni praktikën e ushtrimeve gjatë natës, mund të habiteni që nuk ju mungojnë as zakonet tuaja të vjetra.

The post Në mëngjes apo pasdite? Ja kur është koha e duhur për të bërë palestër! appeared first on Albeu.com.

Por sa kohë saktësisht dhe sa ushtrime duhet të bëni? E gjitha varet nga qëllimet tuaja të fitnesit.

Megjithatë, ekzistojnë parime të përgjithshme që secili duhet të ndjekë, sipas trajnerëve personalë “Lloji i stërvitjes varet nga aftësia juaj, qëllimet, pëlqimet dhe mospëlqimet, pajisjet në dispozicion, çfarë lëndime keni dhe sa kohë keni në dispozicion”, transmeton living.al.

Fatkeqësisht vajtja në palestër një herë ose dy herë në javë nuk do ta t’ju ndihmojnë shumë.

Katër ose pesë seanca në javë janë ideale. Një rutinë e shpeshtë e palestrës e stimulon trupin tuaj gjatë javës,dhe i mundëson atij të përshtatet, të bëhet më i fortë.

Çdo stërvitje duhet të zgjasë rreth 45 minuta deri në një orë.

The post Ja sa kohë dhe sa herë gjatë ditës duhet të bëni aktivitet fizik appeared first on Albeu.com.

1. Rrit aktivitetin fizik dhe ushtrohu më shumë! 

Ecje për 40 minuta rreth 3 herë në javë.

2. Përpiqu të humbasësh peshë nëse je mbipeshë

Studime të shumta kanë treguar se dietat ushqimore dhe humbja e peshës reduktojnë ndjeshëm tensionin e lartë duke e stabilizuar.

3. Ndërprisni sheqernat dhe karbohidratet.

Duke reduktuar konsumin e tyre bini njëkohësisht në peshë dhe stabilizoni presionin e lartë të gjakut.

5. Konsumoni më pak ushqim të procesuar

Edhe ato që pretendojnë se nuk kanë yndyrë, janë të larta në përmbajtje kripe dhe sheqeri për të kompesuar mungesën e yndyrave. Konsumoni vetëm gjëra që i përgatisni vetë në çast.

6. Hiqni dorë nga duhani

Mund të jetë e vështirë, por në fund të ditës ja vlen.

7. Përpiquni të mos stresohesh

Është e pamundur të bëhet në nivelin 100%, por gjeni disa mënyra për ta reduktuar në nder të shëndetit dhe tensionit. Dëgjoni muzikë, lexoni një libër, bëni shëtitje të gjata dhe ndërkohë mos harroni të merrni frymë thellë.

8. Konsumoni pak çokollatë të zezë

Është vërtetuar që çokollata e zezë mund ta ulë tensionin e lartë të zemrës.

9. Sigurohu të bësh gjumë të qetë e të plotë

Nëse s’flini mirë, me siguri kjo do t’ju ndikojë në presionin tuaj të gjakut. Është shumë e nevojshme të ndiqni një orar të caktuar gjumi dhe të shmangni dremitjet gjatë ditës.

10. Hani hudhra ose merrni suplemente të tjera të saj

Hudhra e freskët ose ekstraktet e saj përdoren gjerësisht për të ulur tensionin e zemrës, përveçse janë antioksidant fantastikë!

11. Merrni mjekime nëse është e nevojshme

Nëse tensioni juaj është i lartë dhe nuk ulet as pas ndryshimeve në stilin e jetës, duhet patjetër t’i drejtoheni mjekut. Mund të jetë e domosdoshme ta mbani nën kontroll përmes barnave./albeu.com

The post Keni tension të lartë? Ja disa mënyra për ta ulur appeared first on Albeu.com.