Një ngjarje e rëndë ka ndodhur në Meksikë, ku modelja dhe aktivistja e njohur e mbrojtjes së kafshëve në “Instagram”, Elena Larrea, ka humbur jetën papritur nga mpiksja e gjakut në vena, disa ditë pas një procedure estetike kirurgjikale.

30-vjeçarja Elena Larrea, që përdorte platformën e saj për mbështetjen e kafshëve të abuzuara, vdiq të martën pasi kishte kryer ndërhyrjen disa ditë më herët.

Familja e Elena konfirmonte vdekjen në rrjetet sociale, duke thënë se autopsia tregoi se e ndjera vdiq nga tromboza pulmonare, që do të thotë se masa e mpiksur e gjakut në vena kishte udhëtuar deri në mushkëri.

Nuk është e qartë se çfarë e ka shkaktuar mpiksjen e gjakut të saj, por supozohet se mund të ketë lidhje me ndërhyrjen estetike të dobësimit që kishte kryer më herët.

Modelja meksikane, me influencë njihej për aktivizmin e saj në mbrojtje të kafshëve dhe disa vite më parë, kishte ngritur strehën e kafshëve të abuzuara Cuacolandia.

Ajo punonte më shumë me kuaj, mushka e gomerë të braktisur e të abuzuar, si dhe ka ndihmuar në ndryshimin e ligjit që klasifikon si krim mizorinë ndaj kafshëve.

E reja ka bërë gjithashtu materiale er*tike, për të ndihmuar një strehë kafshësh në Atlixco në jug të kryeqytetit Mexico City.

Elena tregonte asokohe: “Isha duke menduar të mbyllja strehën e kafshëve dhe po kërkoja strehime për kuajt prej vështirësive financiare, dikush më sugjeroi të nisja materialet erotike, dhe arrita ta shpëtoj fermën”.

Sot qendra e saj Cuacolandia strehon rreth 50 kafshë, pasi ka shpëtuar më shumë se 300 kuaj nga abuzimi.

Guvernatori vendas Sergio Salomon, i bënte homazh aktivistes për përpjekjet e saj dhe vdekjen e parakohshme.

“Me trishtim mësoj për vdekjen e Elena Larrea, luftëtare e palodhur për mbrojtjen e kafshëve. Për llogari të qeverisë së Puebla shprehim ngushëllime e solidaritet me miqtë e familjarët e saj.

Para vdekjes së saj Elena shkruante: “Gjithmonë i kam dashur shumë kuajt, sepse jam rritur me to që kur kam qenë e vogël”.

The post E trishtë, vdes papritur në moshën 30-vjeçare modelja e njohur appeared first on Albeu.com.

Gjatë një interviste, aktivistja Suela Koçibellinj, thekson se mekanizmat që mund të ndihmojnë janë mbrojtja ligjore, shtrëngimi i masave dhe ndërgjegjësimi.

Lidhur me këtë të fundit, Koçibellinj thotë se është një proces i gjatë.

Megjithëse fëmijët kanë nisur të flasin, zonat jashtë kryeqytetit jetojnë në një realitet krejt të ndryshëm.

Suela Koçibellinj: “Nëse dalim jashtë Tiranës, vajzat në klasën e nëntë janë të fejuara. E shoh që në klasën e nëntë një ndër ambiciet kryesore të vajzave që sigurisht mungon gjithçka në zonën ku ato jetojnë, u mungon socializimi, u mungon ndoshta ushqimi, rrobat, jeta e bukur, qejfet, maksimumi që ato kanë në ambicien e tyre është të gjejnë, t’ua gjejnë prindërit një partner, diku emigrant, kryesisht po themi në Angli dhe kjo është ambicia më e madhe. Mua kjo më dhemb, që ne po rrisim ende sot vajza që ambicia më e madhe e tyre është për të marrë një copë burrë dhe kjo është ku thërret qameti, më vjen keq që e them kështu sepse sigurisht që partneri i jetës është një zgjedhje e cila duhet të merret nga njerëz që dinë të marrin vendime dhe prandaj mosha 18 vjeç po themi është mosha minimale ku ti mund të martohesh sepse pretendohet që ti ke arritur atë pjekuri emocionale, psikologjike edhe biologjike, në të gjithë të tërën tënde për të marrë vendime dhe kur ne mendojmë që një 15-vjeçare do të marrë vendimin për jetën, këtu pastaj jemi te “ku jemi?” Jemi akoma keq”.

Koçibellinj sjell në vëmendje edhe ‘shfajësimin’ e abuzuesve që e justifikojnë sjelljen dhe veprën e tyre përmes viktimës.

Suela Koçibellinj: “Shpeshherë dëgjoj edhe pjesën tjetër që burrat se edhe burra nuk u thua dot me thënë të drejtën, ndonjëherë ke edhe revoltë dhe nuk e thua dot, përdorin faktin dhe thonë “hë se 15 vjeçe është e rritur ajo, ajo është çikë e përdredhur, është çikë vajzë e hedhur” dhe ndërkohë mund të themi për një 15-vjeçare “është vajzë e hedhur?” Jo, më vjen keq. Ke ti probleme me trurin tënd që po shikon një vajzë 15-vjeçare e cila ka dëshirë të shijojë jetën, kaq dhe ti duhet të distancohesh nga kjo sjellje dhe mundohen gjithmonë kjo gjini mashkullore për të gjetur justifikimin e veprave të tyre dhe sjelljeve të tyre devijante pikërisht te viktima”.

The post Revoltohet aktivistja: Ku thërret qameti, vajza që rriten me ambicien për të marrë një copë burrë appeared first on Albeu.com.

Nga protesta përballë kryeministrisë, një protestuese gjatë fjalës së saj kërkoi që qytetarët të qëndrojnë të bashkuar deri në momentin që qeveria të miratojë një plan konkret masash për uljen e barrës fiskale dhe jo të mjaftohen me retorikën e kryeministrit Rama.

Ajo theksoi se qeveria ende nuk ka marrë asnjë masë dhe po mat pulsin e qytetarëve se sa ata do të angazhohen në protesta, ndaj sipas saj tubimet nuk duhet të ndalen.

“Mbahuni tha kryeministri, shtrëngohuni. Çfarë ndodh nëse shtrëngohemi ne, do të ulet konsumi dhe biznesi do të kalojë në krizë. Kryeministri tha t’ua heq nga karburanti t’ua vendosë te rrogat. Jo ore, jo! Ne duam të na i heqësh.

Ne duam që plani të zbatohet sipas ligjit. Jo me kërcënime por me ligj.

Ne duam masa, të cilat të kenë impakt konkret, jo masa që mbase do merren kur të dojë qeveria. Korrupsioni na ka rrënuar, keqqeverisja na ka rrënuar, ne jemi njerëz të varfër nga abuzimet.

Miq qeveria është duke pritur ende a e kemi ne seriozisht. Ne duhet ta kemi seriozisht pasi qeveria jonë do na lërë në rënie të lirë.

Nuk duhet të gënjehemi nga retorika ku flitet për gjithçka dhe nuk thuhet asgjë. Ne duam masa konkrete”.

The post “Korrupsioni na ka rrënuar, jemi të varfër nga abuzimet”, aktivistja: Të vijojmë protestat deri sa të merren masat konkrete appeared first on Albeu.com.