Njoftimi

Specialistët për Hetimin e Krimeve të Komisariatit të Policisë Nr. 3, kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Kundërshtimi i punonjësit që kryen një detyrë shtetërore ose një shërbim publik”, parashikuar nga neni 235 i Kodit Penal, në ngarkim të shtetasit Altin Goxhaj.

Më datë 15.08.2024, është paraqitur për kallëzim punonjësi i Bashkisë së Tiranës, shtetasi Seit Bathorja, 26 vjeç, banues në Tiranë, i cili ka kallëzuar se gjatë dezinfektimit me insekticide, në rrugën “Bardhok Biba”, është penguar për kryerjen e detyrës, nga shtetasi Altin Goxhaj.

Gjithashtu i është marrë kallëzim shtetasit Altin Goxhaj, i cili pretendon se në rrugët e Tiranës janë hedhur lëndë helmuese dhe materialet janë referuar në Prokurori.

Lajm ne përditësim….

The post ‘Po hidhni lëndë helmuese’, aktivisti Altin Goxhaj pengon Policinë Bashkiake të Tiranës të dezinsektojë! Vihet në hetim appeared first on Albeu.com.

Gjiknuri deklaroi se vota e diasporës mbetet ne diskrecionin e opozitës pasi PS nuk i ka votat në Parlament për ta votuar e vetme propozimin që kanë bërë.

Ndërsa aktivisti Haçkaj, e quajti të papranueshme qetësinë me të cilën Gjiknuri e shpjegon procedurën, ndërkohë që tha se zgjedhjet do të jetë anti-kushtetuese pa votën e diasporës, pas vendimit të Gjykatës Kushtetuese, e cila i ka lënë detyrë Kuvendit për plotësimin e legjislacionit, në mënyrë që diaspora të votojë.

Debati:

Damian Gjiknuri: E kam thënë që vota e emigrantëve u përfshi që në vitin 2021 në Kodin Zgjedhor, pavarësisht se KQZ nuk arriti dot të nxjerrë aktet nën ligjore dhe për këtë arsye GJK arsyetoi që Kuvendi duhet të plotësojë disa boshllëqe ligjore, siç ishte edhe detyrimi për t’i vënë një afat të caktuar KQZ-së për miratimin e akteve nën ligjore. Ky proces ka vite që diskutohet edhe brenda nesh edhe në Komisionin e Reformës Zgjedhore. Piketat kryesore janë arritur. Nëse do të kemi një miratim të ndryshimit të Kodit Zgjedhor, besoj se brenda korrikut duhet ta bëjmë këtë sepse nuk ka kohë, që të adresojmë disa nga boshllëqet që ka vërejtur GJK dhe duke marr parasysh edhe disa nga shqetësimet e organizatave të diasporës.

Ylli Rakipi: Të ndalemi konkretisht, mundet diaspora në vitin 2025 të votojë?

Damian Gjiknuri: Ndryshimet themelore, janë që vota e diasporës të llogaritet në nivel qarku. Pra një qytetar që adresën e fundit e ka patur në Durrës dhe tashmë jeton në një shtet europian, vota e tij do të llogaritet në qarkun ku ka patur rezidencën e fundit. Ai do të regjistrohet duke aplikuar në KQZ. Do të ketë një periudhë kohore që qytetarët që duan të regjistrohen si pjesëmarrës në votime jashtë vendit, duhet të paraqesin në KQZ dhe aplikimi do të shkojë edhe në zyrën e Gjendjes Civile, për t’u hequr nga lista në Shqipëri. Pra nuk ndryshon asgjë, veç parimit të votës në distancë.

Florian Haçkaj: Nëse këto tre pikat e fundit janë të dakordësuar, ne nuk do mbetemi te fjalët, duhet që komisioni i dialogut t’i hedhë në letër dhe të thuhet nga 10 pika, tre janë dakordësuar. Sot jemi 167 ditë në shkelje të afatit të GJK ndaj Kuvendit dhe nuk është kaq e thjeshtë sa thotë zoti Gjiknuri, që do ta bëjmë deri nga korriku. Kjo do rregull dhe data të caktuara. Përndryshe nuk ka për t’u bërë. Nuk e di kur do të mblidhet Komisioni i Dialogut.

Damian Gjiknuri: Kemi mbledhje. Kodi Zgjedhor kërkon konsensus. Opozita aty mund të kërkojë shumë gjëra, siç janë edhe kthimi i marrëveshjes së 5 Qershorit, koalicionet dhe histori të tjera si këto. Ne kemi detyrim që për dy vendime të GJK, që janë më deçizive, gjithcka tjetër është në diskrecion të politikës, por dy duhen zbatuar, rregullimet ligjore që mundësojnë votën e diasporës dhe e dyta, formula që ka të bëjë me shpërndarjen e mandateve, pra herësi. Nëse opozita nuk pranon, nuk do marrëveshje me mazhorancës dhe nuk sigurojmë 84 vota, nuk kemi çfarë të bëjmë. Do të bëjmë çdo përpjekje dhe për votën e diasporës të paktën mendoj se kemi gjetur mirëkuptim për këto tre-katër elementë që unë thashë.

Florian Haçkaj: Qetësia me të cilën ju flisni, është për t’u marrë shembull nëse do të kishim kohë përpara. Sesionit parlamentar i vjen fundi për 2-3 javë. Nuk e kuptoj si është lënë një vendimi i GJK deri në fund.

Damian Gjiknuri: Nuk ka patur konsensus, çfarë do të bëjmë? Sa vendime mbeten pa zbatuar, kur nuk ka konsensus, nuk kemi cfarë të bëjmë.

Florian Haçkaj: Nuk është aq kollaj sepse ky është vendim i GJK dhe i bën anti-kushtetuese zgjedhjet pa këtë votë.

Damian Gjiknuri: Ua kam thënë që nuk i bën të pavlefshme zgjedhjet kjo. E dyta, po të ishte ashtu, do të kishte bërë të pavlefshme edhe zgjedhjet e kaluara, sepse vajti në GJK.

Florian Haçkaj: Nuk është prapaveprues vendimi i GJK. Mbani përgjegjësi publike, politike, deri në Strasburg, nëse nuk e plotësoni këtë vendim të GJK. Kështu si e keni marrë me kaq qetësi, hajd se po nuk u zbatua edhe këtë here nuk ka asgjë, është turp për faqe të zezë, nuk e di si ua lejon ndërgjegja edhe si jurist.

Damian Gjiknuri: Nuk ka lidhje ndërgjegja edhe me pjesën juridike. Ka edhe vende që nuk e aplikojnë fare votën e diasporës. Unë jam pro kësaj por ka njerëz dhe shtete evropiane që nuk e zbatojnë.

Florian Haçkaj: Në Evropë vetëm Mali i Zi nuk e ka votën e diasporës.

The post Aktivisti përplaset me Gjiknurin: Zgjedhjet janë anti-kushtetuese pa votën e diasporës appeared first on Albeu.com.

Policia arrestoi katër burra që protestuan në tokën e shtëpisë së kryeministrit, që kap vlerën prej 2 milionë pound.
Oliver Clegg, një student protestues 21-vjeçar nga Mançesteri, kreu një ‘protestë të pistë’ në pronën e kryeministrit, pamjet e së cilës u postuan në mediat sociale në përpjekje për t’u bërë virale.

“Nëse jeni në dijeni se jeni në një pronë private, ju lutemi të largoheni. Jeni duke kryer një shkelje duke qenë në këtë tokë”, dëgjohet polici duke i thënë aktivistit.

Oficeri i policisë vazhdon të marrë në pyetje demonstruesin për qëllimet e tij, i cili pyet policin nëse ky veprim do t’i detyrojë policët ta arrestojnë.

The post U futën në pronën e kryeministrit britanik, policia arreston katër persona appeared first on Albeu.com.

Bylykbashi tha se SPAK nuk e mori në dorëzim për shkak të “procedurave burokratike”.

Ai i ka bërë thirrje SPAK që të ndalojë dhe vërë para përgjegjësisë personat që po shkelin të drejtat e zgjedhësve. Në gjykimin e deputetit demokrat është cenuar sekreti dhe liria e votës. “Aktivisti” është një aplikacion kriminal më i keq se patronazhistët, sipas tij.

Bylykbashi: Erdhëm në SPAK për ta dorëzuar, për fat të keq SPAK nuk e mori në dorëzim. Kanë vendosur procedura burokratike. Ne do ta çojmë përpara këtë kallëzim. Ka të bëjë me kontrollin e zgjedhësve, me një kontroll sistematik, me një plan kriminal që ka burimin drejtpërdrejt nga kryeministri, nga këshilli i ministrave, i shtrirë në të gjithë administratën. Ne kërkojmë që nëpërmjet veprimit energjik të SPAK të ndalen dhe vihen para përgjegjësisë të gjithë këta individë që po dhunojnë të drejtat e zgjedhësve.

I bie barra këtij institucioni të krijojë një situatë ku ndoshta zgjedhësit të kenë besim në një proces zgjedhor të brutalizuar. Është cenuar sekreti dhe liria e votës. Përdorimi i këtij aplikacioni kriminal është shumë më keq se patronazhistët. Ne i kemi dorëzuar provat që kemi në dispozicion. Është barra e prokurorisë të hetojë më thellë dhe të vërë para përgjegjësisë penale jo vetëm ata që kemi kallëzuar por dhe të gjithë personat e tjerë të përfshirë. E tërë administrata është në një presion maksimal për të ndikuar në votë.

Detyrë e SPAK-ut t’i vërë para përgjegjësisë ata dhe për të dhënë një mesazh të qartë që zgjedhjet mbrohen. Presim pa burokracinë që ndeshëm sot, ku SPAK-u nuk pranoi ta merrte në dorëzim drejtpërdrejt, megjithatë do ta depozitojmë me postë që të mos ketë asnjë alibi dhe të veprojë./Albeu.com/

The post Opozita denoncon aplikacionin “Aktivisti”, SPAK nuk i pranon kallëzimin appeared first on Albeu.com.

Ai akuzoi Ramën se po bën gjithçka në kundërshtim me Kushtetutën për të mbajtur pushtetin dhe tha se rritja e pagës minimale para zgjedhjeve është krim elektoral.

Gjatë fjalës së tij Berisha, gjithashtu tha se do të ndërmarrë  hapa ligjore ndaj aplikacionit “Aktivisti”, duke shtuar se është një aplikacion antiligjor.

Berisha: Edi Rama po bën gjithçka në kundërshtim me Kushtetutën , të hapur me ligjet për të mbajtur monizmin e tij të bazuar në krimin drogën dhe vjedhjen e qytetarëve shqiptarë. Jam sot para jush për t’u bërë thirrje punonjësve të Administratës të mos bëhen pjesë e krimit elektoral për qëllime të mbështetjes, Aktivisti është një aplikacion i dënueshëm në ligjin kombëtar dhe ndërkombëtar sepse është dëshmi flagrante e narkoshtetit,. Janë shkelur rregullat themelore , pasi përdoret si një mjet terrori për shqiptarët.

Duke denoncuar para jush njoftoj se PD do të ndërmarrë hapa ligjore ndaj këtij instrumenti terrori si brenda vendit dhe në institucionet respektive, pranë rrjeteve sociale me të cilat përdoret ky aplikacionit antiligjor”, tha Berisha, ndërsa shtoi: “Garantoj qytetarët se jo dyfishimi i rrogave, por mbi dyfishim dhe trefishim i tyre do jetë objektiv numër një. Pagat e ulëta duhet të dyfishohen, dhe ne i garantojmë se pagat në të gjithë sistemin e piramidës administratës shtetërore do të dyfishohen. Por këto akte nuk ndërmerren para zgjedhjeve për të ndikuar votën e qytetarëve. Thirrja e tij për rritjen e rrogave është një demagogji, pasi nuk bëhet me vullnet, është propagandë. PD do të depozitojë në Parlament ligjin për dyfishimin e rrogave të ulëta në Shqipëri./Albeu.com/

The post “Mos u bëni pjesë e krimit elektoral”, Berisha: Hapa ligjorë ndaj “Aktivistit” appeared first on Albeu.com.

Berisha i bëri thirrje Mark Zuckerberg dhe Elon Musk ta ndalojnë atë aplikacion, të cilin e cilëson si terrorist.

“I patë aktivitët. Terroristë. Aplikacioni terrorizmit digjital. Që të mbash një aplikacion të tillë në media sociale, është akt i terrorizmit social. I bëj thirrje Zuckerbergut , Elon Musk, të bllokojë këtë aplikacion, të shkëpusi çdo lidhje. është aplikacion talebanesk, që terrorizon një ushtri të tërë punonjësish. Ai e tregoi se me dhjetra gjykatës e prokurorë të partisë, skanë punë me drejtësinë por me partnë. Tregoi se cfarë ishte vettingu, seleksion partiak”, tha Berisha./albeu.com

The post Akt1visti, Berisha thirrje Zuckerberg dhe Musk: Bllokojeni aplikacionin, po terrorizohen punonjësit appeared first on Albeu.com.

Sekretari Digjital i PS Etjen Xhafaj, është shprehur se socialistët do të ndjekin rrugën ligjore, pasi personat e pretenduar se janë prokurorë, gjyqtarë apo dhe administratë, nuk janë në listat e tyre dhe ata nuk kanë një databazë të tillë.

“Partia Socialiste do të ndjekë në rrugë ligjore nxjerrjen, manipulimin dhe fabrikimin e të dhënave të rrjetit social të aktivistëve të saj, i cili është lehtësisht i verifikueshëm si një mekanizëm komunikimi i brendshëm mbi bazën e vullnetarizmit të çdo përdoruesi.

Çdo përpjekje e dëshpëruar propagandistike për të hedhur edhe më shumë baltë mbi PS thjesht na rrit dëshirën dhe na forcon vullnetin tonë në rrugën e një fitoreje tjetër kuptimplotë, më 14 maj, kur falë edhe rrjetit tonë social të aktivistëve, Partia Socialiste do të jetë shumë hapa përpara kundërshtarëve të çoroditur e të dëshpëruar”, thuhet në njoftimin e PS.

Më tej, në fjalën e tij deputeti Xhafaj është shprehur se aplikacioni i themeluar nga PS nuk kërkon të dhënat e asnjë përdoruesi. Sekretari Dixhital i PS ilustroi dhe mënyrën e logimit në aplikacion, se emri i përdoruesit mund të zgjidhet nga vetë përdoruesi, edhe nëse nuk është identiteti i vërtetë i tij.

Po ashtu, Etjen Xhafaj ka theksuar se ata nuk kanë asnjë databazë dhe personat që regjistrohen në aplikacionin “Aktivisti”, nuk janë të detyruar apo nuk ju kërkohet të deklarojnë vendin e punës apo profesionin që kanë./Albeu.com.

The post Prokurorë e gjyqtarë te Aktivisti? PS paralajmëron përballje ligjore appeared first on Albeu.com.

Meta deklaroi sot se përdorimi antikushtetues i shtetit për qëllime tërësisht elektorale nga ana e Kryeministrit është një dëshmi serioze dhe skandaloze e degradimit, e kompromentimit dhe e shkallmimit të reformës dhe meritokracisë në administratën publike.

Në një dalje për mediet, ai bëri thirrje për hetim.

Meta: Një vit pas skandalit të patronazhistëve, vjedhjes së të dhënave personale nga Regjistri Publik Shtetëror dhe keqpërdorimi i tyre në funksion të zgjedhjeve të 25 prillit, duke u përdorur si mjet shantazhi, intimidimi dhe presioni për të siguruar votën dhe mbështetjen, një tjetër skandal ka shpërthyer me të ashtuquajturin aplikacioni “Aktivisti” në prag të zgjedhjeve vendore të 14 majit. Mijëra punonjës të administratës publike, në shkelje të Kushtetutës e të ligjeve, si dhe në dhunim flagrant të lirive dhe të drejtave të tyre, janë detyruar nëpërmjet presioneve dhe shantazhit të bëhen pjesë e këtij aplikacioni që monitoron like-t, komentet dhe share në rrjetet sociale të postimeve të Edi Ramës dhe anëtarëve të tjerë të Qeverisë.

Ai shton se skandali zgjerohet edhe më tej me zbulimin e përdoruesve të platformës ku përfshien prokurorë, gjyqtarë dhe anëtarë të  KLP, KLGJ, SPAK dhe të institucioneve të tjera kyçe të reformës në drejtësi.

Meta: Skandali bëhet edhe më i madh kur zbulohen se pjesë e listës së aplikacionit janë të paktën 40 prokurorë dhe 27 gjyqtarë, anëtarë të KLP, KLGJ, SPAK dhe të institucioneve të tjera kyçe të reformës në drejtësi, drejtues të lartë të Policisë së Shtetit në Tiranë dhe qarqe, mjekë, infermierë dhe mësues, punonjës të tatimeve, doganave etj. Keqpërdorimi i punonjësve të administratës publike dhe institucioneve më të larta të drejtësisë në funksion të propagandës së gënjeshtërt të “Rilindjes” dhe të zgjedhjeve vendore të 14 majit, nëpërmjet shantazhit, intimidimit dhe presionit, meriton një hetim të thellë dhe të gjithanshëm.

Ai i bëri thirrjes “drejtësisë të zbardhë plotësisht të vërtetën, autorët dhe urdhëruesit e këtij skandali, që përbën jo vetëm veprimtari të ndaluar nga neni 91 i Kodit Zgjedhor, por përmban elemente të disa veprave penale të parashikuara nga Kodi Penal, duke filluar nga shpërdorimi i detyrës (neni 248 i Kodit Penal) i konsumuar nga funksionarët, deri te ‘Përdorimi i funksionit publik për veprimtari politike ose zgjedhore’, parashikuar nga neni 328/a, i Kodit Penal”.

The post “Aktivisti”, Meta: Një tjetër skandal para zgjedhjeve, duhet hetim i thellë appeared first on Albeu.com.

Së fundmi, është bërë publike lista me emrat dhe pikët e përdoruesve të këtij aplikacioni ku krahas piunonjësve të bashkive apo ministrive, spikasin shumë policë, punonjës të prokurorisë dhe gjykatave apo tatimeve dhe doganave.

Zëvendëministrja Belinda Balluku pas përfundimit të mbledhjes së qeverisë ditën e sotme, mohoi që punonjësit e administratës të jenë detyruar për ta shkarkuar dhe për ta përdorur.

Balluku: A keni fakte që janë të detryruar punonjësit e administratës? Nuk ka ndodhur në asnjë moment që të ketë qenë kush i detyruar për të ndjekur platformën Aktivisti. Aktivsti është një platform transparente dhe ju bëj thirrje të logoheni dhe ju. Mund të logohet dhe zoti Berisha nëse është kurioz se si funksionon platforma. Dëgjova një listë të jashtëzakonshme ku janë zbuluar edhe prokurorë dhe gjyjatës, mund ta aksesojë dhe Berisha edhe ju. Nëse një prokuror, gjykatës ka qenë kurioz dhe është future të shikojë platformën nuk besoj se ka ndonjë shkelje ligjore./Albeu.com/

The post “Aktivisti”, Balluku: Mund ta aksesojë dhe Berisha, s’keni fakte që punonjësit e administratës janë të detyruar ta ndjekin appeared first on Albeu.com.

Por ajo që binte në sy në listën e publikuar ishte se pjesë e këtij aplikacioni veç punonjësve të thjeshtë të administratës, militantëve, kishte edhe përfaqësues të lartë të institucionit të drejtësisë.

E gjithë kjo “zallamahi” që po ndodh në Shqipërinë tonë, nuk kishte si t’i shpëtonte dhe ironisë së analistit Lutfi Dervishi.

Përmes një postimi në Facebook, Dervishi me ironi shkruan se tashmë është e qartë arsyeja se pse nuk ka prokuror në Shqipëri që të hetojë “Akt1vistin”, pasi do të kishte konflik interesi.

Postimi i Dervishit:

E qartë se pse nuk gjendet një prokuror për të nisur hetimet për aplikacionin akt1visti. Prokurorët, Këshilli i Lartë i Prokurorisë, njerëz që punojnë në Prokurorinë e Posaçme bëkan like dhe komente dhe kane konflikt interesi: nuk mund të hetojnë veten

/AlbEu.com/

The post IRONIA/ Dervishi: Nuk ka prokuror që të hetojë “Akt1vistin”, pasi kanë konflikt interesi appeared first on Albeu.com.