Pamjet të publikuara sot në rrjetet sociale nga aktivistë tregojnë se ambientet dhe godinat e tij janë duke u lyer dhe suvatuar me llaç dhe grafiato.

Sipas aktivistëve kjo po bëhet në mënyrë skandaloze për xhirimet e një filmi dhe se një gjë e tillë duhet ndaluar menjëherë.

Arnen Sula: Ndal ndërhyrjeve të papërgjegjshme në Spaç! Në ish-Burgun e Spaçit po kryhen ndërtime për xhirimin e një filmi artistik. Pamjet tregojnë se ndërhyrjet janë të pakontrolluara dhe po dëmtojnë rëndë paraqitjen autentike të objektit, duke fshirë gjurmët e së kaluarës dhe duke zhdukur memorien historike që ai mbart.

Këto punime duhet të ndalen menjëherë! Çdo ndërhyrje në këtë hapësirë të ndjeshme duhet të bazohet në një studim serioz historik e konservues, duke u mbështetur në rrëfimet e ish-të përndjekurve politikë, por edhe të ish-punonjësve të sistemit që kanë qenë pjesë e strukturës së Spaçit. Vetëm kështu mund të garantohet një restaurim i kujdesshëm që respekton realitetin e Spaçit siç ka qenë në funksion.

Boll më me përdorimin e vendeve të kujtesës për ushqimin e egove artistike! Spaçi nuk është skenë filmi për të sajuar imazhe estetike; ai është vend dëshmie, vend dhimbjeje dhe vend kujtese. Spaçi është i të gjithëve. Ta ruajmë!

The post Aktivistët ngrenë alarmin: Spaçi po dëmtohet rëndë nga punimet, po zhduket historia e së kaluarës! appeared first on Albeu.com.

I ftuar në emisionin “Të Paekspozuarit” në MCN TV, Binaj u pyet nëse ka ndërmend të futet në politikë, për të avancuar kauzat ku beson.

“E kam thënë që ditën që politika do të bëjë për shqiptarët, atë që bën arti dhe humori, atëherë do të mendoj ta fus veten në një parti.

Ne kemi politikanët që kanë këtu, që kur ka qenë Bushi i parë në qeveri. Erdhi Bushi tjetër, Obama, Trumpi, Biden. Këta janë akoma këtu. Në gjithë botën janë ndërruar liderët dhe ne kemi po këta.

Do të bëja një apel për ju që keni emisione politike dhe flitet vetëm për politikë dhe harrohen hallet e popullit. Si do t’i vijë halli atij fshatari që jeton në Konispol. Duhet të bëhen emisione për hallet e popullit”, tha Binaj.

The post A do të angazhohet në politikë? Kjo është përgjigja epike e aktorit Florian Binaj appeared first on Albeu.com.

Videoja e publikuar nga aktivisti Genc Sejko zbulon se si janë hequr vota të opozitës. Sejko ka krahasuar votat në KZAZ-në 40 në Tiranë ku u zhvillua projekti pilot i votimit elektronik.

Në video aktivisti tregon se sipas të dhënave ka pasur të tjera shifra të prezantuara një ditë pas zgjedhjeve dhe të tjera të pasqyruara në faqen zyrtare të KQZ-zë.

6 kandidatëve të PD-së, duke filluar nga kryetari Lulzim Basha, Dashamir Shehi, Jorida Tabaku, Shpëtim Idrizi, Agron Shehaj dhe Oriela Nebiaj u janë hequr 74 vota.

 

View this post on Instagram

 

A post shared by Genc_Sejko (@genc.sejko)

The post Aktivisti tregon se si u hoqën votat e kandidatëve të opozitës në KZAZ-në 40 (VIDEO) appeared first on Albeu.com.