Prokuroria Speciale e Kosovës ka paraqitur të premten aktakuzën ndaj 35 personave, të dyshuar për kryerjen e krimeve të luftës ndaj civilëve gjatë operacionit në lagjen Jasharaj të Prekazit të Poshtëm, më 5, 6 dhe 7 mars 1998.

Në dokumentin akuzues thuhet se të pandehurit, të cilët dyshohet se ishin pjesë e strukturave drejtuese të Njësive Speciale të Policisë së Serbisë, kanë marrë pjesë në planifikimin, koordinimin dhe udhëheqjen e këtij operacioni.

Sipas Prokurorisë, gjatë sulmit janë përdorur tanke, artileri e rëndë dhe mjete të tjera ushtarake. Në mesin e viktimave kanë qenë civilë, përfshirë gra, fëmijë dhe të moshuar. Aktakuza përmend gjithashtu marrjen peng, keqtrajtimin dhe torturimin e civilëve, si dhe shkatërrimin e pronës dhe objekteve civile.

Kryeprokurori Blerim Isufaj e ka përshkruar këtë aktakuzë si një zhvillim të rëndësishëm për drejtësinë, duke nënvizuar se bëhet fjalë për rastin e parë që lidhet me vrasjen e civilëve të familjes Jashari në Prekaz.

“Rasti është trajtuar me kujdes të shtuar, me qëllim që pretendimet e ngritura të provohen para gjykatës”, deklaroi Isufaj.

Avokati Arber Jashari ka reaguar për këtë zhvillim në një prononcim për “Bota sot”, duke e konsideruar aktakuzën një ngjarje madhore për drejtësinë në Kosovë.

“Dorëzimi i aktakuzës nga ana e PS, lidhur me masakrën ne lagjen Jashari në Prekaz, është ngjarje e madhe për drejtësinë Kosovare. Kjo pasi që përgjegjësit qe e kanë shkaktuar atë masakër, tashme kanë emër e mbiemër, dhe janë botërisht të ditur. Fakti qe ata janë gjallë, jep akoma shprese se shume nga ta, potencialisht nuk do te vdesin pa e marrë damkën e fajtorit për krime lufte”, deklaroi Jashari.

Sipas tij, edhe pse të dyshuarit gjenden jashtë juridiksionit të institucioneve të Kosovës, procedura ndaj tyre mund të vijojë përmes gjykimit në mungesë.

“Natyrisht që ata tani për tani janë të paqasshëm, për organet ligjzbatuse, gjithsesi ndaj tyre do te zhvillohet gjykim në mungesë, konformë neni 303 të KPP-së, e ku nga ky gjykim mund të shpallen edhe fajtorë për krimet e kryera”, thekson avokati.

Jashari ka deklaruar se vitet e kaluara nuk e kanë dobësuar çështjen, pasi, sipas tij, provat e mbledhura dhe të përfshira në aktakuzë mjaftojnë për të mbështetur dyshimin ndaj të pandehurve.

“ Në rastin konkret, nga ajo qa kemi parë, pavarësisht se kanë kaluar vite, aktakuza e prokurorisë, është e mbështetur në prova, të cilat janë të mjaftueshme për të vërtetuar dyshimin e bazuar mirë, se të pandehurit i kanë kryer veprat penale të cilat akuzohen”, përfundon Jashari.

Hetimin e ka cilësuar kompleks dhe të vështirë prokurori i rastit, Valdet Gashi. Pas përfundimit të kësaj faze, lënda i është dërguar Gjykatës Themelore në Prishtinë, përkatësisht Departamentit Special, së bashku me kërkesën për zhvillimin e gjykimit në mungesë.

Operacioni i zhvilluar në Prekaz më 5, 6 dhe 7 mars 1998 konsiderohet ndër episodet më të rënda të luftës në Kosovë. Gjatë tij u vranë dhjetëra pjesëtarë të familjes Jashari dhe persona të tjerë. Për vite me radhë, në Kosovë nuk është zhvilluar proces gjyqësor ndaj personave të dyshuar për përgjegjësi, ndërsa aktakuza e dorëzuar të premten synon që përgjegjësia penale të shqyrtohet përmes procedurave gjyqësore.

The post Një hap i rëndësishëm për drejtësinë”, avokati Jashari komenton aktakuzën për Prekazin dhe gjykimin në mungesë appeared first on Albeu.com.

Prokuroria Speciale e Republikës së Kosovës ka bërë të ditur, gjatë një konference për media, se ka dorëzuar aktakuzë për krimet e luftës të kryera në lagjen e Jasharajve, në Prekaz të Skenderajt.

Kryeprokurori Blerim Isufaj e vlerësoi këtë zhvillim si një moment të rëndësishëm për drejtësinë dhe opinionin publik. Ai nënvizoi se bëhet fjalë për aktakuzën e parë që lidhet me vrasjen e civilëve shqiptarë të familjes Jashari në Prekaz.

Isufaj deklaroi se aktakuza është hartuar pas një pune profesionale, të kujdesshme dhe të mbështetur në prova, në përputhje me mandatin dhe përgjegjësitë ligjore të Prokurorisë Speciale. Sipas tij, dokumenti lidhet me vrasjen e civilëve të familjes Jashari në Prekaz të Skenderajt dhe përbën aktakuzën e parë për këtë ngjarje, raporton eo.

Tashmë, shqyrtimi i aktakuzës dhe i provave i takon gjykatës, e cila duhet t’i vlerësojë ato në përputhje me ligjin dhe standardet e gjykimit të drejtë. Kryeprokurori tha se prokurorët e çështjes kanë punuar me kujdes të shtuar, me synimin që pretendimet e paraqitura të dëshmohen para gjykatës.

Sipas Isufajt, kjo aktakuzë tregon se institucionet vazhdojnë të kërkojnë përgjegjësi penale për krimet e luftës, pavarësisht ndërlikueshmërisë së rasteve dhe kohës së gjatë që ka kaluar nga kryerja e tyre.

Gjatë konferencës, kreu i Prokurorisë Speciale foli edhe për hetime të tjera ende aktive, mes tyre rastin e krimeve të luftës në Zubin Potok. Ai bëri të ditur se në këtë çështje është arrestuar edhe i dyshuari i katërt, por sqaroi se nuk mund të japë detaje për shkak se hetimi vijon.

Isufaj theksoi se i njëjti qëndrim zbatohet për çdo rast tjetër që ndodhet në fazën e hetimeve. Ai tha se Prokuroria Speciale mbetet e angazhuar për sundimin e ligjit, zhvillimin e hetimeve në mënyrë profesionale, të pavarur dhe të paanshme, si dhe për ndjekjen penale të personave ndaj të cilëve ekziston bazë ligjore dhe prova të mjaftueshme.

Ai njoftoi gjithashtu se gjatë javëve të fundit është dorëzuar një aktakuzë e rëndësishme për spiunazh dhe është arrestuar një person i dyshuar për një vepër penale të kësaj natyre.

Isufaj vlerësoi edhe bashkëpunimin me partnerët ndërkombëtarë në fushën e sigurisë dhe drejtësisë. Ai përmendi Shtetet e Bashkuara të Amerikës, Mbretërinë e Bashkuar, Europolin, Eurojust-in dhe autoritetet e tjera të drejtësisë, duke theksuar se ky bashkëpunim e dëshmon Prokurorinë Speciale të Republikës së Kosovës si partner të qëndrueshëm dhe të besueshëm.

The post Prokuroria Speciale dorëzon aktakuzën për vrasjen e familjes Jashari në Prekaz, Isufaj zbardh detajet appeared first on Albeu.com.

Ministri në detyrë për Komunitete dhe Kthim, Nenad Rashiq, ka rrëfyer rrethanat që e kanë bërë atë palë të dëmtuar në rastin ndaj Fatmir Shehollit, i akuzuar nga Prokuroria Speciale për “Spiunazh” dhe “Shantazh”.

Sipas Rashiqit, më 24 korrik të vitit 2025, disa prej bashkëpunëtorëve të tij në ministri janë telefonuar nga një numër i Serbisë. Personi në anën tjetër të telefonit është prezantuar si anëtar i Agjencisë së Sigurisë dhe Informacionit të Serbisë (BIA).

Ai ka treguar se bashkëpunëtorëve u është kërkuar të shkonin në Beograd për një takim, ndërsa në rast refuzimi u janë bërë paralajmërime kërcënuese.

“Kjo ka ndodhur më 24 korrik të vitit të kaluar. Një ditë, pasdite, diku rreth orës pesë ose gjashtë, disa prej bashkëpunëtorëve të mi të ministrisë kanë marrë telefonata nga një numër nga Serbia. Po e parafrazoj çka u kanë thënë: Unë jam nga BIA, po ju thërrasim për të mirën e juve që të vini të bisedoni me ne, sepse përndryshe keq për ju”, ka deklaruar Rashiq.

Ministri ka bërë të ditur se në këtë rast janë përfshirë gjashtë bashkëpunëtorë të tij, të cilët më pas e kanë njoftuar për telefonatat.

“Unë ju thashë se askush nuk guxon të shkojë në Serbi, e në veçanti të shkojë të takohet me ta. U thashë se nuk ka asnjë shans”, ka thënë ai.

Kontakti, sipas Rashiqit, është përsëritur një ditë para datës së planifikuar për udhëtim. Bashkëpunëtorët janë pyetur sërish nëse do të shkonin në Beograd.

Meqë nuk kanë dhënë përgjigje, atyre u janë dërguar disa video-incizime, për të cilat pretendohej se përmbanin materiale komprometuese.

“Ata m’i kanë treguar ato incizime dhe unë u kam thënë: ‘Absolutisht mos u përgjigjeni’, sepse mund të jenë të rreme, të manipuluara ose të montuara”, ka deklaruar Rashiq.

Materialet, siç ka thënë ai, janë publikuar më pas në portalin “Pa Rrotulla”, rreth 20 deri në 30 ditë pas këtyre ngjarjeve.

Rashiq ka bërë të ditur se rastin e kishte raportuar në Polici që në ditët e para. Ai ka theksuar se sheh lidhje mes kërcënimeve të drejtuara ndaj bashkëpunëtorëve të tij dhe materialeve të publikuara më vonë.

“Prandaj, besoj se ekziston një ndërlidhje dhe se ne kemi qenë të dëmtuar nga kjo”, ka thënë Rashiq për Telegrafin.

Në dëshminë e tij në Polici, ai ka përmendur edhe nofkën “Panta”, me të cilën ishte identifikuar personi që u kishte telefonuar bashkëpunëtorëve.

Ministri ka deklaruar se këto zhvillime nuk përbëjnë një rast të izoluar. Sipas tij, periudhat para zgjedhjeve janë shoqëruar vazhdimisht me sulme kibernetike, përpjekje për rekrutimin e bashkëpunëtorëve dhe kërcënime.

“Po e përsëris, nuk është hera e parë. Sidomos kur afrohen zgjedhjet, çdo proces i tillë shoqërohet jo vetëm me sulme të kësaj forme dhe përpjekje për t’i rekrutuar apo marrë bashkëpunëtorët, por edhe me kërcënime ndaj individëve të ndryshëm, ndaj familjarëve të mi, familjarëve të bashkëpunëtorëve të mi dhe ndaj vetë bashkëpunëtorëve”, ka thënë Rashiq.

Ai e ka përshkruar këtë si një veprimtari të organizuar dhe të vazhdueshme, e cila, sipas tij, ka zgjatur prej vitesh.

“Është një sistem i tërë që vazhdimisht merret drejtpërdrejt me ne dhe zhvillon një lloj lufte speciale ndaj nesh. Kjo vazhdon prej shumë vitesh. Sa më kujtohet mua, ndoshta prej 12 vjetësh, dhe unë vazhdimisht kam qenë cak i tyre”, ka deklaruar Rashiq.

Dosja e publikuar e aktakuzës së Prokurorisë Speciale ndaj Fatmir Shehollit përmend materiale audio dhe transkripte të bisedave të zyrtarëve të Ministrisë për Komunitete dhe Kthim. Sipas pretendimeve të Prokurorisë, Sheholli i kishte pranuar këto materiale më 26 shtator 2025 në Mitrovicën e Veriut.

Prokuroria pretendon se materialet më pas i janë dorëzuar gazetarit Milaim Zeka, me synimin që të publikoheshin para zgjedhjeve lokale.

Rashiq ka thënë se nuk ka pasur komunikim të drejtpërdrejtë me Shehollin. Për Bojan Dimiqin, të cilin Prokuroria e identifikon si zyrtar të lartë të BIA-s, ai ka deklaruar se e njeh vetëm si një figurë që e kishte njohur para luftës.

Ai ka shprehur gatishmërinë për të dëshmuar nëse gjykata e thërret në këtë çështje.

“Absolutisht. Jo vetëm unë, por edhe bashkëpunëtorët e mi. Në këtë rast, unë personalisht nuk kam qenë i kontaktuar drejtpërdrejt, por kanë qenë bashkëpunëtorët e mi. Në fund të fundit, unë kam qenë i pari që e kam raportuar rastin”, ka shtuar Rashiq.

Prokuroria Speciale ka ngritur aktakuzë ndaj Shehollit për veprat penale “Spiunazh” dhe “Shantazh”. Në aktakuzë pretendohet se ai ka vepruar në koordinim me BIA-n serbe dhe se ka mbledhur e përcjellë, ndër të tjera, informacione dhe materiale për zhvillimet politike dhe institucionet e Kosovës.

Seanca e parë gjyqësore ndaj Fatmir Shehollit është caktuar për 7 shtator, kur pritet të nisë shqyrtimi gjyqësor i rastit.

The post Aktakuza ndaj Shehollit, Rashiq tregon kërcënimet ndaj bashkëpunëtorëve: “Jam nga BIA, ejani në Beograd ose do të jetë keq për ju appeared first on Albeu.com.

Akuzat për krime lufte ndaj 20 personave në Gjakovë, për të cilat është ngritur aktakuzë kundër Milan Radoiçiqit, kanë rikthyer në qendër të vëmendjes të kaluarën e tij dhe marrëdhëniet që ka pasur me institucionet politike të Kosovës.

Radoiçiqi, krahas akuzave me të cilat përballet dhe pozitës së njohur brenda strukturave të Listës Serbe, ka qenë figurë me peshë në zhvillimet politike në veri. Ndikimi i tij është shtrirë edhe në raportet ndërmjet partive kosovare dhe përfaqësuesve të komunitetit serb.

Në periudha të ndryshme, qeveritë e drejtuara nga PDK, LDK dhe AAK kanë zhvilluar bashkëpunim politik me Listën Serbe, pikërisht në kohën kur Radoiçiqi shihej si një nga njerëzit më me ndikim të këtij subjekti. Për këtë arsye shtrohen pyetje serioze rreth rrezikut që këto marrëdhënie mund të kenë paraqitur për sigurinë institucionale dhe kombëtare të Kosovës.

Një çështje tjetër që mbetet e hapur është nëse rrjetet dhe ndikimi i ndërtuar prej Radoiçiqit vazhdojnë ta kërcënojnë sigurinë e vendit, ndonëse ai është larguar nga skena publike politike.

Në këtë kontekst ngrihet dilema nëse Kosova është vënë përballë një rreziku sigurie për shkak të bashkëpunimit politik me një person që tashmë akuzohet për krime lufte.

Ish-luftëtari Saim Tahiraj kërkon hetim gjithëpërfshirës për secilin person të dyshuar për krime lufte, si dhe sqarimin e çdo lidhjeje të mundshme politike me Milan Radoiçiqin.

Tahiraj e vlerëson pozitivisht ngritjen e aktakuzës për krime lufte kundër Radoiçiqit, por këmbëngul që procesi i drejtësisë të mos përqendrohet vetëm tek ai dhe të vazhdojë deri në zbardhjen e plotë të rastit.

Në një deklaratë për “Bota sot”, ai ka thënë se një person i dyshuar për krime të rënda kundër shqiptarëve duhet të dalë para drejtësisë dhe, nëse shpallet fajtor, të marrë dënimin që meriton.

Sipas Tahirajt, përgjegjësia duhet të kërkohet jo vetëm nga Radoiçiqi, por nga secili që mund të ketë marrë pjesë në krime kundër shqiptarëve ose t’i ketë mbështetur ato.

Ai ka theksuar se të gjithë autorët e krimeve ndaj popullit shqiptar duhet të përballen me drejtësinë, pa marrë parasysh vendndodhjen e tyre, funksionet që kanë mbajtur apo njerëzit që mund t’i kenë mbështetur.

Tahiraj kërkon që përmes hetimeve të përcaktohet edhe përgjegjësia e strukturave që mund të kenë qëndruar pas krimeve të kryera gjatë luftës në Kosovë. Në vlerësimin e tij, nëse gjykatat dhe organet hetimore provojnë përfshirjen ose përkrahjen e strukturave shtetërore serbe, përgjegjësia e tyre duhet të trajtohet plotësisht dhe pa kompromis.

Duke iu referuar lidhjeve të mundshme ndërmjet politikës në Kosovë dhe personave nën dyshime për krime lufte, Tahiraj ka kërkuar që çdo formë eventuale bashkëpunimi të bëhet objekt hetimi dhe askush të mos mbrohet politikisht.

Ai ka deklaruar se, nëse dalin dëshmi se një politikan nga cilido subjekt ka bashkëpunuar me Radoiçiqin ose me struktura të lidhura me të, personi në fjalë, pavarësisht nëse është burrë apo grua, duhet të japë llogari para drejtësisë pa përfituar mburojë politike.

Sipas Tahirajt, ndaj krimeve të luftës dhe detyrimit për t’u dhënë përgjigje viktimave nuk mund të zbatohen standarde të dyfishta.

Ai ka vlerësuar se nuk është e pranueshme që, nga njëra anë, të flitet për sakrificën e popullit shqiptar dhe viktimat e luftës, ndërsa, nga ana tjetër, të shpërfillen bashkëpunimet e mundshme me persona të dyshuar për krime kundër këtij populli.

Tahiraj ka nënvizuar gjithashtu se konfirmimi i përdorimit të pushtetit për bashkëpunim me njerëz të dyshuar për krime lufte do të përbënte cenim serioz të besimit të qytetarëve.

Megjithatë, ai ka bërë thirrje që fjala përfundimtare t’u lihet hetimeve dhe drejtësisë, të cilat duhet të mbështeten në prova. Sipas tij, askush nuk duhet dënuar vetëm nga akuzat politike, por njëkohësisht nuk duhet mbrojtur kur drejtësia paraqet dëshmi dhe nxjerr vendime të formës së prerë.

Në përmbyllje, Tahiraj ka shprehur pritjen që procesi gjyqësor të sqarojë çdo lidhje, bashkëpunim dhe përgjegjësi të mundshme. Ai ka theksuar se krimet e luftës nuk kufizohen nga afatet politike, se viktimat kërkojnë drejtësi dhe se ligji duhet të zbatohet në mënyrë të barabartë për të gjithë.

Nexhat Bexheti vlerëson se ndikimi i Radoiçiqit në jetën politike të Kosovës nuk mund të trajtohet vetëm si një çështje që i përket së kaluarës.

Për Bexhetin, aktakuza kundër Milan Radoiçiqit përbën një reagim të vonuar të drejtësisë. Ai pretendon se akuza ndaj tij kishte edhe disa vite më parë, por ato nuk ishin proceduar.

Në deklaratën e dhënë për “Bota sot”, Bexheti ka aluduar se pushteti gjatë Qeverisë Haradinaj i kishte futur këto akuza “nën tepih”.

Sipas tij, mungesa e veprimit institucional i krijoi Radoiçiqit mundësinë të vepronte me ndjenjën se ishte i paprekshëm dhe të ndërtonte ndikim të konsiderueshëm në veriun e Kosovës.

Bexheti ka thënë se një qasje e tillë i mundësoi atij të sillej në mënyrë indolente, të mos i përfillte ligjet e Kosovës dhe ta shihte veten si “baba” të qytetarëve serbë në pjesën veriore të vendit.

Në argumentimin e tij, Bexheti është mbështetur edhe në deklaratat e mëparshme të Rada Trajkoviqit, ish-deputete serbe në Kuvendin e Kosovës, e cila kishte folur për ndikimin që Radoiçiqi, sipas saj, ushtronte mbi strukturat politike dhe institucionale serbe në veri.

Ai ka rikujtuar pohimet e Trajkoviqit se edhe një pjesë e politikanëve serbë ishin të pakënaqur, pasi ndodheshin nën trysninë politike të Radoiçiqit. Sipas deklarimeve të saj, ish-kryetarët e qyteteve serbe në Kosovë i ishin ankuar se të gjitha vendimet merreshin nga Radoiçiqi.

Bexheti ka përmendur gjithashtu pretendimin e Trajkoviqit se Radoiçiqi përdorte si zyrë jozyrtare një restorant në Mitrovicën e Veriut. Sipas saj, prej atij vendi ai jepte urdhra dhe ushtronte ndikim në zgjedhjen e ministrave serbë, drejtuesve policorë dhe gjyqtarëve serbë në Kosovë.

Duke iu referuar po këtyre deklarimeve, Bexheti ka thënë se Radoiçiqi përcaktonte emrat e ministrave të ardhshëm serbë në Kosovë, shefat e policisë në veri dhe gjyqtarët serbë, çka, sipas tij, dëshmon se ndikimi politik i tij nuk ishte i vogël.

Sipas Bexhetit, marrëdhëniet e Radoiçiqit me figura të politikës kosovare nuk përfundonin te Ramush Haradinaj. Ai pretendon se Radoiçiqi kishte raporte edhe me ish-presidentin Behgjet Pacolli, veçanërisht në fushën e biznesit.

Bexheti ka deklaruar se, përveç lidhjeve me përfaqësues të pushtetit, Radoiçiqi kishte marrëdhënie edhe me Pacollin dhe se, bazuar në të dhënat e bëra publike, bashkëpunimi mes tyre ishte zhvilluar edhe në sferën afariste.

Në këtë kuadër, ai i është referuar një fotografie të publikuar nga KRIK në tetor të vitit 2019. Në të shfaqeshin Behgjet Pacolli, Milan Radoiçiq, Goran Rakiq dhe persona të tjerë.

Sipas Bexhetit dhe të dhënave të KRIK-ut, fotografia ishte realizuar gjatë një takimi në verën e vitit 2017, kur AKR-ja ishte pjesë e koalicionit qeverisës të drejtuar nga Ramush Haradinaj.

Bexheti vlerëson se të gjitha këto zhvillime duhet të përdoren si pikënisje për një hetim më të gjerë mbi ndikimin që Radoiçiqi dhe personat e lidhur me të mund të kenë ushtruar në politikën dhe institucionet e Kosovës.

Sipas tij, këto të dhëna krijojnë një pasqyrë të qartë se Radoiçiqi mund të vazhdojë të ketë ndikim në Kosovë, ndërsa bashkëpunëtorët e tij mund të jenë ende aktivë në përkeqësimin e gjendjes politike. Ai ka shtuar se pasojat negative të këtij ndikimi mund të vërehen edhe sot.

Bexheti e sheh rrezikun si të dukshëm dhe kërkon përfshirje më të fuqishme të institucioneve përgjegjëse për sigurinë.

Ai ka kërkuar që Policia e Kosovës të gjurmojë dhe identifikojë personat që veprojnë në fshehtësi kundër interesave të qytetarëve kosovarë.

Në fund, Bexheti ka bërë thirrje që hetimi të përfshijë edhe njerëzit që kanë bashkëpunuar me Radoiçiqin, duke përmendur në këtë kuadër edhe ish-kryeministrin Ramush Haradinaj.

Sipas tij, veprimtaria e dëmshme e Radoiçiqit duhet të shërbejë si bazë për të hetuar personat që kanë pasur marrëdhënie bashkëpunimi me të. Bexheti ka theksuar se, nëse ekzistojnë prova për bashkëpunim të kundërligjshëm, ato duhet të shqyrtohen për të identifikuar edhe bashkëpunëtorë të tjerë që mund të veprojnë fshehurazi me synimin për ta dëmtuar Kosovën dhe për ta komprometuar atë në arenën ndërkombëtare.

The post Aktakuza ndaj Radoiçiqit rikthen në fokus lidhjet politike në Kosovë, kërkohet hetim edhe për bashkëpunëtorët appeared first on Albeu.com.

Aktakuza për krime lufte ndaj 20 personave në Gjakovë, e ngritur kundër Milan Radoiçiqit, ka rikthyer vëmendjen te veprimtaria e tij e mëhershme dhe te marrëdhëniet që ai ka pasur me institucionet dhe politikën në Kosovë.

Radoiçiqi, krahas akuzave me të cilat përballet dhe pozitës së njohur brenda strukturave të Listës Serbe, ka luajtur rol të rëndësishëm në zhvillimet politike në veri. Ndikimi i tij është shtrirë edhe në raportet ndërmjet partive kosovare dhe përfaqësuesve politikë serbë.

Në periudha të ndryshme, qeveritë e drejtuara nga PDK, LDK dhe AAK kanë bashkëpunuar në planin politik me Listën Serbe, ndërsa Radoiçiqi vlerësohej si një nga figurat kryesore të këtij subjekti. Për këtë arsye shtrohen pyetje serioze lidhur me rrezikun që një bashkëpunim i tillë mund të ketë paraqitur për sigurinë kombëtare dhe institucionale të Kosovës.

Një çështje tjetër që mbetet e hapur është nëse rrjetet dhe ndikimi i krijuar nga Radoiçiqi vazhdojnë ta cenojnë sigurinë e vendit, pavarësisht tërheqjes së tij nga skena publike politike.

Në këtë kontekst ngrihet edhe pyetja nëse Kosova është ekspozuar ndaj rrezikut të sigurisë për shkak të bashkëpunimit politik me një person që tani akuzohet për krime lufte.

Ish-luftëtari kërkon hetim të gjithanshëm për të dyshuarit për krime lufte dhe sqarimin e çdo lidhjeje të mundshme politike me Milan Radoiçiqin.

Saim Tahiraj e ka mirëpritur ngritjen e aktakuzës për krime lufte ndaj Radoiçiqit, por ka kërkuar që veprimet e drejtësisë të mos përqendrohen vetëm te një individ dhe hetimi të çohet deri në fund.

Në një deklaratë për “Bota sot”, Tahiraj ka thënë se një person i dyshuar për krime të rënda kundër shqiptarëve duhet të dalë para drejtësisë dhe, nëse provohet fajësia e tij, të marrë dënimin që meriton.

Ai vlerëson se përgjegjësia duhet të kërkohet jo vetëm nga Radoiçiqi, por edhe nga kushdo që mund të ketë kryer ose përkrahur krime ndaj shqiptarëve.

Sipas Tahirajt, të gjithë personat përgjegjës për krime kundër popullit shqiptar duhet të përballen me ligjin, pa marrë parasysh vendndodhjen e tyre, funksionet që kanë mbajtur apo mbështetjen që mund të kenë pasur.

Ai kërkon që hetimet të përcaktojnë edhe përgjegjësinë e strukturave që mund të kenë mbështetur krimet e kryera gjatë luftës në Kosovë. Nëse përfshirja ose përkrahja e strukturave shtetërore serbe vërtetohet nga hetimet dhe gjykatat, Tahiraj thotë se edhe kjo çështje duhet të trajtohet plotësisht dhe pa kompromis.

Duke iu referuar lidhjeve të mundshme ndërmjet politikës kosovare dhe personave të dyshuar për krime lufte, Tahiraj ka kërkuar që çdo formë eventuale bashkëpunimi të hetohet dhe askush të mos mbrohet politikisht.

Ai ka deklaruar se, në rast se hetimet nxjerrin prova për bashkëpunimin e ndonjë politikani, nga cilido subjekt, me Radoiçiqin ose me strukturat e lidhura me të, personi përgjegjës duhet të japë llogari para drejtësisë pa përfituar mburojë politike.

Tahiraj ka theksuar se në trajtimin e krimeve të luftës dhe të përgjegjësisë ndaj viktimave nuk mund të zbatohen standarde të dyfishta.

Sipas tij, nuk është e pranueshme që në njërën anë të flitet për viktimat e luftës dhe sakrificën e popullit shqiptar, ndërsa në anën tjetër të shpërfillen bashkëpunimet e mundshme me persona të dyshuar për krime kundër këtij populli.

Ai vlerëson se përdorimi i pushtetit për bashkëpunim me të dyshuar për krime lufte, nëse do të provohej, do të përbënte cenim të rëndë të besimit të qytetarëve.

Tahiraj ka bërë thirrje që hetimet dhe drejtësia të mbështeten në prova. Sipas tij, askush nuk duhet të dënohet vetëm për shkak të akuzave politike, por njëkohësisht askush nuk duhet të mbrohet kur drejtësia paraqet prova dhe merr vendime të formës së prerë.

Në përmbyllje, ai ka kërkuar që procesi gjyqësor të hedhë dritë mbi të gjitha lidhjet, bashkëpunimet dhe përgjegjësitë e mundshme. Tahiraj ka nënvizuar se krimet e luftës nuk kanë afat politik, se viktimat kërkojnë drejtësi dhe se ligji duhet të zbatohet njësoj ndaj të gjithëve.

Bexheti vlerëson se ndikimi i Radoiçiqit në politikën kosovare nuk mund të trajtohet vetëm si pjesë e së kaluarës.

Nexhat Bexheti e sheh aktakuzën kundër Milan Radoiçiqit si një veprim të vonuar të organeve të drejtësisë. Ai pretendon se akuza ndaj tij kishte edhe disa vite më parë, por ato nuk ishin proceduar.

Për “Bota sot”, Bexheti ka deklaruar se dyshon që pushteti i Qeverisë Haradinaj i kishte lënë këto akuza nën tepih.

Sipas tij, mungesa e reagimit institucional i kishte krijuar Radoiçiqit mundësi të vepronte sikur të ishte i paprekshëm dhe të ndërtonte ndikim të madh në veriun e Kosovës.

Bexheti ka thënë se kjo situatë e kishte lejuar Radoiçiqin të sillej në mënyrë indolente, t’i shpërfillte ligjet e Kosovës dhe ta konsideronte veten si “baba” të qytetarëve serbë në veri të vendit.

Ai ka përmendur edhe deklaratat e mëparshme të ish-deputetes serbe në Kuvendin e Kosovës, Rada Trajkoviq, e cila kishte folur për ndikimin që, sipas saj, Radoiçiqi ushtronte mbi strukturat politike dhe institucionale serbe në veri.

Sipas Bexhetit, një pjesë e politikanëve serbë nuk ishin të kënaqur me Radoiçiqin, pasi ndodheshin nën trysninë e tij politike. Ai ka rikujtuar pretendimin e Trajkoviqit se ish-kryetarët e qyteteve serbe në Kosovë i ishin ankuar asaj se të gjitha vendimet merreshin nga Radoiçiqi.

Bexheti i është referuar gjithashtu pretendimit të Trajkoviqit se Radoiçiqi kishte ngritur një zyrë jozyrtare në një restorant në Mitrovicën e Veriut. Sipas saj, prej atij vendi ai jepte urdhra dhe ndikonte në përzgjedhjen e ministrave serbë, drejtuesve të policisë dhe gjyqtarëve serbë në Kosovë.

Ai ka thënë se, sipas deklarimeve të Trajkoviqit, Radoiçiqi përcaktonte emrat e ministrave të ardhshëm serbë në Kosovë, shefat e policisë në veri dhe gjyqtarët serbë. Për Bexhetin, këto pohime dëshmojnë se ndikimi politik i Radoiçiqit nuk ka qenë i vogël.

Sipas tij, lidhjet e Radoiçiqit me figurat politike kosovare nuk përfundonin te Ramush Haradinaj. Bexheti pretendon se ai kishte marrëdhënie edhe me ish-presidentin Behgjet Pacolli, sidomos në fushën e biznesit.

Ai ka deklaruar se, përveç kontakteve me njerëz të pushtetit, Radoiçiqi kishte pasur raporte edhe me ish-presidentin e Kosovës, Behgjet Pacolli, ndërsa të dhënat e publikuara flisnin edhe për bashkëpunim në sferën afariste.

Bexheti ka sjellë në vëmendje një fotografi të publikuar nga KRIK në tetor të vitit 2019, në të cilën shfaqeshin Behgjet Pacolli, Milan Radoiçiq, Goran Rakiq dhe persona të tjerë.

Sipas tij, KRIK kishte raportuar se takimi i paraqitur në fotografi ishte zhvilluar në verën e vitit 2017, kur AKR-ja ishte pjesë e koalicionit qeverisës të udhëhequr nga Ramush Haradinaj.

Bexheti vlerëson se këto zhvillime duhet të përdoren si pikënisje për një hetim më të gjerë rreth ndikimit që Radoiçiqi dhe personat e lidhur me të mund të kenë ushtruar në politikën dhe institucionet e Kosovës.

Sipas tij, këto të dhëna krijojnë një pasqyrë se Radoiçiqi mund të vazhdojë të ketë ndikim në Kosovë dhe se bashkëpunëtorët e tij mund të jenë ende aktivë në përkeqësimin e gjendjes politike. Ai ka shtuar se pasojat negative të këtij ndikimi mund të vërehen edhe sot.

Bexheti e konsideron rrezikun të dukshëm dhe kërkon reagim më të madh nga institucionet përgjegjëse për sigurinë.

Ai ka thënë se Policia e Kosovës duhet t’i gjurmojë dhe t’i identifikojë personat që veprojnë fshehurazi në dëm të qytetarëve të Kosovës.

Në fund, Bexheti ka kërkuar që hetimi të përfshijë edhe personat që kanë bashkëpunuar me Radoiçiqin, duke e përmendur në këtë kuadër edhe ish-kryeministrin Ramush Haradinaj.

Sipas tij, roli i dëmshëm i Radoiçiqit duhet të shërbejë si bazë për hetimin e bashkëpunëtorëve të tij. Bexheti ka theksuar se, nëse ekzistojnë prova për bashkëpunim të kundërligjshëm, ato duhet të shqyrtohen për të zbuluar edhe persona të tjerë që mund të veprojnë fshehurazi me synimin për ta dëmtuar Kosovën dhe për ta komprometuar atë në arenën ndërkombëtare.

The post Aktakuza ndaj Radoiçiqit rikthen në fokus lidhjet politike në Kosovë, kërkohet hetimi i bashkëpunëtorëve appeared first on Albeu.com.

Padia për krime lufte e ngritur ndaj Milan Radoiçiqit, i akuzuar për vepra penale kundër 20 personave në Gjakovë, ka rikthyer në qendër të diskutimit jo vetëm biografinë e tij, por edhe marrëdhëniet e ngushta që ai ka mbajtur me strukturat politike të Kosovës.

Edhe pse përballë akuzave të rënda dhe me një rol të njohur brenda mekanizmave të Listës Serbe, Radoiçiq ka qenë një faktor me peshë në dinamikat politike në veri dhe ka ndikuar në relacionet midis subjekteve politike shqiptare dhe përfaqësuesve serbë.

Në të shkuarën, ekzekutivët e drejtuar nga PDK, LDK dhe AAK kanë ndërtuar bashkëpunime institucionale me Listën Serbe, në një kohë kur Radoiçiq shihej si një nga njerëzit më me pushtet në këtë parti. Kjo situatë shtron pyetjen se deri në çfarë mase ky bashkëveprim ka rrezikuar sigurinë institucionale dhe kombëtare të vendit.

Madje, mbetet për t’u parë nëse rrjetet e ndikimit dhe hallkat e krijuara prej tij vazhdojnë të përbëjnë një kërcënim real për sigurinë e Kosovës, edhe tani që ai është tërhequr nga skena publike politike.

A u ekspozua shteti i Kosovës ndaj një rreziku sigurie duke bashkërenduar politikisht me një individ që sot ndodhet përballë organeve të drejtësisë nën akuzat për krime lufte?

Saim Tahiraj e vlerëson ngritjen e aktakuzës si një hap pozitiv, por insiston që procesi të shkojë deri në fund dhe të mos përqendrohet vetëm te një emër.

Ai thekson se një person i dyshuar për krime të tilla të rënda duhet të qëndrojë para gjykatës dhe, nëse shpallet fajtor, të marrë ndëshkimin e merituar. Por sipas tij, nuk mjafton kaq. Përgjegjësia duhet të zgjerohet te të gjithë ata që kanë kryer ose mbështetur akte kriminale kundër popullatës shqiptare.

Ai kërkon që drejtësia të mos ndalet te Radoiçiq dhe të gjithë personat e implikuar në krime, pavarësisht vendndodhjes, pozitës apo mbështetësve, duhet të japin llogari. Po ashtu, Tahiraj u bën thirrje organeve hetimore të sqarojnë përfshirjen e strukturave që mund të kenë qëndruar pas krimeve të luftës dhe, nëse provohet mbështetja e aparateve shtetërore serbe, edhe kjo përgjegjësi duhet të trajtohet pa asnjë lëshim.

Ai shton se çdo bashkëveprim politik eventual me persona të dyshuar duhet të hetohet dhe askush nuk duhet të gëzojë imunitet politik. Sipas tij, nëse gjatë procesit dalin në dritë fakte se ndonjë politikan ka bashkëpunuar me Radoiçiqin ose rrjetet e tij, ai apo ajo duhet të japë përgjegjësi para ligjit, pa marrë parasysh subjektin politik.

Tahiraj e konsideron të papranueshëm aplikimin e standardeve të dyfishta, ku nga njëra anë nderohet sakrifica e popullit, ndërsa nga ana tjetër injorohen bashkëpunimet me persona të dyshuar për krime ndaj tij. Ai thekson se, nëse provohet keqpërdorimi i pushtetit për bashkëveprime të tilla, kjo do të ishte shkelje e rëndë e besimit të qytetarëve, por megjithatë insiston se askush nuk duhet të dënohet vetëm mbi baza politike dhe askush nuk duhet të mbrohet kur ka prova dhe vendime përfundimtare të drejtësisë. Ai kërkon që procesi gjyqësor të sqarojë çdo lidhje dhe përgjegjësi, duke kujtuar se krimet e luftës nuk parashkruhen dhe viktimat kërkojnë drejtësi të njëjtë për të gjithë.

Ndërkaq, Nexhat Bexheti e sheh aktakuzën ndaj Radoiçiqit si një veprim të vonuar të drejtësisë, duke pretenduar se ka pasur akuza të mëhershme që nuk janë ndjekur. Ai aludon se pushteti gjatë Qeverisë Haradinaj i ka fshehur ato. Sipas tij, ky mosveprim institucional i dha Radoiçiqit hapësirë për të vepruar me pandëshkueshmëri dhe për t’u imponuar si figura kryesore në veriun e Kosovës, duke u ndjerë si zotërues i qytetarëve serbë atje.

Bexheti sjell ndër mend deklaratat e ish-deputetes serbe, Rada Trajkoviq, e cila kishte pohuar se një pjesë e politikanëve serbë ishin nën trysninë e Radoiçiqit dhe se ish-kryetarët e komunave i ishin ankuar asaj se ai merrte gjithë vendimet. Ai përmend pretendimet se Radoiçiq kishte një zyrë joformale në një restorant në Mitrovicë të Veriut, prej nga jepte urdhëra dhe ndikonte në emërimin e ministrave, shefave të policisë dhe gjyqtarëve serbë.

Bexheti thotë se lidhjet e Radoiçiqit nuk u kufizuan te Ramush Haradinaj, por u shtrinë edhe në sferën afariste, duke përmendur marrëdhëniet me ish-presidentin Behgjet Pacolli. Ai i referohet një fotografie të publikuar në tetor 2019 nga KRIK, ku shfaqeshin Pacolli, Radoiçiq, Goran Rakiq dhe të tjerë, në një takim që sipas kësaj organizate kishte ndodhur në verën e vitit 2017, kur AKR ishte pjesë e koalicionit qeverisës të udhëhequr nga Haradinaj.

Duke i konsideruar këto fakte si bazë për një hetim më të thelluar, Bexheti paralajmëron se pasqyrime të tilla japin një tablo mbi ndikimin e mundshëm të vazhdueshëm të Radoiçiqit dhe se bashkëpunëtorët e tij mund të jenë ende aktivë në destabilizimin e situatës. Ai e sheh rrezikun si të prekshëm dhe i bën thirrje Policisë së Kosovës të ndjekë dhe zbulojë personat që operojnë fshehurazi kundër interesave të qytetarëve. Në fund, ai kërkon që roli shkatërrues i Radoiçiqit të shërbejë si pikënisje për të hetuar edhe bashkëpunëtorët e tjerë që mund të kenë kontribuar në dëmtimin dhe kompromentimin e vendit në arenën ndërkombëtare.

The post Aktakuza ndaj Radoiçiqit nxit thirrje për zbardhjen e lidhjeve politike dhe hetim të bashkëpunëtorëve appeared first on Albeu.com.

Aktakuza ndaj Milan Radoiçiqit për krime lufte kundër 20 personave në Gjakovë ka rikthyer debatin jo vetëm për të kaluarën e tij, por edhe për marrëdhëniet që ai ka pasur me institucionet dhe aktorët politikë në Kosovë.

Edhe pse akuzohet për krime të rënda dhe njihej për rolin e tij në strukturat e Listës Serbe, Radoiçiq për një periudhë të gjatë konsiderohej një prej figurave me ndikim në zhvillimet politike në veri dhe në raportet ndërmjet partive kosovare dhe përfaqësuesve serbë.

Qeveritë e udhëhequra nga PDK, LDK dhe AAK kanë bashkëpunuar në të kaluarën me Listën Serbe, në kohën kur Radoiçiq shihej si një prej njerëzve më të fuqishëm të këtij subjekti. Kjo ka hapur pikëpyetje mbi pasojat që një bashkëpunim i tillë mund të ketë pasur për sigurinë institucionale dhe kombëtare të Kosovës.

Një tjetër çështje që mbetet për t’u sqaruar është nëse rrjetet dhe ndikimi i krijuar nga Radoiçiq vazhdojnë të përbëjnë rrezik për Kosovën, edhe pas tërheqjes së tij nga skena publike politike.

Pyetja që shtrohet është nëse Kosova është ekspozuar ndaj një rreziku të sigurisë për shkak të bashkëpunimit politik me një person që tash përballet me akuza për krime lufte.

Ish-luftëtari kërkon hetim të plotë për të gjithë personat e dyshuar për krime lufte dhe zbardhjen e çdo bashkëpunimi eventual politik me Milan Radoiçiqin

Saim Tahiraj e ka cilësuar si të mirëpritur ngritjen e aktakuzës ndaj Milan Radoiçiqit, por ka kërkuar që procesi i drejtësisë të mos përfundojë vetëm me hetimin e një personi.

“Për një njeri të dyshuar për krime të rënda ndaj shqiptarëve, vendi duhet të jetë para drejtësisë dhe, nëse fajësia vërtetohet, dënimi duhet të jetë i merituar”, ka deklaruar Tahiraj për “Bota sot”.

Sipas tij, hetimi duhet të përfshijë edhe çdo person tjetër që mund të ketë kryer apo mbështetur krime ndaj shqiptarëve dhe përgjegjësia nuk duhet të kufizohet vetëm te Radoiçiqi.

“Drejtësia nuk duhet të ndalet vetëm te Radojçiqi. Të gjithë ata që kanë kryer krime ndaj popullit shqiptar duhet të përballen me drejtësinë, pavarësisht se ku janë, çfarë funksioni kanë pasur apo kë kanë pasur pas vetes”, është shprehur ai.

Tahiraj kërkon gjithashtu që hetimet të përfshijnë strukturat që mund të kenë qenë pas krimeve të kryera gjatë luftës në Kosovë. Ai thekson se, nëse gjykatat dhe organet hetimore vërtetojnë përfshirjen ose mbështetjen e strukturave shtetërore serbe, edhe kjo përgjegjësi duhet të ndiqet pa kompromis.

“Nëse hetimet dhe gjykatat vërtetojnë përfshirjen apo mbështetjen e strukturave shtetërore serbe në krimet e kryera në Kosovë, atëherë edhe kjo përgjegjësi duhet të trajtohet në mënyrë të plotë dhe pa asnjë kompromis”, ka thënë Tahiraj.

Duke iu referuar lidhjeve të mundshme ndërmjet politikës kosovare dhe personave të dyshuar për krime lufte, ai kërkon që çdo bashkëpunim eventual të hetohet dhe askush të mos mbrohet nga politika.

“Nëse gjatë hetimeve dalin prova se ndonjë politikan, cilitdo subjekt politik qoftë, ka bashkëpunuar me Radojçiqin apo me struktura të lidhura me të, atëherë nuk duhet të ketë mburojë politike. Kushdo qoftë ai apo ajo duhet të japë llogari para drejtësisë”, është shprehur ai.

Tahiraj vlerëson se për krimet e luftës dhe përgjegjësinë ndaj viktimave nuk mund të zbatohen standarde të ndryshme.

“Nuk mund të ketë standard të dyfishtë: njëra anë të flasim për viktimat e luftës dhe sakrificën e popullit shqiptar, ndërsa në anën tjetër të mbyllim sytë para bashkëpunimeve eventuale me njerëz të dyshuar për krime ndaj këtij populli”, ka deklaruar ai.

Sipas tij, nëse vërtetohet se pushteti është përdorur në mënyrë të paligjshme për bashkëpunim me persona të dyshuar për krime lufte, një veprim i tillë do të përbënte shkelje të rëndë të besimit të qytetarëve.

“Prandaj, le t’i lëmë hetimet dhe drejtësinë të flasin me prova. Nuk duhet të dënohet askush vetëm mbi bazën e akuzave politike, por nuk duhet të mbrohet askush kur drejtësia sjell prova dhe vendime të formës së prerë”, ka thënë Tahiraj.

Ai ka kërkuar që procesi gjyqësor të nxjerrë në dritë çdo lidhje, bashkëpunim dhe përgjegjësi të mundshme.

“Pres që ky proces të zbardhë të gjitha lidhjet, bashkëpunimet dhe përgjegjësitë eventuale. Krimet e luftës nuk kanë afat politik. Viktimat kërkojnë drejtësi dhe drejtësia duhet të jetë e njëjtë për të gjithë”, ka përfunduar Tahiraj.

Bexheti thotë se ndikimi i Radoiçiqit në politikën e Kosovës nuk duhet të trajtohet thjesht si një çështje e së kaluarës

Nexhat Bexheti e ka cilësuar aktakuzën ndaj Milan Radoiçiqit si një veprim të vonuar të drejtësisë. Ai pretendon se ndaj Radoiçiqit kishte pasur akuza edhe vite më parë, por ato, sipas tij, nuk ishin proceduar.

“Aktakuza ndaj Radoiçiqit është e vonuar, pasi akuza kundër tij ka pasur edhe disa vite më herët, por nuk janë proceduar. Unë aludoj se pushteti i Qeverisë Haradinaj i ka futur nën tepih”, ka deklaruar Bexheti për “Bota sot”.

Bexheti thotë se mosveprimi i institucioneve i kishte krijuar Radoiçiqit mundësinë të vepronte me ndjenjën se ishte i paprekshëm dhe të ushtronte ndikim të konsiderueshëm në veriun e Kosovës.

“Me këtë veprim, Radoiçiqit i është mundësuar që të sillet në mënyrë indolente dhe duke i injoruar ligjet e Kosovës, ashtu që ai ndihej si ‘baba’ i qytetarëve serbë të Kosovës veriore”, është shprehur ai.

Ai ka përmendur edhe deklaratat e ish-deputetes serbe në Kuvendin e Kosovës, Rada Trajkoviq, e cila në të kaluarën ka folur për ndikimin që Radoiçiq, sipas saj, kishte mbi strukturat politike dhe institucionale serbe në veri të Kosovës.

“Edhe një pjesë e politikanëve serbë nuk kanë qenë të kënaqur me Radojçiqin, sepse kanë qenë nën presionin e tij politik. Rada Trajkoviq ka deklaruar se ish-kryetarët e qyteteve serbe në Kosovë i ishin ankuar asaj se Radoiçiqi ishte ai që merrte të gjitha vendimet”, ka thënë Bexheti.

Sipas pretendimeve që Bexheti i atribuoi Trajkoviqit, Radoiçiq kishte përdorur një zyrë jozyrtare në një restorant në Mitrovicën e Veriut, nga ku jepte urdhra dhe ndikonte në përzgjedhjen e ministrave serbë, drejtuesve të policisë dhe gjyqtarëve serbë në Kosovë.

“Trajkoviq kishte deklaruar se Radoiçiqi zgjidhte emrat e ministrave të ardhshëm serbë në Kosovë, shefat e policisë në veri dhe gjyqtarët serbë. Këto janë deklarime që tregojnë se ndikimi i tij politik nuk ishte i vogël”, ka deklaruar Bexheti.

Ai ka theksuar se marrëdhëniet e Radoiçiqit me politikanët kosovarë nuk lidhen vetëm me Ramush Haradinajn. Sipas Bexhetit, ai kishte pasur kontakte edhe me ish-presidentin e Kosovës, Behgjet Pacolli, veçanërisht në fushën e biznesit.

“Përveç marrëdhënieve me njerëz të pushtetit, Radojçiqi ka pasur marrëdhënie edhe me ish-presidentin e Kosovës, Behgjet Pacolli. Bashkëpunimi, sipas të dhënave që janë publikuar, është zhvilluar edhe në sferën afariste”, ka thënë ai.

Bexheti i është referuar një fotografie të publikuar nga KRIK në tetor të vitit 2019, ku shfaqeshin Behgjet Pacolli, Milan Radoiçiq, Goran Rakiq dhe persona të tjerë. Sipas tij, fotografia lidhej me një takim të mbajtur në vitin 2017, në periudhën kur AKR ishte pjesë e koalicionit qeverisës të drejtuar nga Ramush Haradinaj.

“Në tetor të vitit 2019, KRIK kishte publikuar një fotografi ku shihej Behgjet Pacolli në takim me Milan Radoiçiqin, Goran Rakiqin dhe të tjerë. Takimi, sipas KRIK-ut, kishte ndodhur në verën e vitit 2017”, ka deklaruar Bexheti.

Sipas tij, këto të dhëna duhet t’u shërbejnë institucioneve si bazë për një hetim më të gjerë mbi ndikimin që Radoiçiq dhe personat e lidhur me të mund të kenë ushtruar në politikën dhe institucionet e Kosovës.

“Pasqyrime të tilla na japin një fotografi të qartë se Radoiçiq mund të ketë ende ndikim në Kosovë, ndërsa bashkëpunëtorët e tij ndoshta akoma janë aktivë në përkeqësimin e situatës politike. Efektet negative të kësaj mund të shihen edhe sot”, është shprehur Bexheti.

Bexheti e sheh rrezikun si ende të pranishëm dhe kërkon që institucionet e sigurisë të angazhohen më fuqishëm.

“Rreziku është evident. Policia e Kosovës duhet të gjurmojë dhe të zbulojë personat të cilët fshehurazi veprojnë në dëm të qytetarëve kosovarë”, ka thënë Bexheti.

Në përfundim, ai ka kërkuar që hetimet të përfshijnë edhe personat që kanë bashkëpunuar me Radoiçiqin, duke e përmendur në këtë kuadër edhe ish-kryeministrin Ramush Haradinaj.

“Roli i dëmshëm që Radoiçiqi ka pasur duhet të jetë pikënisje për hetimin edhe të personave që kanë bashkëpunuar me të. Nëse ka prova për bashkëpunim të kundërligjshëm, ato duhet të hetohen për të zbuluar edhe bashkëpunëtorët e tjerë që mund të veprojnë fshehurazi për ta dëmtuar Kosovën dhe për ta komprometuar atë në arenën ndërkombëtare”, ka përfunduar Bexheti.

The post Radoiçiq nën akuzë për krime lufte, kërkohet hetim edhe për lidhjet e tij politike në Kosovë appeared first on Albeu.com.

Prokuroria Speciale njoftoi se ka paraqitur dy aktakuza në mungesë për veprën penale të krimeve të luftës kundër popullsisë civile.

Aktakuza e parë është ngritur ndaj J.J. dhe A.S.

Sipas njoftimit, të akuzuarit, si ish-gardianë të Burgut të Prishtinës dhe paraleles së tij në Lipjan, gjatë viteve 1998-1999 i kanë keqtrajtuar të burgosurit shqiptarë, duke i nënshtruar torturave çnjerëzore me mjete të ndryshme, përfshirë shkopinj gome, shufra metalike, shqelma dhe grushte deri në alivanosje. Në të njëjtën kohë, ata i kanë kërcënuar seriozisht edhe me vrasje.

Ndërkaq, aktakuza e dytë është ngritur ndaj katër të pandehurave: L.S., D.L., S.A., B.S..

Prokuroria Speciale bëri të ditur se ato akuzohen se, në cilësinë e gardianeve të Burgut të Prishtinës – paralelja për gra në Lipjan, gjatë periudhës së luftës 1998-1999, në bashkëkryerje me tashmë të akuzuarën N.C., i kanë keqtrajtuar në mënyrë sistematike të burgosurat shqiptare, duke i torturuar në mënyrë çnjerëzore dhe duke u shkaktuar lëndime trupore si edhe dhunë psikike.

The post Dy aktakuza në mungesë për krime lufte ndaj gjashtë ish-gardianëve për torturimin e të burgosurve shqiptarë appeared first on Albeu.com.

Lajmi u konfirmuar nga Zyra e Prokurorit e Bosnjës dhe Herzegovinës (ZPBH) për Radion Evropa e Lirë (REL) më 11 gusht.

Gjykata e Bosnjës dhe Hercegovinës tha të premten për REL-in se kishte marrë kërkesë për konfirmimin e aktakuzës kundër Dodikut dhe Lukiqit nga ZPHB-ja.

Më 9 korrik, Zyra e Prokurorit e formoi një ekip të përbërë nga tre prokurorë, pasi u publikua dekreti i Dodikut në gazetën zyrtare të Republikës Sërpska, në lidhje me mospublikimin e vendimeve të përfaqësuesit të lartë Schmidt.

Sipas dekretit të Dodikut, vendimet e përfaqësuesit të lartë nuk do të publikohen më në entitetin serb të Bosnjës, e as nuk do të respektohen, si dhe as vendimet e Gjykatës Kushtetuese të Bosnjës dhe Hercegovinës nuk do të vlejnë në territorin e entitetit serb në këtë vend.

Më 1 korrik, Schmidt i anuloi ligjet anti-Dejton të miratuara nga Asambleja Kombëtare e entitetit të Republikës Sërpska, lidhur me mospublikimin e vendimeve të përfaqësuesit të lartë dhe moszbatimin e vendimeve të Gjykatës Kushtetuese të Bosnjës dhe Hercegovinës.

Schmidt gjithashtu mori një vendim për ndryshimin e Kodit Penal të Bosnje dhe Hercegovinës në mënyrë që veprimet që cenojnë rendin kushtetues të trajtohen si vepër penale.

“Kuvendet e entiteteve nuk kanë autoritet të shmangin dispozitat e Bosnje dhe Hercegovinës dhe nuk kanë të drejtë të shmangin juridiksionin e institucioneve kyçe të Dejtonit”, tha Schmidt duke shpjeguar vendimet më 1 korrik.

Ambasada e SHBA-së në Bosnje dhe Hercegovinë përkrahi vendimet e Schmidt dhe paralajmëroi se “do të ketë pasoja” për veprimet e Asamblesë Kombëtare të entitetit të Republikës Sërpska.

“Shtetet e Bashkuara mbështesin sovranitetin, integritetin territorial dhe karakterin multietnik të Bosnjë-Hercegovinës dhe do të vazhdojnë të mbajnë përgjegjës për veprimet e tyre individët e përfshirë në sjellje anti-Dejton”, thuhet në reagimin e ambasadës amerikane./ REL

The post Prokuroria e Bosnjës ngre aktakuza ndaj Dodik appeared first on Albeu.com.

Këto të hyra duhet të raportohen në Agjencinë Kosovare kundër Korrupsionit. Sipas mediave lokale në Kosovë, aktakuza është ngritur ndaj ministres së Industrisë, Ndërmarrësisë dhe Tregtisë, Rozeta Hajdari. Vetë ministrja Hajdari nuk është deklaruar për këtë gjë. Deklarimi i pasurisë nga personat publikë në Kosovë ka filluar qysh në vitin 2007.

Deri më tash, duke mos përfshirë mjekët dhe profesorët, deklarimin e pasurisë në Kosovë e kanë bërë rreth 5 mijë zyrtarë publikë, nisur nga presidentja, kryeministri, ministrat, deputetët, kryetarët e komunave e deri te mijëra zyrtarë të tjerë që kanë pozita udhëheqëse.

Pas përfundimit të procesit të deklarimit të pasurisë, Agjencia Kundër Korrupsionit, përmes shortit, zgjedh një numër të caktuar të zyrtarëve publikë, të cilëve ua verifikon pasurinë e deklaruar. Ligji për deklarimin e pasurisë i obligon zyrtarët e lartë publikë që ta deklarojnë pasurinë e tyre 30 ditë nga marrja e postit të ri dhe pastaj në baza vjetore.

Mosdeklarimi i pasurisë, sipas Kodit Penal të Republikës së Kosovës, dënohet me gjobë ose me burgim deri në tre vjet, ndërsa deklarimi i rremë i pasurisë është i dënueshëm me gjobë dhe me burgim prej gjashtë muajsh deri në pesë vjet. Kosova nuk ka ende ligj për verifikimin prejardhjes së pasurisë.

Marrë nga REL

The post Mosdeklarim të pasurisë, ngrihet aktakuzë ndaj ministres së Industrisë në Kosovë appeared first on Albeu.com.