AKSK thekson se këto komunikime zakonisht krijojnë ndjesi urgjence, duke i shtyrë qytetarët të ndërmarrin veprime menjëherë, si pagesa për një pako, konfirmimi i adresës, zhbllokimi i një llogarie bankare ose shmangia e pezullimit të një shërbimi.

Në këto raste, autoriteti rekomandon që qytetarët:

të mos hapin linqe të dyshimta që vijnë përmes SMS-ve ose email-eve;

të mos japin fjalëkalime, kode verifikimi (OTP), PIN-e apo të dhëna të kartave bankare;

të kontrollojnë çdo njoftim vetëm në faqet dhe kanalet zyrtare të bankave ose institucioneve përkatëse;

të njoftojnë AKSK-në dhe institucionin që dyshohet se po imitohet për çdo rast të dyshimtë.

“Një klikim i nxituar mund të mjaftojë për të komprometuar të dhënat tuaja”, paralajmëron AKSK, duke u kërkuar qytetarëve të jenë vigjilentë dhe të verifikojnë gjithmonë burimin e një mesazhi përpara se të veprojnë.

The post AKSK u bën thirrje qytetarëve të tregohen të kujdesshëm me SMS dhe email-et e rreme që imitojnë bankat dhe Postën Shqiptare appeared first on Albeu.com.