“Mjetet që do të përdorim janë ato që ka përdorur çdo lëvizje popullore për realizimin e objektivave. Kemi konsumuar deri sot me durim të tejskajshëm mundësitë e tjera, derisa jemi gjetur de facto të përjashtuar nga Parlamenti. Të zhveshur nga çdo lloj funksioni kushtetues si deputetë, në këtë mënyrë Rama pasi grabiti qindra mijëra vota me mekanizmat e njohura, tani kërkon që dhe ata që nuk grabiti dot dhe që votuan për opozitën, t’i sekuestrojë.

Sot jemi në kushte që nuk kemi qenë kurrë në Parlament, ku çdo e drejtë kushtetuese i mohohet dhe zëvendësohet opozita e vërtetë me peng-opozitën. Ne kemi dorëzuar ligje dhe rezoluta që Rama i arkivon në sirtarët e Nikollës, që nuk mund të ndodhë kurrë.

Kemi kërkuar 6 komisione Parlamentare, që është taksativ nga Kushtetuta, dhe këta e kanë kundërshtuar me qëllimin e vetëm, sepse Rama nuk mund të pranojë të hetohet afera McGonigal. Sepse ai me McGonigal dhe Agron Nezën kanë vepruar si grup kriminal. Nuk kanë dhënë asnjë argument për rrëzimin e kërkesave tona për ngritjen e Komisioneve.

Shkeljet e panumërta të ligjit të konfliktit të interesit janë te Rama dhe familja e tij, ai sot nuk duhet të kishte imunitetin e deputetit. Dhe ai nuk e lejon këtë, nuk lejon hetimin e aferave sepse është pas tyre”, tha Berisha.

Por cili do të jetë mekanizmi dhe aksioni që do të ndjekë opozita për të arritur qëllimin e saj?

“Ne nuk duhet të tërhiqemi nga Parlamenti, por të bëjmë gjithçka që Parlamenti të rikthehet. Çdo formë qëndrese civile që deputetët mund të organizojnë, do e organizojnë. Dhe rrethimi i parlamentit do të vijë, por në fillim të luftojmë ne vetë aty. Jemi para alternatives ose të luftojmë në parlament ose të bojkotojmë”, tha ai.

Por a do të kenë rezultat këto hapa, të cilat janë ndërmarrë edhe më herët?

“Ndryshimi është shumë i madh. Le të marrim çadrën. Ishte një lëvizje fokale, e përqendruar, por pati efekt të padiskutueshëm. Por pati tradhti! Ato interesa u shitën, u tradhtuan nga Lulzim Brava. Unë në atë kohë, marrëveshjen e mbështeta se ishte shumë e mirë, por çfarë ndodhi? Është akt publik fatmirësisht tradhtia. Javën e parë PD nga 32 pikë në polle, shkoi në 38 pikë. Ditën e parë të javës së dytë, Rama deklaron që ‘ai është çun i mirë, me të do qeveris’. Ky është mesazh bashkëqeverisje. Si u faktua? Të dy altoparlant kundër Metës! I thirra dhe i thash ‘të paktën korpusin militantesk të partisë t’i e largove dhe nuk të vjen në votim’. Sepse ai Metën, ky Metën… ajo ishte marrëveshje dhe aty morën me rezultat më katastrofik se në 1997. Kësaj here do jetë ndryshe, e para nuk do bëhen gabimet e para”, tha Berisha.

The post “Rrethimi i parlamentit do të vijë”, Berisha pas aksionit sot në Kuvend: Ne nuk duhet të tërhiqemi, dy janë alternativat appeared first on Albeu.com.

Që në nisje të seancës deputetët demokratë bllokuan foltoren dhe menjëherë ndërhyri garda, që ishte e pranishme gjatë gjithë kohës.

Deputetët demokratë, duke filluar nga Gazment Bardhi, Luan Baçi, Luçiano Boçi e të tjerë, vunë në dukje parregullsitë e seancës së kaluar, duke kërkuar që të anulohen ligjet që u miratuan vetëm me votën e mazhorancës, për të cilat opozita nuk u vu në dijeni.

Pika me e nxehtë e rendit të ditës ishte interpelanca e kërkuar me kryeministrin Edi Rama, nga deputeti demokrat Gazment Bardhi.

Ai kishte kërkuar që kryeministri t’u përgjigjej pyetjeve të opozitës në lidhje me ish-zyrtarin e FBI, Charles McGonigal, i cili akuzohet se ka marrë ryshfet dhe me të cilin Rama është takuar.

Megjithatë Rama mungoi në seancë dhe për interpelancën delegoi ministren e Shtetit për Marrëdhëniet me Parlamentin, Elisa Spiropali.

Kjo nuk u pranua nga opozita, që deklaroi se intepelanca është kërkuar me Ramën dhe jo me “hijen” e tij.

Deputetët opozitar i bënë thirrje njëzëri Ramës që të paraqitej në Kuvend, por kryeministri kishte zgjedhur një tjetër aktivitet.

Rama ishte në Durrës së bashku me zv/kryeministren Belind Balluku, për të prezantuar para kompanve ndërkombëtare projektin për ndërtimin dhe financimin e Portit të Ri në Porto Romano.

Mes tensioneve të shumta dhe bllokimit të foltores disa herë nga ana e opozitës, kryetarja e Kuvendit Lindita Nikolla përjashtoi nga seanca deputetin Gazment Bardhi.

Nga ana tjetër, mazhoranca vazhdoi me planin e saj.

Ashtu siç ishte udhëzuar në mbledhjen e grupit parlamentar nga Taulant Balla, deputetët socialistë viijuan me rendin e ditës dhe votuan të pashqetësuar nga ajo që po ndodhte përballë tyre.

The post Rama i delegon interpelancën Spiropalit, socialistët ndjekin udhëzimet e Ballës: Çfarë ndodhi sot në Kuvend appeared first on Albeu.com.

Duke folur në mbledhjen e grupit parlamentar të PD-së, Berisha u shpreh se opozita nesër në Kuvend do të ketë në krye të axhendës sulmin që Rama i ka bërë trupës universitare.

“Ne duhet të bëjmë gjithçka për të mbrojtur elitën kombëtare e cila është nën një sulm amoral të paimagjinueshëm. Lëvizja e tyre është sindikaliste dhe ne mbështesim çdo kauzë të drejtë. Po të ishte lëvizje e jona do e thonim me krenari. Ajo është lëvizje e sindikatave. U them socialistëve aty që ne do mbështesim çdo kauzë të drejtë. Universitetet janë pasuri kombëtare, nuk janë sarajet e Surrelit. Nesër Parlamenti ka axhendën e vet, por kryeaxhendë duhet të jetë mbrojtja e elitës universitare dhe denoncimi i këtij sulmi të shpëlarë ndaj tyre. Nuk e imagjinoni dot se çfarë ndërhyrjesh terrori bëhen për ti përçarë. Nesër ata kanë thirrur grevë të përgjithshme. Ne solidarizohemi plotësisht dhe e mbështesim këtë grevë”, tha Berisha.

Sipas tij “sot kam takim me kryetarët e degëve të Tiranës me të cilët 2 janë çështjet që diskutojmë: Primaret dhe protestën. Sindikatat kanë protestën e tyre, ne do të mbushim rrugët. Nuk mund të vazhdojmë kështu kur shohim shqiptarët çdo ditë që përzihen nga vendi i tyre”.

The post Berisha zbulon aksionin e PD: Ja çfarë do të ndodhë nesër në Kuvend appeared first on Albeu.com.

Po ashtu do të shqyrtohet ecuria e procesit të nisur nga grupet e punës në të gjithë vendin për konsolidimin e strukturës së PD.

Njoftimi:

Kryetari i Këshillit Kombëtar

Edi Paloka ka njoftuar se ditën e hënë, 26 shtator, ora 17.00, mblidhet Këshilli Kombëtar i PD me rend dite:

– Diskutime rreth situatës politike dhe vendimmarrje mbi aksionin opozitar.

Në këtë kuadër do të shqyrtohet ecuria e procesit të nisur nga grupet e punës në të gjithë vendin për konsolidimin e strukturës së PD.

The post Situata politike dhe aksioni opozitar, PD do të mbledhë Këshillin Kombëtar appeared first on Albeu.com.

Aldo Bumçi: Ky kuvend është një gur themeli për ringritjen e PD tashmë jo vetëm si frymë apo lëvizje por konkretisht me struktura qëndrore, me program. Deri tani kishim vakum sepse ishim duke u marrë me veten tonë. Nga sot e tutje kjo parti me këtë kuvend themelohet plotësisht dhe do t’i paraprijë revoltave popullore. Qytetarët do kenë një zë të rëndësishëm opozitar që do merren me problemet e tyre, jo me veten.

Pyetje: Kanë munguar një pjesë e deputetëve, a mendoni se po shkohet drejt krijimit të dy forcave politike me këto ndarje?

Bumçi: Deputetët janë automatikisht anëtarë të Këshillit Kombëtar, derën e kanë të hapur dhe janë të ftuar t’u bashkohen demokratëve të tjerë. Nuk ka vend për një parti të dytë demokratike, ka vetëm një.

Pyetje: Sa të vështirë do e ketë PD që të rikthehet

Bumçi: Do jetë një PD e vërtetë dhe kur je i vërtetë, përfaqëson zërin e qytetarëve, do jemi pranë tyre me protesta për t’i mbrojtur. Si sot një vit kemi zgjedhjet lokale dhe ne kemi gjithë mundësitë që përballë kësaj qeverie që ka rrënuar qeverinë shqiptare.

Pyetje: Deklaratat e deputetëve të cilët nuk i janë bashkuar këtij kuvendi

Bumçi: Demokratët janë këtu, prandaj e theksova numrin 40 mijë anëtarë të vërtetë. Ka vetëm dy zgjidhje, ose ta bëjmë Ramën mbret, ose të mbështesim opozitën. Kjo është opozita shqiptare. Kushdo që është kundër Ramës të vijë dhe të mbështesë opozitën kundër këtij regjimi që po zbraz vendin.

The post “Nga sot rithemelohemi tërësisht” appeared first on Albeu.com.