Në kuadër të këtij procedimi penal, Gjykata e Posaçme ka caktuar masën e sigurisë “arrest me burg” për Endrit (Indrit) Doklen, i dyshuar për trafik ndërkombëtar të kokainës.

Dokle nuk është gjetur në banesën e tij gjatë kontrolleve të kryera në kuadër të operacionit “Muri i Lartë”, ndërsa ndaj tij tashmë është në fuqi masa e arrestit.

Me lëshimin e urdhërarresteve të fundit për Bledar Cafin dhe Indrit Doklen, numri i personave që përballen me masa sigurie në kuadër të kësaj dosjeje ka shkuar në 17.

Hetimet e drejtuara nga prokurori i SPAK, Adnand Xholi, kanë nxjerrë në pah dyshime për lidhje të grupit të Rrajave me aktivitetin e trafikut të lëndëve narkotike dhe vepra të tjera të lidhura me krimin e organizuar.

Nga hetimet rezulton se aktiviteti i dyshuar kriminal shtrihej në disa qarqe të vendit, ndërsa dyshimet lidhen edhe me veprimtari jashtë territorit të Shqipërisë.

The post Aksioni i SPAK në Tiranë dhe Shkodër/ 17 të dyshuar nën masë sigurie! Dyshime për lidhjet e Indrit Dokles me grupin e Rrajave për trafikun ndërkombëtar të lëndëve narkotike appeared first on Albeu.com.

Gazetarja Klodiana Lala, ka dhënë detaje në lidhje me aksionin e SPAK dhe policisë ,ku janë firmosur 20 masa sigurie për një grup kriminal, që akuzohet për trafik droge dhe pastrim parash.

Mes personave me masë sigurie arrest me burg është edhe biznesmeni Ilir Shtufi, i cili del edhe në dosjen e Belinda Ballukut, pasi është favorizuar në tenderat e rrugëve.

Një tjetër person me masë sigurie arrest në burg është edhe Artur Shehu, shqiptaro amerikani që është në kërkim dhe po hetohet edhe për tjetërsim pronash.

Ndërsa për biznesmenin Edmond Jaupaj, është firmosur masa e arrestit në shtëpi.

“Arrest me burg për Artur Shehun, shqiptaro amerikanin që nuk është arrestuar. Është larguar shumë vite për shkak të konflikteve që kishte me bandën e Zani Caushit. Ky person është duke u hetuar nga SPAK për një skemë masive të tjetërsimit të pronave.

Është firmosur masa arrest në burg për biznesmenin Ilir Shtufin, i cili del edhe në dosjen e ish zv kryeministres Belinda Balluku ku është favorizuar në tenderat e rrugëve, konkretisht në një tender të Unazës së Madhe.

Është firmosur masa arrest shtëpie për Edmond Jaupaj, nuk ka konfirmim nëse është arrestuar ose jo nga policia.

Është ekzekutuar masa për biznesmenin Orest Sota, që është pyetur për skandalin e AKSHI-t. Është shpallur në kërkim dhe nuk ka konfirmim nëse është arrestuar shtetasi Orges Birçaj”, tha gazetarja Klodiana Lala.

The post Klodiana Lala zbardh detaje nga aksioni i SPAK dhe Policisë: Arrest në burg është firmosur për biznesmenin Ilir Shtufi, i favorizuar nga Balluku në tenderat e rrugëve appeared first on Albeu.com.

“Plagosja ishe ngjarja që e shtyu të tregojë, e pa se s’kishte më çfarë të humbte. Iu ngrit një kurth për ta vrarë. Ai duhet të merrte masa për t’u hakmarrë ndaj grupeve. Ai i besoi drejtësisë shumë informacione. Ai përmendi edhe një tjetër person edhe ai i penduar dhe po jep informacione. Të dy kanë hapur gjithë këtë sagë arrestimesh”, tha Karamuço në Radarin Informativ në Abc.

Aksionin nuk e konsideroi të suksesshëm, duke thënë se është dekonspiruar nga funksionarë.

“Unë pashë që njëri prej tyre ishte dhe një funksionar i policisë i cili dyshohet i përfshirë në afera kriminale. Ka dekonspirim. Fakti që s’kemi asnjë prej emrave të rëndësishëm të kapur do të thotë shumë. Pres arrestime për funksionarë publikë që dekonspirojnë këto operacione. S’kemi personazhe vip të botës së krimit pas hekurave”.

Por çfarë do të përfitojë Dumani nga pendesa?

“Mund të përfitojë, kjo çmohet nga gjykata rast pas rasti. S’mendoj se Dumani do marrë lehtësi të jashtëzakonshme. Pra varet rast pas rasti”, tha eksperti.

Me rrëfimet e të penduarve zbardhjet e ngjarjeve kriminale do të vazhdojnë për rreth 44 grupe.

“Zbardhja e ngjarjeve do vazhdojë. Këto s’janë organizata të pavarura, por janë bashkuar sipas zonave të trafikut të drogës që mbulojnë. Nëse njëri prej tyre del nga rrjeti me një informacion që ai jep janë gjithë këto grupe që përfshihen.

Grupet kriminale që janë aty janë gati 44. Është pothuajse gjysma e grupeve që janë të përfshirë vetëm nga 1 ose 2 persona bashkëpunëtorë të drejtësisë”.

/abcnews.al

The post Krimet e zbardhura nga Nuredin Dumani, eksperti: U hakmor ndaj rivalëve, “hapi thesin” për 44 grupe appeared first on Albeu.com.