Policia zhvilloi kontrolle në tregun e fruta-perimeve si dhe në shtëpinë e Çelës.

Kontrolli është urdhëruar nga SPAK  për llogari të autoriteteve belge.

Gjatë kontrollit janë sekuestruar disa sende sipas letërporosisë së mbërritur nga autoritetet belge ndërsa janë shoqëruar në polici babai dhe vëllai i Suel Çelës.

Ky i fundit është shpallur në kërkim në maj të vitit 2022 pas dëshmisë së Nuredin Dumanit, i penduar i drejtësisë.

Ai kërkohet prej disa vitesh si person i dyshuar i përfshirë në ngjarje kriminale.

Për çfarë akuzohet Suel Çela

Sipas dëshmisë së Nuredin Dumanit ai është porositës i tre ngjarjeve 2 të parealizuara dhe 1 e mbetur në tentativë.

Suel Çela akuzohet se ka porositur atentatin e dështuar të 29 marsit 2022 ndaj Elton Kilës, që do ta kryente bashkëpunëtori i drejtësisë, Nuredin Dumani, por i cili mbeti i plagosur rrugës dhe më pas u arrestua.

Një tjetër krim i porositur është  tentativa për të vrarë administratorin e shkollës private Lulzim Masha dhe Skerdi Tase dyshohej si ishte marrë si vrasës me pagesë në këtë rast.

Suel Çela nga Elbasani, rezulton i dënuar në Itali për trafikim narkotikësh, por ai ka arritur t’i shpëtojë burgut.

Çela i njohur edhe si Marjus Lulaj i është drejtuar me kërkesë gjykatës së Posaçme për ndryshimin e masës së sigurisë nga “arrest me burg” në një masë më të lehtë sigurie./Albeu.com 

The post Policia aksion të bujshëm në Elbasan, pasi nuk gjeti Suel Çelën, i shoqëron babanë dhe vëllanë appeared first on Albeu.com.

Në kuadër të këtyre masave, janë prangosur katër shoferë dhe janë vendosur me dhjetra gjoba.

Njoftimi i Policisë:

Ka vijuar pa ndërprerë monitorimi i qarkullimit me radarë e alkooltestues në rrugën interurbane Tiranë – Elbasan – Tiranë – Durrës -Tiranë dhe në orët e mbrëmjes në aksin në unazën lindore Farkë-TEG dhe Sauk-TEG, për të parandaluar shpejtësinë tej normave të lejuara dhe drejtimin e mjetit nën efektin e alkoolit apo në gjendje të dehur.

Si rezultat i monitorimit me radar në aksin Farkë-TEG e Sauk-TEG, Policia Rrugore e Tiranës konstatoi 18 raste të shpejtësisë tej normave të lejuara, që varionin 131 km/h deri në 169 km/h. Drejtuesve të automjeteve iu pezullua leja e drejtimit nga 2 muaj deri në 10 muaj, pasi disa prej tyre ishin shkelës të disa rregullave të ndryshme të qarkullimit rrugor.

Gjithashtu, u konstatuan dhe 30 raste me shpejtësi nga 118 km/h deri në 127 km/h. Drejtuesit e mjeteve u ndëshkuan me masë administrative 2.000 lekë deri në 4.000 lekë të rinj secili.

Nga monitorimi me alkooltestues, në të gjitha rrugët e Tiranës janë evidentuar dhe arrestuar në kushtet e flagrancës 4 drejtues mjetesh, në gjendje të dehur.

Gjithashtu, janë pezulluar 12 leje drejtimi, për drejtim mjeti nën efektin e alkoolit, si dhe janë vendosur 15 masa administrative me vlerë nga nga 5.000 lekë deri në 15.000 lekë të rinj, për drejtim mjeti nën ndikimin e alkoolit.

Policia e Shtetit apelon për zbatim me rigorozitet të rregullave të qarkullimit rrugor, pasi të gjitha rrugët nacionale dhe urbane në të gjithë vendin, janë të monitoruara me patrulla të lëvizshme të Policisë Rrugore, duke përdorur radarë, dragera, dronë, makina të paloguara, kamera e aparate fotografike./albeu.com/

The post Rrugorët në aksion: “Fundosin” dhjetëra shoferë të pabindur (VIDEO) appeared first on Albeu.com.