Në rrjedhën e kërkimeve në kuadër të këtij operacioni, mësohet se është vënë në pranga një shtetas 65 vjeçar me emrin Enver Shehu.

Pjesë e këtij operacioni mësohet se janë bërë të gjitha strukturat e DVP-së Berat dhe qëllimi i operacionit është kapja e personave në kërkim, kultivimi i hashashit, gjetja e armëve e municioneve etj.

Sipas uniformave blu, bëhet me dije se në një banesë në fshatin Drenovicë është gjetur një arsenal armësh e municionesh.

Sipas burimeve, policia ka sekuestruar deri më tani 1 pistoletë, dy armë gjahu pa leje dhe sasi kutish me fishekë e municione luftarake.

Në prangat e policisë ka rënë 65-vjeçari Enver Shehu, ndërkohë që aksioni po vijon ende.

The post Policia aksion blic, vihet në pranga një 65 vjeçar. Sekuestrohen municione luftarake, armë gjahu e fishekë appeared first on Albeu.com.

Petkoviq e ka quajtur aksionin e sotëm të Policisë “përpjekje tjetër brutale të Albin Kurtit për ta frikësuar popullin serb”, duke dhënë, si gjithmonë, disa hipoteza prej hiçit, transmeton Gazeta Express

“Nën maskën dhe nën pretekstin e një lloj lufte kundër korrupsionit, Albin Kurti po dërgon sërish forcat speciale të Rossu-së me mjete të plota luftarake në mjediset serbe me qëllimin e vetëm për t’i kriminalizuar serbët që mbetën mburojë për mbrojtjen e interesave tona kombëtare. Në radhët e veta, kur të gjithë faktorët ndërkombëtarë e dinë se të gjitha flukset e parave të pista kalojnë nëpër mjedisin shqiptar”, ka thënë Petkoviq.

Ai e lidhi aksionin e Policisë me vizitën e shefit të tij, presidentit serb Aleksandar Vuçiq në Shqipëri, në kuadër të takimeve me kryeministrin shqiptar, Edi Rama dhe kryeministrin në detyrë të Maqedonisë së Veriut, Zoran Zaev për “Ballkanin e Hapur”.

“Ky veprim nuk ndodh rastësisht sot, kur presidenti Aleksandar Vuçiq supozohet të nënshkruajë gjashtë marrëveshje të rëndësishme në kuadër të nismës “Ballkani i hapur” si një hap drejt një të ardhmeje më të mirë, dhe padyshim është i koordinuar me tërbimin e mbrëmshëm ekstremist dhe djegien e flamujve serbë në Tiranë”, tha Petkoviq.

Njësitë Speciale të Policisë së Kosovës zhvilluan sot një aksion në Shtërpcë, ku u arrestuan dhjetë persona të cilët dyshohen për marrje të ryshfeti, dhënie të ryshfetit dhe keqpërdorim të pozitës zyrtare. Aksioni i cili është zhvilluar me urdhër të Prokurorisë Themelore të Ferizajt, ka vënën në pranga edhe ish-kryetarin e Komunës së Shtërpcës.

Përveç tij, janë arrestuar edhe drejtori i Urbanizmit, disa zyrtarë tjerë dhe pronarë të firmave, të cilët dyshohen për veprat penale “Marrja e ryshfetit”, “Dhënia e ryshfetit” dhe “Keqpërdorimi i pozitës apo autoritetit zyrtar”.

“Lidhur me këtë aksion deri më tani me urdhër të Prokurorit të Shtetit, janë arrestuar dhjetë (10) persona të dyshuar, në mesin e tyre edhe ish kryetari i komunës së Shtërpcës, drejtori i Urbanizmit, disa zyrtar të tjerë dhe pronar të firmave, për shkak të dyshimit të veprave penale “Marrja e ryshfetit”, “Dhënia e ryshfetit” dhe “Keqpërdorimi i pozitës apo autoritetit zyrtar” të Kodit Penal të Republikës së Kosovës (KPRK)”, thuhet në njoftimin e Prokurorisë./Express

The post Qeveria serbe reagon për aksionin policor në Shtërpcë, e lidhin me vizitën e Vuçiçit në Tiranë appeared first on Albeu.com.

Ky aksion, që ende po vazhdon është shtrirë në lokacione në Kosovë, përfshirë rajonin e Mitrovicës së Veriut dhe të Jugut, të Prishtinës dhe Pejës.

Sipas autoriteteve të rendit, aksioni nisi në orët e hershme të 13 tetorit dhe po vazhdon vendi dhe deri më tani janë sekuestruar një sërë mallrash, të cilat dyshohen se janë kontrabandë.

“Të gjitha veprimet policore janë duke u realizuar në koordinim me prokuroritë dhe gjykatat kompetente, me urdhër të së cilave janë duke u kryer kontrolle dhe bastisje në lokacione të ndryshme si shtëpi banimi, lokale biznesi, magazina të mallrave etj”, thuhet në njoftimin e Policisë së Kosovës.

Gazetarët e Radios Evropa e Lirë, që gjenden në Mitrovicën e Veriut po raportojnë se në këtë komunë gjatë gjithë kohës po dëgjohen sirenat e kamionëve të zjarrfikësve dhe autoabulancave. Qytetarët thonë se në mëngjesin e sotëm është dëgjuar edhe sirena e emergjencave në këtë komunë.

Policia e Kosovës është e vendosur edhe para farmacive në veri.

Gaz lotsjellës është hedhur në drejtim të qytetarëve, për t’i shpërndarë ata pasi ishin nisur drejt policisë.

Në këtë aksion, sipas njoftimit të Policisë së Kosovës është e përfshirë edhe Dogana e Kosovës, ndërkaq policia ka shpërndarë disa fotografi të mallrave të sekuestruara, ku vërehen që janë mallra ushqimore.

The post Qytetarët në veri të Kosovë kundërshtojnë aksionin anti-kontrabandë appeared first on Albeu.com.