Pas disa operacioneve në Tiranë dhe Vlorë, tashmë policia njofton se ka proceduar një të ri në Shkodër, i cili çdo natë “çmendte” lagjen duke vënë muzikë të lartë në lokal. Policia ka sekuestruar edhe dy pajisjet që gjeneronin zhurmën.

“Shërbimet e Drejtorisë Vendore të Policisë Shkodër, në zbatim të detyrave të lëna nga Drejtori i Përgjithshëm i Policisë së Shtetit, për të shtuar vigjilencën dhe kontrollet në terren, gjatë sezonit turistik 2023, me qëllim parandalimin e ndotjes akustike dhe shqetësimit të banorëve apo pushuesve, nga muzika e lartë, kanë konstatuar një tjetër rast të paligjshmërive në këtë fushë“, njofton policia.

Njoftimi i policisë

Shkodër/Kontrolle gjatë ditës dhe natës, në të gjitha subjektet për argëtim, me qëllim parandalimin e ndotjes akustike.

Konstatohet muzikë e lartë në një lokal, pronari i të cilit u procedua penalisht, pasi prishi qetësinë publike dhe shqetësoi banorët.

Sekuestrohen pajisjet që gjeneronin muzikën.

Shërbimet e Drejtorisë Vendore të Policisë Shkodër, në zbatim të detyrave të lëna nga Drejtori i Përgjithshëm i Policisë së Shtetit, për të shtuar vigjilencën dhe kontrollet në terren, gjatë sezonit turistik 2023, me qëllim parandalimin e ndotjes akustike dhe shqetësimit të banorëve apo pushuesve, nga muzika e lartë, kanë konstatuar një tjetër rast të paligjshmërive në këtë fushë.

Për këtë rast, u referuan materialet në Prokurori ku nisi procedimi në gjendje të lirë, për veprën penale “Prishja e qetesisë publike”, për shtetasin E. Ç., 30 vjeç, banues në lagje ‘’Perash’’, Shkodër, pasi në lokalin në pronësi të tij, kishte vënë muzikë të lartë që përbënte shqetësim për banorët.

Në cilësinë e provës materiale u sekuestruan pajisjet që gjeneronin muzikën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Policia e Shkodrës apelon për të gjithë administratorët dhe pronarët e lokaleve, lokaleve të nates dhe hoteleve, që të zbatojnë me rigorozitet ligjin dhe rregullat në lidhje me ndotjen akustike, pasi në rast të konstatimit të kësaj paligjshmërie, shërbimet e Policisë do të sekuestrojnë pajisjet që gjenerojnë muzikë dhe do të procedojnë konform ligjit, shtetasit përgjegjës.

The post Mos bëni zhurmë se ju vjen policia! appeared first on Albeu.com.

Gjatë kontrollit janë marrë masa të ndryshme nga gjobat, heqja e patentës e deri te arrestimet.

Në pranga janë vënë 7 shtetas për drejtimin e automjetit në gjendje të dehur dhe pa patentë.

Ndërkohë janë hequr 22 leje drejtimi dhe janë vendosur qindra gjoba për përdorim të aparatit celular gjatë drejtimit të mjeteve, për parkim të gabuar.

Njoftimi i policisë:

Krahas masave të shtuara për rregullimin e drejtpërdrejtë të trafikut në rrugët e kryeqytetit, Policia Rrugore e Tiranës ka vijuar kontrollet parandaluese për konstatimin dhe verifikimin e shkeljeve të rregullave të qarkullimit rrugor, si dhe për disiplinimin e mënyrës së sjelljes në rrugë në raport me dispozitat e Kodit Rrugor.

Nisur nga fakti që në fundjavë ngarkesa e trafikut për shkak të lëvizjeve në hyrje-daljet e kryeqytetit është me e shtuar se ditët e tjera, apelojmë për më shumë kujdes dhe përgjegjshmëri nga të gjithë përdoruesit e rrugës, kryesisht për shmangien e qëndrimeve në rresht të dytë në rrugët urbane kryesore dhe dytësore, parakalimet në zonat e kryqëzimeve, përdorimin e celularit, ruajtjen e largësisë së sigurisë midis mjeteve dhe respektimin e kufijve maksimal të shpejtësisë, si në rrugët urbane, ashtu dhe në ato interurbane.

Si rezultat i kontrolleve të alternuara:

• Janë arrestuar 7 drejtues mjetesh që drejtonin mjetin në gjendje të dehur ose të papajisur me leje drejtimi;
• Janë pezulluar 22 leje drejtimi, për alkool dhe shpejtësi mbi normat e lejuara;
• Janë proceduar administrativisht 320 drejtues mjetesh, për përdorim të aparatit celular gjatë drejtimit të mjeteve;
• Janë proceduar administrativisht 56 drejtues motomjetesh, për kalim në zonat e këmbësorëve dhe korsitë e biçikletave;
• Janë ndëshkuar 235 automjete të ndryshme, për shpejtësi mbi normat e lejuara, në bazë të pamjeve të adresuara nga makina inteligjente;
• Janë proceduar administrativisht 23 drejtues automjetesh, për gara shpejtësie dhe sjellje agresive në rrugët urbane të kryeqytetit;
• Janë proceduar administrativisht 16 drejtues automjetesh, për xhama të errësuar;
• Janë proceduar administrativisht 876 drejtues automjetesh, për parkime të gabuara, në shkelje të rregullave të qarkullimit rrugor, shumica në rresht të dytë.

Gjithashtu, ju informojmë se të gjitha rrugët me risk dhe jo vetëm, janë nën monitorimin e patrullave të Policisë Rrugore civile dhe të uniformuara, si dhe nga sistemet e kontrollit elektronik të shpejtësisë dhe shkeljeve të tjera.

Ndaj, KUJDESI në rrugë i shërben jo vetëm sigurisë tuaj, por shmang edhe sanksionet ligjore që “lehtësojnë” portofolin. /albeu.com/

The post Rrugorët në aksion: 7 shtetas në pranga, 22 heqje patentash (VIDEO) appeared first on Albeu.com.