aksidenti te rruga e kavajes Archives - Albeu.com

Aksidenti te “Rruga e Kavajës”, përkeqësohet gjendja e Arjan Konomit

E S — Tue, 10 May 2022 20:30:37 +0000

Përkeqësohet gjendja shëndetësore e të aksidentuarit në rrugën e Kavajës, Arjan Konomit. Konomi është transportuar në renimacion për shkak të gjendjes së rënduar.

Është dërguar në renimacion rreth orës 19:00

Ndërkohë që deri më tani, raportohet se bashkëshortja e tij, Vilma është në gjendje më stabël.

Çifti Vilma dhe Arjan Konomi ishin duke kaluar rrugën në vijat e bardha bashkë me foshnjen e tyre 3 muajshe, ku Ajas Sulejmani i përplasi dhe pasi zbriti nga makina dhe pa çfarë ndodhi u largua nga vendi i ngjarjes, duke mos iu dhënë as ndihmën e parë.

Ai u arratis për gati 2 orë dhe më pas u arrestua në një nga spitalet private të Tiranës.

Policia arrestoi edhe kushëririn e tij pasi dyshohet se ishte me të si pasagjer në momentin e aksidentit. Ndërkohë që në spitalin e Traumës ndodhet vetëm çifti. Foshnja ka dalë nga spitali pasi fatmirësisht nuk ka marrë dëmtime. Ata janë jashtë repartit të Trajtimit Intesiv dhe po trajtohen për Politraumë pasi kanë marrë dëmtime në disa pjesë të trupit./albeu.com

The post Aksidenti te “Rruga e Kavajës”, përkeqësohet gjendja e Arjan Konomit appeared first on Albeu.com.

Doli nga reanimacioni, ja fjalët e para të nënës që u përplas nga G-Class në Tiranë

admin — Mon, 09 May 2022 17:48:28 +0000

Pas aksidentit të rëndë të ndodhur ditën e djeshme në Rrugën e Kavajës në Tiranë, ku mbetën të plagosur një çift dhe foshnja e tyre 3 muajshe, ka reaguar për herë të parë nëna e aksidentuar.

“Ku është vajza”, është shprehur ajo menjëherë pasi ka dalë nga operacioni, duke kërkuar foshnjën e saj.

Lajmin e bëri të ditur Elvis Toçi, i afërmi i familjes që u përplas me makinë te vizat e bardha nga Ajas Sulejmani, teksa foli për gjendjen shëndetësore të tre të lënduarve.

Komentet Toçi i bëri teksa ishte i ftuar në emisionin “Shqip”./albeu.com/

The post Doli nga reanimacioni, ja fjalët e para të nënës që u përplas nga G-Class në Tiranë appeared first on Albeu.com.

Dalin pamjet: Momenti kur i riu me G-Class përplas çiftin dhe fëmijën 3 muajsh (VIDEO)

admin — Sun, 08 May 2022 14:35:51 +0000

Kanë dalë pamjet nga aksidenti tragjik i ndodhur pak më parë në rrugën e Kavajës në Tiranë.

Një mjet tip Benz ka përplasur një çift bashkëshortësh bashkë me foshnjën e tyre 3-muajsh.

Drejtuesi i mjetit ka braktisur makinën dhe është larguar nga vendi i ngjarjes, por që më pas ka përfunduar në pranga nga policia.

Video e siguruar nga Abc News.

Burime bëjnë me dije se foshnja është jashtë rrezikut për jetën, ndërsa çifti ndodhet ende në spital nën kujdesin e mjekëve.

View this post on Instagram

A post shared by Albeu.com (@albeucom)

Njoftimi i Policisë:

Më datë 08.05.2022, në Rrugën e Kavajës, një mjet me drejtues ende të paidentifikuar, ka përplasur shtetasit V. K., 43 vjeçe, A. K., 48 vjeç dhe fëmijën e tyre të mitur 3 muajsh, të cilët si pasojë janë dëmtuar dhe ndodhen në spital, nën kujdesin e mjekëve.

Drejtues i mjetit ka braktisur mjetin dhe është larguar nga vendi ngjarjes.

Grupi hetimor po punon për kapjen e autorit dhe sqarimin e rrethanave të ngjarjes.

Ndërkohë Dosja.al ka siguruar edhe momentin tragjik të përplasjes./albeu.com/

The post Dalin pamjet: Momenti kur i riu me G-Class përplas çiftin dhe fëmijën 3 muajsh (VIDEO) appeared first on Albeu.com.