Mbrëmjen e 3 tetorit 2023 një autobus ra nga mbikalimi dhe përfundoi mbi linjën hekurudhore në Mestre.

Shqiptari Bujar Bucaj, i cili është pronar i një lokali në atë zonë ka parë të gjithë skenën nga vendi ku punonte dhe menjëherë ka shkuar për të dhënë ndihmën e parë

Në një intervistë për mediat italiane tregon momentet e tmerrit.

“Po punoja në restorantin tim që është përballë hekurudhës. Nga vetrata e lokalit pashë autobusin që u rrëzua. Kur pashë tymin e madh vrapova. Kalova shinat e hekurudhës dhe shkova atje. Pashë autobusin e rrëzuar dhe kishte njerëz që bërtisnin”, tha ai.

Bujari tregon se u përpoq të ndihmonte por nuk pati mbështetje nga persona të tjerë që shihnin dhe bënin foto ose telefononin urgjencën duke pritur ardhjen e tyre.

Lexo edhe: Tragjedia në Itali, në autobus ndodhej çifti i të sapomartuarve që po skonin në muaj mjalti, vajza shtatzënë vdiq

“Meqë vij nga një vend ku kam jetuar luftën e di çdo të thotë kur njerëzi janë në vështirësi. Vrapova vetëm. Kishte makina të tjera, ndalonin por askush nuk vinte të më ndihmonte. Unë kërkoja ndihmë”, tha Bujari.

Ai tregon se kishte arritur të nxirrte një vajzë nga autobusi.

“Ishte një vajzë të cilën arrita ta largoja. Më pas dolën 3 persona nga autobusi por nuk di si ia bënë. Ishte një vajzë 16 vjeçe, një djalë 20 vjeçar dhe një 40 vjeçar. Këto kanë arritur të dalin para se të vinte policia”, tregon ai.

Thotë se ka arritur të shpëtojë dhe vëllain e vajzës. Tregon se ka kërkuar ndihmë por askush nuk i është përgjigjur.

“Vëlla e motër. Vajza ishte jo më shumë se 3 vjeçe ndërsa vëllai ishte gati 10 vjeç. Kërkonin të ëmën. Unë më pas u panikosa pasi isha i vetëm në mes të atij tymi. Më pas ndodhi dhe zjarri. Kërkova ndihmë. Lart kishte njerëz që filmonin”, shprehet ai.

Bujari tregon se 12 minuta pas aksidentit ka ardhur një patrullë policie dhe më pas erdhën dhe zjarrfikësit, ndërsa dy të vegjlit e shpëtuar nga ai janë shtruar në spital.

Përpiqet të tregojë çfarë ka parë nga ai aksident tragjik.

“Restoranti im ka një vetratë të madhe xhami. Po shikoja trafikun kur pashë diçka që u rrëzua. Mendova se u rrëzua një urë, pasi shkaktoi një tym shumë të madh”, thotë Bujar Bucaj dhe hedh poshtë tezën se autobusi është përfshirë nga flakët përpara se të rrëzohej.

“Unë nuk kam parë flake në momentin e parë. Zjarri shpërtheu pas 8 – 10 minutash” tregon ai.

Aksident i rëndë u mori jetën 21 personave, mes tyre 3 fëmijë. Ndërkohë 15 të tjerë kanë mbetur të plagosur, ku 4 prej tyre janë në gjendje të rëndë shëndetësore.

Prefekti i Venecias, Michele di Bari bëri të ditur se janë identifikuar të gjithë viktimat e aksidentit. Bëhet fjalë për 21 viktima: nëntë shtetas ukrainas, katër rumunë, tre gjermanë, një italian (shofer), një kroat, dy portugez dhe një afrikano-jugor.

Mes tyre ishte edhe një çift i sapomartuar kroat. Antonela Perkoviç dhe Marco Bakoviç, u martuan vetëm 20 ditë më parë. Antonela, 24 vjeçe, ndërroi jetë nga aksidenti tragjik, ndërsa Marko ndodhet në spital./Albeu.com

The post Dëshmitari i parë i tragjedisë në Venecia, shqiptari Bujar Bucaj rrëfen tmerrin: Askush nuk më ndihmoi, do kishim shpëtuar më shumë persona appeared first on Albeu.com.

Aksidenti i rëndë ka ndodhur në aksin rrugor në Viale Abruzzi, ku një makinë tip Fiat 500 L ka humbur kontrollin dhe ka përfunduar duke u përplasur me një pemë.

Policia raporton se në makinë ishin 5 persona, dy vajza dhe tre djem.

Veç 20-vjeçarit, një vajzë dhe dy djem u dërguan  në gjendje të rëndë në spital./albeu.com/

The post Aksidentohet për vdekje 20-vjeçari shqiptar në Itali, 4 miqtë e tij në gjendje të rëndë (FOTO LAJM) appeared first on Albeu.com.

I riu po udhëtonte me Audi A5 gjatë kohës së aksidentimit dhe gjatë rrugës së kthimit për në shtëpi u përplas me një kamion, gjë që rezultoi fatale për të.

Ngjarja ka ndodhur në Lonato, ku edhe i riu jetonte.

Nga të dhënat e para dyshohet se shkak i aksidentit ka qenë një parakalim i gabuar i shqiptarit, që më pas është gjendur përballë kamionit duke mos pasur mundësi reagimi për të shmangur fatalitetin.

Mediat italiane kanë nxjerrë edhe foton e shqiptarit që ndërroi jetë në aksident. Ai jetonte prej shumë vitesh me familjen në Itali./albeu.com/

The post “Audi A5” përplaset me kamionin, aksidenti i merr jetën 32-vjeçarit shqiptar appeared first on Albeu.com.

Kanë qenë të shumtë pjesëmarrësit që i janë bashkuar ceremonisë mortore që u mbajt ditën e martë për vogëlushen shqiptare.

Një poezi e shkruar nga një nga mësueset me mendimet e shokëve dhe shoqeve të klasës dhe shumë tullumbace të bardhë e të verdhë që shkonin drejt qiellit. Të gjithë prisnin që Emanuela Brahja të kishte një jetë të gjatë përpara, por fatkeqësisht gjithçka u shua nga një aksident rrugor në Padova, ku shqiptarja jetonte me familjen.

Një varrim tragjik, dhimbja e të cilit nuk mund të përshkruhet dot për babain e vogëlushes, Agronin, mamanë e saj Esmeraldën, për vëllain dhe motrën e saj, për komunitetin shqiptar dhe për të gjithë banorët e Campodarsego.

Mbi një mijë persona mendohet se kanë qenë në varrimin e 11-vjeçares, mes tyre edhe kryebashkiaku Valter Gallo. Funerali për Emanuelën u realizua në kishën e qytetit, në një ambient të hapur. Prindërit e saj donin që varrimin e vajzës së vogël ta kryenin aty ku ajo lindi dhe jetoi derisa jetën ia mori aksidenti tragjik.

Dhimbja ka pushtuar të tërë komunitetin. Mediat shkruajnë se edhe prifti u përfshi shumë nga emocionet saqë në një moment iu desh që të ndalonte një prej predikimeve. Trishtimi u shtua kur në mes të njerëzve, një prej mësueseve të saj lexoi një poezi në nderim të Emanuelës.

“Do të të kujtojmë si një flutur që hap krahët dhe fluturon lehtë. Në sytë e tu lexohej habia e një vajze që i afrohej realitetit që e rrethon me vetëdije të plotë. Na ke dhënë ndjeshmëri, thjeshtësi dhe mirësi. Me këtë që ka ndodhur na ke thyer zemrat”, tha një prej mësueseve të saj e cila lexoi një poezi.

Të dhimbshme edhe kujtimet e një prej shokëve të saj. “Nuk ka asgjë më të dhimbshme. Ne duhet të bëjmë paqe me faktin që nuk do kthehesh më. Jeta është si piano, çelësat përfaqësojnë lumturinë, çelësat e zinj trishtim. Ema shkroi në një temë se cilado qoftë rruga e jetës, kujtoni se edhe çelësat e zinj përdoren për të bërë muzikë”, tha një prej shokëve të saj të klasës.

E trishtë ishte edhe fjala e dekanit të instituti ku ajo mësonte. “Do të jesh gjithmonë në zemrat tona. Do të jesh qielli që do të ngrohë çastet e errëta, dritë në buzëqeshjet tona, yll që ndriçon natën dhe që na udhëheq në rrugën e jetës”, tha ai.

Lutje në këtë funeral pati edhe për personin që përplasi Emanuelën në mënyrë që të gjejë qetësi dhe forcë për të vazhduar jetën e tij në familje dhe komunitet. Emanuela Bahja u aksidentua më 11 Tetor. Ajo u përplas nga një furgon teksa po bënte xhiro me biçikletë. Vogëlushja u shtrua në spital, por nuk mundi që t’u mbijetonte plagëve të rënda që kishte pësuar dhe për pajojë ndërroi jetë./albeu.com

The post Humbi jetën në një aksident në Itali, qindra persona i japin lamtumirën e fundit 11-vjeçares shqiptare (FOTO LAJM) appeared first on Albeu.com.

Në momentin e aksidentit, ajo ishte duke u kthyer në shtëpi me biçikletën e saj.

Aksidenti i rëndë ndodhi ditën e hënë dhe pas dy ditëve luftë me jetën , ajo nuk arriti të mbijetojë dhe ndërrojë jetë mbrëmjen e djeshme në Spitalin e Padovës.

Vetëm një javë më parë familja kishte humbur gjyshin e tyre i cili jetonte në Milot të Shqipërisë dhe pa u shëruar mirë nga dhimbja e ikjes së tij, për familjen shqiptare erdhi edhe një “goditje” më e dhimbshme, ajo e ikje së engjëllit të vogël, Emmanuela.

Shtëpia në të cilën jeton prej disa vitesh familja shqiptare është mbushur nga miq dhe familjar për t’i dhënë lamtumirën e fundit, vajzës së vogël që iku kaq padrejtësisht nga kjo jetë.

Një nga banorët, ndër të parët që shkoi në vendngjarje, tregon se drejtuesi i mjetit ishte ulur në rrugë i tronditur dhe dridhej nga ajo çka kishte ngjarë. Prokuroria do ta hetojë shkaktarin për vrasje rrugore, ndërkohë që testi i alkoolit ka dalë negativ./albeu.com

The post Po shkonte në shtëpi me biçikletë, e përplasi furgoni! Ndërron jetë 11 vjeçarja shqiptare në Itali appeared first on Albeu.com.