Sipas informacioneve nga SKAI, 59-vjeçari mjeshtër i stacionit, pak orë para përplasjes së dy trenave, dyshohet se drejtoi një tren lokal, trenin periferik të Larisës, në shina të gabuara.

Konkretisht, kur treni periferik plot me pasagjerë mbërriti në pikën Psalidi – Paliofarsalo, mjeshtri i stacionit ktheu çelësin, duke bërë që treni të shkonte në linjën e gabuar.

Sipas të njëjtave informacione, makinisti i trenit periferik e ka kuptuar dhe ka vënë në dukje gabimin, teksa ka kthyer trenin mbrapsht, për tu rikthyer në linjën e duhur.

Bëhet e ditur se në vendin e tragjedisë është gjetur edhe regjistruesi i njërit prej dy trenave, pa u sqaruar aktualisht se cilit tren i përket.

Në fokus të hetimeve të autoriteteve janë edhe bisedat mes drejtuesit të trenit Intercity dhe mjeshtrit të stacionit të Larisës.

Shefi i stacionit, sipas avokatit të tij, ka marrë përgjegjësinë, në kontekstin që i takon, ndërsa foli për një gabim fatal të cilin ia atribuoi momentit të keq.

Edhe pse fillimisht ai pretendoi se aksidenti ishte për shkak të një gabimi të sistemit, duke thënë se e kuptoi kur u informua për atë që kishte ndodhur, ai në fund pranoi se kishte drejtuar trenin e pasagjerëve në shina të gabuara./Albeu.com/

The post Tragjedia në Greqi, në të njëjtën ditë mjeshtri i stacionit dyshohet se drejtoi në linjën e gabuar një tren tjetër appeared first on Albeu.com.

Për mediat vendase ajo tregoi informacionet që kishte pasi trupi i vajzës së saj dhe dy kushërirave binjake u identifikuan pas shumë orësh.

“Të treja u kthyen në Selanik për studime. Ato ishin shumë të afërta, vajzat dy binjake dhe kushërira e tyre. U informuam nga faqja”, tha fillimisht ajo.

“Ne të gjithë u nisëm natën, shkuam atje por nuk na lanë, as të kalonim, asgjë. E kishin mbyllur trafikun. Ata nuk kishin informacion nga autoritetet . Vajza kishte dërguar një mesazh se do të mbërrinte në Selanik në orën 00:30”, tha gruaja.

Deri më tani numri i personave që humbën jetën si pasojë e aksidentit tragjik ka shkuar në 57. Një numër i madh trupash të pajetë nuk janë identifikuar ende, pasi përplasja e fortë e trenave shkaktoi zjarr në dy prej vagonave.

Në mesin e viktimave dyshohet se ka edhe shqiptarë. Klaudia Lata, studentja 21-vjeçare e Mjekësisë dyshohet të jetë mes viktimave të aksidentit tragjik në Larisa të Greqisë.

Një tjetër shqiptar që dyshohet i vdekur, është 24-vjeçari nga Tirana Denis Ruçi. Pjesa më e madhe e viktimave janë të rinj dhe të reja, studentë që po udhëtonin pas një ekskursioni nga Athina drejt Selanikut./Albeu.com/

The post Aksidenti tragjik në Greqi, momenti i tmerrshëm kur nëna kupton vdekjen e vajzës së saj dhe dy kushërirave binjake appeared first on Albeu.com.

The post Dy tragjedi që dallojnë dy botë! appeared first on Albeu.com.

Numri i të vdekurve është vazhdimisht në rritje, shumë pasagjerë janë plagosur rëndë, djegur dhe amputuar.

Treni i pasagjerëve, që kryente linjën Athinë – Selanik dhe nisej në orën 19:22, doli nga shinat jashtë tunelit të Tempit në lartësinë e fshatit Evangelismos, pas përplasjes së rëndë me një tren mallrash që përshkonte linjën Selanik – Larisa.

Aksidenti ka ndodhur pak pas orës 23:00 dhe vagonët janë përfshirë nga flakët.

Numri i të vdekurve vazhdon të rritet. Sipas informacioneve të fundit zyrtare nga Zjarrfikësja, numri i të vdekurve tashmë është 32.

55 të lënduar po trajtohen në spitale, disa prej tyre në gjendje shumë të rëndë.

Tashmë kërkimi i ekipeve të shpëtimit është përqendruar në dy vagonët e parë që thuajse janë shkatërruar nga intensiteti i përplasjes.

Vinçat ngrenë vagonët për të nxjerrë njerëzit.

Nikos, i cili punon në vendin e aksidentit, foli për MEGA.

“Ne dërguam 20 vullnetarë të Kryqit të Kuq nga departamentet e Larisës, Katerin dhe Elassona në vendin e ngjarjes. Në tre vagonat e para nuk ishte e mundur të afrohesha shumë”.

Shpëtimtari përshkroi situatën e personave që panë: “Situata ishte tragjike, pasi kishte shumë të vdekur. Ne gjetëm në fusha 4 deri në 5 persona që nuk ishin gjallë dhe në vagona, kryesisht në tre të parët, nuk kishte asnjë të gjallë”.

Shpëtimtari tha se në mesin e të vdekurve ka fëmijë shumë të vegjël, mes tyre edhe studentë”./Albeu.com/.

The post Përplasja e trenave në Greqi, dëshmitë rrëqethëse: Po gjenim njerëz të vdekur në fusha, në vagonët e parë s’kishte të gjallë appeared first on Albeu.com.