Ngjarja e rëndë ndodhi mëngjesin e 4 korrikut në aksin Lezhë–Milot, pranë kryqëzimit të Rriles. I moshuari po lëvizte me biçikletë kur u godit nga një makinë tip “Benz” me targa të Kosovës.

Si pasojë e goditjes, ai pësoi dëmtime të shumta dhe u dërgua menjëherë në Spitalin Rajonal të Lezhës për ndihmën e parë, e më pas u transferua me urgjencë në Spitalin e Traumës në kryeqytet për trajtim të specializuar.

Megjithë përkujdesjen e vazhdueshme mjekësore, 71-vjeçari nuk arriti t’u mbijetonte plagëve dhe u nda nga jeta disa javë pas aksidentit.

Menjëherë pas përplasjes, drejtuesi i automjetit u shoqërua dhe u ndalua nga Policia. Autoritetet vijojnë hetimet për të sqaruar plotësisht shkaqet dhe përgjegjësitë e kësaj ngjarjeje.

The post 71-vjeçari nga Lezha ndërron jetë në Tiranë pas aksidentit të 4 korrikut appeared first on Albeu.com.