Ndërkohë, të dhënat më të fundit të publikuara nga INSTAT për muajin mars 2026 tregojnë se janë regjistruar 89 aksidente rrugore, ku 117 persona kanë mbetur të vrarë ose të plagosur.

Eksperti i sigurisë, Fation Softa tregon shkaqet pse ndodhin këto aksidente. Bazuar ne statistikat e INSTAT, rezulton se grupmosha më e përfshirë në aksidente është ajo 20-25 vjeç. Dhe sipas ekspertit shkaktari kryesor është mungesa e eksperiencës.

Ai shton se më shumë se ashpërsimi i masave duhet të ndërgjegjësohen drejtuesit e mjeteve të cilët duhet të respektojnë sinjalistikat rrugore.

Nga ana tjetër eksperti theksoi gjithashtu se arsye e aksidenteve shpeshherë është edhe infrastruktura dhe sinjalistika e dobët rrugore.

Mes shifrave që vijojnë të rriten dhe jetëve të humbura në rrugë, siguria nuk është thjesht çështje ligji, por edhe përgjegjësi individuale. Rritja e ndërgjegjësimit dhe përmirësimi i infrastrukturës rrugore mund të ndikojë në uljen e numrit të aksidenteve dhe pasojave që ato sjellin.

The post Bilanc tragjik i aksidenteve rrugore, vetëm për prillin 19 viktima/ Eksperti Fation Softa tregon shkakun kryesor appeared first on Albeu.com.

Aksidentet rrugore shënuan ulje edhe në muajin e tretë të vitit me një total prej 89 rastesh. Të dhënat zyrtare tregojnë se shkaku kryesor i aksidenteve vijon të mbetet sjellja e shoferëve në timon.

“Në muajin mars 2026 janë regjistruar 89 aksidente rrugore, në të cilat 117 persona kanë mbetur të aksidentuar (të vrarë dhe të plagosur). Gjatë periudhës janar-mars 2026, numri i aksidenteve rrugore është ulur me 6,3%, krahasuar me të njëjtën periudhë të një viti më parë.

Gjatë muajit mars 2026, 86,5% e aksidenteve rrugore kanë ndodhur si pasojë e sjelljes së drejtuesve të mjeteve”, thuhet në publikimin e INSTAT.

I njëjti vlerëson se të rinjtë janë edhe ata që mbajë peshën më të lartë në totalin e rasteve të aksidenteve të raportuara.

Konkretisht grupmosha 25-34 vjeç paraqet numrin më të lartë të aksidenteve, duke përbërë 32,6% të numrit total të aksidenteve të regjistruara në këtë periudhë.

INSTAT vlerëson se numri më i lartë i aksidenteve rrugore, sipas ditëve të javës, është shënuar ditën e enjte me 18,0%, ndërsa numri më i ulët është regjistruar ditën e dielë me 9,0%.

Ndërkohë numri më i lartë i aksidenteve rrugore është regjistruar përgjatë harkut kohor 17:00-19:00, duke përbërë 23,6% të numrit total të aksidenteve rrugore./MONITOR

The post Aksidentet rrugore u ulën me 6.3% në mars, sjellja e shoferëve shkaku kryesor appeared first on Albeu.com.

Mëngjesin e 21 marsit, një 20-vjeçar në Kukës dyshohet se humbi kontrollin mbi automjetin që drejtonte dhe për pasojë përplasi një 51-vjeçar që lëvizte me motor. Nga përplasja e fortë 51-vjeçari humbi jetën në spital.

Më 20 mars, dy vëllezër nga Borizana e Krujës, kushëriri i tyre dhe një shok humbën jetën në një aksident tragjik ne Fushë-Prezë.

Aksidenti ndodhi në segmentin kombëtar Vorë-Fushë Krujë, ku makina me të cilën udhëtonin 4 të rinjtë u përplas me një betoniere që kishte ndaluar në rrugë pa asnjë sinjal.

Si pasojë e përplasjes së fortë, ndikuar edhe nga impianti i gazit i instaluar në mjetin e të rinjve, makina e tyre shpërtheu në flakë dhe asnjëri prej tyre nuk arriti të dalë prej saj. Policia arrestoi drejtuesin e betonieres, 24-vjeçarin Aleksandër Krrashi, i cili nuk kishte patentë për mjete te renda, si dhe dy persona të tjerë që e ndihmuan të largohej nga vendi i ngjarjes.

Në të njëjtën ditë, dy aksidente të tjera u shënuan në Bulqizë dhe në Burrel.

Në aksin Burrel-Klos, një furgon pasagjerësh përplasi një fëmijë 4 vjeç që po kalonte rrugën, për të shkuar në banesën e tij.

Për shkak të gjendjes së rëndë 4-vjeçari u transportua me urgjencë drejt Spitalit të Traumës në Tiranë, por fatkeqësisht nuk mundi të mbijetojë.

Një tjetër aksident me pasojë humbjen e jetës së një personi u shënua në Bulqizë, ku 64-vjecari Sali Hoxha humbi drejtimin e mjetit, duke dalë jashtë rrugës dhe për pasojë përplasi për vdekje këmbësoren Hysnie Murra.

Më 18 mars, një 25-vjeçar që po qarkullonte me motor në aksin rrugor Shkodër-Velipojë u përplas nga një automjet, duke gjetur vdekjen e menjëhershme.

Aksidenti ndodhi në fshatin Bërdicë, teksa automjeti i drejtuar nga një 61-vjeçar ishte duke dalë nga një gomisteri drejt rrugës, ku dhe u përplas me motorin që drejtohej nga 25-vjeçari Xhevahir Maksuti.

Si pasojë e përplasjes së fortë i riu ndërroi jetë në vendngjarje, ndërsa shoferi 61-vjeçar mbeti i plagosur. Një ditë pas ngjarjes fatale, banorët e fshatit Bërdicë organizuan një protestë në vendin ku ndodhi aksidenti, duke kërkuar nga Autoriteti Rrugor Shqiptar dhe Bashkia Shkodër vendosjen e kufizuesve të shpejtësisë në vendin e quajtur “Harku i Bërdicës”, pasi automjetet qarkullojnë me shpejtësi të lartë, duke rrezikuar jetën e tyre.

Banorët e Bërdicës thanë se kërkesa e tyre është parashtruar edhe më parë në Bashkinë Shkodër, por nuk u mor asnjë masë nga ky institucion.

Pasditen e 16 marsit, në aksin rrugor “Pogradec-Qafë Thanë”, një automjet i drejtuar nga një 29-vjeçar përplasi për vdekje një këmbësor, i cili ndërroi jetë në vendngjarje.

Pasi përplasi këmbësorin 55-vjeçar, shoferi u largua nga vendngjarja, ndërsa u ndalua nga policia një ditë më pas. Mbeten ende të paqarta rrethanat e këtij aksidenti.

Po përgjatë kësaj jave, janë shënuar edhe aksidente të tjera, në Laç, Patok, Velipojë dhe Korçë, ku kanë mbetur të plagosur disa persona, përfshi drejtues mjetesh, çiklistë dhe këmbësorë.

Si shkaqe për këto aksidente, janë renditur shpejtësia tej normave të lejuara, daljet e befta në rrugë, parakalimet e gabuara, duke mënjanuar kështu mungesën e sinjalistikës rrugore, që në të pjesën më të madhe të këtyre rrugëve është e pjesshme. Pavarësisht bilancit tragjik, në këto rrugë nuk është ndërmarrë asnjë masë konkrete.

The post Bilanci/ Në një javë humbën jetën 9 persona në aksidentet rrugore appeared first on Albeu.com.

Referuar publikimit si 4-mujor, në total, numri i aksidenteve ishte 500 nga 332 që ishte në të njëjtën periudhë të një viti më parë.

“Në muajin prill 2024 numërohen 123 aksidente rrugore, nga të cilët 164 janë të aksidentuar (të vrarë dhe të plagosur). Gjatë 4-mujorit të parë 2024, vdekshmëria në aksidente rrugore është 10,8 për 100 aksidente, nga 17,8 që ishte në të njëjtën periudhë të një viti më parë”, thuhet në publikimin e INSTAT.

Pas një periudhe me ulje aksidentesh, e vënë re kryesisht gjatë vitit të shkuar, duket se tendenca këtë vit është në drejtim të kundërt, ku muaj pas muaji aksidentet rrugore kanë shënuar rritje.

Shkak kryesor për aksidentet sipas të dhënave vlerësohet se është sjellja e shoferëve në timon, ndërkohë që grupmosha më problematike vlerësohet se është ajo mes 25-34-vjeç.

“Aksidentet rrugore, në 84,6% të rasteve kanë ndodhur si pasojë e sjelljes së drejtuesit të mjetit. Numri më i lartë i aksidenteve, në këtë periudhë, është kryer nga grupmosha 25-34-vjeç, duke zënë 29,3% të numrit të aksidenteve gjithsej.

Në muajin prill 2024, numri më i lartë i aksidenteve rrugore ka ndodhur ditën e hënë me 23,5%, ndërsa numri më i ulët i aksidenteve ka ndodhur në ditën e shtunë, me 9,8 %.

Numri më i lartë i aksidenteve rrugore ka ndodhur gjatë harkut kohor 08:00-12:00, duke zënë 21,1% të numrit të aksidenteve rrugore gjithsej”, thuhet në njoftimin e INSTAT./Monitor

The post Aksidentet rrugore u rritën me 78% në prill, shkak kryesor sjellja e shoferëve appeared first on Albeu.com.

Në Nëntor 2023 numërohen 167 aksidente rrugore nga 92 të ndodhura në muajin Nëntor 2022.

Për muajin nëntor 2023, numri i aksidenteve rrugore është rritur me 81,5% krahasuar me nëntorin e vitit të kaluar.

“Aksidentet rrugore, në 88% të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 34,7% të numrit të aksidenteve gjithsej”, thuhet në njoftimin e INSTAT.

Sakaq përgjatë muajit Nëntor 2023, numri më i lartë i aksidenteve rrugore ka ndodhur ditën e Mërkurë me 19,8%, ndërsa numri më i ulët i aksidenteve ka ndodhur të ditën e Hënë me 8,9%.

Ndërsa numri më i lartë i aksidenteve rrugore ka ndodhur gjatë harkut kohor 08:00-12:00 duke zënë 22,8% të numrit të aksidenteve rrugore gjithsej.

Për periudhën janar-nëntor 2023 numërohen 1,128 aksidente rrugore, ndërkohë numri i të aksidentuarve është 1,531 persona.

Krahasuar me periudhën janar-nëntor 2022 numri i aksidenteve rrugore është rritur 6,4%.

Sipas INSTAT për 11 mujorin e këtij viti 12% e rasteve të aksidenteve rrugore kanë ndodhur si pasojë e sjelljes së këmbësorit.

Por krahasuar me 11 mujorin e vitit të kaluar shkaku i aksidenteve për shkak të këmbësorit është ulur 6,9%. Ndërsa aksidentet për shkak të sjelljes së drejtuesit të mjetit janë rritur 4,8%.

The post INSTAT raporton/ Aksidentet rrugore u rritën me 82% në nëntor, shkak kryesor sjellja e drejtuesve të mjeteve appeared first on Albeu.com.

Aksidenti i fundit tragjik u shënua mbrëmjen e djeshme te rrethrrotullimi i TEG-ut, ku tre persona humbën jetën dhe tre të tjerë u plagosën.

Më 1 mars 2023, dy makina u përplasën me njëra-tjetrën tek autostrada e TEG-ut. Nga aksidenti fatmirësisht u shënuan vetëm dëme materiale.

Më 1 mars 2023, rreth orës 10:16, një 60-vjeçar mbeti i plagosur pasi u përplas nga një makinë në Durrës. 60-vjeçari ishte duke kaluar rrugën në momentin e aksidentit.

Më 1 mars 2023, rreth orës 19:40, një makinë u përmbys në aksin Laç-Milot. Si pasojë mbetën të plagosur dy persona.

Më 1 mars 2023, rreth orës 21, një 40 vjeçare u përplas për vdekje në autostradën Tiranë-Durrës.

Më 1 mars 2023, rreth orës 21:03 minuta, dy makina u përplasën me njëra-tjetrën në Korçë. Nga aksidenti mbetën të plagosur dy persona.

Më 2 mars 2023, një 67-vjeçare mbeti e plagosur pasu u përplas nga makina tip “Fiat” në vijat e bardha në Lushnjë.

Më 3 mars 2023, një 53-vjeçar humbi jetën në Sarandë pasi kamioni u batua dhe e zuri poshtë.

Më 4 mars 2023,  në Gjoricë, të Bulqizës një mjet tip “Audi” u përplas me një mjet tip agregat. Dy drejtuesit e mjeteve mbetën të plagosur.

Më 5 mars 2023, tre automjete u përfshinë në një aksident në aksin Elbasan-Librazhd. Njëri prej drejtuesve mbeti i plagosur. Shkak dyshohet se ishte tentativa për parakalim të gabuar.

Më 5 mars 2023, një i mitur u përplas nga makina në zonën e Kënetës në Durrës. I mituri mbeti i plagosur dhe u dërgua menjëherë në spital.

Më 6 mars 2023, një mjet tip “Volkswagen” doli nga rruga në aksin “Zvezdë-Pojan” në Maliq. Si pasojë dy vëllezërit që udhëtonin me automjet mbetën të plagosur.

Më 6 mars 2023, një 69-vjeçar u përplas për vdekje nga një makinë në Korçë.

Më 6 mars 2023, një 70-vjeçar mbeti i plagosur pasi u përplas nga një makinë në aksin rrugor Thumanë-Borizanë.

Më 6 mars 2023, dy makina u përplasën me njëra-tjetër te “5 Maji” në Tiranë. Si pasojë e aksidentit mbetën të plagosur 5 persona.

Më 8 mars 2023, në vendin e quajtur “Katër rrugët e Shijakut”, makina përplasi për vdekje një 32 vjeçar i cili po lëvizte me biçikletë.

Më 9 mars 2023, “Audi” i drejtuar nga 20- vjeçari Klevis Ruçaj theu barrierat anësore të rrugës te rrethrrotullimi i TEG-ut dhe përfundoi mbi kofanon e një makine “Honda”. Si pasojë e aksidentit tragjik humbi jetën Ruçaj dhe dy vajzat pasagjere që ndodheshin në mjetin tip “Audi”. Tre personat që ndodheshin në mjetin tip “Honda” mbetën të plagosur.

Më 10 mars 2023, në afërsi të spitalit të Durrësit, betonieria përplasi për vdekje një këmbësor.

Më 10 mars 2023, një 30-vjeçare humbi jetën pasi makina e cila drejtonte doli nga rruga në vendin e quajtur Përroi i Rikaj, Kavajë./Albeu.com/

The post Deri kur do të vazhdojnë të vrasin aksidentet rrugore? Përgjaket marsi, 9 viktima dhe 21 të plagosur në 10 ditë appeared first on Albeu.com.

Lajmin e bëjnë të ditur mediat vendase, sipas të cilave dy automjete u përplasën me njëra-tjetrën rreth orës 14:30 në via Iseo, në Erbusco, Breshia.

Shqiptari ka qenë pasagjeri i njërës prej dy makinave të përfshira në aksident. Në vendngjarje kanë ndërhyrë tre autoambulanca por për të shpëtuar jetën e shqiptarit ishte tepër vonë.

Nga ana tjetër, personat e tjerë të përfshirë në aksident nuk kanë pësuar lëndime të rënda, por kanë nevojë për ndihmë mjekësore.

Policia po heton shkaqet dhe rrethanat e aksidentit tragjik./albeu.com/

The post Aksidenti tragjik i merr jetën shqiptarit në Itali appeared first on Albeu.com.

Një aksident i rëndë ka ndodhur në Fushë Milot.

Sipas burimeve, bëhet me dije se janë përfshire 4 automjete dhe deri me tani raportohet për një person te plagosur.

Gjithashtu mësohet se e plagosura është një vajzë nga fushë-Kruja.

Ngjarja ka ndodhur pak minuta më parë, ndërsa e plagosura është dërguar për mjekim në Spitalin Traumës në Tiranë.

Njoftimi i Policisë:

Kurbin / Informacion paraprak

Rreth orës 21:20, në Fushë Milot, shtetasi H.T., 39 vjeç, ka humbur kontrollin mbi drejtimin e mjetit të tij tip “Ford” me të cilin po lëvizte, duke u përplasur me trafikndarësen e rrugës.

Si pasojë e përplasjes me trafikndarësen, nga mjeti tip” Ford” janë shkëputur disa pjesë të tij, që kanë rënë mbi mjetin tip ” Audi” që po lëvizte në këtë aks rrugor, me drejtuese shtetasen K.D., e cila ka marrë dëmtime dhe është dërguar në spital.

Grupi hetimor vazhdon veprimet hetimore për zbardhjen e plotë të rrethanave të aksidentit./albeu.com/

The post Aksident në Fushë Milot, detajet e para (VIDEO) appeared first on Albeu.com.

Sipas burimeve nga mediat e huaja, bëhet me dije se aksidenti ndodhi pasi automjeti me të cilin po udhëtonin u përmbys dhe ra në një liqen në shtetin Uttar Pradesh të Indisë veriore, thanë autoritetet.

Aksidenti ka ndodhur mbrëmjen e së shtunës në qytetin Kanpur. Automjeti, i cili transportonte rreth 50 persona që ktheheshin nga një pelegrinazh në një tempull, doli nga rruga, në rrethana të paqarta, u përmbys dhe ra në liqen.

Kryeministri indian Narendra Modi shprehu dhimbjen e tij më të thellë. Në një postim në Twitter ai tha: “Mendimet e mia janë me të gjithë ata që kanë humbur të dashurit. Lutem për të lënduarit”, duke shtuar se autoritetet lokale janë mobilizuar për të ofruar të gjithë ndihmën e mundshme.

The post Aksident tragjik, autobusi bie në liqen në Indi, 26 të vdekur appeared first on Albeu.com.

Një zyrtar policie ka vdekur sot rreth orës 12:30 në një aksident në rrugën Mitrovicë–Zveçan.

Lajmin për Express e ka konfirmuar zëvendësdrejtori i Policisë së Kosovës për rajonin e Mitrovicës së Veriut, Besim Hoti.

Ai tha se viktima ka qenë me makinë zyrtare, por ka qenë jashtë detyrës në kohën që është aksidentuar.

The post Aksident i rëndë, humb jetën polici shqiptar appeared first on Albeu.com.