Së fundmi, në rrugën “Dritan Hoxha” ditën e djeshme një drejtues makine ka përplasur dy këmbësore. Pas ngjarjes policia e ka arrestuar.

Gjithashtu në pranga ka rënë dhe drejtusi i makinës që përplasi policen rrugore në Vorë, Arta Shurbi.

” G. R., 47 vjeç, dhe Ç. E., 38 vjeç, të dy banues në Tiranë, pasi u kapën duke drejtuar automjetet përkatëse në gjendje të dehur; S. B., 63 vjeç, banues në Fier, pasi duke drejtuar automjetin e tij, është përplasur me automjetin me drejtues shtetasin J. S., 29 vjeç. Si pasojë e përplasjes së mjeteve është dëmtuar punonjësja e Policisë, inspektore A. Sh., e cila ndodhet në spital, jashtë rrezikut për jetën; K. Gj., 32 vjeç, banues në Bulqizë, pasi në rrugën “Dritan Hoxha” duke drejtuar automjetin, ka aksidentuar shtetaset L. B., dhe V. Q., të cilat si pasojë janë dëmtuar dhe ndodhen në spital, nën kujdesin e mjekëve; B. F., 46 vjeçe, banuese në Tiranë, pasi në rrugën “Enriko Telini”, duke drejtuar automjetin, ka aksidentuar shtetasin K. P., 39 vjeç, i cili si pasojë është dëmtuar dhe ndodhet në spital, nën kujdesin e mjekëve”, njofton policia sot.

Sipas të dhënave të INSTAT,  në muajin qershor 2023 numërohen 101 aksidente rrugore nga 98 të ndodhura në muajin qershor 2022. Numri i aksidenteve rrugore është rritur me 3,1 %./albeu.com

The post Kujdes në rrugë, shtohen aksidentet! Makinat po marrin në qafë këmbësorët appeared first on Albeu.com.

Për gjithë vitin 2022, numërohen 1.165 aksidente rrugore nga 1.376 aksidente, të ndodhura në vitin 2021.

Shifrat zyrtare të aksidenteve rrugore të publikuara nga Instituti i Statistikave tregojnë se në muajin e fundit të vitit dhjetor 2022 numërohen 105 aksidente rrugore nga 119 të ndodhura në të njëjtën periudhë të një viti më parë. Numri i aksidenteve rrugore është ulur me 11,8%.

“Numri i të aksidentuarve është 1.599 persona nga 1.860 persona të aksidentuar në vitin 2021. thuhet në publikimin e INSTAT.

Duke u ndalur në analizimin e shifrave të dhjetorit INSTAT vlerëson se numri i të aksidentuarve (të vrarë dhe të plagosur) rezulton 120 persona nga 134 në muajin Dhjetor 2021 dhe në shumicën e rasteve shkak i këtyre aksidenteve kanë qenë drejtuesit e mjeteve. Sipas statistikave në 79,0% të rasteve, aksidentet rrugore kanë ndodhur si pasojë e sjelljes së drejtuesit të mjetit.

“Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 28,6% të numrit të aksidenteve gjithsej. Numri i aksidenteve rrugore për këtë grup-moshë është i njëjtë me numrin e aksidenteve rrugore në Dhjetor 2021”, vlerëson INSTAT.

Më të ndërgjegjësuar duket se kanë qenë këmbësorët në anën tjetër duke ulur numrin e rasteve kur shkak për aksidente janë bërë këta të fundit.

“Aksidentet rrugore, në 14,3% të rasteve, në vitin 2022 kanë ndodhur si pasojë e sjelljes së këmbësorit. Numri i aksidenteve sipas sjelljes së këmbësorit është ulur me 20,5%” nënvizon INSTAT./monitor

The post INSTAT: Aksidentet rrugore u ulën me 15.3% në vitin 2022 appeared first on Albeu.com.