Dy efektivët janë dërguar me urgjencë fillimisht drejt spitalit të Durrësit, ndërsa policia ka ndaluar drejtuesin e mjetit që shkaktoi aksidentin.

Mësohet se një prej policëve është jashtë rrezikut për jetën, kurse për tjetrin ende nuk dihet se si është gjendja e tij mirëpo është transportuar në Tiranë, te Trauma.

Kolegët e policëve kanë shkuar të gjithë në spital për të ndihmuar duke dhuruar gjak.

Njoftimi i policisë: 

Më datë 13.08.2021, rreth orës 12:10, në lagjen nr.4,  Durrës, një mjet me drejtues shtetasin Sh. K., është përplasur me patrullën e Forcës së Posaçme “Shqiponja” e cila ishte në shërbim. Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve.

Drejtuesi i automjetit po shoqërohet në ambientet e Policisë, për veprime të mëtejshme.

Grupi hetimor po punon për zbardhjen dhe përcaktimin e shkakut të aksidentit. /albeu.com/

The post I përplasi makina luksoze: Njëri nga efektivët e Shqiponjave dërgohet me ugjencë tek Trauma, kolegët japin gjak appeared first on Albeu.com.