Burimet zyrtare bëjnë me dije se një makinë ka përplasur patrullën e policisë duke plagosur rëndë dy efektivë të policisë.

Mësohet se të lënduarit janë dërguar me urgjencë drejt spitalit të Durrësit ndërsa autori është ndaluar nga policia.

Njoftimi i policisë: 

Më datë 13.08.2021, rreth orës 12:10, në lagjen nr.4,  Durrës, një mjet me drejtues shtetasin Sh. K., është përplasur me patrullën e Forcës së Posaçme “Shqiponja” e cila ishte në shërbim. Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve.

Drejtuesi i automjetit po shoqërohet në ambientet e Policisë, për veprime të mëtejshme.

Grupi hetimor po punon për zbardhjen dhe përcaktimin e shkakut të aksidentit. /albeu.com/

The post Aksident i frikshëm në Durrës! Mjeti merr përpara makinën e policisë, dy efektivë dërgohen me urgjencë në spital appeared first on Albeu.com.