aksident ne berat Archives - Albeu.com

“Tapë” në timon, shoferi i Benz-it përplas dy makinat e bankës në qendër të Beratit

Erv Isa — Mon, 12 Jun 2023 14:06:01 +0000

Një aksident rrugor është regjistruar pasditen e kësaj të hëne në qendër të qytetit të Beratit.

Një makinë tip Benz është përplasur në kryqëzimin e rrugës me dy mjete të një filiali banke, njëra prej tyre me vlera monetare.

Mësohet se shoferi i Benzik ka qenë nën efektin e alkoolit.

Pas përplasjes së fuqishme që ka shkaktuar panik tek kalimtarët, shoferi i dehur në timon është larguar me shpejtësi nga vendngjarja por është kapur disa metra më poshtë nga patrullat e policisë.

Nga aksidenti fatmirësisht nuk pati pasoja në njerëz edhe pse të dyja anët e rrugës ishin me kalimtarë të shumtë./albeu.com/

The post “Tapë” në timon, shoferi i Benz-it përplas dy makinat e bankës në qendër të Beratit appeared first on Albeu.com.

Aksident në Berat, makina përplas biçikletën, 40-vjeçari përfundon në spital

Erv Isa — Tue, 24 Jan 2023 08:35:19 +0000

Foto ilustruese

Një 40-vjeçar ka përfunduar në spitalin e Beratit këtë mëngjes, pasi është përplasur nga një makinë.

Uniformat blu bëjnë me dije se 40-vjeçari ishte duke lëvizuar me biçikletë në momentin që u përplas nga makina.

Mësohet se shoferi i mjetit është shoqëruar në polici, ndërsa autoritetet po punojnë për zbardhjen e plotë të rrethanave të aksidentit.

Njoftimi i Policisë:

Rreth orës 08:10, në rrugën urbane “Antipatrea”, në lagjen “Çlirim”, shtetasi D. D., 51 vjeç, duke drejtuar automjetin, ka aksidentuar shtetasin Xh. B., 40 vjeç, i cili lëvizte me biçikletë. Si pasojë është dëmtuar shtetasi Xh. B., i cili u dërgua në Spitalin Rajonal Berat, për ndihmë mjekësore. Drejtuesi i automjetit, shtetasi D. D., u shoqërua në Komisariat, për kryerjen e veprimeve procedurale. Grupi hetimor po punon për zbardhjen e rrethanave të aksidentit.

/albeu.com/

The post Aksident në Berat, makina përplas biçikletën, 40-vjeçari përfundon në spital appeared first on Albeu.com.

Makinat me shpejtësi skëterrë në Berat, përplasen kokë më kokë, lëndohen drejtuesit

E B — Wed, 27 Jul 2022 19:28:10 +0000

Një aksident është regjistruar mbrëmjen e sotme në lagjen “Dëshmorët e Kombit”, pranë shkollës Kristaq Capo në Berat.

Siç edhe duket edhe nga fotot e aksidentit, dy mjetet, njëri tip “Benz” dhe tjetri tip “Audi” janë përplasur me njëri-tjetrin në rrugë.

Dy mjetet kanë pësuar dëme të mëdha materiale, ndërkohë që si pasojë e aksidentit janë lënduar lehtë dy drejtuesit e mjeteve.

Ata janë dërguar për mjekim në Spitalin Rajonal të Beratit dhe janë jashtë rreziku për jetën.

Në vendngjarje kanë shkuar efektivë të policisë rrugore, që po punojnë për zbardhjen e shkaqeve dhe dinamikës së aksidentit.

Paraprakisht mendohet se shkak për këtë aksident është bërë shpejtësia. Sipas burimeve në vendngjarje, dy të rinjtë ishin duke qarkulluar me shpejtësi dhe kanë humbur kontrollin e mjeteve.

The post Makinat me shpejtësi skëterrë në Berat, përplasen kokë më kokë, lëndohen drejtuesit appeared first on Albeu.com.

Aksidenti i rëndë në Berat, minoreni i merr makinën xhaxhait dhe përplas gruan te vijat e bardha

E S — Fri, 08 Jul 2022 10:44:41 +0000

Një aksident i rëndë ka ndodhur në dalje të qytetit të Beratit.

Një minoren që ishte në drejtimin e makinës me targa gjermane, ka përplasur në vijat e bardha një grua që po kalonte rrugën duke e hedhur disa metra tutje.

Pasi ka përplasur gruan, minoreni ka përplasur prapa edhe një mjet tip Volsëagen që po udhëtonte para tij në të njëjtin korsi.

E plagosura, që mësohet se është rreth 65 vjeçe, është banore e lagjes “Çelepias” dhe po kalonte rrugën për të ikur në shtëpi, me qeset e ushqimeve në dorë. Siç duket edhe nga pamjet filmike, ushqimet e të plagosurës janë shpërndarë në të gjithë rrugën. Gruaja është transportuar drejt Spitalit Rajonal Berat, në gjendje të rëndë, ndërkohë që në vendngjarje kanë shkuar forca të shumta policie, për këqyrjen e vendit të ngjarjes.

Burimet policore në vendngjarje konfirmojnë se minoren Buran Osoja ishte duke qarkulluar me shpejtësi në momentin që ka përplasur gruan në vijat e bardha. Të njëjtat burime konfirmojnë Osoja ja kishte marrë çelësat e makinën fshehurazi xhaxhait që ishte kthyer nga Gjermania, për të shëtitur në qytet./albeu.com

The post Aksidenti i rëndë në Berat, minoreni i merr makinën xhaxhait dhe përplas gruan te vijat e bardha appeared first on Albeu.com.

EMRI/ Makina del nga rruga dhe përmbyset, shoferi humb njërin krah në vend

E S — Wed, 06 Jul 2022 19:59:12 +0000

Një aksident i rëndë ka ndodhur gjatë ditës së sotme në fshatin Hinkë në Dimal, pasi një mjet ka humbur kontrollin dhe ka dalë nga rruga duke u përmbysur.

Drejtuesi i mjetit tip Opel Astra me targa AB918 GU, Krenar Cjapi 45 vjeç si pasojë e aksidentit mësohet se ka humbur njërin krah në vend.

Cjapi pas aksidentit është dërguar menjëherë dret Spitalit Rajonal të Beratit, ku ndodhet jashtë rrezikut për jetën.

Sipas policisë, aksidenti është shkaktuar si pasojë e humbjes së kontrollit të mjetit, për shkak të shpejtësisë./albeu.com

The post EMRI/ Makina del nga rruga dhe përmbyset, shoferi humb njërin krah në vend appeared first on Albeu.com.

Nënë e bir ndërruan jetë tragjikisht në Berat, policia: “Manovrimet dhe humbja e kontrollit, tipike për shoferët e rinj”

E S — Wed, 29 Jun 2022 10:49:20 +0000

Pas këqyrjes së vendit të ngjarjes dhe këqyrjes së kamerave të sigurisë të bizneseve përreth vendit të ngjarjes, Policia e Beratit ka zyrtarizuar tashmë edhe shkaqet e dinamikën e aksidentit.

25-vjeçarja Klaudia Xhaferraj dhe djali i saj 6-vjeç, Samueli përfunduan në lumin Osum, pasi mjeti që nëna drejtonte humbi kontrollin. Sipas Sektorit të Policisë Rrugore në Drejtorinë Vendore të Policisë Berat, shkak për aksidentin tragjik është bërë “humbja e kontrollit të mjetit nga ana e drejtueses”. Lajmi është bërë i ditur nga Specialisti i qarkullimit rrugor në DVP Berat dhe Oficeri i Policisë Gjyqësore, inxhinieri Lorenc Tanushi.

Tanushi ka pohuar se humbja e kontrollit të mjetit është shoqëruar edhe me mungesën e përvojës, pasi 25-vjeçarja kishte pak javë që kishte marrë patentën dhe ishte një drejtuese e re në timon. “Nga studimi i të gjitha kamerave të sigurisë është vërejtur manovrimi majtas-djathtas, një karakteristikë kjo e drejtuesve të rinj, të pajisur me leje drejtimi. Aksi Ura e Goricës-Ura e Varur është një aks problematik dhe me risk pasi ka shumë fluks mjetesh, si pjesë kryesore e segmentit rrugor nacional Lushnje-Skrapar”, -ka thënë Tanushi.

Ai ka konfirmuar se në këtë aks rrugor, që nga policia është cilësuar si aks me risk të lartë, Policia Rrugore ka përqendruar shërbimet e saj policore çdo ditë me tre turne dhe ky segment është monitoruar prej tyre në mënyrë të vazhdueshme. Specialisti i qarkullimit rrugor në DVP Berat, Lorenc Tanushi ka theksuar se përveç aksit Ura e Goricës-Ura e Varur, akse të tjera që njihen si akse problematike e me risk dhe ku janë regjistruar aksidentet më të shumta janë: Dimal-Berat në zonën e Moravës dhe zona e Poshnjes. Sipas Tanushit, pas rikonstruksionit që iu është bërë këtyre dy rrugëve, drejtuesit e mjeteve e kanë shtuar shpejtësinë e qarkullimit në to. Pikërisht për këto probleme të konstatuara-ka thënë Tanushi, -është kërkuar pajisja me radar dhe mjete inteligjente./albeu.com

The post Nënë e bir ndërruan jetë tragjikisht në Berat, policia: “Manovrimet dhe humbja e kontrollit, tipike për shoferët e rinj” appeared first on Albeu.com.