Viktima është identifikuar paraprakisht si Mikail Kastlli, 31-vjeç, banues në Gostima. Për shkaqe që ende nuk janë sqaruar, ai dyshohet se humbi kontrollin e motomjetit, doli nga rruga dhe goditi barrierat mbrojtëse.

Nga përplasja e fortë, 31-vjeçari pësoi dëmtime të rënda trupore. Edhe pse ekipet e urgjencës ndërhynë, ai nuk arriti t’u mbijetonte plagëve dhe ndërroi jetë në vendngjarje.

Të dhënat paraprake ngrenë dyshime se shpejtësia mund të ketë ndikuar në humbjen e kontrollit të motomjetit, ndërsa shkaku i saktë do të përcaktohet pas përfundimit të hetimeve.

Sipas informacionit paraprak për ngjarjen, më 04.09.2026, rreth orës 23:30, në aksin “Cërrik-Elbasan”, shtetasi M. K., 31- vjeç, dyshohet se humbi kontrollin e drejtimit dhe motomjeti u përplas me barrierën anësore të rrugës. Si pasojë, ai humbi jetën në vendin e aksidentit.

Në zonë mbërritën shërbimet e Policisë dhe ekipet e emergjencës. Grupi hetimor, nën drejtimin e Prokurorisë, po kryen veprimet për rindërtimin e dinamikës, përcaktimin e shkakut dhe dokumentimin ligjor të rastit.

Materialet procedurale pritet t’i referohen Prokurorisë për veprime të mëtejshme, ndërkohë që hetimet vazhdojnë për zbardhjen e plotë të rrethanave të aksidentit.

The post EMRI/ Aksidenti tragjik në aksin Elbasan-Cërrik, ndërron jetë 31-vjeçari appeared first on Albeu.com.

Ende nuk është përcaktuar nëse automjetet janë përplasur me njëra-tjetrën apo janë goditur nga trajleri.

Një e re, e cila drejtonte njërën prej makinave, ka marrë dëmtime të konsiderueshme. Ambulanca e ka transportuar me urgjencë drejt Spitalit të Lushnjes.

Automjeti i saj është përplasur me një shtyllë të tensionit të mesëm, ndërsa makina tjetër, e tipit Audi, ka pësuar dëme materiale.

Pas mbërritjes në vendngjarje, policia ka nisur veprimet për sqarimin e rrethanave të aksidentit. Njëkohësisht, po kërkohet trajleri, i cili është larguar pasi shkaktoi përplasjen.

Priten të dhëna të tjera për të përcaktuar dinamikën e plotë të ngjarjes në këtë rrugë nacionale mjaft të frekuentuar, e cila lidh zonën e Kuçovës me Lushnjen.

The post Makina e tonazhit të rëndë shkakton aksidentin dhe largohet, përplasen dy makina! Një prej shofereve përfundon në spital appeared first on Albeu.com.

Sipas të dhënave paraprake, një autoveturë tip “Benz”, që udhëtonte nga Rinasi në drejtim të Fushë-Krujës, e drejtuar nga një qytetar nga Korça, ka kryer një parakalim të gabuar, duke u përplasur kokë më kokë me një “Land Rover”, i cili lëvizte nga veriu në drejtim të jugut.

Si pasojë e aksidentit, janë plagosur rëndë dy drejtuesit e mjeteve.

Njëri prej tyre dyshohet se ka humbur jetën gjatë rrugës për në Spitalin e Traumës, ndërsa personi tjetër është plagosur rëndë dhe po dërgohet gjithashtu tek Trauma.

The post Aksident i rëndë në aksin Vorë-Fushë-Krujë, dyshohet se një person ka humbur jetën appeared first on Albeu.com.

Monitor e përshkroi këtë itinerar ditën e premte, më 21 gusht, ku konstatoi se problematika me trafikun nis që në fshatin Shijon, në krah të autostradës së Elbasanit.

Konkretisht në orën 16:40, nga fshati Shijon deri te rrethrrotullimi i Bradasheshit u desh gjysëm ore, ndërsa udhëtimi vijoi me trafik të rënduar edhe në pjesën tjetër të aksit.

Në kushte normale trafiku, 3 km nga zona e Shijonit deri te rreth-rrotullimi i Bradasheshit në Elbasan do të përshkoheshin afërsisht për 4–5 minuta me makinë. Për shkak të trafikut, koha e udhëtimit ishte rreth 6–7 herë më e gjatë se normalisht.

Gjithashtu, për të mbërritur deri tek Unaza e qytetit, në hyrje të saj, nevojiteshin edhe rreth 15 minuta të tjera, por për shkak të trafikut të rënduar.

Por stresi i trafikut që përjetojnë udhëtarët nga Tiranë, po reflektohet me uljen e frekuentimit të tyre për qytetet juglindore.

Në qytetin e Pogradecit, teksa bizneset pohuan se kërkesa e të huajve për akomodim, restorante dhe aktivitete turistike është në rritje, veçanërisht nga turistët nga Franca dhe SHBA, bizneset vendase raportojnë një tjetër tendencë.

Vizitorët nga Tirana dhe Elbasani po shfaqen më pak në Pogradec krahasuar me 2-3 vitet e mëparshme, ku bizneset e lidhin këtë rënie edhe me trafikun e rënduar në aksin Tiranë-Elbasan.

Përfaqësues të vilës “Bimbli” në Pogradec që ndër vite pushuesit kryesorë për dhoma hoteli i ka vendas, pohon se numri i kryeqytetasve është në rënie.

“Ka ende pushues që vijnë nga Tirana, por numri i tyre nuk është si vitet e mëparshme ka një rënie të tyre, kjo veçanërisht gjatë muajit korrik. Gjatë muajit ka një përmirësim të situatës, por jo si në vitet e kaluara. Një nga arsyet mund të jetë edhe trafiku i rënduar në autostradën Tiranë -Elbasan”, pohojnë ata.

Rënia e pushuesve nga Tirana, konstatohet edhe nga drejtuesit e bizneseve të vogla për aktivitete sportive në liqen.

Gjergji që disponon disa varka për vozitje në liqen, pohon se tashmë u bënë 2 vite që numri i pushuesve nga Tirana dhe Elbasani është në rënie në Pogradec. Sipas tij, shkaku kryesor është trafiku i rënduar në autostradën e Elbasanit.

Sipas Gjergjit, numri i turistëve vendas kryesohen nga qytetarët nga Maliqi, Përrenjasi dhe Korça.

Alternativat për shmangien e trafikut

Por tashmë trafiku i rënduar me radhë të gjata kilometrike në autostradën Tiranë -Elbasan, veçanërisht në fundjave nga dita e premte deri të dielën në darkë është tashmë një problem që prej muajsh haset nga qytetarët.

Situata paraqitet e ngjashme edhe gjatë kthimit në fundjavë pavarësisht forcave të shumta të policisë rrugore që gjenden afër rrethrrotullimit të Bradasheshit për të normalizuar situatën. Situata me trafik të rënduar, është edhe nëse udhëton në orët 22:00 apo 22:30 të mbrëmjes ditë të diele.

Kjo problematika është kthyer në torturë për shumë drejtues mjetesh, edhe për ata që kthehen nga qytetet bregdetare të Jugut drejt Tiranës, që për të evituar trafikun e rënduar zgjedhin të hyjnë në kryeqytet përmes Rrogozhinës, por përfundojnë “nga shiu në breshër”, pasi rrethrrotullimi i Bradasheshit bëhet i papërshkrueshëm.

Të tjerë qytetarë pohojnë se kanë gjetur si zgjidhje alternativë kalimin nga rruga e vjetër e Qafë Kërrabës, për rastet kur trafiku nis të rëndohet që në autostradë, por edhe kjo zgjidhje nuk sugjerohet si shumë e përshtatshme prej tyre, pasi për të hyrë në qytetin e Elbasanit sërish do përballesh me trafik deri në përfundimin e unazës së qytetit.

Bypassi i Elbasanit, një zgjidhje e domosdoshme

Problematika me trafikun në këtë aks që përveç fluksit të lartë të udhëtarëve në fundjave, shtuar dhe ngarkesës së lëvizjes që krijojnë punimet për autostradën e re Elbasan-Qafë Thanë, sipas ekspertëve ka sjellë nevojën për ndërtimin e Bypassit të Elbasanit, i cili është i domosdoshëm që të lehtësojë trafikun e rënduar në një nga korridoret më të rëndësishme të lëvizjes kombëtare./Monitor.al

The post Trafiku kthehet në “torturë” në Tiranë-Elbasan, 3 km për 30 minuta/ Bllokimi po ul edhe pushuesit në Pogradec appeared first on Albeu.com.

Të gjithë janë transportuar për ndihmë mjekësore dhe, sipas informacioneve paraprake, ndodhen jashtë rrezikut për jetën.

Të lënduarit janë nisur drejt Spitalit të Traumës në Tiranë për trajtim të mëtejshëm.

Ndërkohë, policia ka nisur hetimet për zbardhjen e rrethanave dhe shkaqeve të aksidentit.

The post Aksident në aksin Shëngjin-Lezhë/ Plagosen 4 persona, mes tyre edhe dy fëmijë appeared first on Albeu.com.

Nga dëmtimi i kanalit, uji ka dalë jashtë shtratit, duke marrë me vete edhe sasi dheu e materialesh nga kodrat përreth.

Uji dhe dheu kanë përfunduar në rrugë, duke vështirësuar dhe më pas bllokuar qarkullimin e automjeteve në këtë segment.

Situata ka krijuar probleme të konsiderueshme për drejtuesit e mjeteve që lëvizin në aksin Elbasan–Cërrik, ndërsa qarkullimi vijon të jetë i ndërprerë në zonën e prekur.

Ende nuk dihet nëse shembja e kanalit është shkaktuar nga amortizimi i strukturës apo nga faktorë të tjerë.

The post FOTOT/ Aksi Elbasan-Cërrik prej tre orësh i bllokuar, shkak shembja e një kanali të madh vaditës appeared first on Albeu.com.

Nga aksidenti janë dëmtuar drejtuesi i automjetit dhe një pasagjer, të cilët janë në kujdesin e mjekëve dhe jashtë rrezikut për jetën.

Grupi hetimor po punon për sqarimin e rrethanave të aksidentit.

The post Aksident në aksin Milot-Rrëshen/ Makina del nga rruga, plagosen dy persona appeared first on Albeu.com.

Nga të dhënat e para, ende nuk ka informacion të konfirmuar për persona të lënduar.

Në vendngjarje kanë mbërritur shërbimet përkatëse, ndërsa pritet që të zbardhen rrethanat dhe dinamika e aksidentit. Autoritetet kanë nisur veprimet për përcaktimin e shkaqeve të përplasjes.

The post Aksident në aksin Elbasan-Peqin, kamionçina përplaset me autobusin appeared first on Albeu.com.

Si pasojë e përplasjes së fortë, automjeti ka pësuar dëme të mëdha materiale. Drejtuesi i mjetit ka marrë lëndime të lehta dhe është transportuar me urgjencë drejt spitalit të Lushnjes për të marrë ndihmën e nevojshme mjekësore, ku fatmirësisht ndodhet jashtë rrezikut për jetën.

Në vendngjarje kanë mbërritur menjëherë efektivët e Policisë Rrugore, të cilët kanë nisur punën për dokumentimin e ngjarjes dhe zbardhjen e plotë të rrethanave se si ka ndodhur aksidenti.

Paraprakisht dyshohet se shkaku kryesor i daljes nga rruga ka qenë një manovër e gabuar e vetë drejtuesit të mjetit. Fatmirësisht nga ky incident nuk ka pasur pasoja për përdoruesit e tjerë të rrugës, ndërsa pritet ekspertiza shkencore e policisë për të përcaktuar me precizion shkaqet përfundimtare të aksidentit.

The post Aksident në aksin Fier-Lushnje/ Makina del nga rruga dhe përfundon në nënkalim, plagoset drejtuesi appeared first on Albeu.com.

Sipas informacioneve paraprake, një automjet fuoristradë ka përplasur një motor, duke lënë të plagosur rëndë drejtuesin e mjetit me dy rrota.

I plagosuri, i identifikuar si A. Uka, është transportuar në gjendje të rëndë drejt spitalit të Bajram Currit, ndërsa për shkak të gjendjes është ndërhyrë për transport me helikopter drejt Spitalit të Traumës në Tiranë.

Policia ndodhet në vendngjarje dhe ka nisur hetimet për zbardhjen e shkaqeve të aksidentit.

The post Aksident i rëndë në aksin Fushë Arrëz–Bajram Curri/ Plagoset rëndë drejtuesi i motorit, dërgohet me urgjencë drejt Spitalit të Traumës appeared first on Albeu.com.