Gjatë një diskutimi në Komisionin e Ligjeve, deputetja demokrate Dhurata Çupi iu drejtua me pyetje Ministres së Financave në lidhje me tarifën që pritet të ketë Rruga e Arbërit për të gjithë qytetarët.

Sipas Çupit ekzistojnë të dhëna të cilat thonë se tarifa për të lëvizur në këtë rrugë do të jetë 4 Euro dhe 8 Euro vajtje ardhje, Tiranë-Dibër.

Nga ana tjetër ministrja e Financave nuk e mohoi se do të ketë një taksë mbi këtë rrugë por nuk cilësoi shumën duke deklaruar se do të ketë një pagesë standard për koncesionarin.

Dhurata Çupi: Kryeministri deklaroi se “Rruga e Arbrit” inaugurohet brenda vitit 2021, por ka të dhëna se do të vendoset një tarifë 4 euro për 1 kalim për dibranët dhe qytetarët që do të kalojnë në “Rrugën e Arbrit”.

Qytetari do të paguajë 4 euro të vijë në Tiranë dhe 4 euro të shkojë në Dibër, ndërkohë që flasim për qarkun më të varfër të Shqipërisë. Është parashikuar në buxhetin 2022 kjo taksë që u vendoset dibranëve?

Delina Ibrahimaj: Për këtë kërkesë nuk ka asnjë parashikim buxhetor aktualisht. Ky është një koncesion PPP, kemi parashikuar pagesën e këtij koncesioni në bazë të dokumentacionit që kemi aktualisht në dispozicion dhe kontratës konçesionare.

Dhurata Çupi: Kontrata konçesionare parashikon tarifën 4 euro?

Delina Ibrahimaj: Unë e ktheva përgjigjen time. /albeu.com/

The post 8 euro taksë vajtje-ardhje në Rrugën Arbërit? Ministrja e Ramës vihet në siklet po nuk e mohon appeared first on Albeu.com.

Autoriteti Rrugor Shqiptar bën me dije se automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”.

Ndryshime në qarkullim nuk do të ketë për 2 javë për automjetet që do të kenë destinacion Yzberishtin, Bulevardin “Migjeni” dhe “Kombinatin”.

NJOFTIM

Hapet për qarkullimin e mjeteve aksi kryesor nga Ura e Lanës deri te Pallati me Shigjeta Duke filluar nga orët e para të mëngjesit të datës 26.09.2021 automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”.

Për automjetet që do të kenë destinacion Yzberishtin, Bulevardin “Migjeni”, “Kombinatin” për një periudhë 2-javore nuk do të kenë ndryshime në qarkullim, pas kësaj periudhe, do të kanalizohen në rrugën e re paralele të krahut të djathtë.

Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti. /albeu.com/

The post ARRSH jep lajmin e rëndësishëm: Hapet për qarkullim aksi nga Ura e Lanës deri te Pallati me Shigjeta! appeared first on Albeu.com.