Lajmi u bë i ditur nga presidentja e Komisionit Evropian, Ursula von der Leyen, gjatë fjalës së saj në Asamblenë e Përgjithshme të Kombeve të Bashkuara në Nju Jork.

“Konfliktet, fenomenet ekstreme të motit dhe rritja e kostos së jetesës po përmbysin jetën e shumë njerëzve në mbarë botën”, deklaroi von der Leyen.

Sipas saj, përmes kësaj ndihme do të mbështeten komunitetet e zhvendosura në të gjithë Afrikën, si dhe komunitetet që i kanë strehuar ato.

Në Afrikën Subsahariane, BE-ja do të investojë rreth 380 milionë euro për financimin e programeve që lidhen me migracionin.

Sipas Komisionit Evropian, këto programe do të fokusohen në mbrojtjen e migrantëve vulnerabël, mbështetjen e kthimit vullnetar dhe riintegrimin e tyre.

Paketa e ndihmës,përfshin gjithashtu 252 milionë euro për mbështetje urgjente për individë dhe komunitete të prekura nga konfliktet, zhvendosjet, epidemitë dhe fatkeqësitë natyrore.

Nga kjo shumë, 97 milionë euro do të shkojnë për popullsinë në Afrikën Subsahariane, 103 milionë euro për territoret palestineze dhe Libanin, ndërsa 52 milionë euro do të akordohen për Ukrainën, me synimin për të ndihmuar përgatitjet për dimrin e ardhshëm.

The post BE-ja akordon 710 milionë euro për njerëzit e prekur nga krizat dhe fatkeqësitë natyrore appeared first on Albeu.com.