Akord Archives - Albeu.com

Jurgen Klopp pranë stolit të Gjermanisë, mbyllet marrëveshja me Federatën

admin — Sun, 05 Jul 2026 10:26:21 +0000

Jurgen Klopp do të marrë drejtimin e Gjermanisë, pasi marrëveshja mes Federatës gjermane të Futbollit dhe 59-vjeçarit është finalizuar plotësisht. Trajneri ka vendosur të japë pëlqimin për ofertën e bërë nga drejtuesit dhe shumë shpejt pritet të largohet nga posti që mban aktualisht te grupi Red Bull.

Klopp do të firmosë një kontratë afatgjatë, megjithëse nuk janë bërë publike detaje më konkrete mbi kushtet e saj.

Për ish-trajnerin e Liverpool dhe Borussia Dortmund, kjo do të jetë nisja e një etape të re, këtë herë në stolin e Kombëtares, një synim që Jurgen Klopp e ka pasur prej kohësh.

https://x.com/FabrizioRomano/status/2073704689523458076

The post Jurgen Klopp pranë stolit të Gjermanisë, mbyllet marrëveshja me Federatën appeared first on Albeu.com.

Ka arritur akord, ku do ta vazhdojë karrierën Rudiger?

E S — Sun, 26 Dec 2021 22:05:52 +0000

Antonio Rudiger edhe pse është një nga elementët më të rëndësishëm të mbrojtjes së Chelsea-t nuk do të rinovojë kontratën e tij me Blutë e Londrës që i skadon verën e ardhshme dhe tashmë lamtumira e tij duket e pashmangshme.

Në garë për gjermanin janë edhe Milani e Juventusi por shanset që Rudiger të rikthehet në Serie A janë pothuajse të papërfillshme sepse duke iu referuar raportimeve të mediave angleze, Rudiger ka arritur një para-akord me Realin e Madridit dhe sëfundmi bisedimet kanë avancuar shumë.

Në përfundim të merkatos së dimrit Rudiger do të hedhë edhe të zezën mbi të bardhë dhe nga vera e ardhshme do të jetë pjesë e Los Blancos, për të nisur aventurën e tij spanjolle.

The post Ka arritur akord, ku do ta vazhdojë karrierën Rudiger? appeared first on Albeu.com.

Sarri merr vendimin befasues, arrin akordin me gjigandin turk

E S — Sun, 28 Mar 2021 10:15:24 +0000

Mauricio Sarri po përgatit rikthimin e tij në stol, teksa është i papunë prej verës së kaluar kur mbylli angazhimin njëvjeçar me Juventusin. Për Sarrin ka pasur shumë interesime nga klube të Serisë A si Fiorentina, Roma apo edhe Napoli. Por, nga Turqia e bëjnë të sigurt se italiani në sezonin e ardhshëm do të jetë pjesë e Superligës.

Mesa duket Sarri ka pasur një takim me presidentin e Fenerbahce, Ali Koc teksa kanë gjetur gjuhën e përbashkët. Kështu, nëse ish-klubi i Vedat Muriqit kualifikohet në Champions League, aktualisht është dy pikë larg kësa zone në kampionat, atëherë drejtimin do ta marrë Sarri. Drejtuesit turq kërkojnë t’i japin ekipit në dispozicion një trajner të njohur dhe duket se Sarri përmbush kriteret e tyre.

Tashmë, Fenerbahçes i duhet të përqëndrohet të arrijë në pozicione sa më të larta në klasifikim, në mënyrë që sezonin e ardhshëm të kërkojë më shumë protagonizëm me ish-trajnerin e Napolit, Chelsea e Juventus.

The post Sarri merr vendimin befasues, arrin akordin me gjigandin turk appeared first on Albeu.com.