Një makinë tip Benz, prodhim i vitit 2022 drejtohej nga 18-vjeçari Brijan Hoxha, i cili po udhëtonte në rrugën dytësore Plepa-Kavajë.

Makina që mbledh mbeturinat e ndërmarrjes së bashkisë Durrës, kishte ndaluar për të zbrazur kazanët e mbeturinave.

18-vjeçari ka humbur kontrollin e mjetit dhe ka marrë përpara punëtorin e pastrimit, Bardhyl Beqiri duke i shkaktuar vdekjen.

Më pas makina ka devijuar trajektoren dhe ka përfunduar në garazhin e një hoteli.

18-vjeçari udhëtonte së bashku me dy 20-vjeçare.

Të tre ndodhen në spital jashtë rrezikut për jetën.

Njoftimi i policisë:

Durrës/Informacion paraprak

Në orët e para të mëngjesit, në vëndin e quajtur “Shkëmbi i Kavajës”, shtetasi B. H., 18 vjeç, ka humbur kontrollin mbi drejtimin e automjetit, dhe për pasojë automjeti është përplasur me ambientet e jashtme të një hoteli.

Si pasojë e përplasjes, ka humbur jetën shtetasi B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar.

Gjithashtu, nga përplasja janë dëmtuar shtetaset F. D., 20 vjeçe dhe L. P., 20 vjeçe, pasagjere në këtë automjet, të cilat ndodhen nën kujdesin e mjekëve.

Drejtuesi i automjetit, shtetasi B. H. është shoqëruar në Komisariatin e Policisë, për veprime të mëtejshme.

Grupi hetimor vijon punën për sqarimin e rrethanave të aksidentit.

The post EMRAT/ “Në vendin dhe momentin e gabuar”, ja kush është punëtori që u përplas për vdekje nga 18-vjeçari me “Benz” luksoz appeared first on Albeu.com.

Policia njofton se ka ndërruar jetë drejtuesja e një mjeti tip Benz, Xh. M., 19 vjeçe, banuese në Tiranë. Grupi hetimor ndodhet në vendngjarje dhe po punon për zbardhjen e plotë të kësaj ngjarje.

“Sot rreth orës 22:35, në bypass_in e Fierit, në fshatin Pojan ka dalë nga rruga automjeti tip “Benz” me drejtuese shtetasen Xh. M., 19 vjeçe, banuese në Tiranë.

Për pasojë është dëmtuar pasagjeri në automjet, shtetasi S. Xh., 21 vjeç, i cili ndodhet në spitalin e Fierit nën kujdesin e mjekëve dhe ka ndërruar jetë rrugës për në spital shtetasja Xh. M.

Grupi hetimor ndodhet në vendngjarje dhe po punon për zbardhjen e plotë të kësaj ngjarje”, njofton policia.

The post Akisident i rëndë në Fier, humbet jetën 19-vjeçarja appeared first on Albeu.com.